💻 Tekinga Android dasturlashni o‘rganing!

Assalomu alaykum, men Sanjar Suvonov Android dasturlash sohasida bir necha yil tajribaga ega dasturchiman.

‼️Hozirda ko‘pchilik insonlar IT'ni o‘rganish uchun o‘quv kurslariga, akademiyalarga katta to‘lov evaziga kasb o‘rganmoqdalar.

Sharoiti og‘ir va moddiy tomonlama imkoni bo‘lmagan insonlarda esa o‘rganish imkoniyati bo‘lmaydi 😔

Shu sababdan men o‘zimning YouTube-kanalimda Android dasturlashdagi bilimlarimni video-darslik ko‘rinishida ulashishga qaror qildim 🎉

🎞Videodarsliklarni ko‘rib siz bemalol Android'da mobil dasturlar yarata olasiz. Yaxshisi o‘zingiz YouTube-kanalimga kirib xolisona baho bering.

Videodarslar ma’qul kelsa, boshqalarga ham tavsiya qiling. Bu darslar barchamiz uchun manfaatli bo‘lsin 🤲

🔗 Link: https://www.youtube.com/@SanjarSuvonov

#word #excel #security

🔏👀 Word va Excel'da himoyalangan ko‘rish (Защищенный просмотр)ni o‘chirib qo‘yish

Microsoft Word va Excel'larda hujjat yoki jadval fayllarini ochishda “Защищенный просмотр” bildirishnomasiga, unga qo‘shimcha ravishda esa: “Будьте осторожны: файлы из Интернета могут содержать вирусы. Если вам не нужно изменять этот документ, лучше работать с ним в режиме защищенного просмотра” yoki “Изменение файлов этого типа запрещено параметрами политики” kabi keltirilgan izohlarga ko‘zingiz tushishi mumkin. Ushbu holatda hujjat tahrirlanishi joiz bo‘lsa, himayalangan ko‘rish rejimidan chiqish talab etiladi.

Ushbu ko‘rsatmamizda ushbu rejimning nega faollashishi va qanday qilib Word va Excel'larda himoyalangan ko‘rishni o‘chirib qo‘yish mumkinligi xususida so‘z yuritamiz.

👉🏻 Batafsil...

ℹ️ Qo‘shimcha sifatida tanishish va foydalanish tavsiya etiladi:
• Microsoft Word rukni ostidagi qolgan
postlar ro‘yxati: 1-qism | 2-qism | 3-qism
• Microsoft Excel rukni ostidagi qolgan postlar ro‘yxati: 1-qism | 2-qism | 3-qism
• Axborot xavfsizligi rukni ostidagi qolgan postlar ro‘yxati: 1-qism | 2-qism

👨🏻‍💻@itspecuz | Mundarija

#mulohaza_uchun #texnologiya #internet

📹🏪 Beysyachju – strimerlar qishlog‘i

Umumiy 22 gektar maydonni egallagan va 13 ming doimiy aholisi boʻlgan qishloq dunyodagi eng yirik kichik ulgurji bozori makoni boʻlgan Iu shahri yaqinida joylashgan.

Xitoyning 1-raqamli elektron tijorat qishlog‘i kuniga millionga yaqin posilka jo‘natadi. Minglab aholi vakillari jonli translyatsiyalar orqali katta miqdordagi mahsulotlarni arzon narxlarda sotadilar.

ℹ️ Internet rukni ostidagi qolgan postlarimiz ro‘yxati bilan tanishing: 1-qism | 2-qism | 3-qism | 4-qism

👨🏻‍💻@itspecuz | Mundarija

#operatsion_tizim #game

📺 Windows'da FPS'ni ko‘rsatish uchun ichki o‘rnatilgan vositani faollashtirish

FPS (frame per second) — o‘yin jarayoni kadrlar buferidagi tasvirning yangilash chastotasini ko‘rsatuvchi o‘lchov birligi. Windows 10'da esa faollashtirilishi oson bo‘lgan ichki o‘rnatilgan FPS hisoblagichi mavjud.

Buni amalga oshirish tartibi quyidagicha:

1️⃣. WIN + G klavishlari birikmasini bosamiz.

2️⃣. Game Bar'da “Производительность” bo‘limini ochamiz.

3️⃣. “FPS” bandi ustiga bosamiz.

4️⃣. “Запросить доступ”ga bosamiz.

5️⃣. Kompyuterni qayta yuklaymiz.

6️⃣. O‘yinni ishga tushiramiz va “Производительность” bo‘limini ochamiz.

Hammasi shunday iborat! Buning natijasida nafaqat FPS, balki GPU (videokarta), CPU (protsessor) va RAM (operativ xotira)ning ham yuklanganlik darajasi ko‘rinadigan bo‘ladi.

📝 Manba: @tech_lifehacks

ℹ️ Qo‘shimcha sifatida tanishish va foydalanish tavsiya etiladi:
• Kompyuteringizdagi “FPS” aslida nimaligini bilasizmi?
• O‘yinlar tufayli kompyuterni eskirishdan qanday himoyalash mumkin?
• Kompyuter qanday o‘yinlarni “ko‘tara olishini” aniqlaymiz
• O‘yinlar haqidagi mavzular, kompyuter dasturi va o‘yinlari hamda mobil ilova va o‘yinlar ro‘yxatini o‘ziga jamlagan postimiz
• Operatsion tizim rukni ostidagi qolgan postlarimiz ro‘yxati: 1-qism | 2-qism | 3-qism | 4-qism | 5-qism | 6-qism

👨🏻‍💻@itspecuz | Mundarija

#smartfon #operatsion_tizim #security #maslahat

⤴️ Xotira kartasidagi o‘chirilgan fayllarni qayta tiklash

Smartfonlar operatsion tizimlarining so‘nggi versiyalaridagi fayl menejerlarida, agar ulardan fayllar o‘chirilguday bo‘lsa, ularni ehtiyot shart “Корзина”ga yuborish imkoniyati qo‘shilgan. Bu bizga keyinchalik ushbu fayllarni qayta tiklash imkoniyatini taqdim etadi, ammo bunday imkoniyat barcha smartfonlarda ham mavjud emas. Shunday noma’qul vaziyat yuzaga kelganida bizga maxsus Wondershare Recoverit dasturi yordamga keladi.

Ushbu yordamchi dasturdan foydalanish tartibi quyidagicha:

1️⃣. Dasturni yuklab olamiz va kompyuterga o‘rnatamiz.

2️⃣. Uni ishga tushiramiz.

3️⃣. Saqlash qurilmasini shaxsiy kompyuterga ulaymiz.

4️⃣. O‘chirilgan fayllarni izlashni ishga tushiramiz
└ Dastur barcha o‘chirilgan fayllarni topadi va ularni turli toifalar bo‘yicha papkalarga ajratadi.

5️⃣. Bizga kerakli fayllarni tanlaymiz.

6️⃣. Ma’lumotlarni boshqa saqlash qurilmasiga saqlaymiz.

Tayyor! Smartfonlar, planshetlar, foto-, videokameralar, qattiq disklar – bularning barchasi Wondershare Recoverit dasturi tomonidan qo‘llab-quvvatlanadi. Xalqimizda: “Oldingdan oqqan suvning qadri yo‘q”, “So‘nggi pushaymon – o‘zingga dushman” kabi maqol mavjud. Shunday ekan, avvalambor qurilmadagi fayllardan doim back-up olib turishga, ularni saqlashda bulutli texnologiyalardan foydalanishga odatlanmog‘imiz lozim.

📝 Manba: @GooogleTM

ℹ️ Qo‘shimcha sifatida tanishish va foydalanish tavsiya etiladi:
• Fleshkalarga oid postlar ro‘yxati ulashilgan postimiz.
• Tiklash mavzusiga doir barcha postlarimiz ro‘yxati.
• Smartfon rukni ostidagi barcha postlar: 1-qism | 2-qism | 3-qism | 4-qism
• Axborot xavfsizligi rukni ostidagi barcha postlar: 1-qism | 2-qism
• Operatsion tizim rukni ostidagi barcha postlar: 1-qism | 2-qism | 3-qism | 4-qism | 5-qism | 6-qism

👨🏻‍💻@itspecuz | Mundarija

📊 Excel dasturidagi 201 mohirliklar jamlangan kitob endi o'zbek tilida! Uni Qo'llanmalar bo'limidan olishingiz mumkin.

🔄 Bundan tashqari quyidagi yangilanishlar ham amalga oshirildi:

• Videodarslar bo'limiga Milliy ta'lim resurslarining kursiga havolalar qo'shildi;
• Dastur imkoniyatlarini oshirish uchun Kengaytmalar bo'limi ochildi va dasturchalar joylab borilmoqda;
• Mavjud bo'limlarga turli formatdagi ma'lumotlar qo'shilmoqda.

😎 Hammasi yagona botda: @ExcelDarsBot

#mulohaza_uchun #maslahat

🌬Charchagan paytingizda o‘zingizni biror ish bilan mashg‘ul bo‘lishga qanday undashingiz mumkin?

– O‘rningizdan turing va o‘qishingiz, ishingiz yoki uydagi biror yumush bo‘yicha aynan nima qilish lozimligi borasida bir to‘xtamga keling;

– O‘zingiz uchun qahva yoki choy damlab oling. Bu aynan nima bo‘lishi muhim emas, asosiysi, siz buning haqiqiyligiga ishonch bildirsangiz bas;

– Maqsad va vazifalaringiz haqida o‘ylang va yozing: agar juda charchagan bo‘lsangiz, unda sizga muayyan bir vaqt davomida bajarishingiz mumkin bo‘lgan kichik maqsadlar zarurroqdir;

– To‘xtab qolmang: kerakli ritmga tushib olishingiz bilan, bajarayotgan ishingiz sizga osonroq bo‘lib tuyuladi. Muvaffaqiyat kaliti – bu asl charchoqni prokrastinatsiyadan farqlay bilishda va hattoki ishni keyinga qoldirish istagida bo‘lgan paytingiz ham, ishlashga o‘zingizni unday olishingizdadir.

👨🏻‍💻@itspecuz | Mundarija

#smartfon #android #game

💣 Bomber Friends – yo‘lingizda uchragan hamma narsani portlating va o‘zingizni portlatib yubormaslikka harakat qiling, o‘yinda fantastik janglar bo‘lib o‘tadigan ko‘plab bosqichlar va lokatsiyalar mavjud. Skinlar blokdan chiqarilgan.

📎 Bomber Friends v4.69 mobil o‘yinini yuklab olish.

ℹ️ Qo‘shimcha sifatida tanishish va foydalanish tavsiya etiladi:
• O‘yinlar haqidagi mavzular, kompyuter dasturi va o‘yinlari hamda mobil ilova va o‘yinlar ro‘yxatini o‘zida jamlagan postimiz
• Foydali mobil ilovalar ro‘yxati: 1-qism | 2-qism

👨🏻‍💻@itspecuz | Mundarija

#word #maslahat

📄 Microsoft Word uchun layfxaklar (1-qism)

Word bilan hamma ishlaydi, biroq har kim ham undagi ishni ancha osonlashtiruvchi fishkalari haqida bilmaydi. E’tiboringizga har kuni bajariluvchi vazifalarni avtomatlashtirish va matnni tayyorlashni tezlashtirish bo‘yicha bir nechta sir-asrorlarni havola etmoqchimiz.

1️⃣. Hujjatga sana va vaqtni tezkor joylashtirish

Joriy kun, oy va yilni hujjatga tezkor joylashtirish uchun SHIFT + ALT + D klavishlari kombinatsiyasini qo‘llash mumkin. Sana KK.OO.YYYY formatida aks etadi.

Vaqt bilan ham xuddi shu amalni SHIFT + ALT + T birikmasi yordamida amalga oshirish mumkin.

📌 P.S.: Hujjatga ushbu usul yordamida joylashtirilgan sana va vaqt – hujjat har safar qayta ishga tushirilganida yangilanib boradi 🔄.

2️⃣. Registrni tezkor almashtirish (harf katta-kichikligini boshqarish)

Agarda tasodifan matnni mos kelmagan registrda kiritib qo‘ygan bo‘lsangiz, ushbu matn bo‘lagini belgilang va SHIFT + F3 klavishlari birikmasi yordamida registrni kattadan kichikka va aksincha o‘zgartiring.

3️⃣. Kursorni so‘zlar bo‘ylab o‘tkazish

Agarda kursorni klaviatura strelkalari yordamida boshqarsangiz, u har bir simvol bo‘ylab siljiydi. Ushbu siljishni “tezlashtirish” uchun strelkalarni bosish oldidan CTRL klavishini bosib turing. Kursor so‘zdan-so‘zga o‘tish orqali tezkor siljiydi.

📌 P.S.S.: CTRL + SHIFT va strelkalarni bosish orqali so‘z hamda abzatslarni tezkor belgilashingiz mumkin.

4️⃣. Ro‘yxat elementlari/jadval satrlari o‘rnini o‘zgartirish

Agarda ro‘yxat elementlari/jadval satrlari tartibini o‘zgartirish zarurati yuzaga kelsa, o‘rni almashtirilishi lozim bo‘lgan satrga kursorni joylashtiring va SHIFT + ALT birikmasini bosib turgan holda mos ravishda ↑ va ↓ strelkalarini bosing.

Davomi keyingi postda... 😉

📝 Manba: @bugfeature

ℹ️ Microsoft Word rukni ostida kanalga joylashtirilgan barcha postlarimiz bilan tanishing: 1-qism | 2-qism | 3-qism.

👨🏻‍💻@itspecuz | Mundarija

#mulohaza_uchun #texnologiya

🏗 Lego kubikchalaridan Fransiya poytaxti Parij shahridagi Eyfel minorasi maketining yasalishiga oid video animatsiya effekti

📌 P.S.: Buni qurishni boshlab yakunlashga har kimning ham sabri chidamasa kerak 😣

👨🏻‍💻@itspecuz | Mundarija

#word #maslahat

📄 Microsoft Word uchun layfxaklar (2-qism)

Ushbu postimizda Microsoft Word'da ishingizni osonlashtirishi mumkin bo‘lgan ba’zi layfxaklar haqida ma’lumot berishni boshlagandik. Bugun hujjatni bezatish va tayyor matnning o‘qilishini yaxshilash borasida to‘xtalib o‘tmoqchimiz.

5️⃣. Bir nechta alohida matn bo‘laklarini ajratish

Ketma-ket kelmagan matn bo‘laklarini ajratish imkonini taqdim etuvchi juda foydali funksiya. Bunda CTRL klavishini bosib turgan holda hujjatning turli qismlari sichqonchaning chap tugmasi bilan boshqariluvchi kursor yordamida belgilanadi.

6️⃣. Ichki almashinish buferi (Буфер обмена)

Word barcha nusxalayotgan narsalaringizni eslab qoladi va ushbu elementlarning istalganini kengaytirilgan almashinish buferidan topish mumkin.

Ushbu opsiya post ostidagi rasmda👇🏻 ko‘rsatilgan “Буфер обмена” tugmasini bosish orqali chaqiriladi va hujjatni ishga tushirib, uni yopguningizga qadar bo‘lgan tahrirlash davomidagi nusxalashlaringiz tarixini o‘ziga yozib borishi mumkin.

Agar “Параметры” menyusidagi mos keluvchi opsiya faollashtirilsa, uni istalgan vaqtda CTRL + C klavishlari birikmasini ikki marta bosish orqali ekranga chaqirish mumkin.

7️⃣. Satr oxiridagi uzun so‘zlarni bo‘laklarga ajratish (Расстановка переносов)

Uzun so‘zlarni bo‘laklarga ajratish – ularning o‘qilishini yaxshilaydi, shuningdek so‘zlar orasida uzun intervalli bo‘shliqlar qoldirilishining oldini oladi.

Siz ularni birma-bir qo‘lda o‘rnatib chiqishingiz (matnning kerakli qismiga borib, CTRL + - klavishlari birikmasini bosish orqali, bunda harflar yuqorisida joylashgan “minus” belgisi nazarda tutilgan) yoki buni kompyuterning o‘ziga topshirishingiz mumkin.

Buning uchun menyu satrining “Макет” varaqa (вкладка)siga o‘ting, “Расстановка переносов” tugmasi bosish orqali uning ro‘yxatini oching va “Авто” variantini tanlang.

📌 P.S.: Ushbu usul ko‘proq rus va ingliz tilidagi matnlar bilan ishlashda qo‘l kelishi mumkin, o‘zbek tilidagi matnlar bilan ishlashda dastur xatolik bilan yondashadi, ammo o‘zbek tilidagi uzun so‘zlarga nisbatan yuqorida keltirilgani kabi bo‘g‘inlarga qo‘lda ajratish usulini bemalol qo‘llayverishingiz mumkin.

8️⃣. Ajralmas probellar

Ba’zida abzatsda familiya va ismning bosh harflari kabi so‘zlar qatnashsa va ular muayyan satrning oxiriga kelib qolsa, familiyalar yuqori satrning oxirida, ismlarning bosh harflari pastki satrning boshiga o‘tib ketadi, bunga sonlardan o‘lchov birliklarining keyingi satrda ajralib tushib qolishini ham misol o‘rnida keltirish mumkin (masalan: 5 sm, 10 kg, 25 l).

Bunday holatlarda hujjatdagi matnning o‘qilishiga jabr yetmasligi uchun – ajralmas probellarni qo‘llash qulay va to‘g‘ridir. Ular tufayli matn elementlari bir-biriga “yelimlanadi” va ushbu usulda biriktirilgan ikki so‘z hech qachon turli satrlarga ajralib qolmaydi.

Buning uchun ikki so‘z o‘rtasidagi oddiy probelning o‘rniga CTRL + SHIFT + PROBEL birikmasi bosiladi. Ajralmas defis (chiziqcha) ham xuddi shu tamoyilda qo‘llaniladi va bunda CTRL + SHIFT + - (harflar yuqorisidagi “minus” belgisi) birikmasi bosiladi. Misol uchun: ketma-ket, qop-qora, zim-ziyo, qarama-qarshi, birma-bir va shu kabi boshqa juftlikda keluvchi so‘zlarda.

📌 P.S.S.: Ushbu foydali opsiya haqida ushbu postimizda ham qo‘shimcha ma’lumot keltirilgan:
• Ajratib yozaymi yo qo‘shib?

📝 Manba: @bugfeature

ℹ️ Microsoft Word rukni ostida kanalga joylashtirilgan barcha postlarimiz bilan tanishing: 1-qism | 2-qism | 3-qism.

👨🏻‍💻@itspecuz | Mundarija

#smartfon #android

🩻 Human Anatomy Atlas 2023 – inson tanasining eng batafsil va sifatli atlasi. Android 5.0+. Barchasi blokdan chiqarilgan

📎 Human Anatomy Atlas 2023 v2023.02.001 mobil ilovasini yuklab olish.

ℹ️ Qo‘shimcha sifatida tanishish va foydalanish tavsiya etiladi:
• Kengaytirilgan voqe'lik va kimyo
• Yapon maktabidagi kimyo darsidan lavha
• Kimyoni zerikishsiz o‘zlashtirish va kimyoviy tajribalarni laboratoriyasiz vizuallashtirish
• Foydali mobil ilovalar ro‘yxati: 1-qism | 2-qism
• Smartfon rukni ostida kanalga joylashtirilgan postlarimiz ro‘yxati: 1-qism | 2-qism | 3-qism | 4-qism

👨🏻‍💻@itspecuz | Mundarija