Hasanxon Yahyo domla Imom Moturidiyning shoh asari “Ta’vilot al-Qur'on” asarining oʻzbek tilidagi tarjimasi haqida gapiribdilar.

Ushbu asar oʻzbek tilidagi eng katta tafsir boʻladi, insha Alloh. Imkongiz boʻlsa, ushbu asarni sotib oling.

#moturidiy

Chap tomonda odamning o‘pkasi, o‘ng tomonda esa daraxt.

Daraxt odam chiqaradigan havoni (ya’ni karbonat angidridni) o‘ziga oladi, odam esa daraxt chiqaradigan havoni (ya’ni kislorodni) nafas oladi.

Ya’ni, inson va daraxt bir-birini to‘ldirib yashaydi.

Bu – Allohning yaratigʻi!

#tafakkur

Arab tilida mohir boʻlsangiz, shoir Mutannabining:

أَرَقٌ عَلى أَرَقٍ وَمِثلِيَ يَأرَقُ
وَجَوىً يَزيدُ وَعَبرَةٌ تَتَرَقرَقُ.

deb boshlanadigan she’rini topib oʻqing (sharhi bilan, albatta).

Men sizga ushbu she’rdagi quyidagi baytni keltiraman:

وَعَذَلتُ أَهلَ العِشقِ حَتّى ذُقتُهُ
فَعَجِبتُ كَيفَ يَموتُ مَن لا يَعشَقُ.

Ma’nosi:
Men ishq ­ahlini malomat qilardim, toki o‘zim ham uning ta’mini totdim.
Endi hayronmanki, oshiq boʻlmagan odam qanday qilib oʻladi?

#sheriyat

Parijdagi Luvr muzeyida ishlagan oʻzbek qizi

Feruza Maxmasobirova oʻz qadriyatlarini yoʻqotmagan, juda talantli va intiluvchan qiz. U Islom universitetida bakalavr bosqichini tamomlab, Fransiyada magistratura va doktorantura uchun grant yutib, u yerda ta’lim olgan.

Hozirda u Islomshunoslik akademiyasida dars beradi. Feruza yosh ta’lim olayotgan qizlar uchun mativatsiya boʻladi, degan umiddaman.

Toʻliq video:
👉 https://youtu.be/T-Fb4OJlcDA?si=ZbBDrUMbP9AaX6lW

Misrda bir oshxonaning kirish qismiga "ويلكم" deb yozib qo‘yishibdi. Bu so‘z arab tilida: "Sizlarga azob bo‘lsin!" degan ma’noni anglatadi.

Odamlar kirib, nega bunday yozilganini so‘rashsa, do‘kon egasi bu so‘z arabcha emasligini, balki ingliz tilidagi "welcome" so‘zining arab harflari bilan yozilgan shakli ekanini aytgan ekan.

#farosat

Mobodoga kerak bo‘lsa!😀

"Ayollar tabiati, ulardagi ajoibu-g‘aroib narsalar, xabarlar va sir-sinoatlar haqida"

Muallif: Ahmad ibn Muhammad ibn Abdu Rabbih Andalusiy (860-940 h.y.)

Jiddiy, bunday kitob bor.

#ayol

Ayol kishi sovunga o‘xshaydi: silliq, xushboʻy hidli. Lekin uni juda qattiq siqsang, qo‘lingdan chiqib ketadi. Agarda uni yerga tashlab oyoqosti qilsang, o‘zing yiqilib, hatto suyaklaring sinishi ham mumkin.

#ayol
#copy

Koʻpchilik yoshlar ilm hosil qilish juda oson deb oʻylaydi. Menimcha, ularning bunday fikrga kelishlariga 3 kunlik/10 kunlik/1 oylik treninglar yoki 6 oyda IELTS olish kabilar ta’sir qilsa kerak.

Aslida bir sohada mutaxassis boʻlish uchun inson yillar davomida qunt bilan oʻqishi darkor. Aniqrogʻi, shu yoʻlda oʻzini qurbon qilish kerak. Hatto bir dona kitobni anglash va tushunish uchun yillar kerak boʻladi.

Yaqinda bir talabaga 10 mujalladli kitobni tavsiya qildim. U: “Voy, shuncha tomni oʻqiymanmi”, deb hayron boʻldi. Men unga: “Agar olim boʻlmoqchi boʻlsang, oʻqishga majbursan”, deb javob berdim.

Endi biz avvalgi davrdagi olimlar bilan oʻzimizning darajamizni taqqoslab koʻraylik. Ular mana shunday tom-tomlab kitoblarni ta’lif etganlar. Buning uchun ular umrlarini tikkanlar. Biz esa ular yozgan kitobni aqalli oʻqishga ham kuch topa olmayapmiz.

Ilm yoʻliga kirdingizmi, mana shunday mashaqqatlarni oʻz boʻyningizga olishingiz kerak. D.Bashshor Avvod aytganidek, hafta da 2-3 kun yoki bir oyda 10 kun oʻqigan talabadan hech qachon olim chiqmaydi.

Shayx Yorqinjon domla shunday reja qilar ekanlar: “Agar bir yilda 1000 ta kitob oʻqisak, 10 yilda 10.000 ta kitob oʻqir ekanmiz”.

D.Ahmad Damanhuriy bilan suhbatlashayotganimizda, agar men ularni ajablantiradigan biror gap aytsam, u kishi menga: “Sendan katta olim chiqadi, lekin 20 yildan keyin” deb hazillashib qoʻyadilar. Aslida bu gap hazil tarzida aytilgan boʻlsa ham, men buni chin qabul qilaman. Hozir yoshim 35 da. Agar 55 yoshda katta olim boʻlsam, men uchun bu eng katta baxt (duo qilib qoʻyinglar).

#ilm
#mashaqqat
#orzu

Ma’mun oʻzining a’yonlari oldida yozgan bir qasidasini (she’r) oʻqidi.

Keyin mashhur shoir Abu Nuvosdan yozgan she’ri haqidagi fikrini soʻraganda, u: "Men unda balogʻat hidini sezmayapman”, deb javob berdi.

Shunda Ma'mun gʻazablanib, uni bir oy muddatga eshakxonaga qamashni buyurdi.

Bir oy oʻtgach, Abu Nuvos chiqib, majlisga qaytib keldi. Ma'mun yana bir boshqa qasida oʻqishni boshladi. Abu Nuvos esa qasidaning yarmiga yetmasdan oʻrnidan turib, chiqib ketmoqchi boʻldi.

Ma'mun uni toʻxtatib: "Qayoqqa?" deb soʻradi.

Abu Nuvos: "Eshakxonaga”, deb javob berdi

#latifa #sheriyat

18-noyabr – O'zbekiston Respublikasi Davlat bayrog'i qabul qilingan kun.

#bayroq

Qur'on suralari nomida “Zo” (ظ) harfidan boshqa hamma harf ishtirok etgan.

#quronshunoslik

Bir necha shaharda yashab (o‘qib) yurishning yomon tomoni shuki, odam aniq bir hududning shevasida gapira olmay qoladi.

Masalan, men aslida Marg‘ilondanman, Andijonda o‘qidim (va uylanganman), Toshkentda o‘qidim va hozir shu yerda istiqomat qilaman.

Natijada hozir na marg‘iloncha, na andijoncha, na toshkentcha sof shevada gapiraman. Gaplarimda ushbu uch hududning (va tanish-bilishlarning) shevasi aralashib ketadi. Ba’zan hazillashib: “Mening shevam atala sheva”, deb qo‘yaman. Mayli, vaqt o‘tib to‘g‘rilanib ketar… ☹️

#sheva
#haqiqat

Talablarga binoan anonim bot qayta ishga tushdi.
Ba’zilarga anonimdan murojaat qulay ekan))

https://t.me/QuestionUZ_Robot?start=74eb459cb4194b

Havoning qay darajada changligini tasavvur qilishingiz uchun.

Soat: 08:00

#havo

Hozirgi vaziyatda havoning bu holga kelishiga kim aybdor ekanini qidirishdan ko‘ra, undan qanday omon qolish haqida o‘ylash kerak. Masalan, doimo niqob (maska) taqib yurish, og‘iz-burunni kuniga 4-5 marta chayish tavsiya etiladi.

Bu holatni tabiiy ofat desa ham bo‘ladi. Bunga inson omili sabab bo‘lgan bo‘lishi ham mumkin, ammo uning Yaratgan tomonidan berilgan bir “eslatma” ekanini unutmaslik kerak. Shu bois ibodatlarda bu ofatning tezroq ko‘tarilishini so‘rab duo qilish maqsadga muvofiq.

#havo

#taziya

Namanganlik ahli ilm ustozlardan Fozilxon domla Axunjonov foniy dunyoni tark etib, boqiy dunyoga rihlat qildilar. Alloh joylarini jannatdan qilsin, hayotda qilgan barcha solih amallari, ilm yoʻlida qilgan xizmatlarini qabul etsin! Ortlarida qolgan barcha yaqinlariga sabri jamil ato qilsin!

Biz Fozilxon domla bilan 2010-2014 yillar Toshkent islom institutida kursdosh boʻlganmiz. U kishi bizning ham ilmdagi, ham hayotdagi rahbarimiz, yoʻlboshchimiz edilar. Ayni damda biz mana shunday yaqin insonimizdan ayrildik.

Janoza ertaga Namangan shahri Shayx Eshon jome masjidida peshin namozida oʻqiladi.

Shubhasiz, biz Allohnikimiz va Unga qaytguvchimiz!
Alloh rahmatiga olsin, Ustozni!😢😢