Finlandiya Prezidenti oʻz sahifasida oʻzbek tilida salomlashdi va Islom sivilizatsiyasi markazida tushgan rasmini joyladi.

Takfirchi toifalarning haddidan oshganiga yaqqol misol. Rustamjon domlani kofirlikda ayblasa, qolgan oddiy musulmonlarni nima deydi bular?!
Bularning oʻzbek ekani yana bir karra afsuslantiradi. Bizning millatdan bundaylar chiqmasligi kerak😢

Domla ta’kidlaganidek, bizni shunday johillardan qilmaganiga Allohga shukr!

#afsus

Toshkent islom instituti, Mir Arab oliy madrasasi sobiq rektori, Ustozimiz Haydarxon domla Yoʻldoshxoʻjayevning volidayi muhtaramalari vafoti munosabati bilan Ustozga va u kishining oila a’zolariga chuqur ta’ziya izhor qilamiz.

Alloh onaxonni Oʻz rahmatiga olsin, qolganlarga sabri jamil ato qilsin.

#taziya

AQShda istiqomat qiluvchi oʻzbekistonliklar oʻrtasida Qur’on musobaqasi oʻtkazilmoqda.

#musobaqa

Bugun, 1-noyabr kuni Misr Katta muzeyi (المتحف المصري الكبير) rasman ochildi.

Maʼlumotlarga koʻra, Misr Katta muzeyi Giza piramidalariga yaqin hududda tashkil etilgan boʻlib, uning qurilish qiymati $1 milliardga baholangan. Mazkur muzey loyihasining amalga oshirilishiga 20 yil vaqt ketgan.

Muzey ichida Misrning 7000 yillik tarixini qamrab olgan 100 000 dan ortiq noyob artefaktlar mavjud. Muzeyning eng qimmatbaho eksponati sifatida Fir’avn Tutanxamonning xazinalaridan iborat toʻliq kolleksiyasi namoyish etiladi. Ushbu kolleksiya 1922-yilda britaniyalik arxeolog Govard Karter yosh fir’avnning qabrini topganidan beri ilk marta bir joyda jamlangan holda taqdim etilmoqda.

#misr
#muzey

Bir bola yozibdi:

– Bu yoshda, o‘zim tuzgan kelajak rejamga ko‘ra, men kambag‘allarga yordam berishim kerak edi, ularga qo‘shilishim emas.
Rejada qandaydir xato bo‘lgan shekilli.

#hazil

Koʻkaldosh madrasasi yangi binosi qurilishiga oʻz hissangizni qoʻshing.
Imkoni bor insonlarga yuborib qoʻysangiz ham boʻladi.

#xayriya

Yana bir bola yozibdi:

– Men 18 yoshimda shunday niyat qilganman: "25 yoshga yetganimda uyim va mashinam bo'ladi". Hozir esa ulardan biriga erishdim: 25 yoshga to'ldim!

#hazil

Yoshi katta koʻrinishning bitta foydasi – jamoat transportlarida senga joy berishadi😊

#metro

Arab manbalarida "Buqrot" (بقراط) nomi tilga olinsa, bu bilan mashhur yunon tabibi Gippokrat nazarda tutilgan bo'ladi. Jumladan, Abul Muin Nasafiy bu so'zni zikr qilgan.

#malumot

Qoʻlyozma bilan ishlaganda hosil boʻladigan lazzatni hech qayerdan topa olmayman!

#qolyozma

Kitob oʻqiyotganda havolalar (snoska)ga ham e’tibor qaratish kerak. Chunki siz oʻqiyotgan matn (yoki sharh) uchun kerakli boʻlgan koʻp foydali ma’lumotlar aynan shu yerda beriladi.

#tavsiya

Hozir boraman deding...
Buncha kech!
Hozirdan oldinroq kelish mumkinmi?
Masalan, nafasim tutilsa,
O‘limga tutilsam, masalan...
O‘shanda aybdor qilasan kimni?
O‘lgan men yomonmi?
Kelmagan senmi?

Hozirdan oldinroq kelish mumkinmi?
Shu hozir deganing necha nafaslik?
Necha marta kiprik qoqaman,
Ko‘zlarim yumilsa, so‘kasan kimni?
Ketgan men yomonmi?
Kelmagan senmi?

Yetmish tomirimda muzlasa qonlar,
Qizdirmas hoziring g‘amzor ichimni.
Qoning toshganida, urasan kimni?
Qip-qizil qonini ichdan ichiga
Yutgan men yomonmi?
Kelmagan senmi?

Nafasdek bir uzun ishda ivirsib,
Tiriklikni senga bog‘lab g‘imirsib,
Ishqilib kelguncha o‘lib qolmay deb,
Kutgan men yomonmi?
Kelmagan senmi?

Hozirdan oldinroq kelish mumkinmi?
Ko‘zim kulganida ko‘rib qolsang-chi.
Yig‘ilarga kelsang, ayblaysan kimni?
Yuragin o‘rtasin begona sanchiq
Tutgan men yomonmi?
Kelmagan cyenmi?

Kutgan men yomonman!
Kutgan men yomon!
Bilaman, bir nafas ortiqcha olmay
Dunyodan shumshayib
O‘tgan men yomon!

O‘tkirbek Muhammad Sobir
06.11.2025

#sheriyat

Shoirning oʻzidan ijro!

Imom Moturidiy markazida ishlaydigan hamkasbimiz bir joyga ma’ruza qilishga boribdi. O‘sha yerda ishlaydigan xodim uni tanishtirayotib shunday debdi:

"Mana, bizga bugun ma’ruza qilish uchun Xalqaro ilmiy-tadqiqot markazi ilmiy xodimi Imom Moturidiy keldilar..."

#voqelik

Menda ham shunga o'xshash bir holat bo'lgan. Unda meni shunday tanishtirishgan edi:

"Mana, bizga bugun Imom Moturidiy iqtisodiyot markazidan ma'ruzachi keldilar...".

#voqelik

portal.yek.gov.tr sayti – Turkiyaning Qo‘lyozma asarlar muassasasi (Türkiye Yazma Eserler Kurumu Başkanlığı - YEK) tomonidan yuritiladigan rasmiy portaldir.

Uning asosiy maqsadi Turkiya kutubxonalaridagi qo‘lyozma asarlarning ulkan raqamli bazasini taqdim etishdir.
Bu portal asosan tarixchilar, islomshunoslar, manbashunoslar, tadqiqotchilar va talabalar uchun juda foydali.

Portalda Turkiyaning 24 ta kutubxonasidan 600 mingga yaqin qo‘lyozma va bosma asarlarning katalogi hamda 400 mingga yaqin asarning yuqori sifatli raqamli nusxalari mavjud.

Foydalanuvchilar asarlarni muallif, nomi, mavzusi va boshqa 40 xil mezon bo‘yicha qidirishlari mumkin. Portaldan ro‘yxatdan o‘tib, bepul foydalanish va yuqori aniqlikdagi nusxalarga buyurtma berish imkoniyati bor.

Sayt turk, arab va ingliz tillarida ishlaydi.
Umuman olganda, bu ilmiy ish bilan shug‘ullanuvchilar uchun nodir qo‘lyozmalarni topish va o‘rganish uchun juda muhim hamda boy onlayn manba hisoblanadi.

#qolyozma