Bir necha shaharda yashab (o‘qib) yurishning yomon tomoni shuki, odam aniq bir hududning shevasida gapira olmay qoladi.

Masalan, men aslida Marg‘ilondanman, Andijonda o‘qidim (va uylanganman), Toshkentda o‘qidim va hozir shu yerda istiqomat qilaman.

Natijada hozir na marg‘iloncha, na andijoncha, na toshkentcha sof shevada gapiraman. Gaplarimda ushbu uch hududning (va tanish-bilishlarning) shevasi aralashib ketadi. Ba’zan hazillashib: “Mening shevam atala sheva”, deb qo‘yaman. Mayli, vaqt o‘tib to‘g‘rilanib ketar… ☹️

#sheva
#haqiqat

Talablarga binoan anonim bot qayta ishga tushdi.
Ba’zilarga anonimdan murojaat qulay ekan))

https://t.me/QuestionUZ_Robot?start=74eb459cb4194b

Havoning qay darajada changligini tasavvur qilishingiz uchun.

Soat: 08:00

#havo

Hozirgi vaziyatda havoning bu holga kelishiga kim aybdor ekanini qidirishdan ko‘ra, undan qanday omon qolish haqida o‘ylash kerak. Masalan, doimo niqob (maska) taqib yurish, og‘iz-burunni kuniga 4-5 marta chayish tavsiya etiladi.

Bu holatni tabiiy ofat desa ham bo‘ladi. Bunga inson omili sabab bo‘lgan bo‘lishi ham mumkin, ammo uning Yaratgan tomonidan berilgan bir “eslatma” ekanini unutmaslik kerak. Shu bois ibodatlarda bu ofatning tezroq ko‘tarilishini so‘rab duo qilish maqsadga muvofiq.

#havo

#taziya

Namanganlik ahli ilm ustozlardan Fozilxon domla Axunjonov foniy dunyoni tark etib, boqiy dunyoga rihlat qildilar. Alloh joylarini jannatdan qilsin, hayotda qilgan barcha solih amallari, ilm yoʻlida qilgan xizmatlarini qabul etsin! Ortlarida qolgan barcha yaqinlariga sabri jamil ato qilsin!

Biz Fozilxon domla bilan 2010-2014 yillar Toshkent islom institutida kursdosh boʻlganmiz. U kishi bizning ham ilmdagi, ham hayotdagi rahbarimiz, yoʻlboshchimiz edilar. Ayni damda biz mana shunday yaqin insonimizdan ayrildik.

Janoza ertaga Namangan shahri Shayx Eshon jome masjidida peshin namozida oʻqiladi.

Shubhasiz, biz Allohnikimiz va Unga qaytguvchimiz!
Alloh rahmatiga olsin, Ustozni!😢😢

Marhum Fozilxon domlaning soʻngi audio yozishmalaridan biri ekan.

Alloh Ustozni Oʻz rahmatiga olsin!

Fozilxon domla ortlaridan oʻzlaridek ahli ilm farzandlar qoldirdilar. Janozalarini katta farzandlari oʻqidi. Qanday baxt-a?! 😢😢

Bir necha tanishlar ushbu videoni menga yuborishibdi.
Faqat yil-kuni toʻgʻri kelmabdi😅

Aslida, 31-fevral ham yoʻq)

#menhaqimdavideo

Euronews tomonidan Oʻzbekistondagi Islom sivilizatsiyasi markazi haqida rolik e’lon qilindi.

#uzbekistan
#euronews

Bir telegram kanalda chuchuk va shoʻr suvlarning bir-biriga aralashmasligi haqida ilk bora faqat Qur’onda aytilmagani, balki undan 950 yil oldin Aristotel aytgani haqida ma’lumot keltirilibdi. Asarda shunday deyilgan ekan:

“Qizil dengiz (Erythraean Sea) tashqi dengizdan sho‘rroqdir, shuning uchun undan oqib kelgan suv shirinroq va yengilroq bo‘lib, to‘liq aralashmay, ustida qoladi” (Meteorologica: Loeb nashri, 358b-359a).

Juda zoʻr! Buni hech qaysi musulmon olimi inkor qilmaydi. Chuchuk va shoʻr suv yaratilibdiki, ularning orasi ajralgan. Alloh shunday tabiat qonunini joriy qilgan. Yaxshi qidirilsa, Aristoteldan oldin ham bu haqida ma’lumot uchrashi mumkin. Aslida, bunday ma’lumotlar ilohiy kalom (Qur’on)ning ilmiyligiga dalil boʻladi.

Lekin, bu haqida yunon falsafasi yoki boshqa ilmlarni oʻrganmagan Paygʻambar tomonidan mana shunday ilmiy qonuniyatlar aytilayotgani moʻjiza. Biror tarixiy manba, hatto boshqa din vakillari yozgan kitoblarda ham Muhammad alayhissalomning faylasuflardan dars olgani aytilmagan. Demak, Qur’on inson tomonidan yozilgan asar emas, balki ushbu qonuniyatlarni joriy qilgan zot tomonidan nozil qilingan.

#kalomilmi
#suvningajralishi

Ushbu kitob marhum Fozilxon domla tomonidan nashrga tayyorlangan va chop etilgan, unda Odam alayhissalomdan tortib payg‘ambarlar, sahobalar, mazhabboshi, muhaddis ulamolarning qanday go‘zal xotima topganlari, o‘lim oldidan aytgan so‘zlari jamlangan.

https://asaxiy.uz/product/bekzodbek-muhtorov-fozilhon-ohunjonov-guzal-hotima

Hurmatli bo‘ydoqlar!

Ulamolar sovchilikni yashirish mustahab ekanini aytganlar. Buning sababi, ko‘z tegishi yoki hasadgo‘y insonning aralashuvidan saqlanishdir. Zero, ba’zi insonlar boshqalarning baxtini ko‘ra olmaydilar va aralashib, ushbu sovchilikka putur yetkazishlari mumkin.

Avvallari ham insonlar mana shunday yo‘lni tutganlar. Ular nikoh oxirigacha amalga oshishi uchun uni e’lon qilishga shoshmaslikka chaqirganlar. Shuning uchun kimdir buni yashirsa, uni boshqalar koyishi yoki malomat qilishi durust emas.

Hurmatli bo‘ydoqlar, kimgadir sovchi qo‘ysangiz (yoki qizlar turmush qurayotgan bo‘lsa), uni to‘ygacha oshkor qilmaganingiz ma’qul.

Bilaman, bunday holatda o‘zingizga sig‘may yurasiz. Lekin xursandchilikni yashirishni ham o‘rganing.😎😎

#nikoh
#boydoq

Yaqinda bir ish bilan 3-4 ta choyxonalarga murojaat qildim. 1 oy avval deyarli boʻsh xona yoʻq!
Gʻamimiz choyxona…

Ayni shu kuni farzandim ham maktabda oʻz tengdoshlari orasida shaxmatdan birinchi oʻrinni olibdi🥰

Ertaga qiyomat desa joynamozning narxini oshiradigan zamonda yashamoqdamiz!

©hayatiy

#insofsizlik