Bugun TVda uzatilgan koʻrsatuv ushbu “Hidoyat imomi” nomli koʻrsatuv edi.

Bu yerda Imom Moturidiy hazratlari haqida qisqa va qiziqarli ma’lumotlar taqdim qilingan.

Unda “Imom Moturidiy kim oʻzi?”, “Nega u kishiga ergashishimiz kerak?” degan savollarga javob beriladi.

Qayta efirga uzatiladimi, degan savollar boʻlgani uchun ushbu videoni joyladim.

Koʻrsangiz afsuslanmaysiz, insha Alloh.

#moturidiy

Eng katta ofat bu – inson oʻziga mahliyo boʻlishi. Alal oqibat u oʻzidan boshqalarni koʻrmaydigan xudbinga aylanadi.

#xudbinlik

Qadimda ulamolar foydasiz shikoyatlar qilishni yomon ko'rishgan.

Rivoyat qilinishicha, bir majlisda ishtirokchilardan biri: “Bugun sovuq qattiq boʻldi-ya!” dedi.

Shunda uning oldida turgan Muofiy ibn Imron unga javoban: “Hozir shu gapingiz bilan isinib qoldingizmi? Agar sukut saqlaganingizda, o'zingiz uchun yaxshiroq bo'lar edi”, dedi.

#shikoyat #rozilik

IRCICA kutubxonasi qo‘lyozmalar xazinasini tadqiqotchilar uchun "ochiq kirish" (open access) tizimida taqdim etadi

Islom tarixi, san'ati va madaniyatini tadqiq qilish markazi (IRCICA) o‘zining nodir qo‘lyozmalar to‘plamini o‘zining raqamli platformasi orqali to‘liq ochiq foydalanish tizimiga o‘tkazganini e’lon qildi:
👉 openaccess.ircica.org

Bu qadam Islom merosining raqamli akademik fazodagi o‘rnini mustahkamlovchi yetakchi ilmiy tashabbusdir.

tubxonasi vaqt va geografiya nuqtai nazaridan xilma-xil bo‘lgan eng muhim islomiy qo‘lyozmalar to‘plamlaridan biriga ega bo‘lib, u quyidagilarni o‘z ichiga oladi:
• Mus’hafi shariflar (Qur’oni karim qo‘lyozmalari);
• Tafsir, hadis va fiqhga oid asarlar;
• Tarix, falsafa, fan va Islom san’atiga oid manbalar.

Ushbu xazinalar yuqori darajadagi ehtiyotkorlik bilan raqamlashtirilgan bo‘lib, tadqiqotchilar va qiziquvchilar uchun hech qanday cheklovlarsiz, yuqori aniqlikdagi (HD) to‘liq matn shaklida taqdim etilgan.

Saytda mavzular, tillar yoki ko‘chirilgan sanalar bo‘yicha qo‘lyozmalarni topishni osonlashtiradigan ilg‘or qidiruv va ko‘rish vositalari mavjud. Bu esa Qur’onshunoslik, matnshunoslik (tahqiq) hamda arab va islom kitobat tarixi sohalaridagi tadqiqotlar uchun xizmat qiladi.

#ircica

2025-yil ham poyoniga yetmoqda

Bu yilda insoniy kechinmalarning barcha ranglarini ko'rdik: quvonch va qayg'u, kulgi va ko'z yosh, jasorat va hadik, muhabbat va gina-kudurat... Go'yo bu yil biz uchun katta bir sinov maydoni, ulkan bir maktab bo'ldi.

Kimningdir xonadonida chaqaloq yig'isi yangrab, oilaga yangi mehmonlar, o'zgacha nur kirib kelgan bo'lsa, yana kimdir o'zining eng aziz insonini tuproqqa topshirdi, yuragining bir parchasini yo'qotdi. Dunyoga kelganlarning qadami qutlug', rizqi butun bo'lsin. Bizni tark etib, foniy dunyodan boqiy dunyoga rixlat qilganlarning esa oxiratlari obod, joylari jannat bo'lsin.

Hayotimizga yangi insonlar kirib keldi. Ba'zilar qalbimizdan joy oldi, ba'zilar esa hayotimizdan butkul chiqib ketishga ham ulgirdi. Lekin har biri bizni ulg'aytirdi va bizga nimadir o'rgatdi.

Zamonlar Rabbisidan so'raymizki, umrimizning qolgan qismini o'tganidan ko'ra xayrliroq qilsin. Kelayotgan yangi yilda xonadonlarimizdan fayz-u baraka, tanimizdan sihat-salomatlik, qalbimizdan esa xotirjamlik arimasin!

#2025
#2026

Yil oxiri bo‘lgani sababli tanada charchoq alomatlari juda qattiq sezilyapti. Hafta so‘ngida ham bu holat ozroq bilinar edi, lekin bir yillik charchoqning kuchi boshqacha bo‘lar ekan.

Shifokor bilan gaplashganimda, buni shunday izohladi: tana bir hafta davomida qattiq ishlaydi. Hafta oxirida esa miyada “dam olaman” degan fikr paydo bo‘lib, tanaga “to‘xta” degan buyruq keladi. Shundan so‘ng yig‘ilib qolgan zo‘riqishlar tanada o‘zini namoyon qilar ekan.

Inson – ajoyib xilqat!

#xilqat

Agar niyatning ovozi boʻlganida, koʻpchilik sharmanda boʻlar edi…

#niyat

Kanalning 2025-yil natijalari

Barcha obunachilar uchun katta rahmat! Ayniqsa, Sizga😊

#2025

– 2025 yilda erishgan eng katta yutug‘ingiz?

– Tirik qoldim.

– Hali 3 soatcha bor.

😅😅😅