Yil oʻtsa ham oʻzgarmaydigan (va oʻzgarmasligi kerak boʻlgan) haqiqatlar:

E’tiqod (iymon)
Sadoqat
Vafo
Doʻstlik
Insoniylik
Muhabbat
Adolat
Haqsoʻzlik

va bularni davom ettirish ham mumkin…

#haqiqatlar

Oqil chin soʻzdin oʻzgani demas, ammo barcha chinni ham demak oqil ishi emas.

Alisher Navoiy

Tulkining aqli sherning panjasidan ko‘ra ko‘proq muvaffaqiyatga yetaklaydi.

Shved maqoli

Bugun yangi yilning uchinchi kuni. Lekin men hali ham oʻsha-oʻshaman.

Angladimki, harakat qilmas ekanman, hech bir maqsadimga, hech bir orzuyimga erisha olmayman. Oʻzgarish faqat niyat bilan emas, amaliy qadam bilan sodir boʻlar ekan.

Niyatlarim sarob boʻlib qoladimi yoki roʻyobga chiqadimi, bu oʻzimga bogʻliq. Alloh har bir insonga aql bergan, bajarish uchun a’zolar ato etgan. Mendan faqat harakat talab etiladi, tavfiq esa Allohdandir.

#niyat
#harakat

Bir kishi Abu Hanifa (r.a.)dan: “Fiqhni puxta egallash va yodda saqlash uchun nima yordam beradi?” deb so‘radi.

U zot: “Himmatni jamlash”, dedilar.

Haligi kishi: “Himmatni jamlashga nima yordam beradi?” dedi.

U zot: “(Qalbni chalg‘ituvchi) aloqalarni uzish”, dedilar.

U kishi: “Aloqalarni uzishga nima yordam beradi?” deb so‘radi.

Shunda u zot: “Narsalarni faqat ehtiyoj tug‘ilgandagina olish va undan ortig‘ini talab qilmaslik", deb javob berdilar”.

Abdulfattoh Abu G‘udda. Ulamolar nazdida vaqt qadri.

Bir vaqtlar tarix kitoblarida oʻqigan voqealarimizni bugun oʻz koʻzimiz bilan koʻrmoqdamiz…

Ustingizdagi ne'matlar ziyoda bo'lishini istasangiz, avval, boriga shukr qilishingiz kerak. Zero, shukr qilinsa ziyoda qilinur.

#shukr

Dam olish (ta’til) degani faqat bekor yotish emas, balki insonning kundalik majburiyatlardan xoli bo‘lib, o‘zi istagan mashg‘ulotlarga vaqt ajrata olishidir. Masalan, talaba dars va vazifalardan tashqari, qalbiga yaqin bo‘lgan biror adabiy asar yoki kitobni mutolaa qilishi mumkin.

Dam olish bu – insonning insoniyligini unutishi emas, aksincha, uni chuqurroq anglash imkoniyatidir. Bu kunlar o‘zini taftish qilish, hayot shiddatida nimalarni va kimlarni unutib qo‘yayotganini yana bir bor eslash uchun berilgan fursatdir.

#tafakkur

Lahzalarning qadrini to ular xotiraga aylanmaguncha anglab yetmaymiz.

#hayot

Bir qadrdon ukamizning qizlari reanimatsiyada ekan. Haqiga duoi xayr qilib qo'ysangizlar. Alloh shifoi komil bersin.

#duo

Tuproq ostida yaxshi yotish uchun, tuproq ustida to‘g‘ri yashash kerak.

#qabr

Fuzayl ibn Iyoz (rahimahulloh) aytadilar:

“Er kishining muruvvati (mardligi) toki dushmani undan omonda bo‘lmaguncha komil bo‘lmaydi. Qanday qilib komil bo‘lsin, axir hozir hatto do‘sti ham undan omonda emas-ku?!”

Hilyatul avliyo

#muruvvat
#mardlik

“Men undan yaxshiman!”

Ushbu so‘z Iblisning Jannatdan quvilishiga sabab bo‘ldi. Shunday ekan, inson oʻzini hech kimdan ustun deb bilmasligi kerak!

#tavoze

Kambag‘al non g‘amida,
Boy esa non yemay ozish g‘amida.

#hayot
#olindi

14 yanvar – vatan himoyachilari kuni muborak bo‘lsin!

Ertalabdan meni ham farzandlarim tabriklashdi)

#vatan #oila

Onam va boshqalar o‘rtasidagi farq shundaki, boshqalar meni g‘amgin ko‘rmaslikni istaydilar, onam esa mening g‘amimni o‘z bo‘yniga olishni istaydi.

Mahmud Darvesh

#ona