85 yoshli professorning doktorlik darajasini olgan shogirdiga vasiyati

“Seni doktorlik dissertatsiyasini himoya qilganing bilan tabriklayman. Alloh senga baraka bersin va barcha yaxshiliklarda muvaffaqiyat ato etsin. Senga hamma narsadan ham muhimroq bir gapni aytaman:

Ilm talab qilish endi boshlandi. Ehtiyot bo‘l, doktorlik bu yo‘lning oxiri bo‘lib qolmasin. Endi sen erkinsan. Oldin bir rahbar nazorati ostida yozar eding, endi esa o‘z aqling, fikring va qarashlaring nazorati ostida yozasan.

Senga gapirayotgan bu insonning yoshi 85 (sakson besh)da va u chalqancha yotgan holda yozmoqda. Modomiki, qalam qo‘lingda ekan, ajal uni tushirib yubormagunicha uni qo‘yma. Agar shunday qilsang, elga naf keltirasan va yaxshi inson bo‘lasan.

O‘zing bilan ovora bo‘lib, sen haqingda aytilayotgan gaplarga e’tibor berishdan saqlan. Allohning roziligini ista, ilmga va ilm toliblariga xizmat qilish – ayni Allohning roziligidir. Bu senga oxirgi vasiyatim!”

#ustoz
#ilm

Qiblamiz bitta-yu, qalbimiz boshqa,
Farzimiz boshqamas, qarzimiz boshqa.
Xo‘mrayib yotardik qiyomatgacha,
Shukr, hammamizning qabrimiz boshqa.

Ўткирбек Муҳаммад Собир

Ramazon oyi arafasida O‘zbekiston Respublikasi “Ko‘zi ojizlar” bosmaxonasi “YOG‘DU” nashriyoti Qurʼoni Karim kitobini Brayl yozuvida chop etdi.

500 nusxada chop etilgan Mus’haf Brayl shriftida arab alifbosida nashr etilganligi bois uni dunyodagi barcha ko‘zi ojiz insonlar mutolaa qila oladi.

Manba: Uzreport telekanali

#brayl

Oila faqat sevgi bilan emas!

Bir kishi Umar ibn Xattobning huzuriga kelib:
– Ey mo‘minlar amiri, men xotinimni taloq qilmoqchiman, dedi.
Umar undan:
– Nima uchun? deb so‘radi.
U kishi:
– Chunki men uni sevmayman, deb javob berdi.
Shunda Umar unga dedi:
– Barcha oilalar muhabbat ustiga qurilganmi?! Unda muruvvat va mas’uliyat qayerda qoladi?!

Yana bir rivoyatda aytilishicha, bir kishi xotiniga qasam ichirib:
– Alloh haqi ayt, meni sevasanmi? deb so‘radi.
Ayoli:
– Madomiki, qasam ichirdingiz, yo‘q, sizni sevmayman, dedi.
Er Umar ibn Xattobning oldiga shikoyat qilib bordi. Umar ayolni chaqirtirdi. Ayol kelgach, Umar unga:
– Eringga uni yomon ko‘rishingni aytdingmi? dedi.
Ayol:
– Ey mo‘minlar amiri, u menga qasam ichirdi, yolg‘on gapiraymi?! dedi.
Umar unga shunday dedi:
– Ha, yolg‘on gapir! Agar birortangiz erini sevmasa, buni unga aytmasin. Chunki muhabbat ustiga qurilgan oilalar kamdan-kamdir, lekin odamlar islom va yaxshilik bilan turmush kechiradilar!

Bu ikki qissa er-xotin o‘rtasidagi muhabbatning ahamiyatini kamaytirish uchun keltirilmaydi. Aslida, bunday bo‘lishi ham mumkin emas, chunki muhabbat umr yo‘lini birga bosib o‘tishga qaror qilgan ikki inson o‘rtasidagi eng mustahkam bog‘ich ekanini hech bir aqlli odam inkor etmaydi. Bu qissalar “bolta toshga tekkanda” va odamlar “muhabbat yo‘q” deya ajrashishga kirishganda eslanadi!

Oilalar va nikohlar faqat muhabbat bilangina turmaydi. Agar har bir er xotiniga nisbatan Majnun Layliga his qilgan tuyg‘uni tuymagani uchun xotini bilan ajrashmoqchi bo‘lsa, agar har bir ayol eriga nisbatan Zulayxo Yusufga his qilgan tuyg‘uni tuymagani uchun eri bilan ajrashmoqchi bo‘lsa, real hayotda ko‘p oilalar qolmas edi! Lekin oilalar barhayot, hayot esa davom etmoqda. Chunki oilalarni saqlab qolish uchun yurakdan boshqa yana ko‘plab narsalar bor!

Islomning er-xotin o‘rtasidagi mehrni saqlash va ko‘ngilni ko‘tarishga oid ishlarda yolg‘on gapirishga ruxsat bergani bejiz emas! Erning o‘z xotiniga "chiroyli emassan" deyishi garchi haqiqat bo‘lsa ham, qo‘pollik hisoblanadi,l. Xotinning o‘z erini kamsitish uchun boshqalar bilan solishtirishi garchi aytgani rost bo‘lsa ham, yomon xulq natijasidir!

Agar nikoh muhabbat bilan bezalsa, qanday yaxshi! Hayot har oqshom shamlar yoqiladigan turk seriali emas, oshiqlar bir-biri uchun jinni bo‘lmasa, zerikarli va bir xil bo‘lib qoladigan ishqiy roman ham emas! Hayot – bu hayot, u imkoniyat san’atidir! Oilalar faqat muhabbat bilan qurilmaydi!

Xulosa qilib aytganda, mehr-oqibat bo‘lgan uydan go‘zalroq narsa yo‘q. Chunki muhabbat eng go‘zal rizqlardandir. Mana, Paygʻambarimiz Xadicha onamiz haqida: "Men uning muhabbati bilan rizqlandim", deganlar! Garchi u Quraysh ayollarining eng boyi bo‘lsa-da, u zot muhabbatni zikr qildilar!

Shuningdek, muhabbatning yo‘qligi hurmatning yo‘qligini anglatmaydi. Mehrning kamligi hayot tugadi degani emas. Hayotda biz tanlamaydigan, lekin bizni tanlaydigan yo‘llar bor, biz bu yo‘llarni o‘nqir-cho‘nqirlari, to‘siqlari va qoqilishlariga qaramay oxirigacha bosib o‘tishimiz kerak. Chunki bu hayot imtihon dunyosidir.

#oila
#sevgi

RAMAZON OYI 19-FEVRALDAN BOSHLANADI

O‘zbekiston Respublikasi Prezidenti "Muborak Ramazon oyini munosib tarzda o‘tkazish to‘g‘risida"gi qarorni imzoladi.

Mazkur qarorga ko‘ra, 2026 yilgi muborak Ramazon oyining boshlanishi 19 fevral kuniga to‘g‘ri kelishi haqidagi O‘zbekiston musulmonlari idorasining axboroti ma’lumot uchun qabul qilindi.

#ramazon2026

Bu yil Ramazon oyida Toshkent shahri Chilonzor tumanidagi "Choshtepa" masjidida taroveh namozida xizmatda bo‘lamiz, insha Alloh. Butun dunyo qorilari qatorida biz faqirni ham duo qilib qo‘ysangizlar, iltimos.

Ramazon oyi barchalarimizga yana bir bor muborak bo‘lsin!

So‘raganlar uchun masjid joylashuvi 👉bu yerda👈.

#ramazon2026

Ramazon oyi muborak boʻlsin!

Alloh taolo ushbu muborak oyda barchamizni gunohlardan poklab, qalblarimizni nurga toʻldirsin. Roʻzalarimizni, ibodatlarimizni qabul aylab, Ramazondan xulqimiz yanada goʻzal, amallarimiz esa yanada savobli holatda chiqishimizni nasib etsin.

#ramazon2026