Bu bolaga nasihat qilib ketinglar.

📨 Sizda yangi anonim xabar bor!

Assalomu alaykum! Ustoz yaxshimisiz, ahvollaringiz yaxshimi? Oilani buzish haqida kimlar koʻproq sababchi?, deb soʻrabsiz. Ustoz shu borada sizdan maslahat soʻramoqchi edim.

Turmush qurganimizga 1 yilcha boʻlib qoldi. Yaqinlarning maslahati va maqtovlari bois uylanganman. Ya’ni keliningizni sevib, oʻzim yoqtirib uylanmaganman. Nikohdan keyin sevib ketasan, deyishgandi. Unday boʻlmadi. Uyga erta ketish, yoki ayolimni biror hafta koʻrmasam sogʻinish degan tuygʻular menda yoʻq.

Oilamiz men kutgandek emas. Ustoz juda zerikarli hayot. Deyarli har kuni bundan oʻzim jabr tortaman. Nega? Nimaga? Nima sabab bunday boʻldi?, degan savollar hamda bu hammasi tush boʻlsaydi, degan orzular ich yetimni yeydi. Hech narsa qiziq emas. Lekin ayolimda shariatga zid keladigan biror ish ham yoʻq. Tabiatan mosmasmiz. Soatlab suhbatlashishish, aylanishlar bizga qorongʻu.

Bu holatdan u ham qiynaladi. Boisi men hech ham yaxshi muomalada boʻlmayman. Toʻgʻrirogʻi boʻla olmayapman.

Shu holatda ajrashish toʻgʻri boʻladimi?

Muhabbat hosil qilish uchun nima qilish kerak, ustoz?