Duo qilib qoʻyasizlar…

Ba’zi odamlar kun bo‘yi ish bilan band bo‘ladilar, ammo maqsadlariga yaqinlashmaydilar. Chunki ko‘p harakat qilish har doim ham to‘g‘ri yo‘nalishda ketayotganlikni anglatmaydi.

Shuning uchun avvalo nima bilan band ekanimizni emas, qilayotgan ishimiz bizni maqsadimizga qanchalik yaqinlashtirayotganini o‘ylashimiz kerak.

#maqsad #natija

Ibn Sirinning mol-davlati qo'ldan ketib, kambag'allashganida unga: "Sizning yo'qotishingiz juda katta boʻlibdi", deyishdi.

Shunda u shunday javob berdi: "Bu qirq yildan beri o'zim kutib yurgan gunohimning jazosidir!"

Ular: "U qaysi gunoh edi?" deb so'rashdi.

U: "Bir kishini kambag'alligiga malomat qilgandim", dedi.

#malomat

Baxtiyor bo‘lganingda, o‘zing sevgan insoning tomon borasan. Ammo g‘amgin bo‘lganingda, seni sevadigan inson tomon borasan.

#haqiqat

Ustozni Alloh rahmatiga olsin. Xonadon ahllariga sabri jamil ato qilsin.

Juda ajoyib inson edilar😢

Hammamiz zohirda yaxshimiz, aslida kimligimiz esa yolg‘iz qolganimizda bilinadi.

#haqiqat

Navoiyda otinoyilar uchun oʻquv-seminar oʻtkazildi.

Har doim ham inson atrofidagilar u bilan uning yaxshiligi uchun muomala qilmaydi. Ba’zilar o‘zidagi yomon xislatlarga munosib bo‘lgan, aynan shu xislatlarini “qo‘llab-quvvatlaydigan” insonlarni izlaydi.

Shuning uchun siz bilan munosabatda bo‘layotgan insonlarni ajratib oling. Ular siz bilan yaxshi xislatlaringiz uchun muomala qilyaptilarmi yoki yomon xislatlaringiz uchun?

#hayot

Bir toʻgʻram non uchun…

Dunyo, haqiqatda, bir chizma asosida ishlaydi. Masalan, sizning bir to‘rg‘am non yeyishingiz uchun qancha mavjudotlar xizmatda! Oy, quyosh, bulut, yomg‘ir, yer, osmon kabi jonsiz mavjudotlar xizmatda. Shuningdek, uni yetishtirish uchun dehqon, tegirmonchi, novvoy, sotuvchi, eltuvchi kabilar ham qo‘shiladi. Hammasi tizimli ishlaydi. Qoyil qolmasdan ilojingiz yo‘q!

Xuddi shu ma’noda Sa’diy Sheroziy bir ajoyib she’r aytgan:

Abru bodu mohu xurshedu falak dar korand,
To tu none ba kaf oriyu ba g‘aflat naxurī.

Tarjimasi:
Bulut, shamol, oy, quyosh va falak sen uchun xizmat qilmoqda.
Shunday ekan, sen qo‘lingdagi nonni g‘aflat bilan yema.

#ibrat #mojiza

— Muncha o‘zingga qaramaysan?

— Erkak kishi maymundan sal farq qilsa, yetadi-da!

— Men ham shuni aytyapman-da, sal farq qilishi kerak-da! 😄

#hazil

Ehtiyotkorlik – yomon niyat emas. Har qanday holatda ham siz uchun ehtimoliy vaziyatlardan chiqish joyingiz boʻlishi kerak.

#ehtiyotkorlik