🛢️Қазақ мұнайы 123 доллардан асты 🌚

Бүгін ФРЖ үш жылдан кейін алғаш рет мөлшерлемені көтеруі мүмкін

Нарық толығымен сеніп отыр. ФРЖ мөлшерлемені 25 базистік тармаққа көтеріп, 3,75–4,00% диапазонына жеткізеді деген сценарийді шамамен 93% ықтималдықпен бағалап отыр..

Қазір федералдық қорлар мөлшерлемесінің мақсатты диапазоны 3,50–3,75% деңгейінде. Шілдедегі отырыста 🔍ФРЖ оны өзгеріссіз қалдырған еді. Сол кезде комитеттің үш мүшесі мөлшерлемені 0,25 пайыздық тармаққа көтеруді қолдаған.

Мөлшерлеме жөніндегі шешім 16 қыркүйекте Вашингтон уақытымен 14:00-де, яғни Алматы уақытымен 23:00-де жарияланады.

👶Иллюстрация

2025 жылы Қазақстанда 335 мың бала дүниеге келді. Ел бойынша туудың жалпы коэффициенті 1000 тұрғынға 16,43 баланы құрады.
Бір жыл бұрын бұл көрсеткіш 18,15 болған. Яғни туу коэффициенті бір жылда шамамен 9,5%-ға төмендеді. Туған балалардың жалпы саны да азайған: 2024 жылы 365,9 мың сәби дүниеге келсе, 2025 жылы олардың саны 30,9 мыңға немесе 8,4%-ға қысқарды.
📍 Туу коэффициенті ең жоғары өңірлер:
— Түркістан облысы — 22,22
— Шымкент — 21,76
— Маңғыстау облысы — 21,40


🔍 Jaisandar.kz

⬆️TOP-30: Қазақстандағы ең көп оқылатын медиа-сайттар

JaiSandar LiveInternet рейтингінің соңғы бір айдағы деректері негізінде Қазақстандағы мещиа санатындағы TOP-30 сайттың аудиториясын бір картаға жинады.

Он жыл бұрын екі есе аз еді..


2015 жылы Ресей Қазақстан үшін Қытайдан екі еседен астам ірі жеткізуші болатын: Ресейден импорт $10,5 млрд, Қытайдан $5,1 млрд болды. 2025 жылы айырмашылық іс жүзінде жоғалды — Ресейден $19,2 млрд, Қытайдан $18,9 млрд тауар келді.

Осылайша, Ресейден импорт он жылда шамамен 83% өссе, Қытайдан келетін тауар көлемі 3,7 есеге көбейді.

🔍 Kursiv Research-те 10 жылда сыртқы сауда қалай өзгерді деген сараптамалық материалым шықты

💳 441,30₸

валюта нарығындағы күндізгі сауда.

Қызылға боялған 📈📉. Бейсенбіде плюсқа ешкім шықпады

🏛️Kaspi брокер ашпақ па?

Kaspi тобы АХҚО-да Kaspi Broker Ltd. атты жаңа компания тіркеді. Компанияның қызмет бағыты ретінде брокерлік қызмет пен инвестициялық кеңес беру көрсетілген.

Kaspi Broker-дің құрылтайшысы Kaspi Capital Ltd. Бұл компанияны Kaspi.kz биыл шілдеде
АХҚО-да тіркеген еді.

Қазір құрылым былай көрінеді:
Kaspi.kz ➡️Kaspi Capital ➡️ Kaspi Broker

Әзірге Kaspi Broker-дің AFSA лицензиясы туралы дерек жоқ. Сондықтан компания брокерлік қызметті бастап кетті деуге ерте. Сондай-ақ Kaspi бұл сервисті қосымшаға енгізе ме, қандай нарықтарға қолжетімділік береді әзірге белгісіз.

🕳🕳 Qazaq index

Жыл басынан акция бағаларының өзгерісі

Ал мынау 📈📉 дегі акциялар

🔍Jaisandar.kz сайтында қор нарығын бақылау енді ыңғайлырақ.

📈 KASE акциялары
Акция бағасы мен өзгерісін 1 күн / 1 апта / 1 ай / YTD / 1 жыл бойынша қарауға болады. Жеке акцияны ашып, толық графигін көруге мүмкіндік бар.

🟩 Heatmap
Қай акция өсіп, қайсысы арзандағанын бір экраннан көресіз. Түс қоюланған сайын өзгеріс ауқымы да анық байқалады.

⚖️ Салыстыру
Акцияларды негізгі көрсеткіштері бойынша қатар қойып салыстыруға болады.


🇰🇿Дивидендтер
Дивиденд деректері жаңартылып отырады. Мұнда:
төлем тарихы;
дивиденд табыстылығы;
дивидендтің жылдық өсімі;
акция бағасының өзгерісі;
компанияларды өзара салыстыру бар.

Сондай-ақ KASE индексі, QAZAQ Index, KASE Global, индекстегі акциялардың үлесі мен басқа да нарық деректерін көруге болады.
Керек графиктер мен салыстыруларды PNG форматында жүктеп алуға болады.

⬆️Бәрі де онлайн жаңарып отырады.

💳Акциялардың табыстылығы

Өсім, дивиденд

🇰🇿 Қазақстан Теңіздегі үлесін кемінде 35%-ға дейін арттырғысы келеді

🔍Bloomberg-тің 22 қыркүйектегі мәліметінше, Қазақстан үкіметі 🤩Chevron бастаған консорциумнан шамамен $10 млрд көлемінде бір реттік төлем жасауды және мемлекеттің «Теңізшевройлдағы» үлесін қазіргі 20%-дан кемінде 35%-ға дейін ұлғайтуды талап етіп отыр.

Оның орнына 2033 жылы аяқталатын Теңіз кен орнын игеру келісімінің мерзімін ұзарту қарастырылуы мүмкін.
Қазір ТШО-дағы үлестер былай бөлінген:
— Chevron — 50%
— ExxonMobil — 25%
— ҚазМұнайГаз — 20%
— Lukarco — 5%

Келіссөз бірнеше айдан бері жүріп жатыр. Ол ресми түрде 2025 жылғы қыркүйекте басталған. 2026 жылғы сәуірде Энергетика министрі Ерлан Ақкенженов ТШО серіктестері Теңізде 2033 жылдан кейін де жұмысын жалғастыруға мүдделі екенін айтқан.
Bloomberg жариялаған жаңа деректің ерекшелігі — келісімді ұзартудың ықтимал бағасы алғаш рет нақты сандармен аталып отыр.

Бұл Қазақстанның 1990-жылдары жасалған ірі мұнай келісімдеріне қатысты ұстанымын күшейтіп отырғанын көрсетеді. Бұған қоса, ел Қашаған және Қарашығанақ жобалары бойынша ондаған миллиард долларлық дауларға қатысты халықаралық арбитраж процестерін жүргізіп келеді.
Қазақстанның келіссөздегі позициясына мұнай нарығындағы жағдай да әсер етіп отыр. Ел Еуропаға мұнай жеткізетін ірі экспорттаушылардың біріне айналды, ал Таяу Шығыстағы тұрақсыздық Каспий мұнайының маңызын арттырды.
Бірақ Теңіздің ұзақмерзімді болашағына қатысты тәуекел де бар. ExxonMobil тамыз айында кен орнындағы өндіріс шарықтау шегіне жақындағанын, ал 2035 жылға қарай тәуліктік өндіру көлемі шамамен 500 мың баррельге дейін төмендеуі мүмкін екенін ескерткен.
Сонымен қатар Теңіз — технологиялық тұрғыдан күрделі кен орны. Құрамындағы күкіртсутегінің көп болуы жобаны игеру үшін ірі халықаралық компаниялардың тәжірибесі мен технологиясын қажет етеді. Сондықтан келісімді ұзартуға Қазақстан да, шетелдік серіктестер де мүдделі.

⬆️Chevron үшін де Теңіздің маңызы жоғары. Қазақстан компанияның дәлелденген мұнай-газ қорының 10%-дан астамын құрайды. Ал ТШО Chevron-ның негізгі ақша ағынын қамтамасыз ететін активтердің бірі.
2026 жылдың екінші тоқсанында Chevron-ның үлестес компаниялардан алған төлемдері шамамен $3 млрд болған. Оның басым бөлігі ТШО-дан түскен.

Компанияның барлық үлестес кәсіпорындарынан түсетін жылдық төлем бойынша бағдары 🛢️Brent бағасы барреліне $70 болған жағдайда шамамен $6 млрд.
Ал Қазақстан сұрап отырған $10 млрд бір реттік төлемнің консорциум мүшелері арасында қалай бөлінетіні әзірге белгісіз.

🛢️Тағы бір мәселе — Лукойлдың ТШО-дағы 5% үлесі. 2026 жылғы қаңтарда Қазақстанның Энергетика министрлігі компанияның елдегі активтерін сатып алу мүмкіндігіне байланысты АҚШ Қаржы министрлігіне өтініш жолдаған.
ҚазМұнайГаз үшін ТШО-дағы үлестің өсуі ұзақмерзімді перспективада дивиденд пен басқа да ақшалай түсімдердің артуына ықпал етуі мүмкін.
Теңіздің Chevron портфеліндегі салмағы биыл да айқын көрінді. Екінші тоқсанда кен орнындағы өндіріс алдыңғы тоқсанмен салыстырғанда тәулігіне 170 мың баррельге артқан. Chevron басшысы Майк Уэрт Теңіз келісімінің ұзартылуын компания үшін өсу мүмкіндігі бар ерекше жобалардың бірі ретінде атаған.
⚠️ Маңыздысы: қазір айтылып отырған шарттар түпкілікті бекітілмеген. Келіссөз барысында $10 млрд төлем көлемі де, мемлекеттің үлесіне қатысты талап та өзгеруі мүмкін.

🖊️Келіссөз ұзаққа созылса, Теңіздің 2033 жылдан кейінгі болашағына қатысты белгісіздік сақталады. Ал Қазақстанның үлесі ұлғайған жағдайда Chevron, ExxonMobil және басқа серіктестердің үлесі мен болашақ ақша ағыны қысқаруы ықтимал.

Дереккөздер:
🇰🇿Teniz Capital
🔍Bloomberg

🔍Jaisandar-да үлкен бюджет дерекқорын жасадық
Қазақстанның республикалық бюджетін енді ондаған PDF пен Excel файлынан іздеп отырмай-ақ, бір жерден зерттеуге болады.
Jaisandar DATA → Бюджет бөлімінде:
— 2015–2025 жылдардағы бюджет деректері;
— кірістер мен шығыстар;
— Ұлттық қордан түсетін трансферттер;
— негізгі салықтар;
— борышқа қызмет көрсету мен қарызды өтеу;
— өңірлердің бюджеті, донорлар мен субвенция алушылар;
— бірнеше жылды және өңірді салыстыру мүмкіндігі бар.
Мысалы, бірнеше секундта мемлекеттің белгілі бір жылы ҚҚС-тан қанша кіріс алғанын, денсаулық сақтауға қанша жұмсағанын, Ұлттық қордан қанша ақша алғанын немесе борышқа қызмет көрсету шығыны қалай өзгергенін көруге болады. Тіпті одан ішінара салаларды қарауға болады. мысалы НИШ мектептеріне соңғы 5 жылда қанша қаражат бөлінді деген секілді 7 мыңнан астам сала бар.
Кез келген графикті өзіңізге ыңғайлап ашып, кезеңін таңдап, PNG сурет немесе Excel файл ретінде жүктеп алуға болады. Яғни графикті презентацияға, мақалаға немесе әлеуметтік желіге бірден пайдалануға болады.

🇰🇿 1$ ➡️438,25₸ валюта нарығындағы минимум/таңғы сауда

Отандық компаниялардың акциясы жыл басынан бері қалай өзгерді?

Бүгін үшінші тоқсанның соңғы күні. 📈📉 индексіне кіретін 10 компанияның акция бағасы жыл басынан (YTD) бері қалай өзгерді?

Сіз 🔍 JaiSandar.kz сайтына кіріп, ұнаған компанияларды таңдап, талдап осындай видео немесе фотоны лезде жүктей аласыз. Қалаған уақытты көрсетіп (1 күн/апта/ай/YTD/жыл тіпті IPO-дан бері өзгерісі немесе бағасын қойып таңдауға болады. Болмаса тізім, график, баған түрінде де шығаруға болады.

Келесі айда қор нарығын фундаменті анализ жасауға болатын толыққандаюы деррекқор пачт болады. Бәрі ыңғайлы, сапалы visual, ең бастысы ресми дереккөздерге негізделген дерекқор болмақ.