2023-yil 14-fevraldagi 13-son bayon asosida istisno tariqasida magistraturaga qabul qilingan magistrlar PF–81-son Farmonda belgilangan darajadagi til sertifikatiga ega bo‘lsa, magistrlik dissertatsiyasini himoya qilishiga ruxsat beriladi.

Talab etiladigan darajalar:

⏺ C1 — filologiya yo‘nalishlari;

⏺ B2 — gumanitar, biologik va turdosh fanlar, matematika va statistika, biznes va boshqaruv, huquq, xizmat ko‘rsatish, ijtimoiy va xulq-atvorga mansub fanlar, jurnalistika va axborot, axborot-kommunikatsiya texnologiyalari;

⏺B1 — boshqa ta’lim sohalari hamda madaniyat va sport mutaxassisliklari.
Sertifikatning amal qilish muddati tugamagan bo‘lishi va u rasman tan olingan sertifikatlar ro‘yxatiga kirishi shart.
Shu munosabat bilan belgilangan talablarga muvofiq til sertifikatiga ega magistrantlardan magistrlik dissertatsiyasini himoya qilishga ruxsat so‘rab ariza topshirish so‘raladi.
Taqdim etiladigan hujjatlar:
Rektor nomiga ariza;
Milliy yoki unga mos darajadagi xalqaro til sertifikatining asl nusxasi;
Pasport nusxasi.