Azərbaycan Cüdo Federasiyasının adaptiv cüdo qrupunun üzvləri Bakıda keçirilən dünya çempionatının qonağı olublar. Onlar Milli Gimnastika Arenasında tatamiyə çıxaraq xüsusi nümayiş proqramı təqdim ediblər və məşqlərdə öyrəndiklərini tamaşaçılar qarşısında göstəriblər.

Adaptiv cüdo fərqli fiziki və funksional imkanlara malik şəxslərin cüdo ilə təhlükəsiz və əlçatan şəkildə məşğul olmasına şərait yaradan istiqamətdir. Məşqlər iştirakçıların fərdi xüsusiyyətləri nəzərə alınmaqla qurulur, onların fiziki inkişafı, koordinasiyası, özünəinamı və sosial inteqrasiyasına töhfə verməyi hədəfləyir.

Dünya çempionatı çərçivəsində təşkil olunan bu nümayiş adaptiv cüdonun inklüziv idman mühitindəki rolunu bir daha diqqətə çatdırıb.

🥋 Bakıda keçirilən cüdo üzrə böyüklər arasında dünya çempionatında oktyabrın 10-da yeddinci yarış gününün görüşləri keçiriləcək. Milli Gimnastika Arenasında Azərbaycan millisinin 4 üzvü qadınların +78 kq və kişilərin +100 kq çəki dərəcələrində mübarizə aparacaq.

Qadınlar

+78 kq

1/16 final
Madina Kaisinova 🇦🇿 – Asya Tavano 🇮🇹

Kişilər

+100 kq

1/32 final
Camal Qamzatxanov 🇦🇿 – Fransisko Solis 🇨🇱

1/16 final
Uşanqi Kokauri 🇦🇿 – Emirxan Joldoşkazıyev 🇰🇬
Kənan Nəsibov 🇦🇿 – Losseni Kone 🇩🇪 / Vidak Malyeviç 🇷🇸 cütünün qalibi ilə


⏰ Təsnifat mərhələsi – 11:30
⏰ Final bloku – 18:00

📺 Canlı yayım: CBC Sport, Judo TV

🔖 Biletlər: iTicket.az

İdmançılarımıza uğurlar arzulayırıq! 🩷

Fərdi yarışların son günü — ən ağırlarımız tatamiyə çıxmağa hazırlaşır! 🇦🇿🥋

Camal Qamzatxanov (+100 kq) ilk görüşdə çilili rəqibi Fransisko Solisə ipponla qalib gəldi. Cüdoçumuz 1/16 finalda Mikita Sviridlə (Xorvatiya) qarşılaşacaq.

Camal Qamzatxanovu növbəti mərhələyə daşıyan ippon 🔥