#Fiqh #OchiqDars

Fiqh masalalari va poklik sabog‘i

Bugun, 27-oktabr kuni “Jo‘ybori Kalon” ayol-qizlar o‘rta maxsus islom ta’lim muassasasida fiqh fani bo‘yicha birinci bosqich talabalari uchun g‘oyat muhim va dolzarb mavzuda ochiq amaliy mashg‘ulot o‘tkazildi.
Oila mustahkamligi va ma’naviy sog‘lomlikning asosi shar’iy bilimlarga, xususan, kundalik hayotdagi poklik qoidalariga to‘g‘ri amal qilishga borib taqaladi. Shu maqsadda “Fiqh” fan oyligi doirasida ta’lim muassasasi o‘qituvchisi Gulyuz Bo‘stonova tomonidan birinchi kurs talabalariga “Ayollarda hayz masalalari” mavzusida maxsus dars tashkil etildi.
Ushbu ochiq mashg‘ulot davomida talaba-yoshlarga fiqh ilmining ibodatlar durustligi va oila doirasidagi eng nozik mezonlari sodda hamda hayotiy misollar bilan tushuntirib berildi. Dars davomida poklik iymondan ekanligi, bu masalalarni mukammal bilish sog‘lom va baxtli oila barpo etishning ilk poydevori ekani alohida qayd etildi.
Savol-javoblarga boy tarzda o‘tgan dars yosh talabalarda katta taassurot qoldirdi va ularning diniy-amaliy savodxonligini oshirishga xizmat qildi. Ta’lim muassasasidagi bu kabi amaliy darslar yoshlarning nafaqat bilimini boyitadi, balki ularni kelajakda komil inson bo‘lib yetishishlarida muhim dasturilamal bo‘ladi.

✍️Ta’lim muassasasi o‘quv-uslubiy bo‘lim boshlig‘i M. Xujayeva


✨Ijtimoiy tarmoqlarda bizni kuzating:
🌐Facebook  | Juyborikalon.uz  ▶️You Tube | 🌐Instagram ✅@juyborikalon