⚡️⚡️⚡️Ilm maskanida fiqh fan oyligi doirasida ochiq dars

“Jo’ybori Kalon” ayol-qizlar o‘rta maxsus islom ta’lim muassasasida ilm va ma’rifat tarovati o‘zgacha bir jo‘shqinlik bilan davom etmoqda. Shariat ahkomlarini mukammal anglash, oyat va hadislarning tub mag‘zini chaqish har bir tolibi ilmning oliy maqsadidir. Ayni shu maqsadda, muassasada e’lon qilingan oktyabr oyi — “Fiqh” fan oyligi doirasida navbatdagi yuqori saviyadagi ochiq amaliy mashg‘ulot bo‘lib o‘tdi.
Muassasaning “Usulul fiqh” fani o‘qituvchisi Sultonova Dilovar rahbarligida 301-guruh talabalari ishtirokida tashkil etilgan dars “Nahiyning ta’rifi, hukmi va turlari” mavzusiga bag‘ishlandi. Publitsistik va interaktiv ruhda kechgan ushbu amaliy darsda har bir shariat ahkomining huquqiy asosi chuqur tahlil qilindi.

Dars avvalida ustoz D.Sultonova talabalarga nahiy qoidalarining shariatdagi o‘rni, uning Qur’oni Karim va hadisi shariflardagi belgilari haqida batafsil ma’lumot berdi. Qayd etildiki, nahiy — biror ishni mutloq bajarmaslik, undan mutlaqo tiyilish talabidir. Usulul fiqh qoidalariga ko‘ra, biror amalga nisbatan kelgan qaytariq qat’iy dalil bo‘lib, undan tiyilish mukallaf bandaga vojib hisoblanadi.

Darsning eng ta’sirli va e’tiborli jihatlaridan biri — qoidalarning bevosita Qur’on oyatlari bilan dalillanishi bo‘ldi. Xususan, mutloq nahiy aslan haromlikni ifoda etishiga yaqqol misol tariqasida Isro surasining 32-oyati: “Va la taqrabuz zina” (Zinoga yaqinlashmanglar!) oyati ochiq dalil sifatida keltirildi. Talabalar bu oyat orqali shariat nafaqat biron-bir gunoh ishni qilishni, balki unga olib boruvchi yo‘llarga yaqinlashishni ham qat’iyan man etishini, ya’ni nahiy qoidasining ijtimoiy va huquqiy kuchini chuqur his qildilar.

Amaliy darsda mutlaq hukmni boshqa ma’noga buruvchi qarina yoki dalilsiz kelgan nahiy tushunchasiga alohida to‘xtalib o‘tildi. Ta’kidlandiki, agar qaytariqni karohat yoki boshqa ma’noga buradigan qo‘shimcha biron bir tashqi dalil (qarina) bo‘lmasa, u o‘zining asl hukmi — haromlikda qoladi. Biroq, uni istisno qiladigan holat yoki boshqa dalillar mavjud bo‘lganda, hukm o‘z-o‘zidan o‘zgarishi ham misollar yordamida tushuntirildi. Nahiyning barcha murakkab turlari sodda va lo’nda uslubda talabalarga yetkazildi.
Dars shunchaki ma’ruza emas, balki qizg‘in amaliy mashg‘ulot sifatida tashkil etildi. O’qituvchi talabalarni bir nechta interaktiv guruhlarga bo‘lib, darsni guruhlarda ishlash uslubi orqali jonlantirdi.

Mavzuni mustahkamlash qismida o‘qituvchi tomonidan har bir guruhga tezkor topshiriqlar berildi. Har bir guruh belgilangan vaqt ichida o‘tilgan mavzu yuzasidan o‘zlariga berilgan nahiy turlarini, ularning asli mazmun-mohiyatini yozma ravishda bayon qilib topshirishlari kerak edi. Bo‘lajak olimalar berilgan topshiriqni tezlik va aniqlik bilan bajarib, o‘z guruhlarining bilimini namoyish etdilar. Guruhlarning yozma ishlari hamda tezkor javoblari tahlil qilinib, talabalar adolatli ravishda munosib baholandi.

Pedagogik mahorat, zamonaviy interaktiv metodlar va shar’iy dalillarning go‘zal uyg‘unligi natijasida ushbu ochiq dars o‘z oldiga qo‘ygan maqsadiga to‘liq yetdi. Talabalar nafaqat nazariy bilimlarni mustahkamladilar, balki ularni kundalik hayot va fiqhiy masalalarda qanday tatbiq etish ko‘nikmasiga ham ega bo‘ldilar.

✍️Ta’lim muassasasi O’quv-uslubiy bo’lim boshlig’i M.Xujayeva

✨Ijtimoiy tarmoqlarda bizni kuzating:
🌐Facebook  | Juyborikalon.uz  ▶️You Tube | 🌐Instagram ✅@juyborikalon

#Dual_talim #DavraSuhbati

📢 “Voyaga yetmaganlarning huquqları, erkinliklari va qonuniy manfaatlarini ta’minlaş”
Joriy yilning 26-oktabr kuni Buxoro şahar Ibn Sino MFYda “Voyaga yetmaganlarning huquqları, erkinliklari va qonuniy manfaatlarini ta’minlaş” mavzusida davra suhbati teşkil etildi.
Davra suhbatining asosiy maqsadi — voyaga yetmaganlarning huquq va erkinliklarini himoya qiliş, ularning qonuniy manfaatlarini ta’minlaş, yoşlar o‘rtasida huquqiy va diniy-ma’rifiy savodxonligini oşiriş, şuningdek, ularni turli yot ğoyalar, zararli mafkuralar va salbiy ta’sirlardan asraş masalalariga e’tibor qaratişdan iborat böldi.

✨Ijtimoiy tarmoqlarda bizni kuzating:
🌐Facebook  | Juyborikalon.uz  ▶️You Tube | 🌐Instagram ✅@juyborikalon

#infografika
#fiqh
#ayollarga_xos_masalalar

✍️Tayyorladi: 3-kurs talabasi  Govsidinova Maxdiya
✍️Mas‘ul: Fiqh fani o‘qituvchisi Sultonova Dilovar

📚Manba: Marvaridlar shodasi

✨Ijtimoiy tarmoqlarda bizni kuzating:
🌐Facebook  | Juyborikalon.uz  ▶️You Tube | 🌐Instagram ✅@juyborikalon