Судья және сот қызметкері күніне орай Кассациялық сотпен салтанатты іс-шара ұйымдастырылды.

🔹Іс-шараға кассациялық соттардың төрағалары мен судьялары, Кассациялық сот департаментінің басшылығы мен қызметкерлері, сондай-ақ шақырылған қонақтар қатысты.

🔹Іс-шара барысында Азаматтық істер жөніндегі кассациялық соттың төрағасы А.С. Смайлов құттықтау сөз сөйлеп, кәсіби мерекенің маңыздылығына тоқталды. Ол заң үстемдігін қамтамасыз ету, азаматтардың құқықтары мен бостандықтарын қорғау және қоғамдағы әділдікті нығайту жолында сот жүйесі қызметкерлерінің атқарып отырған еңбегін ерекше атап өтті.

🔹Салтанатты жиын барысында жоғары кәсібилігі, мінсіз қызметі және сот жүйесін дамытуға қосқан елеулі үлесі үшін судьялар, сот қызметкерлері ведомстволық медальдармен, Құрмет грамоталарымен және Алғыс хаттармен марапатталды.

🔹Сонымен қатар, бұқаралық ақпарат құралдары қызметкерлері күні қарсаңында сот жүйесінің қызметін объективті жариялап, құқықтық журналистиканың дамуына үлес қосып жүрген БАҚ өкілдері де марапатталды. Оларға жемісті ынтымақтастығы мен кәсіби қызметі үшін Алғыс хаттар табысталды.

🔹Салтанатты іс-шара жылы әрі мерекелік жағдайда өтіп, сот жүйесіндегі сабақтастықтың, аға буын мен жас мамандардың еңбегін бағалаудың, сондай-ақ сот органдары мен бұқаралық ақпарат құралдары арасындағы өзара тиімді ынтымақтастықтың маңыздылығын айқындай түсті.

Кассациялық соттардың баспасөз қызметі