“Spark” avtomobili o‘z egasini topdi!

⚡️Yoshlar ishlari agentligining “Kelajak kasblari” loyihasi doirasida Navoiy viloyatidagi “Saturn Edu” o‘quv markazida tahsil olgan Xurramova Ozoda o‘zining intiluvchanligi, mas’uliyati va bilimga chanqoqligi bilan ajralib turdi.

Loyiha e’lon qilingan zahoti ro‘yxatdan o‘tgan va darslarda muntazam hamda faol ishtirok etgan Ozoda dastlabki bosqichda B2 darajadagi ingliz tili sertifikatini qo‘lga kiritdi. Ustozlarining ko‘magida o‘z ustida doimiy ishlash natijasida yakuniy imtihonda 67 ball to‘plab, C1 darajaga sazovor bo‘ldi.

🚘Ushbu yutuqlari evaziga Xurramova Ozoda “Spark” rusumli avtomobil bilan taqdirlandi. Bu yutuq nafaqat uning shaxsiy g‘alabasi, balki “Kelajak kasblari” loyihasi orqali minglab yoshlar uchun ochilayotgan imkoniyatlarning amaliy tasdig‘idir.

@kelajakkasblari_uz

⚡️Yaqin kunlarda o'quv markazlari bilan xorijiy tillar hamda zamonaviy kasblarni o'rgatishni ommalashtirish yuzasidan muloqot o'tkazamiz.

Qanday taklif hamda savollaringiz bor izohlarda yozib qoldiring?

⚡️ O‘quv markazi tashkil etmoqchi bo‘lgan yosh tadbirkorlar uchun yana bir imkoniyat!

Yoshlar tadbirkorligini rivojlantirish jamg‘armasi tomonidan “Ko‘mak” loyihasi ishga tushirildi.

Loyiha xorijiy tillar bo‘yicha C1 darajadagi milliy yoki unga tenglashtirilgan xalqaro sertifikatga ega (va uni olganiga 2 yildan oshmagan), ayniqsa olis va chekka hududlarda chet tillariga ixtisoslashgan o‘quv markazlari ochish istagidagi yoshlar uchun.

Loyiha orqali yosh tadbirkorlarga 3 yil muddatga, 6 oylik imtiyozli davr bilan 130 million so‘mgacha ssuda (foizsiz qarz) beriladi.

Imtiyozdan foydalanish uchun so‘rovnomani to‘ldiring.

“Ko‘mak” loyihasi — bu jadid bobolarimiz boshlab bergan ma’rifatparvarlik an’analarining zamonaviy davomidir.

@alisher_sadullaev

Hukumat yoshlarning til o‘rganishini subsidiya bilan qo‘llab-quvvatlaydi

Hukumat qarori (632-son, 08.10.2025 y.) bilan "Yoshlarning o‘quv markazlarida xorijiy tillarni o‘qish xarajatlari bir qismi uchun subsidiya ajratish tartibi to‘g‘risida"gi nizom tasdiqlandi.

"2+6" dasturiga ko‘ra, sertifikatga ega bo‘lgan yoshlar avvalgi 2 oyni o‘z hisobidan, keyingi 6 oygachani esa Yoshlar ishlari agentligi jamg‘armasi hisobidan o‘qiydi.

Subsidiya miqdori:

Toshkent shahrida — BHMning 2 baravarigacha;

Viloyat markazlarida — 1,5 baravarigacha;

Tuman (shahar)larda — 1 baravarigacha.

2025–2026-yillarda 20 ming nafargacha yoshga, 2031-yilgacha har yili 20 ming nafargacha subsidiya ajratiladi. Limit to‘lsa, ajratish keyingi yilga qoldiriladi.

Subsidiya faqat elektron platformada ro‘yxatdan o‘tgan va dars qatnashuvi elektron nazorat qilinuvchi o‘quv markazlariga beriladi.

Kanalga ulanish:
➖ @uzauz

⚡️Yoshlar uchun yana katta imkoniyat!

Endilikda yoshlarimiz chet tillarini “2+6” dasturi orqali subsidiya asosida o‘rganishi mumkin.

Bunda 14–30 yoshdagi yigit-qizlarga ingliz, nemis, fransuz, yapon, koreys, xitoy tillarini o‘rganishlari uchun subsidiya ajratiladi.

1. Dasturga ko‘ra, birinchi 2 oy to‘lov o‘quvchi tomonidan amalga oshiriladi, keyingi 6 oy uchun to‘lovlar davomatga mutanosib ravishda quyidagi tartibda davlat tomonidan qoplab beriladi.

2. Subsidiya miqdori (oyiga maksimal) Toshkent shahrida 824 ming so‘m (BHM × 2) gacha, Qoraqalpog‘iston Respublikasi va viloyat markazlarida 618 ming so‘m (BHM × 1,5) gacha, tuman va shaharlarda 412 ming so‘m (BHM × 1) gacha qoplab beriladi.

3. Asosiy shartlari: Ariza beruvchi minimal ko‘rsatkichga mos milliy yoki xalqaro sertifikatga ega bo‘lishi lozim. Ariza beruvchi faqat bitta til bo‘yicha subsidiya olishi mumkin.

4. Dastur doirasida har yili 20 ming nafargacha, 2025–2030-yillar davomida 100 ming nafargacha yoshga subsidiya ajratiladi.

Manba: Vazirlar Mahkamasining 632-son Qarori

@alisher_sadullaev

⚡️Tez kunda…

Ikkinchi o’quv markazlari forumiga qabul boshlanadi. Taklif va tashabbusingiz bilan Prezidentimiz 2+6 dasturini qo’llab-quvvatladilar.

Oldinda bizni katta hamkorlik dasturlari hamda natijalar kutmoqda

Obunachilarimiz orasida o’quv markazi rahbarlari hamda boshqaruvchilari bormi? Fikrlaringiz qanday?

⚡️O’zbekiston o’quv markazlar forumi 2025 -yil 12-13 dekabr kunlari Toshkent shahar yoshlar ijod saroyida bo’lib o’tadi

Forumda barcha o’quv markaz rahbarlari, StartUp g’oya egalari ishtirok etishlari mumkin.

🎯Forumda “2+6” , “Ko’mak” va “Yonda” kabi tadbirkorlar uchun keng imkoniyatlar yaratuvchi loyihalar haqida to’liq ma’lumot va keng amaliy imkoniyatlar yaratiladi

Boshqa qo’shimcha ma’lumotlar tez orada forum rasmiy telegram kanalida https://t.me/oquvmarkazlarforumi da berib boriladi

Bundan tashqari tez orada forum uchun maxsus websayt e’lon qilinadi. Barcha ishtirokchilar sayt orqali ro’yhatdan o’tishlari mumkin.

“Ikkinchi o‘quv markazlari forumi” uchun qabul boshlandi

⚡️Yoshlarimiz uchun zamonaviy kasblar va chet tillarini o‘rganishda yanada keng imkoniyatlar yaratish maqsadida “Ikkinchi o‘quv markazlari forumi”ga ro‘yxatga olish boshlandi.

Forum mamlakatimiz bo‘ylab faoliyat yuritayotgan eng ilg‘or o‘quv markazlarini birlashtiradigan, hamkorlik va tajriba almashuviga xizmat qiladigan katta maydon bo‘ladi.

12–13-dekabr kunlari bo‘lib o‘tadigan forum “2+6“ dasturi hamda “Ko‘mak” loyihasi doirasida tashkil etiladi.

👉 Forumda ishtirok etish uchun ro‘yxatdan o‘ting:

forum.kelajakkasblari.uz

⚡️Yaqinda Sirdaryo viloyatining Oqoltin tumanida o‘quv markazi tashkil etgan yosh oila bilan uchrashdim.

Meni eng quvontirgani, Prezidentimiz yoshlar uchun e’lon qilgan “Ko’mak” loyihasining natijasini amalda ko’rish bo‘ldi.

Mazkur dastur orqali bu yosh oila 130 million so‘mlik ssuda (qarz) olib, olis hududda o‘zlarining ta’lim markazini ochishgan hamda allaqachon o’nlab yoshlarga ta’lim berishmoqda.

Ishonchim komil, hali minglab yoshlar olis hududlarda “Ko’mak” loyihasi orqali o’z markazlarini ochish imkoniyatiga ega bo’lishadi.

@alisher_sadullaev

⚡️1-qism

“Ko’mak”?

⚡️O‘quv markazlari uyushmasini tashkil etiladi

Xorijiy til sertifikatini olgan yoshlarga imtihon va o‘qish xarajatini qoplash yo‘lga qo‘yilgani katta samara berdi. Sertifikatga ega yoshlar 600 mingdan oshdi. Eng muhimi, xorijiy tillarni mukammal biladigan 72 mingta instruktor paydo bo‘ldi.

Yaratilgan sharoitlar hisobiga xususiy o‘quv markazlarining soni 3 karra ko‘payib, 38 mingdan oshdi.

Mazkur yo‘nalishdagi yosh tadbirkorlar O‘quv markazlari uyushmasini tashkil qilish tashabbusi bilan chiqqan. Prezidentimiz buni qo‘llab-quvvatladi.

Endilikda uyushmaga a’zo bo‘lgan xususiy o‘quv markazlariga binosini ijaraga bergan tadbirkorlar ijaradan olinadigan daromad va foyda solig‘ini to‘lashdan ozod etiladi.

Bunday markazlarning o‘qituvchilarini Yoshlar ishlari agentligi hisobidan AQSh, Buyuk Britaniya, Singapur, Yaponiya kabi ilg‘or ta’lim markazlariga stajirovkaga yuborish yo‘lga qo‘yiladi.

#MeningPrezidentim #YoshlarPrezidenti

@alisher_sadullaev

⚡️20 ming yosh kelajak kasblariga o‘qitiladi

“Ko‘mak” dasturi doirasida 130 million so‘mgacha foizsiz ssuda ajratish yo‘lga qo‘yilgani uchun olis va chekka hududlarda olti oy ichida xorijiy til o‘rgatadigan 120 dan ziyod o‘quv markazi ish boshladi.

Bunday o‘quv markazlarini tashkil qilib, tajriba orttirgan yosh tadbirkorlar atrofida AT va zamonaviy kasb markazi, kutubxona, sport to‘garaklarini ochish taklifini bermoqda.

“Ko‘mak” loyihasi doirasida o‘z biznesini boshlab, yaxshi natija ko‘rsatayotgan yoshlar faoliyatini kengaytirish uchun 300 million so‘mgacha foizsiz ssuda ajratish yo‘lga qo‘yiladi.

Endi olis hududlardagi o‘quv markazlari ijtimoiy soliqni 1 foiz miqdorida to‘laydi, ulardagi o‘qituvchilar uchun daromad solig‘i 7,5 foiz bo‘ladi (hozir ijtimoiy va daromad solig‘i 12 foizdan to‘lanadi).

Yoshlar ishlari agentligiga xususiy o‘quv markazlari bilan hamkorlikda yiliga 20 ming yoshni kelajak kasblariga o‘qitish dasturini ishga tushirish, har bir tumanga 500 million so‘mgacha ssuda ajratib, texnikum va o‘quv markazlarida kasb-hunar laboratoriyasini tashkil qilish topshirildi.

#MeningPrezidentim #YoshlarPrezidenti

@alisher_sadullaev