وإنت الباقي للروح ألف
و في المشاوير المعاك مابختلف
اوعدني بس انك لي سند
وانا ياني ببقالك مدد😔💜




#درة

أانا المفـــتونةة في زاتي وانا العاجبانــي جضــيماتي🤤🥳😹😌🤞💃



#درة

قال :
عرستها بعد تعب وسفيت الترااااااب لحدي ما وصلت ليها بس هي عنيدة شديد وبتعمل الفي رأسها وأول ما نتشاكل ونتناقش طوالي بتلم هدومها وتقول ماشة لأهلها ؛ دا طبعا غير أنك بقيت ما بتحبني زي زمان ، ووطلقني ووديني أهلي أساسا أنا ندمانة عليك 😂 ف بقيت لمن أكون عايز اتفاهم معاها في شي بقفل الأبواب كلها وبقول ليها والله بحبك زي زمان واكتر 😍 حتى اجي افتح خشمي واعاااتبها على حاجة عملتها ☺️
قالت :
مافي زول غيروا قدر يستحملني في أي شكلهه ؛ بكون أنا الغلطانة وهو البعتزر وبحنس وبمعليش 🙈 عمري ما هنت عليهوا نهائي دائما بجي على نفسو عشاني ، اخر شكلهه قال لي اعملي البعجبك والبريحك في الآخر أنا ليك وأنتي لي وأنا ما لقيتك بالساهل ،،، اي هو سف التراب عشان يصل لي بس لي يوم الليلة ما سففني ليهوا ❤️
كسرة :
عرسي الما بتهوني عليهوا ❤️




#درة

اغسليلهم بشامبو جو.نسون ....وليفيهم كويس 😾

عاوزاهم ريحتهم حلوة وبيلمعو من النظافاو 😼😼



#درة

هوي ياناس ها وين التفاعل وين الناس مالكم بقيتة باردين كدا😏


#درة

. اهلا وسهلا في لسته بيكو للقنوات الصغيرة 😘

لستة بيكو تقبل القنوات النواشي بمعنى من 100 مشترك

قناة جميلة اشترك

❤️😍😊👍😘✅💖👌
لسته بدون اعلانات
نشر وحذف تلقائي عبر البوت 🙊💔

لسته بيكو للقنوات النواشي تتمنى لكم التوفيق😊❤️

زيادة مضمونة مية في المية يااااا 😚✅

صلى الله عليه وسلم

فتش عن البشبهك في الروح
اصلو الملامح ضل ضحى 💛

قناة بنات الجامعة.. احلى قناة 😘👇

للإشتراك في اللستة.

❤️ 🚶‍♂ قناة تغنيك عن الف قناة 🚶‍♂❤️https://t.me/yomiatana

اقعدي افسخي كدا لحد ما يجي يتفاجأ

بي اهلك 😹🐸💦

بشه✌️

‏عندي مرض أسمو الرد السريع على الرسائل لدرجة تخليك تشك إني ميت عليك.

سلااااام ومحبه وشوق 😍😍😍

حط قلب كبير لي سوزي واعزكم منشورات ظاااابطه😁😁😁

#سوزي💃

ويـــن محبين المنقه بي الشطة (اللواغيس🤣)

اختي كانت بتتوحم طبعا هي في بيتها وانا ف بيتنا اتصلت علي وقالت لي : انا دايره مطره ..
مطره ؟! مطره شنو ي بت الحلال !! قالت لي : ي زول هوي دايره مطره انا ، قلت ليها كويس اديني راجلك اتكلم معاهو قلت ليهو انت جادي المرا دي دايره مطره !! وف الصيف كمان ، بقي يضحك وقال لي جاده والله وبتبكي..
قلت ليهو خلاص جيبها بيتنا وتعال ، طبعا عندنا شجره جوافه وليمون ف البيت مشيت جبتا ليها سرير وختيتو وانتظرتهم لحدي م وصلو..
قلت ليها : امشي اترزعي ف السرير داك والمطره بتجيك هسي وبقينا نرش ف الشجره انا وراجلها بالخرطوش وهي مبسوطه ومتكيفه ..
وراجلها بقول ليها : عايزه رعد ولا لالا ؟! وبقينا نضحك التلاته ..

ي نسوان هوي اتوحمو لينا بحاجات معقوله منقه ، تبش ، بامبي احسن

#سوزي💃

👩شافت راجله بشرب في بنقو قالت ادني نفس
👦انتي مجنونه؟ المهم ادها
👩قنبت تبكي
👦مالك ؟
👩قالت لي صاحباتي كلهن عرسن إلا أنا

😂😂😂

#سوزي💃

انت ليه م عندك عربيه😐💔
انا نصيبي من الحديد اكلتوا
رجله🌚🔥🔞🏃

#سوزي💃

حافظ الشارع؟ ليه السؤال دا؟
الليله تسميع 😂😂😂

#سوزي💃

- مشتاقه لبرنامج أفراح أفراح بتاع النيل الأزرق داك ياخ كان وهمي كيف اي واحدة يعملو معاها لقاء تصلح التوب مليون مرة علشان نشوف الدهب ، شفناه يا كليوباترا خلاص ابردي 🥺


#سوزي💃

بعرف واحد عرس في مرتو وهي والده ليهو 5شفع تبارك الله اكبر واحد فيهم عمرو 11وكلهم النوع الجنو مجنون داك شواطين بحق وحقيقه فااا مرتو القديمه دي عرفت انو عرس فيها فاااا خمت الشفع كلهم جابتهم ليهو مع مرتو العروس الجديده قالت ليهو اسمع ياابو عثمان الشرع حلل تعرس 4 انا مامعترضه وحلل لي اطلب الطلاق ف امسك اولادك عليك وورقتي بكره تكون عندي ومرقت فاتت ع كدا اهااا العروس الجديده اتجننت قالت ستين يمين مابتمسك الشفع ديل وشالت شنطتا وطقت بيت ابوها اها زولنا لعب في عبو دقا لي الساعه 11بالليل قال لي اغشي الصيدليه جيب لي بزه ولبن اطفال والحقني بسرعه فاا شلت البزه ومشيت ليهو لقيتو بدون مؤاخذه مقعد واحد في القصريه وبقول ليهو ائح ياخ وقبل القاعد في القصريه يعمل كاكا يقوم التاني يبول ليهو في السراميك طبعا اتزلق قرب يكسر رقبتو والشافعه تصرخ حسها زي الرعده بطول حسها دايره ماااااما قال لي سكتا مشيت اسكتا لمت فيني عضتني في يدي لمن يدي خدرت والله فكيتا مني ياالله قال لي سليمان غير لي البامبرز للشافع دا مسافة املا البزه قلت ليهو بامبرز مامعانا ياحبوب جني وجن البامبرزات دي انا المهم قام جاري جاب البزه لقي الشافع الكبير ضرب اخوهو الاصغر منو بالغطايه في راسو خلاهو يصرخ ويدردق بالواطه فااا الابو قعد يبكي قال لي سليمان والله انا انتحر والله انط من الكبري قلت ليهو ليه الكبري؟ ياها دي الكهربا جمبك ماتتعبنا بالفتيش بالبحر ساي اتكهرب قبل الكهربا تقطع المهم للصباح نحنا ننوم ونبول ونغسل ونسكت وبعدين العصر ماشين نطلق الجديده ونرجع القديمه ان شاءالله.

#سوزي💃

زمان كنت بحب لي واحده كدا رغم اني مازول حب وحاجات زي دي بس الزوله دي هي البادرت بحبها وطرحت لي. والله ماعارف العجبا فيني شنو لاخلقه ولا اخلاق ولاقروش مفلس اباطي والنجم بس لحكمه يعلما الله وحده وصراحه جذبتني ب انها زوله راقيه وانيقه ولبيسه ومرطبه من الطبقه البروجوازيه المتعفنه المهم بديت معاها مشوار حبنا وكانت كويسه في البدايه بتهتم بي وب اكلي وشرابي وصحتي واناقتي وكانت زوله كريمه خلاص مغرقاني بالهدايا شي بناطلين وقمصان وشي عطور وشي دليفري انا ماعرفت الدليفري دا الا معاها وشي عزومات والامور طيبه بس يوم كدا دقت لي بالليل حوالي الساعه 2صباحا قالت لي انا فرحانه شديييييد ومبسوطه قلت ليها ربنا يديم البسط بس الباسطك شنو للدرجه دي؟ وياريت لو ماسالتها قالت لي انا ضبحت كديستنا هسي دي وقطعتها حته حته طبعا انا ك زول صاحي من نومي في وقت زي دا اكيد مابكون فهمت قالت شنو او فهمت بس ماقادر اتخيل او اصدق قلت ليها قلتي شنو؟ قالت لي ضبحت كديستنا وقطعتها دقيقه ارسل ليك صورتا في الواتس وقبل اقول ليها لا ماترسليها لي قامت رسلت لي كم صوره ل كديسه قبل الضبح وبعد الضبح وقبل القطيع وبعد القطيع ف والله وماطالبني حليفه يااخوانا حسيت بحاجه واقفه لي في حلقي كأني بالع لي طوبه حرقانه بقيت ابلع في ريقي بالقوه ومالاقي اي حاجه ابلعا ريقي رقد دقيق حاولت اقح بالقوه عشان الشي السادي حلقي دا ياطلع يابلعتو وبقيت اتنفس قبل يكتم نفسي اكتر من كدا واموت مخنوق ماقدرت وقعت من السرير وبقيت احبا حبيان لحدي وصلت الحفاظه شربتها منها وبقيت ادعك في رقبتي واقول دا شنو الانا شفتو وسمعتو دا؟ ضبحت الكديسه وقطعتا ياسليماااااااان ضبحت الكديسه وقطعتا ياسليمان يومك اسود زي الفحم والسجم ياسليمان حبيبتك طلعت مجنونه وجنها كعب النوع ابو ضبح وسلخ وقطيع ح تضبحك وتقطع رقبتك المسلوله زي رقبة الديك دي طبعا الخط فاتح وهي تكورك لي بصوت مخيف كدا بيبي؟ مشيت وين يابيبي؟ الببو يايمه اليشقك كررررر من راسك ل ساسك هو انتي فضلتي فيها بيبي؟ في زمتك دي شكلي دا شكل بيبي؟ ولسه تكورك لي تعال حبيبي انت خفت من حبيبتك؟ وفقعتها ليك ضحكه لمن شعرة جلدي غزت كلها وقفلت الخط ودقت تاني رجعت احبا حبيان برضو لحدي السرير شلت التلفون رديت ليها وانا حسي مقروش قرش ورايح وعايز ابكي قلت ليها ضبحتيها ليه؟ قالت لي انا اصلا قاعده اضبحهم عادي مااول مره بحب منظرهم وهم بتعذبوا قدامي وغرقانين في دمهم لحدي يموتوا اها لمن قالت لي كلاما دا طوالي جدعت التلفون وجريت الحمام كنت حاسي ب البول ماشي طالع لي في مخي وح يطلع بنخرتي لو ماجريت قعدت في الحمام قريب ساعه وانا مفجوع فجيعه فكرت كدا قلت ياسليمان لازم تقطع علاقتك بالبت دي فوررررررا اصلك ماتخلي الواطه تصبح اها مرقت لقيتا تضحك براها والخط فاتح قلت ليها اسمعيني انا عايز اصارحك بموضوع مهم شديد كنت عايز اقولو ليك قبل فتره بس ماعارف اقولو ليك كيف بصراحه كدا انا مابقدر اكمل معاك والله وماعايز العب بيك واجر بيك هواء وامسك بيك زمن ساي انا زول فاشل وماعندي اي هدف في الحياه دي والله وانتي زوله ماشاءالله الف من يتمناك عشان كدا ماح اظلمك معاي وعافي ليك لوجه الله تعالي واعفي مني لوجه الله تعالي وان شاءالله اسمع عنك كل خير وقفلت الخط ع كدا ورقدت وانا مخلوع اها خمسه دقايق مافي دقت لي تاني رديت ليها قالت لي بصوت كدا يجيب الفشل الكلوي قالت لي انت جادي في كلامك القلتو دا؟ قلت ليها ايوه جادي قالت لي اوكي وقفلت الخط رجعت لي بعد 5دقايق بمكالمة فيديو فتحت الخط لقيتا ناكشه شعرها ولابسه قميص مشرط وملان دم وشايله كديسه تانيه حيه وضبحتا لي ع الهواء مباشرة اها انا مش هسي مشيت الحمام اتسجمت وجيت راجع؟ لمن شفت المنظر دا تاني جريت الحمام واتسجمت تاني كما لم اتسجم من قبل وجيت طالع لقيتا ضبحتا وقطعتا قالت لي مش دا السبب الخليتني عشانو؟ اوعدك انو ماح اخلي كديسه حايمه في الوجود دا كلو وبعد اخلص الكدايس ح ابدا اضبح الاطفال قفلت الخط وانا اكورك شكيتك ع الله شكيتك ع الله يامجنونه يامغبيه اعوذ بالله وتاني ضربت لي فيديو رديت لقيتا شايله كبايه فيها نصيبه سوداء كدا قالت لي عارف دا شنو الفي الكبايه دي؟ دي صبغه ح اشربا هسي وانتحر وكتبت ورقه انك انت الكتلتني وفعلا شربت الكبايه جووووووتك ووقعت بقيت اكورك ليها لا لا لا ب اعلي صوت لمن ابوي صحي بهناك وسمعني وبقي يكورك لي بتنبح مالك ياحيوان انت؟ بتتكلم مع منو؟ مع شواطينك؟ لاوي يلوي حنكك اسكت واتخمد خمدك بلاء اها اتغطيت بملايتي قووووي واتلقدمت ورقدتا وانا قلبي مقطوع قدر مااغمض عيني اشوفا بتضبح في الكديسه وبتشرب في الصبغه قلت لااااااا انا الراقد ليها بهنا شنو براي؟ المجنونه دي لو ماانتحرت بالجد وماتت ح تجي تضبحني اها قمت مشيت بهناك قلت اخير ابقي قريب ل ابوي دا مهما كان ياهو ابوي وسبحان الله ابوي من شافني كورك قال لي سجمان؟ قلت ليهو نعم ياابوي قال لي النعامه التزوزي بيك حايم بهنا

عندك شنو؟ قايم ترمرم مش؟ بهنا مافي رمرمه غور من هنا غارك بلاء يخمك رجعت ع سريري وشي ينعل قفاي وشايل هم زي الجبال خايف البت تكون ماتت واهلها يلقوا الورقه وفي باقي الليل دا القي نفسي في السجن اها قمت مليت شنطتي هدوم وختفت تلفوني وقفلتو وشردت شهر كامل انا طافش ويوم خشيت الفيس من تلفون زول تاني لقيتا كاتبه انهم مسافرين يستقروا في مصر واجروا بيتهم هنا واصحابا يودعوا فيها حتي يادووووووب عرفتها ماماتت وانها غارت في ستين داهيه ويادووووب قلت احييي يالعافيه ورجعت بيتنا......


#سوزي💃

مره وانا في البلد ومافي ايييي موضوع وزهج وقرف والكهربا قاطعه بقطعوها ليهم من الصباح وتاني مابتجي الا بعد المغرب زي الحمي والواطه صانه قاعد في بيت ناس حبوبتي وحبوبتي كانت نايمه من بعد الفطور صحت بعد صلاة الضهر اتوضت قبلها في سريرها واتقنعت بتوبا وصلت وبدت تصلي وهي قاعده وتاني نامت وهي مصنقره قبل تتم صلاتا وفي جدادتين قاعدات تحت المزيره والزير ينقط فيهن تف تف تف سخانه شديده حتي الجداد مسخن والديك بتاعن مشي انحشر في المطبخ ودقيقه مافي جا ساكيهو ود خالتي صغير كدا لمن وداهو الحوش التاني والغنم ينبحن في الزريبه وخالي نايم في الراكوبه مشتح شتيح كأنو عاملين عملية بواسير وبدل يتنفس بنخرتو كان بتنفس بخشمو شلاليفو يسون فرررر وانا قاعد مكوع في برنده كدا فيها بابين باب مقابل بيهو المناظر القلتها دي وباب تاني مقابل اوضة جدي شايفو راقد ع قفاهو ورافع كرعياتو سروالو نازل من ركبو في اواركيهو ويتهبب بالهبابه وراديهو شغال جمبو في التربيزه برنامج دكان ود البصير جدي بحب دكان ود البصير دا شديد في حين انو هو ود البصير زاتو بس مالاقي ليهو دكان ساي المهم قلت ياخ النمرق من البيت دا افرق الزهج دا ف طلعت بره لقيت الدنيا هااااااابده الشارع فاضي مافيهو الا الغنم يتحاومن مشيت دكان كدا هم بقولوا ليهو البقاله وهو ماعندو اي علاقه بالبقالات يمكن يكون اي شي الا بقاله اقرب للتكل الزمان داك فيهو رف واحد فيهو كروسة كبريت وحجرين بطاريه وصابونات وظهره مربطه في اكياس وكم صندوق بسكويت وشاي حب وسكر مربطات في اكياس تقريبا وقيه وقيه وقدام الدكان راكوبه كدا شكل برنده المهم جيت لقيت سيد الدكان ومعاهو واحد بلعبو سيجه وجمبهم واحد منبطح يعاين ليهم وجمبو واحد بجلد ليهو في عنقريب ب حبل وفي تلاته تانين نايمين نوم الضان ماعارفهم كانوا مساهرين وين سلمت عليهم وقعدت اتفرج فيهم وهم بلعبوا في السيجه قمة البؤس والله فجأه جا واحد راكب ليهو حماره وصرخ فيهم هاااا ناس ها في مرا عجوز ماتت فوق الكمبو الفوق والمريسه مجااااااني قوموا آناس الحقو المريسه يلحقوكم بالازعاف وفعلا قبل يتم كلامو قاموا جت عليهم حتي الكانوا نايمين ولا ميتين ديك وبتاع الدكان قفل دكانو اصلو ضلفه واحده وفحطوا وبتاع الحمار كرب حمارتو سوطين وقال ليها عررررر غادي ليك الورم اليسدد حلقك ف خلوني براي في راكوبة الدكان بعد شويه جا واحد درويش كدا مربي شعرو ومبرمو ولابس جلابيه مرقعه كدا وملان سبح قال لي المبروك هياكا معانا عندنا حوليه في فريق ناس منو كدي ماعارف المهم قال ضابحين تور اها عاد دا تور يااخوانا وقبل اقول ليهو ماشي ولا لا اللوري جا ملان ناس لابسين جلاليب خدرا ويدقوا في النوبه وهوووووبا نطيت معاهم اها ان شاءالله الناس ديل ماشين بي باللوري دا 7ساعات اللوري يتح وينح ويقع في حفره ويقوم من حفره ويدقوا لي في النوبه في اضني ويتصارخوا لمن وصلنا فريق ناس منو القالوهوا دا بعد المغرب والله التقول فريق ركن المهم لقيتا قريه كدا كان ربطوا فيها الحمار يشرد نحنا جينا نوبتنا داقه ولقيناهم نوبتهم داقه استقبلونا دخلونا في ديوان كدا وجابوا العشاء القاطعين ليهو الفيافي اتفاجأ بيهو عباره عن سليقه سااااااااقطه التقول غارفنها من الحفاظه واللحم عضام كبار لو جدعتهن لكلب يحردن والسليقه غير انها بارده مسقطبه ف برضو مسيخه عباره عن مويه زرقا المهم اكلتها معاهم ضررر بس ومرقونا ع حوش الذكر النوبه تدق وواحدين يتدردقوا وواحدين يبكوا وواحدين يتوقعوا فجأه جاني واحد قصييييير قدر الطراده يبكي ويتشنهف وكف نطا في رقبتي وقعد يرطن الجماعه جوا عرطوهوا مني قالوا لي الفقير مستحول يالمبروك قلت ليهم يعني شنو مستحول؟ مصاص دماء مثلا؟ قالوا لا يعني غرقان قلت ليهم اليغرق غادي مني انا ماعندي ليهو اخلاق وحات الله اكلت في رقبتو دي ماافكو الا جنازه وافشش فيهو مغس السليقه دي المهم ساقوهو مني وماعدا دقايق تاني جاني يدردق ويبكي ويكورك ياابوي هييي يابا هييي واتشربك لي في كرعي من تحت جابني واقع ع خشمي قمت عليهو غمتو ودعكتو زيييينتي وقلت ليهو الببو اليشقك كرررر وتاني حجزونا ومرقت خليت ليهو الذكر مع مرقتي كدا سمعت لي صوت حفله شغاله ع جهة البحر ودغرررري طقيت ناس الحفله لقيت الحوش ملان لحلقو والناس كلها جوه الداره اصلا مافي كراسي الحفله بدون كراسي الا كرسيين فقط بتاعة العريس والعروس انتهت الغنيه بقعدوا في الواطه كأنهم قاعدين في الحمام الاغنيه اشتغلت اي واحد بختف عكازو وبخش الداره اها عاينت للعريس والعروس لقيت العريس لابس كداره مع البدله اي والله لابس كداره بتاعة كوره ام كدايس ديك كأنو جاي التمرين مش جاي ل حفلة عرسو والبدله واسعه عليهو تحس بيهو زي الواقع جواها كدا والبنطلون واسع كل مره ينصل منو ويخمو لفوق تاني والزول الربط ليهو الكرفته ماخاف فيهو الله قرب ينشقو بيهو والله ويريحو من حياتو دي خانقو بيهو خنق لمن عيونو مارقات من جحورن والغريبه بعد دا مبسوط وفرحان نافش شنبو الزي