Bugungi kunda giyohvandlikka qarshi kurashish, ayniqsa, yoshlarni ushbu illatdan asrash barchamizning muhim vazifamizdir.
Giyohvandlik inson salomatligi, oilalar osoyishtaligi va jamiyat barqarorligiga jiddiy xavf tug‘diradi. Eng achinarlisi, uning oqibatlari nafaqat bir insonning, balki butun bir oilaning hayotiga salbiy ta’sir ko‘rsatishi mumkin.
Shu bois, giyohvandlik vositalari va psixotrop moddalar bilan bog‘liq noqonuniy harakatlarning oldini olish, ularning tarqalishiga yo‘l qo‘ymaslik hamda yoshlar o‘rtasida sog‘lom turmush tarzini keng targ‘ib qilishga alohida e’tibor qaratilmoqda.

Hurmatli yurtdoshlar!
Farzandlarimizni giyohvandlik kabi xavfli illatdan asrash faqat huquqni muhofaza qiluvchi organlarning emas, balki har bir ota-ona, mahalla, ta’lim muassasasi va keng jamoatchilikning umumiy vazifasidir.
Barchangizni hushyorlikka, befarq bo‘lmaslikka va giyohvandlikning har qanday ko‘rinishiga qarshi murosasiz munosabatda bo‘lishga chaqiraman.
Ayniqsa, yoshlarimizni bo‘sh vaqtlarini mazmunli tashkil etish, sport va foydali mashg‘ulotlarga keng jalb qilish, ularning kelajagiga befarq bo‘lmaslik muhim.

Giyohvandlikka qarshi kurash — kelajagimiz uchun kurashdir!

Har birimiz bu illatning oldini olishga o‘z hissamizni qo‘shaylik.

Kitob tumani prokurori
Xurshid Baxromov