КӨРІНБЕЙТІН БҰЛШЫҚЕТ

Адамның ерік-жігері мен физикалық шыдамдылығының арасында тығыз байланыс бар. Бір адам күні бойы ойымен, эмоциясымен, нәпсісімен, уақытымен алысса, ерік-жігері сарқылады. Енді ол сол сәтте бұрын көтеріп жүрген ауыр салмақты көтере алмайды. Шыдамы да әлсіз болмақ. Неге? Өйткені психологиялық шаршау көбейген сайын физикалық шыдамдылық әлсірейді.

Байқасаңыз, таңғы уақыттан гөрі кешкі уақытта көліктің шопырлары ашуланшақ, сабырсыздау. Себебі күні бойы жігері мұқалып, әбден азайды. Енді келіп кешке біреу алдын кескестеп тұрып алса, дереу сигналдап, айқайлап шыға келеді.

Енді не істеу керек? Келесі постта жазамыз. Оған дейін «Ерік-жігер» (Рой Баумайстер) кітабынан оқи аласыздар.

Кітапқа тапсырыс беру: wa.me/77775722233

КІТАПТАН СҮЗІП АЛҒАН ӘДЕМІ ӘРІ ОЙЛАНДЫРАТЫН СӨЗДЕР

(бұны бөліспеске болмайды)

📜 Төбесі жұқа үйден жаңбыр өтіп кететіні сияқты, нашар дамыған ақылға да құштарлық тұрақтап тұра алмайды.

📜 Өлім бізді қай жерде тосып отырғаны белгісіз, сол үшін біз оны барлық жерде тосайық.

📜 Балаңа алтын толы ұра қалдырғанша, ақыл толы мұра қалдыр.

📜 Ерте емделгеннің ауруы асқынбайды.

📜 Бүгінгі істі ертеңге қалдырғанның ісі бітпейді.

📜 Көңілдегі көрікті ой ауыздан шыққанда ажары қашады. Неге? Кітап оқымағандықтан.

Кітап оқу әдетін қалай қалыптастырса болады?
(шын өмірден алынған тәжірибе)

Бір жігіттер уатсаптан топ ашып, кітап оқымаққа бекінеді. Алғашқы он күндіктің тапсырмасы – кітапты ашып жабу. Болды!

Дым қиын емес, иә? Ашып жаптың – чатта галочка қойдың. Бірақ адам болған соң ақымақ емес қой, құр ашып жаба салмай, «ұятты» деп бір-екі абзац, тіпті бет оқып тастайды.

Келесі онкүндікте тапсырма сәл күрделенеді: бір сөйлем оқу. Тіпті қиын емес! «Қоңыр күз еді» - сөйлем бітті, чатқа есеп бердің. Бірақ алдын айтқандай адам бір сөйлеммен тоқтамайды. Көбірек оқиды.

Кейінгі онкүндікте бір абзац оқу міндеттелді. Оған бір минут та уақыт кетпейді ғой қарап тұрсаң. Оқыдың, чатқа жаздың.

Сосын бір бет оқу деген межеге жетті. Одан кейінгі айларда екі бет оқу, 5 бет оқу деп өсе бастады. Ешкім қарсы болған жоқ.

Бұл неге жұмыс істейді? Себебі оңайдан басталады. Аз-аздан үздіксіз. Ми үшін қорқынышты емес. Бұл жерде ортаның күші бар. Ортақ мақсат бар.

Кім уәдесінде тұра алмады, соны жуып-шаю үшін кез келген қоғамдық қорға мың теңге аударып отырды.

Міне, осылай тұрақты кітап оқитын бір топ пайда болды. Енді олар әңгіме барысында «пәлен кітапта түгенше ғалым былай депті...» деп тілге тиек етуді шығарды.

Түйін:
1) кітап оқығысы келетіндерді бір топқа жина
2) аз-аздан баста
3) күн сайын турнир есебін шығарып тұр
4) уәдесін орындай алмағандар айып төлесін.
5) тапсырманы бірте-бірте күрделендір

https://youtu.be/p2mtMu6zw4Q?si=jrtWXvtB4FYAOkSK

Бұл шығарылымда коуч, ментор Ескендір Бестай шеберлікке жету жолы, неден қорқу қажет, ақымақтық шыңы, үмітсіздік шұңқыры, тұрақтылық асуы, сауаттылықтың өлшемі туралы ойын бөліседі. Блокнот пен қаламыңызды дайындаңыз. Бұл видеодан түртіп алар түйіндер көп болмақ.

Өлім аузында жатқан науқастар Алла мен Расулына қауышатын күндері жақындаған сайын, ардақты сахабалар оларға қызыға қарап, солар арқылы көңілдердің сұлтаны Пайғамбарымызға сәлем жолдаған кездері де болған.

Жүректің емі қандай?

Ибрахим Хауас деген данышпан былай деген:
1) Ой жүгіртіп Құран оқу. Аудармасына қарамай оқудың өзі жан-дүниені тазалап, тыныштыққа бөлейді. Ал мағынасына бойлап, аудармасымен бірге оқудың дәрежесі өте үлкен.

2) Түнде тұрып намаз оқу. Түнде Алла Тағаланың рақымы жер бетіне түсіп: «Менен сұраушылар бар ма? Нығмет сұраушылар бар ма? Кешірім сұраушылар бар ма? Бәріне жауап берейін» дейді. Түнде намаздан кейін жасалған дұға қабыл болады. Сізге не керек, соны сұрауға ең лайықты уақыт - сол.

3) Таң намазынан кейін ұйықтамай, дұға жасау және духа намазын оқу. Таң намазына ұйықтап қалған кісі сол күні сәл әлсіз, жайсызданып жүреді. Ал ояу болған адам күні бойы өзін қуатты, мығым сезінеді.

4) Харам нәрселерден сақтану. Адал еңбек ету, адал ас ішу, ұятсыз бейнеден алыс жүру, ешкімнің ақысына кірмеу, өтірік айтпау.

5) Осы айтылғандарды тұрақты жасау үшін жақсы ортада, ізгі адамдармен бірге жүру.

Өмір қызық болмай кетсе, ішіңді пыстыр

Қазір біз ішіміз пыспас үшін телефон қараймыз, кино көреміз, жаңалық оқимыз. Тоқтаусыз. Бір секунд та бос тұра алмаймыз. Әйтпесе ішіміз пысып кетеді. Лифт шақырғанда, оны 5 секунд күтуіміз керек болса, дереу қалтамыздан телефонды шығарып, бір рилз көріп үлгереміз. Мұндай өмір бір күні жарға жығады. Адам олай өмір сүре алмайды. Мұндай ритмнен шаршап, энергиясы тез бітіп қала беретін ауруға шалдығады.

Керісінше, ішіңді пыстыру керек. Бәрінен жалығу керек. Үйде 2 сағат отыр. Телефон қарама, теледидар қоспа, кітап та оқыма, жазу да жазба. Ойнама. Тек ойыңмен жалғыз қал.

Жынданып кетпесең болды екі сағат біткенше. Оңай көрінгенмен, өте қиын. Себебі біз назар аудартатын, ылғи миды тітіркендіретін өмір стиліне байланып қалғанбыз. Оның бәрі кейіннен қосылған.

Ішің пысып, жалығу арқылы адамның шығармашылық қабілеті қайта қалпына келеді. Оянады. Адамға түрлі креативті идеялар келеді. Мидың әбден ұмытылып кеткен нейрондары дүр сілкінеді.

Бұл үлкенмен қоса, балаға да қатысты. Оларды да мультиксіз, телефонсыз ойнауға үйрету керек. Сонда әр бала өз ойынан ойын құрастырып, сурет салып, құмға жазу жазып, жапырақтан мозайка жасап, қолдан үй тігіп жатқанына куә боласыз.

Осы фильм есіңде ме?

Егер әлі көрмеген болсаң, неткен бақыттысың. Отбасыңмен көруге тамаша кино.

Фильмнің аты - "Аспан балалары". 2000-жылдардың басында көретінбіз. Сапасы тым қарабайыр болса да, эмоцияға толы. Тұрмысы жұпыны отбасындағы ағасы мен қарындасының аяқ киімді кезекпен киіп, мектепке баратыны туралы. Өйткені ағасы өзінікін жоғалтып алған. Онысын әкесіне айтуға қорқады. Сөйтіп жүргенде жүгіруден жарыс басталады. Екінші орын алғанға су жаңа кроссовка тігілген. Соны ұтып, қарындасына бермек болған бала байқаусызда бірінші орын алып кетеді де, велосипед ұтады. Соны білгенде жылайды. Себебі оның көздегені аяқ киім еді.

Егер осы кино кітаптан алынған болса немесе кітап боп жазылса, қуана-қуана оқыр едік.

НЕГЕ САБАҚТЫ ЖАҚСЫ ОҚЫҒАННЫҢ БӘРІ БАЙ ЕМЕС??

«Сабақтарыңды жақсы оқыңдар. Универді үздік аяқтаңдар. Сонда мектепті үшке бітірген сыныптасың сені жұмысқа алып қалуы мүмкін» деген қалжыңды естіген шығарсың? Шынымен неге солай? Бір жігіт не қыз болады сыныпта, үлгерімі тамаша, сабақты дереу қағып алады, естігенін ұмытпайды. Жарысқа қатысса ұтады. Бүкіл мұғалім «тфәй-тфәй, көз тимесін, осыдан мықты адам шығады» деп тамсанып жүреді. Бірақ...өмірде олай болмай шығады. Сыныптан сыныпқа өте алмай, әдемі көзі үшін үш алатын балалар кәсіп бастап, тез байып шыға келеді. Неге?

Жауап: зияткерлік интеллект табысты болудың кілті емес. Керек десең, бұл туралы зерттеуде зияткерлік интеллект тек 23% ғана әсер ететіні анықталған. Сонда шешуші кілт не? Ол – эмоциялық интеллект. Ол сонда қалай? Мысалы, бөлмеге кіргенде кіммен қалай сөйлесуді білу, кім қандай күйде екенін сезіну, проблеманың шешімін тез таба білу, өзгеріске тез бейімделу, шиеленістің түйінін табу, тіл табысу, т.б.

Екеуінің айырмашылығы: зияткерлік интеллект нені қалай істеудің теориясын біледі, бірақ әлі практикада тексеріп көрмеген. Эмоциялық интеллект бірден іске көшеді, тәжірибе барысында үйренеді.

Сабақты жақсы оқығандар болуы мүмкін барлық ситуацияларға алдын-ала дайындалады. Содан мүлде әрекетке көшпейді. Өйткені әлі дайын емес сезінеді.

Ал сабақты орташа оқығандарда ондай теориялық білім жоқ. Олар кішкентай сәби секілді бәрін ұстап, қысып, басып, жеп, сөйлесіп көргісі келеді. Проблеманы шыққан кезінде ғана шешу жолын іздейді.

Бұл постты жақсы оқитын достарыңа жібер 😊

Қалжың ғой. Озат оқушылардың бәрі кедей болады дегенді білдірмейді. Нашар оқығандардың бәрі бай болады деген заңдылық та жоқ. Тек орташа статистика бар.

Түйін: Сабақты жақсы оқы. Тірлікке де ерте аралас.

Кітап оқы. Тапсырыс беру үшін уатсапқа жаз: wa.me/77775722233

Әр жаны бар затқа мейірім

Пайғамбарымыз (Алланың сәлемі мен игілігі болсын) жолда кетіп бара жатып, бір топ адамға кездеседі. Сол адамдардың мінген жануарларын тоқтатып қойып, әңгіменің басын жіберіп тұрғанын көреді де, оларға былай дейді:

«Жануарларды шаршатпай, жақсылап мініңдер. Қажетсіз мініп тұрып алмай, демалдырыңдар. Оларды жол үстіндегі сұқбаттарыңа орындық ретінде пайдаланбаңдар. Қаншама мінілген жануарлар үстіне мінген адамдардан да қайырлы әрі Алланы адамдан да артық зікір етеді».

Келесі жолы жолдан мысық, ит, қой, сиыр, жылқы, құс көрсеңіз, олардың Жаратушыны зікір етіп жатқанын сезініңіз. Олар да осы қоғамның тепе-теңдігін құрап тұрған бір кірпіш екенін біліңіз. Тарихта мысықты әдейі аш қалдырып, азапқа душар болған әйелдің, шөлдеген итке кебісімен су алып беріп, кешірімге ие болған әйелдің оқиғалары бар.

Пайғамбарды жақсы тану үшін оның өмірбаянын оқу керек. Кітапқа тапсырыс беру: wa.me/77775722233

АҚЫЛДЫҢ НҰРЫ ТҮССЕ, БАЛА ҰЯЛАДЫ

Жақсы-жаманды ажырату түйсігі балада көріне бастаған сайын, оның бақылауын да күшейте түсу керек. Мұның әуелгі белгісі – балада ұят қасиетінің бастапқы нышанының көріне бастауы.

Ұяты ояна бастаған балаға әдепті үйрету арқылы жәрдем көрсеткен дұрыс. Көп жағдайда баланың бойында тамаққа ашкөздікпен ұмтылу сезімі басым болады. Бұл кезде тәрбие тамақ ішу әдебінен тәлім беруден басталады.

Мысалы, тамақты оң қолмен алу, «бисмилләһ» сөзімен бастау, тамаққа үлкендерден бұрын қол созбау, тамақты тек өзінің алдынан алу, тамақ жеп отырған адамның аузына қарай бермеу, тамақты шашпау, жақсылап шайнап жеу, тамақты обығып жемеу, яғни тамақты ауызға біріне соң бірін сала бермеу, жеп отырған асты киімге тамызбау.

Кейбір кезде қосымша тәттілерсіз құрғақ нан мен қара шайды ішуге үйрету.

Имам Ғазалидің «Ихия улумиддин» кітабы, «Баланы әдептілік пен көркем мінезге үйрету» бөлімінен үзінді.

Кітапқа тапсырыс беру: wa.me/77775722233

Көгершіндер таси алмаған хаттар

999 жылы 28 және 18 жастағы екі ғалым бір-бірімен хат алысады. Екеуінің арасы 400 км. Олардың хатын көгершіндер таси алмайтын еді. Себебі олар бума-бума хат жазатын. Екеуінің хаттары қазіргі әлемнің даму бағытына себеп болған. Олар кім еді?

28 жастағы, Арал теңізіне құятын Амудария өзені жағасында туған Әбу Райхан әл-Бируни Бұхарадағы інісі 18 жастағы Ибн Синамен ғылым жайлы үздіксіз хат жазысатын. Сондағы сұрақтарының кейбірі мынадай еді: Күн жүйесі басқа жұлдыздарда да бар ма? Жер бір сағатта жаралды ма әлде ұзақ уақыттар бойы ма? Олар, әрине, бәрін Алла Тағала жаратқанын білді, бірақ соның қалай жасалғанын, ғылыми жағын зерттеді. Жердің Күнді айналатынын дәлелмен тұжырымдады. Олар Аристотельдің араб тіліне аударылған «Аспан туралы» кітабын талдап, келіспейтін тұстарын ашық айтқан.

Бируниден 500 жылдан кейін Джордано Бруно Жер Күнді айналады деп, отқа жанған.

Ғылыми жаңалық бір сәтте пайда болмайды. Ұзақ жылғы және қажырлы еңбектен кейін туады. Қазіргі заманғы технология мен ғылымның бесігі осы біздің өлкеде, яғни Орталық Азияда қаланған. Бұнымен не айтқымыз келеді?

Білім қуған шәкірт бол немесе шәкірттің білім алуына жағдай жасайтын адам бол. Біздің елден де ұлы ғалымдар шығады. Бәрімізде бірдей ми, бірдей тіл, бірдей жүрек. Тек жағдай жасап берсек болғаны. Оқитын орнын, кітабын, құралын дайындап берсек жетеді.

Тәуелсіздік + кітап = дамыған Қазақстан✊

38 ЖЫЛ ЖАЗЫЛҒАН КІТАП!

Абай мұрасын Әуезов атамыз 1918 жылы зерттеп бастайды. Ғылыми зерттеу мақалаларын шығарып, 1942 жылы Абай жолы 1-томды шығарады. 1956 жылы 4-том жарық көреді.

Оны жарыққа шығару да оңай болмаған. Егер Абай ұмытылса, қазақ та ел болудан қалып, тарихынан жерінер еді. Әуезов амалсыз Құнанбайды құрбан етіп, халықтың дұрыс түсінетініне сеніп, кітапты шығартады. Оның кітабын құпия түрде бастырған батыр – Қазақ мемлекеттік баспасының Бас редакторы Бейсенбай Кенжебаев. Осы үшін қызметінен қуылған.

1951 жылы Мұхтарға атылып кету қаупі туғанда Қаныш Сатпаев Ілияс Омаровқа: «Мұхтарды аман сақтай алмасақ, бәріміз қазақ халқының алдында қарабет атанып өтеміз» деген.

Осындай арыстардың білімі мен қанымен келген тәуелсіз елде өмір сүріп отырмыз. Соны ұмытпайық, насихаттайық. Біз соларға ұқсауға ұмтылайық.

Сіздерден өтініш, осы видеоны бөлісіп жіберіңіздер!

ОЛЖАСЫ МОЛ АЙЛАР

(21-желтоқсанда қасиетті үш ай кіреді)

Кітап туралы: Ережеп + Шағбан + Рамазан + 3 күн айт + 6 күн Шәууал айының оразасы = 99 күнге арналған күнделік. Сол жақ бетінде қасиетті есімдер, хадис, дұға, салауат, сүннеттен үзінділер жазылған. Оң жақ бетінде таңда, түсте, кешке, түнде жасайтын ізгі амалдар тізімі берілген.

Бағасы: 2500 тг

Тапсырыс беру: wa.me/77775722233

Ережеп – Алланың айы, Шағбан – менің айым, ал Рамазан – үмметімнің айы” деген хадисті естігенде, сахабалар неліктен бұл айдың Алланың айы деп аталу себебін сұрайды. Сонда пайғамбарымыз (с.а.у.) былай деп түсіндірген:

“Ережеп – Алланың күнәларды кешіретін айы. Алла Тағала үшін сүйікті ай. Бұл айда ұрыс-жанжал, қантөгіс тоқтатылған. Бұл айда пайғамбарлардың тәубелері қабыл болып, әулиелер дұшпандарынан қорғалған. Бір кісі Ережеп айын оразамен өткізсе, Алла тағаланың мынадай үш жақсылығына ие болады:

1. Өткен күнәларын кешіреді;
2. Қалған өмірінде түрлі теріс қылықтардан сақтайды;
3. Қиямет күні Алла тағала оның шөлін қандырады”.

Әнәс ибн Мәліктен (р.а.) риуаят етілген осы хадистің жалғасы былай өрбиді:
Осы мезет бір қарт кісі орнынан түрегеліп, өзінің Ережеп айында түгелдей ораза ұстауға шамасы келмейтіндігін мұңая жеткізгенде: “Ережеп айының басында, ортасында және соңында ауыз бекітсең, бұл айды түгелдей оразамен өткізгендей сауапқа кенелесің”, – деген жауап естіп қуанады.

Кімде-кім Ережеп айында біреудің мұқтаждығын өтесе қиямет күні Алла Тағала оған Фирдаус жәннатынан көз жетер жеріне дейінгі арақашықтықта сарай тұрғызады. Қаперде ұстаңыздар бұл айда Алла Тағаланың сый-құрметіне лайық болуды қаласаңыз, өзгеге сый-құрмет жасаңыздар” (Абдуллаһ ибн Зүбәйірден (р.а.)).

“Жәннатта бір өзен бар. Ол өзеннің аты – Ережеп. Сүттен ақ, балдан тәтті. Кімде-кім Ережеп айында бір күн ораза тұтса, Алла Тағала ол кісіге сол өзеннен сусындауды нәсіп етеді” (Әнас ибн Мәліктен Мұса ибн Имран жеткізген).