Көліктеміз. Жаз мезгілі. Айдалада келеміз. Қыздарым терезені ашса, әйелім дереу жапқызып тастайды. Ал бүлдіршіндерге терезеден қолын шығарып, ауаның қарсылығын сезіну қызық. Бір айдан кейін әйелім қыздарыма терезе ашуға қарсылық танытпайтын болды. Неге деп сұрасам, былай дейді:
- Бала кезде ауылдан аудан орталығына шаңы көтерілетін жолмен баратынбыз. Сол кезде анам көліктің терезесін ашқызбайтын. Әйтпесе шаң кіріп, демала алмай тұншығады. Сол санамда әбден қалып қойыпты. Мына асфальт жолда бір түйір шаң болмаса да, балалық шақтағы анамның ұрысқанынан қорқып, терезе ашқызбай жүр екенмін. Соны еске түсіріп, тыйымды алып тастадым.

Дәл осылай бала-шағаға түрлі қысымдар жасап жүруіміз мүмкін. Олар шулап ойнаса, балалық шақтағы әке-шешеміздің шулатпағаны санамызда оянып, тыйып тастаймыз.

Балалар ойын алаңында швед қабырғасына өрмелесе, «ойбай, түс, құлап өлесің» деп, бір метр жанынан қалмаймыз. Себебі бізге де бала кезде солай жасаған. Әйтпесе ол құлайтын жер емес.

Балаңызға білместікпен қандай қысым жасап жүрсіз? Толығырақ кітаптан оқып алыңыз.
Уатсап: wa.me/77775722233

АЙЛАКЕР МЫСЫҚ

Үйде қыздарымның мысығы бар. Өзім жабыса беретін қылшығы үшін, сүйкене беретіні үшін, адам жүретін жолға ұзыннан сұлап жатып алатыны үшін онша ұната бермеймін. Ол да соны білгендіктен, маған жақындамайды. Бірақ дәл намаз оқыған кезде келіп, аяққа оратылып, пырылдап, сүйкеніп, аунап алады. Намазда артық қимыл жасауға болмайды. Тырп етпей отырасың. Мысықты итеріп, сырғыта алмайсың. Ол әбден рақаттанғанша құйрығымен орап, басын қасып, пырылдап алады. Намаз біткен соң жайына кетеді. Және енді пырылдамайды.

Бір үлкен ғалымның кітабында мысықтың пырылдауы – оның «Ар-Рахманды» зікір етуі деп жазылған. Дүниеде әрбір тірі-өлі зат өз тілінде зікір ететіні Құранда айтылған. Қандай ғажап, ә?

Біз, адам баласы күн сайын орындайтын зікір кестеміз болуы керек. Олар Kitapal дүкенінде дайын кітапша түрінде тұр.

Пайғамбарымыздың (с.а.с) таңғы және кешкі дұғалары
Баталар. Өсиет. Дұғалар
Дұғалар жинағы (мини)
Ең қажетті дұғалар
Ең таңдаулы дұғалар
Жын шайтаннан сақтану дұғалары мен жолдары
Кешкі дұғалар (спираль)
Күнделікті дұғалар (спираль)
Құрандағы қасиетті дұғалар (спираль)
Таңғы дұғалар (спираль)

Ғалымдар мен данагөйлер: "Нығметтерге нығметтерден бас тарту арқылы жетеді" деген пікірге келіскен.

Артық ұйқыдан бас тарт!
Артық тамақ ішуден тартын!
Артық сөйлеуден өзіңді тоқтат!

Жеңімпаздың пікірі:

Мен Пайғамбарымыздың (с.ғ.с.) өмірінен ең қатты әсер алған қасиет — жүрекке жол таба алатын шынайылығы мен адамды өзгерте алатын рухани күші деп айтар едім.

11 жасымда анам алғаш рет қолыма Пайғамбарымыздың (с.ғ.с.) өмірбаяны жазылған кітапты ұстатты (қазір жасы 16-да. редактор). Ол кезде бала көңілмен кітапқа аса мән бермейтінмін, тіпті бетін де ашқым келмейтін. Бірақ тағдырдың бір нышаны ма, әлде жүрекке жазылған шақыру ма — сол кітаптан менің кітапқа деген махаббатым басталды.

Оқи бастадым… қызыға бастадым…
Сөйтіп, небәрі 2 айдың ішінде кітапты толық оқып шықтым. Ал соңғы бетін жапқанда, неге екенін білмей, көзіме жас келді. Бұл қайғының жасы емес еді. Бұл — жүрекке тиген ақиқаттың, өмірді өзгертетін өнегенің жасы болатын.

Сол сәттен бастап кітапқа деген көзқарасым да, өмірге деген ойым да өзгерді. Пайғамбарымыздың (с.ғ.с.) өмірі маған сабырды, мейірімділікті, адам болудың шынайы мәнін үйретті.

Бәлкім, бұл — бір баланың жүрегіне иман дәні алғаш рет егілген сәт болған шығар…

Кез келген проблеманы шешудің жолы:

1. Қандай проблема екенін анықтау
2. Не істеуге болатынын тізім жасау.
3. Тізімнің ішінен ең оңтайлысын таңдау.
4. Дереу сол шешімді жүзеге асыру.

Иман тек құлшылық арқылы ғана ескірмей, әрдайым жаңарып тұрады. Құлшылықсыз адамда біраз уақыттан кейін иманға деген ынта мен шынайы ықыластың орнын тек жер астындағы бабаларымен мақтану сезімі басады.

(кітаптан үзінді)

Миға шынайы өмір мен елестетудің айырмашылығы жоқ. Екеуіне де бірдей реакция береді.

Түйін: жақсы нәрселерді елестетіңіз. Арманыңызға қол жеткізіп жатқаныңызды ойлаңыз. Толыққанды түрде қиялмен көріңіз. Шектеусіз армандауға өзіңізге рұқсат беріңіз. Біреу жасамайынша, әрбір іс арман болатын. Ойға алған әрбір арманыңызды мақсатқа айналдырып, қол жеткізуге болады.

Кітапқа тапсырыс беру: wa.me/77775722233

Бауыржан МОМЫШҰЛЫ:
«Мен Мағжанды көрдім...»

1948 жылы мен Сібірдегі 59-бригада командирінің орынбасары болып тағайындалдым. Кезекті әскери жаттығулар өткізіп жүрген кезімде ну орманның арасында отқа жылынып отырған бір топ адамды көріп, маңына жақындадым. Киген киімдері біртүрлі, әсілі сотталғандар болу керек.

Олардан өзгешелеу, басында түлкі тымағы бар бір адам 10-15 метрдей жерде өз алдына жылынып отыр екен. Тегінде қазақ сияқты. Мен соған жақындап келіп, қазақша «Ассалаумағалейкум!» деп сәлем бердім. Ол менің сәлемімді ернін жыбырлатып қана қабылдап, түріме одырая қарады да үндемей отыра берді. «Бұл не қылған адам?» деп өз ойымды жинап алғанша, ол теріс қарап отырған күйінде:
- Маған жақындама, бәлем жұғып кетеді, - деді. Сол кезде барып менің есіме Мағжан түсіп, оның өлеңдерін жатқа айта бастадым. Ол сәл жібіп:
- Менің жағдайым қиын ғой, маған жақындамағаның дұрыс болады. Шамаң келсе, мені елге жеткіз, - деді. Мен оның қазақтың ақиық ақыны Мағжан екенін біліп, шамам келсе көмектескім келді де:
- Мен он шақты күннің көлемінде қайта ораламын. Сол кезде дайын болып тұрыңыз, - дедім.

Он шақты күннен кейін уақытым болмай, қайтып келе алмадым. Бір айдан кейін келсем, түрменің бастығы маған оның сал айдап жүріп суға кетіп қайтыс болғандығын айтты.

Байқасаң, жаңбыр көбіне жасыл жерге жауады. Ойлайсың ғой, онсыз да көк майсалы, шөбі шүйгін жерге жауғаны несі деп? Шөлге, сусаған өңірге жаумай ма деп.

Бұны Құран оқумен байланыстыру керек. Құран оқылып нұрланған жерге тағы да нұр жауа береді.

Рамазанға Құран оқып дайындалуды бастадыңыз ба?

Неге Алаш арыстарын пингвин басып оза береді?

Мағжан Жұмабаевтың өмірбаянын оқисың. Сценарий жазасың. ИИ арқылы видеосын жасайсың, даусын келтіресің, 3-4 күн уақытың кетеді. Сөйтіп дайын видеосын саласың. 24 сағатта 9000 көрілім.

Сөйтіп тұрғанда жарты сағатта дайындаған пингвиннің видеосы 30 мың көрілім жинайды.

Бұл жағдайдан қорқу керек пе?