...
Көздесе сынақ жебесін саған,
Ғұмырың өтер бір күндей.
Өмір ғой, өмір көнесің соған,
Өкінішіңді білдірмей.

Тати ма тағдыр сүйдім-ау деуге?
Бар ма әлде оған таласың?
«Бәрі де жақсы» деймін-ау елге,
Жасырып жанның жарасын.

Жанымды талай жатты өмір жонып,
Артылар онсыз жүк те көп.
Құшақты жайғам ақкөңіл болып,
Не таптым содан? Түк те жоқ!

Сырласар адам тапса да кісі,
Таусылып қалмас күресің.
Тағдырдың талай батса да тісі,
Тістеніп өмір сүресің.

Төгілді бүгін тағы да шерім,
Қайтесің, бәрін жалған де...
Ақселеу ғұмыр арыңа сенің,
Адал боп қалсам, арман не?!

©️ Азамат Әбілқайыр.

Жұма – аптадағы ең жақсы күн. Алла Тағала бұл күнді мұсылмандар үшін ерекше етіп жаратқан. Жұма - әр мұсылман үшін бір мейрам, бұл күні Алла Тағаланың мейірім есіктері айқара ашыла түседі.

Пайғамбарымыз Мұхаммед (ﷺ) былай айтқан: «Жұма - күні шыққан күндердің ең жақсысы. Осы күні Алла тағала Адам атаны жаратты, осы күні ол Жұмаққа кірген, осы күні ол Жұмақтан түсірілген және Қиямет болатын күн де жұма» (Тирмизи).

Сүннет амалынан:

1. Жұма намаз бен хұтбаға бару
2. Садақа беру
3. Ғұсыл алу
4. Туыстық қарым-қатынасты нығайту
7 Кәhф сүресін оқу
6. Дұға жасау
7. Тәубеге келу
8. Салауат айту

✍Рахымжан Отарбаев
📚Қашқын хаттары

Төлен Әбдіковтің әйгілі «Парасат майданы» повесін оқығаннан кейін туған ой.

✍Бағдаулет Арыстан
🎼Жүректесің

"Бір әріп үйреткенге, қырық жыл тағзым ет" дейді.

Ал сізге ең алғаш әліппе үйреткен ұстазыңыз есіңде ме? )

Әр ұстаз мұғалім,
Бірақ әр мұғалім ұстаз емес.

Бүгінгі ұстаздар мерекесі құтты болсын. 🌷

Елімізде білімді және иманды жастар көп болсын!

📚 Өмір мектебі
✍ Сәбит Мұқанов

Сәлеметсіз бе?

Жаныңызды жүрдіңіз жара жеп күзде,
Ал күздің желі, меніңше, сәл әдепсіз бе…
Жапырақтарын шашты алдан.
Бұрылдыңыз да,
Дедіңіз:
— Сәлеметсіз бе?
— Сәлеметсіз бе…

Сонау күз бізге ерекше сый табыстырды,
Сый табыстырды, бөлекше күй таныстырды.
Қандай күш екен сол күні сәлемдестірген
Бейтаныс бізді?

Сол таныстырған біздерді жайлап өтті күз,
Жапырақтарын алысқа айдап өтті күз.
Жапырақ тектес пе едіңіз, бейтаныс ару,
Қайда кеттіңіз?..

Сол баққа келем жанымды жара жеп күзде,
Ал күздің желі әлі де сәл әдепсіз бе…
Жапырақтарын шашады алдыма әкеп,
Дейтіндей:
— Сәлеметсіз бе?
— Сәлеметсіз бе…

© Әділ Ботпанов

#поэзия