Сіздің ше кәзіргі жастардың шамамен неше пайызы кітап оқиды ❓

Өкінетін мәжнүн деп пе ең не мені,
Сәтсіздікке кез келген.
Ештеңе де керек емес, себебі,
Ештеңе жоқ өзгерген.

Есенғали Раушанов 🌺

Келесі апта жаңа жылдың бірінші күні екен. Өмірді басқаша жалғастырудың тағы бір есігі ашылғалы тұр. 👍

Ал сізге осы жыл не берді, 2022 несімен есте қалды? 👨‍🎓

Өзгермейтін адамға бірінші қаңтар да көмектеспейді.. 🌺

«Өлді деуге бола ма, айтыңдаршы,
Өлмейтұғын артына сөз қалдырған...»

🔤🔤🔤🔤

👨‍🎓 Қадыр Мырзалиев

Бүгін қазақтың қадырі — Қадыр Мырза Әлінің туған күні. Ол тірі болғанда 88 жасқа толар еді.

Жадыңызда қалған бұл кісінің қандай сөздерін білесіз, бөлісе отырыңыз ❓

Жексенбі.
Түнгі он екі кезі.
Сәл тінте қарап мені екі көзі
Таксидің ішінде бір ару отыр
Бөлек жамалы,
Бөлек мінезі.
– Атың кім? – деп ем,
– Лариса, – деді,
Бетімді шарпып жалынша лебі.
Тұңғиық жанар тереңге қарай
Батыра берді ағынша мені.

Түріктің қызы – туған ай дерсің,
Жүрегің болса – туламай көрсін.
Қап-қара шашты,
Аппақ иықты
Жолыққан ақын жырламай көрсін!

Ұмытар лезде азабыңды ішкі
Сұлулық, сенің ғажабың күшті.
Аққу мойынға жараса қалған
Тарыдай меңге назарым түсті.

Бұрқанса сезім кімді бұзбайды,
Жұтамыз ба екен енді біз қайғы:
Түнгі сұлуға тебіреніп айттым
Хафиздың жырын меңді қыз жайлы:

«Мейірбанды түркі аруы
Сүйсе мендей бейшараны –
Бір меңі үшін қияр едім
Самарқан мен Бұқараны».

Білетін жырым осы бар менің,
Дәулетім болса тосылар ма едім,
Хафиз сыйлаған екі шаһарға
Алматыны да қосып ал дедім.

Еліккен ұлдың кесір мінезін
Көрікті қалам, кешіргін өзің!
Қолымда болса қиятын едім
Ертіс пен Сырды,
Есілдің өзін!
– Алмаймын! – деді –
сыйларың қымбат,
Одан да Хафиз жырларын тыңдат.
Жомарт ақынның дидарын көріп,
Дауысын естіп тұрғаным қымбат.

Кезімде жырды кенет аңсаған –
Өзім-ақ әлі телефон соғам.
Әзірге хош бол,
атымтай ақын,
Тыныққан бүгін жөн екен саған.

– Атың кім? – деп ем,
– Лариса, – деді,
Бетімді шарпып жалынша лебі.
Елеңдеп әлі күтумен жүрмін
Телефон шалар деп сағынса мені.

Түседі жиі есіме тегі,
Тағдырым қандай шешім етеді.
Хафиздың жырын іздеген шақта
Звондай салса несі кетеді...


Жүрсін Ерман "Түнгі такси" 🚗

Жалғыз жанды жәннатқа да қимаймын. Биылдан қалмай әр оқырман өз теңін тапса екен деп тілеймін 💕

👨‍🎓 Оралхан Бөкей
📗 Ұйқым келмейді