Кітап бетін ашпай жүрсек, тіл байлығымыз осындай болып қалады достар )

АДАМДАР ТУРАЛЫ

Мен осы жасыма дейін сан түрлі жұртпен кездестім, ойлап тұрсам, оларды үш түрге бөлуге болады.

✓ Бірі адал жандар. Олардың ішінде дара жаратылғандар да, үлкен жүректілері де мол. Бұл топтың бас қасиеті тек өзі ғана емес, өзгенің де бақытты болуын тілейді. Сол үшін күреседі, өмір сүреді.

✓ Ал екінші топ, осы адамдардың буын-буынына ұялаған сарысу, тамырларында пайда болған арам қан тәрізді. Бұлар аналардың жүрек соғуларын бәсендеткісі, алға басқан адымдарын шабандата түсіруге құмар. Өн бойларына сарысу болып жабысып, тамырында арам қан боп жүгіруге дайын. Бұлар көбейіп кетсе адамға зақым. Бірақ мұндайлармен күресуге болады. Сарысуды да, арам қанды да азайту адамның өз қолынан келеді.

✓ Ал үшінші топ бұл ең қауіпті топ. Жайшылықта көп көрінбейді. Ал басыңа бір пәле түссе, үй іші қараңғы бола қалғанда шыға келетін тарақандар тәрізді, өзі көп, бұрын қайда жүргендерін де білмейсің, күні туғанда саңлау-саңлаудан қаптай жөнеледі. Бәлендей саған зиян істей қоймаса да күпінің аш битіндей өріп, шақпаған жеріңді, кірмеген жыртық-тесігіңді. қалдырмайды. Жүрегіңді айнытады, жаныңды түршіктіреді.Шам жағылған кезде қай жерде тұрса, сол жерде тұрып қалады. Тек өлтірейін деп ыңғайлансаң ғана қаша жөнеледі. Және қаша біледі. Мен мұндайлармен көп кездестім. Міне осы таракандар тәрізді, мінез-құлқы, өмірге деген арманы уақ, кілең кәкір-шүкірлер алғашқы топқа өш келеді. Дарындыларды көре алмайды.

© Ілияс Есенберлин

Бақ қалаған жігітке
Таңдап мінсең бедеу ат
Көңілдің күбі шешілер.
Бекзаданың белгісі
Ашу болмас бойында
Жібектейін есілер.
Жамандардың қалыбы
Кемдік беріп талапқа
Көңіл зауқын ұшырар.
Сыр сақтамас ішіне
Көрінгенді дос көріп
Басына елді көшірер,
Һауи мисыз жігіттер.
Ертеңнен кешке шапсаң да
Шабысын тұлпар таңбайды.
Мәрт жігіттің белгісі
Бір қалыбын өзгертіп
Жеңіл сөзге азбайды.
Нәмәрттердің ісі бұл
Білмеген ісін білем деп,
Өзінің сөзін дұрыстап,
Қыңырайып болмайды.
Міңгіре еткен қызметің
Тек қана жоры болған соң
Бір тиынға тұрмайды.
Заман ауып мүбәдә
Қолынан бір іс келсе егер
Һеш кімге мойнын бұрмайды.

Нұржан Наушабаев

Бүгін әйгілі жазушы, кинодраматург, күйші, әдебиет және музыка сыншысы Таласбек Әсемқұловтың өмірге келген күні. Ол тірі болғанда 68 ге толар еді.

Мына үзінді өз кітабынан:

Адамың өлгенде, өзің жақсы білген, жақсы көрген, жаныңның бір бөлігіне айналған адамың өлгенде, сенің ішіңде де бір нәрсе өледі. Адам болғаннан кейін, пенде болғаннан кейін қайғырасың, ойың құлазиды. Өлім — адам өзгерте алмаған жалғыз ғана байлам екен. Басқаның бәрін өз ақылына бағындырды, айтқанымен жүргізді. Өлім ғана адамның билігінен тыс, пәк күйінде қалыпты. Пенденің арманы таусылған ба. Қолынан келсе өлімге де билік жүргізер еді. Бірақ өлім адам ешқашан аттай алмайтын шектің ар жағында, тылсым дүниесінде тұр. Адамның қолы оған ешқашан жетпейді. Адам тек қана өле алады. Бірақ өлімнің сырына ешқашан қана алмайды. Сондықтан, өлім дүниедегі жалғыз ғана шындық, кір шалмаған жалғыз ғана ақиқат. Өлім бұрыннан белгілі, қалыпты дүниеңнің босағасын бұзып кіргенде өмір өзінің барлық мәнінен айрылады екен.

Бір қатын сыйлаумен қатын,
Бір қатын қинаумен қатын.
Нағыз қатын, сол қатын -
Һәр нәрсені ойлаумен қатын.
Қатының жақсы боса
Көңілді жықпас.
Ыңғайын біліп,
Сөзіңнен шықпас.
Ақмағына жолықсаң,
Өз бойына мін тақпас.
Жұмсақ сөйлесең,
Жеңемін деп
Мылтық жасап атсаң да бұқпас.
Қатын алсаң, таспа белді торыны ал,
Ол болмаса аққұбаның зорын ал.
Бұл екеуі болмаса, қажымайтын қараны ал.
Бұл үшеуі болмаса,
Жүзі сары, көзі көк,
Былшылдаған сөзі көп
Соған жолығарсын...

Нұржан Наушабаев

Бір кездері жақсы көрген адамың саған ешкім болмай қалады. Ал сол жақсы көріп жүргеніңде одан өзге маңызды ешкім жоқ еді. Сондықтан қазір жауапсыз махаббат болса, уайымдама, ол да өтеді де кетеді. 😊

Проблемаң шешілмей, депрессияға түсіп жүрсің бе? Оны да уайымдама. Сен бұған дейін талай проблеманы басыңнан өткергенсің. Қазір есіңе түссе, жымиып күлесің немесе өзіңнің мықты екеніңе тағы да көз жеткізесің. Бұл проблема да шешіледі. Бір Аллаға тапсыр да, проблемамен алыспай-ақ қой, вуаля ))

Жадыра Нармаханова

Жүрсін Ерман ағамыз ауырып, жүдеп кетіпті. Тезірек сауығып кетсінші. Алла шипасын берсін ағамызға 🫂

Қазақта "Әкенің малы балаға мал (дәулет) болмайды" деген сөз бар. Осы сөзді қалай түсінесіздер, неге, әкеміздің дүниесі бізге дүние болмайды?

«Ендігі жерде біз жастардың қатарына жатпаймыз. Өмірден керегін күшпен алмақ боп тағдырмен тайталасар дәрмен бізде енді жоқ. Біз қашқынбыз. Өзімізді-өзіміз тағдырдың тәлкегіне тастап қашып барамыз, өз өмірімізден өзіміз жеріп қашамыз. Біз он сегіз жаста ғана едік, осынау жарық дүниені, өмірді сүюді жаңа ғана бастағанбыз, амалсыз соған өзіміз оқ атуға мәжбүр болдық. Алғашқы жарылған снаряд тура біздің жүрегімізге тиді. Біз адамға тән ойлы іс-әрекеттен, мақсат-мүддеден, жаңашыл прогрестен қол үзіп, оқшау қалдық. Ендігі жерде біз солардың дұрыстығына сенбейміз. Біз соғысқа ғана сенеміз».

Э. М. Ремарк «Батыс майданда өзгеріс жоқ»
Аударған – Қажымұрат Сыздықов.

🎓 ҚҰРМЕТТІ ТАЛАПКЕРЛЕР, АТА-АНАЛАР!

📣 Мемлекеттік білім гранттарын тағайындау конкурсының қорытындысы ертең, 5 тамызда сағат 12:00-де Қазақстан Республикасы Ғылым және жоғары білім министрлігінің ресми сайтында және Telegram арнасында жарияланады.

Сәттілік серіктеріңіз болсын!

Тілші: Ер адамның асханаға араласуы туралы не айтасыз?

Әзілхан Нұршайықов:
— Қолдан келсе, әр нәрсені істей білген жөн. "Өнерді үйрен, үйрен де жирен" деген ғой атамыз қазақ. Ал, аспаздық — үлкен өнер. Қолдан келсе, жұмысыңның жағдайы көтерсе, асханаға араласып, ас істеуге әбден болады. Бұл үй жұмысы басынан асып жататын әйелдер қауымына үлкен көмек.

Өз басым, асханаға ешқашан араласқан емеспін. Ақша ұстамаймын, азық-түлік дүкендеріне бас сұқпаймын. Базардан алты шақырым аулақ жүремін. Менің бар баратыным кітап дүкені. Кітапқа қанша ақша жұмсасам да әйелім қабақ шытқан емес. Кітапқа керек десем, ол қолындағы соңғы теңгесін береді. Осы кеше ғана 2165 теңгеге "Лермонтов энциклопедиясын" сатып алдым. Біздің бар ақшамыз асқа, дәріге, кітапқа және пәтерақыға жұмсалады.

Тілші: — Баспасөз беттерінде аракідік көрініп қалып жүрген "екі әйел алу туралы" пікірге көзқарасыңыз қалай?

Әзілхан Нұршайықов:

— Көп әйел алу дегенге мүлде қарсымын. Бір еркекке бір әйел жетеді. Егер көп әйел алуға жол берілсе, Қазақстан қазақ елі емес, бұқа-текелер, айғырлар мен қошқарлар еліне айналады. Көп әйел алу әйелді қорлау, махаббатты аяққа таптау, адамгершіліктен ажырау.
Өзім осылай деп ойлаймын.

Кешегі грант иелерінің эмоцияларына қарап шын қуандым. Бәрінен де ең күшті көрініс сол талапкерлер үшін, қасында балаша қуанып, риясыз қолдап, қуаттап отырған ата-анасы, ата-әжесі болды. Қандай керемет сәт солай емес пе?

Кәзір өзім де әке болған соң ба білмеймін, баламның әр сәтін "ұсақ-түйек" деп бөлмей, қасында болып ішкі жан дүниесімен ортақтасқым келеді. Мейлі, ол ең алғаш қалам ұстаған сәті болсын, ең алғаш сөмке арқалап, мектепке алғаш қадам басуы болсын, бәрібір. Ол қалайда әкесінің сұқ саусағынан ұстап жүріп-ақ, асқар тауының қасында екенін сезінуі тиіс. Бұл бізге қалыпты жағдай болғанымен, олар үшін өте жауапты сәт.

Біздегі "Бір сәби туса, бір түп жусан артық шығады" деген сөз дұрыс қой, бірақ өмірге саны көп сапасы жоқ балаларды алып келу де,кейін оны "бұйырғаны болады" деп жауапкершіліксіз өсіру де меніңше ата-ананың қателігі. Олардан бәлкім өзінің балалық шағын толық сезіне алмайтын, бүкіл қалауымен, өзінің пікірі бар жоқтығы білінбейтін, өзіне сенімсіз ұрпақ тарайды.

Әр ата-ана баласына жауапкершілік алып, қасында қолдаушысы бола білсе екен, сонда ғана әр бала сол ата-анасының үмітін ақтау үшін, кез келген істі тиянақты түрде істеп, жоғары нәтиже көрсетеді деп ойлаймын.
Сөз соңында тілерім: Әр сәби тек бақытты болсыншы ❤️

Жеті қат жердің үстінде,
Анамдай жылу болмайды,
Анамдай сұлу болмайды.

🌸 Ақжол Түменбай

Белгілі Актёр Азамат Сатыбалды ағамыз, "Алдағы уақытта қандай жанрда кино көргіңіз келеді?" деген сұрақ қойыпты.

Мүмкін көркем әдебиеттегі бір шығарманы ұсынып көрейік, мысалы: Мұхтар Мағауиннің "Шақан шерісін" ал сіз қай шығарманы ұсынар едіңіз?

Бексұлтан Нұржекеев ағамыз мынадай қызық сұрақ қойыпты, сіздер де жауап беріп көріңіздер:

«Қарағай» — қазақтың сөзі, ал «Катон» — кімнің сөзі?