Кейде бақыт үшін өзіңмен де күресуге тура келеді.

📎Джейн Остин

Адам бәрін керісінше істейді. Ол есеюге асығады, кейін өткен балалық шағын сағынады. Ол ақша табу үшін денсаулығын құртады, содан кейін сол денсаулығын қалпына келтіру үшін тапқан ақшасын жаратады. Ол болашақты құлшыныспен ойлайтыны сонша, ол бүгінге немқұрайлы қарайды, соның салдарынан бүгіннен де, болашақтан да ләззат ала алмайды. Ол ешқашан өлмейтіндей өмір сүреді және ешқашан өмір сүрмегендей өледі.

❕Пауло Коэльо

🌷 @Kitapsuyer

Өздерін ешкімге керек емес деп санайтын адамдар көбінесе қоғамға ең қажет адамдар.

🔘Эрих Мария Ремарк

🔹@Kitapsuyer

Есіңізде болсын, білім байлықтан жақсы, өйткені білім сізді қорғайды, ал байлықты сіз қорғайсыз.

💞 Сахаба: Әли ибн Әби Талиб, оған Аллаһ разы болсын.

🤎 @Kitapsuyer

Ғұмырымыз сан үміттен тұрады,
Сан күдіктен тұрады екен, тәңір-ау.
Кімнің қанша керең болса құлағы,
Секілді оған бүкіл дүние саңырау.

Өмір шіркін кейде жомарт қолменен
Сараңдардың шайына сүт қатады.
Кейде қызық, тұлпар жүрген жолменен
Есектер де кетіп бара жатады.

Мұның өзі жомарттыққа сыя ма,
Қыран неге тартады өзін төменге?
Намыстанам, бүркіт ұшқан қияда
Жапалақтың ұясы бар дегенге.

Бақыттылар салған әнді ертемен
Тұрам тыңдап, мен қашанда ояумын.
Жапалақтар ұя салған өлкеден
Сенің даусың естілмесін, аяулым.

🪶Мұхтар Шаханов

📩 @Kitapsuyer

АР АЙНАСЫНДА

Сен ақшаңа қарадың,
Көңіліңде бар алаң.
Мен бақшаға қарадым,
Гүл шоғынан нәр алам.

Сен сауданы мақтадың,
– Біле білсең пайда, – деп,
Мен тауларды мақтадым:
– Таудай болу қайда, – деп...

* * *
Қарызын сұрар деймісің,
Қашасың қайда бәтшағар.
Өлмеймін әлде деймісің
Өлгенде нендей патшалар?

Біле кет:
Ақылдан адасқандардың
Ажалдан адаспайтынын.
Тақ үшін таласқандардың
Табытқа таласпайтынын...

* * *
Сен:
«Жұмыстан қудырам», – деп киліктің.
Биліктің барына сендің.
Мен:
«Жаңалық тудырам», – деп түйліктім.
Арыма сендім.

Сен бастығыңа сендің,
Жағынып жалпаңдайтұғын.
Мен жастығыма сендім,
Тауларды талқандайтұғын!

* * *

Қол ұзындығыңа қарап,
Бар малыңды айттың.
Мен қобызыма қарап,
Арманымды айттым.

Өнеріме қолыңды сіліккесін,
Білдім.
Бақи басымыз бірікпесін.
Қобызыма қосылып жүре бердім.
Байлық тірлік,
Ит тірлік – Құрып кетсін!

* * *

Сен менен де сыр тарттың:
Бас амандығын көздейтініңді айттың.
Мен кейінгі ұрпақтың
Сөгетінін сезбейтініңді айттым.

Шыбындай жаның үшін
Жауыңа сатылып кеттің.
Аққудай арым үшін
Алдымен атылып кеттім...

©️ӨМІРЗАҚ ҚОЖАМҰРАТОВ

Менсіз сенде көңілсізсің білемін ☁️

Ауру боп кел, алып ұрар төсекке,
Аяр боп кел, қойны толы кесекке.
Қорықпаймын,
Қорқытпайды өсек те,
Қорқытпайды ажал, мықты десек те!

Қорқытпайды ақшасыздық, малсыздық,
Қорқытпайды әділсіздік, заңсыздық.
Мен қорқатын бір-ақ нәрсе бар, достым,
Ол — өзімнің бойымдағы әлсіздік!

🤩 Қадыр Мырзаәлі

@Kitapsuyer

Қасиетті Ораза айт мерекесі баршаңызға құтты болсын. Еліміз аман жұртымыз тыныш, ал жастарымыз білімді болсын! 🎉🥳

Күнә жасаған кезде дереу тәубе ет. Адам суға түскендіктен емес, судан шықпағандықтан тұншығады.

©Джалалиддин Руми

@Kitapsuyer 🌼

🩵 “Жалғыздық – жаман емес.
Ол сенің ішкі дауысыңмен танысу мүмкіндігің.”

— *Карл Юнг*


🩷 Сіз жалғыздықтан қорқасыз ба, әлде үйреніп қалдыңыз ба?


#ПсихоҮзінді

🔺 "Адам бақытты болу үшін емес, өз борышын өтеу үшін өмір сүреді.”

🪶— *Бауыржан Момышұлы*

👥 Осы пікірмен келісесіз бе? Сіз үшін өмірдегі басты борыш дегеніміз не?

📚 @Kitapsuyer