📖 "Erkak kishi kamolotida ayolning o'rni"
✍️ Shayx Zulfiqor Ahmad Naqshbandiy
💽 2-qism

📚 @kitob_nuri

#Tafakkur

🌸Singan paytingizda sizga malham bo‘lganlarni unutib bo‘lmaydi.

Ansorlardan bo‘lgan bir ayol Ifk hodisasida Oisha roziyallohu anhoning musibatini anglagach, unga hamdard bo‘lish uchun keldi. Bir og‘iz so‘z ham gapirmasdan, faqatgina yig‘lab o‘tirdi.
  
Oisha roziyallohu anho uni o‘lgunicha unutmadi...
  
Gohida insonlardan faqat siz his qilgan narsalarni his qilishlarini istaysiz xolos. Ular dardingizni his qilishsa, unga jiddiy qarashsa yetarli bo‘ladi sizga.

Biz singanimizda insonlar tomonidan yechim aniq bo‘lishini istamaymiz. Biz yechim ularning  qo‘lida emasligini yaxshi bilamiz. Biz ulardan yechimni kutmaymiz. Bizga ularning qalbi kerak xolos!

📚 @kitob_nuri

📖 "Erkak kishi kamolotida ayolning o'rni"
✍️ Shayx Zulfiqor Ahmad Naqshbandiy
💽 3-qism

📚 @kitob_nuri

Aslida hayotimdagi soxta borliqlarni juda yaxshi bilaman. Xohlasam ulardan bir zumda qanday qutilishni ham bilaman. Ammo buncha soxtaliklarni mening samimiyatimga ehtiyojlari bor ...

©️Mavlono Rumiy

📚 @kitob_nuri

📖 "Erkak kishi kamolotida ayolning o'rni"
✍️ Shayx Zulfiqor Ahmad Naqshbandiy
💽 4-qism

📚 @kitob_nuri

#Tafakkur

«Kambag‘al er bilan yashab, ochlikdan vafot qilgan xotin topilmaydi. Lekin, boy-badavlat va fosiq er bilan zulm va razolat ostida yashab vafot topgan xotin topiladi. Shuning uchun qizlaringizga dirham va dinorga boy bo‘lgan kuyovdan ko‘ra axloqi va dini boy kuyovni ixtiyor qiling». ©️

📚 @kitob_nuri

📖 "Erkak kishi kamolotida ayolning o'rni"
✍️ Shayx Zulfiqor Ahmad Naqshbandiy
💽 5-qism (so‘nggi qism)

📚 @kitob_nuri

Ko‘ngillarida dard bo‘lgan insonlardan duo istang!
Chunki xazina xaroba joylarda bo‘ladi ...

©️Mavlono Rumiy

📚 @kitob_nuri

Sevganlarimizning yo‘qligi gohida hammaning borligini bekor qiladi.

©️Najib Mahfuz

📚 @kitob_nuri

🌸MUVAFFAQIYATLI OILA QURISH ASOSLARI

   Muhtaram oila rahbari! Oilangiz muammosiz yashab ketishini, yuksalishini istasangiz, quyidagi nasihatlarga amal qiling:
1️⃣ Oilangiz, xususan, onangiz va qaynonangizga siz bilan ayolingizning orasiga tushishiga yo'l qo'ymang. Yo'qsa, bu ish tarafkashlikka o'tib ketib, orangiz buzilib ketishiga asosiy sabab bo'lib qolishi mumkin.
2️⃣ Badbin, dangasa, pastkash bo'lmang. Xotinni yoki boshqalarni rozi qilaman deb, qadringizni tushirib qo'ymang.
3️⃣ Ayolingizni hatto tortishganda ham xorlab, pastga urmang. G'azab paytida aytgan gapingizni ayollar kechirmaydi.
4️⃣ Birovlar oldida ayolingiz bilan aytishmang. Yo'qsa, muammo kattalashib ketadi.
5️⃣ Ayolingiz bilan kelishmovchilik chiqib qolsa, avval o'tgan voqealarni ham qo'shib ayblamang, faqat o'sha paytda ko'tarilib turgan masalani gapiring. Aks holda, u ham avval qilgan ayblaringizni yuzingizga soladi.
6️⃣ G'azablangan paytingizda ham mehribon, bag'rikeng bo'la oling. Arzimas bir ish bilan jahlingizni chiqarib qo'ysa, shuni deb butun hayotini jahannamga aylantirib yubormang.
7️⃣ Kelishgan narsangizni amalga oshirishni kechga surib yurmang.
8️⃣ Xato ishni o'zingiz qilib, aybni xotinga to'nkab, «Hammasiga sen aybdorsan» deb, uni ayblamang. Xatolaringizni tan olishni, javobgarlikni bo'yningizga olishni o'rganing.
9️⃣ Oilaga ajratishingiz kerak bo'lgan vaqt hisobiga ishingiz bilan mashg'ul bo'lmang. «Oila birinchi o'rinda», degan shiorni doim yodda tuting, shunda o'zingiz o'ylamagan yutuqlarga erishasiz.
1️⃣0️⃣ Ayolingiz qiziqadigan narsalarga e'tibor qiling, bo'sh vaqtingizda shu haqida ham suhbatlashing.
1️⃣1️⃣ Ikkovingiz yolg'iz qoladigan vaqt faqat yaqinlik vaqtigina bo'lib qolmasin. Shunchaki suhbatlashish yoki hazillashish uchun ham vaqt ajrating.
1️⃣2️⃣ Ayolingiz kun davomidagi qiyinchiliklaridan shikoyat qilsa, siz ham chekkan mashaqqatlaringizni namoyish qilishga kirishib ketmang. Suhbatigingiz kimning kuni qiyinroq o'tgani bo'yicha musobaqaga aylanib qolmasin. Ayolingizning dardini tinglashni o'rganing.
1️⃣3️⃣ Uy-ro'zg'ordagi biror moslama ishdan chiqqan bo'lsa, ayolingiz uni tuzatishni so'rasa, beparvo bo'lmang. Iloji bo'lsa, uni o'z qo'lingiz bilan tuzatib bering.
1️⃣4️⃣ Ayolingiz semirib ketsa yoki avvalgi husnini yo'qotsa, hech qachon buni o'ziga aytmang, chunki ayol kishi buni xorlik deb biladi, bu narsa uning ichki dunyosini parokanda qiladi. Buning o'rniga vaqti-vaqti bilan uni maqtab turing.

   Muhtaram oila boshlig'i! Sizga so'nggi nasihatim shuki, xotin degani xizmatkor emas. Uy ishlari va bola tarbiyasida qo'ldan kelgancha unga ko'maklashing. Rasululloh sollallohu alayhi vasallamning «Sizlarning yaxshilaringiz — ayoliga yaxshi munosabatda bo'lganingizdir. Ahliga eng yaxshingiz — menman», degan so'zlarini doim yodda tuting!

📖 «Oila – saodat maskani» kitobidan

📚 @kitob_nuri

#Baxtiyor_oila

   Abdulloh roziyallohu anhudan rivoyat qilinadi:
   «Rasululloh sollallohu alayhi vasallamning «Ey yoshlar jamoasi, sizdan kim nikohga qodir bo'lsa, uylansin. Chunki u ko'zni to'suvchi va farjni saqlovchidir. Kim qodir bo'lmasa, ro'zani lozim tutsin, bu uning uchun bichilishdir», deganlarini eshitdim».
   Beshovlari rivoyat qilganlar. 
   ​Ushbu hadisi sharifdagi «nikohga qodir bo'lsa», deb tarjima qilingan ibora arabchada «bo'a» deyilib, moddiy, ma'naviy va jismoniy jihatdan nikohga qodirlik ma'nosini anglatadi.
   Demak, shu ma'nodagi qudratga ega bo'lgan har bir musulmon uyli-joyli, oilali bo'lishga harakat qilmog‘i lozim. Agar nikohga moddiy yoki ma'naviy jihatdan qudrati yetmagan, sarf-harajatni ko'tara olmaydigan yoki uylansa, umr yo'ldoshiga zulm qilishdan o'zini to'xtata olmaydigan yoshlar bo'lsa, ro'za tutishlari kerak. Shu yo'l bilan ular shahvatlarini bosadilar. Chunki ro'za tufayli kishining shahvati pasayib, boshqa jinsdagilarga shahvat bilan qaramaydigan, farjini zinoga ishlatmaydigan holga keladi. 
​Oddiy holatlarda esa bu ikki xavfning oldini nikoh oladi. Nikohdagi kishi o'z shahvatini halol yo'l bilan qondirganligi uchun, ko'zi nomahramlarga qarashdan tiyilgan, farji haromga yurishdan saqlangan bo'ladi.

✍️ Shayx Muhammad Sodiq Muhammad Yusuf
📖 «Baxtiyor oila» kitobidan

📚 @kitob_nuri

#mutolaa

   Zulm nima? Kim kimga zulm qiladi? Odatda kuchli odam zaif odamga zulm qiladi, baʼzan boshliq qoʻl ostidagilarga zulm qiladi.
   Lekin baʼzida buning aksi ham boʻlishi mumkin. Bunga biroz izoh kerak. Biz hozir shu holat haqida gaplashmoqchimiz.
   Erning ayolga zulm qilishini barchamiz koʻz oldimizga keltira olamiz, ammo ayolning eriga zulm qilishini koʻpchilik aqliga sigʻdira olmaydi. Shunday holatlar uchrab turishiga amin boʻlishingiz uchun bir necha misollar keltiraman:

⏺Ayolning eriga itoat qilmay qoʻyishi, unga boʻysunmasligi. Erga itoat qilishni Alloh va Uning Rasuli vojib qilgan. Bu ishni qilmagan ayol erining haqqini poymol qilib, eriga zulm qilgan boʻladi. Erining xizmatini qilmaslik, eridan oʻzini katta tutish ham erga boʻysunmaslik boʻlib, erning oʻziga boʻysunmayotgan ayolga gap uqtirish uchun vaqt ketkazishi ham bunga kiradi, chunki erning vaqtini bekorga sarflash ham unga zulm qilishdir.

⏺Uydan erining ruxsatisiz chiqish. Erita itoatli ayol hech qachon erining ruxsatisiz koʻchaga chiqmaydi. Ayol buning aksini qilsa, zimmasidagi erning haqqini poymol qilgan boʻladi.
   Shuningdek, erining ruxsatisiz, eri yoqtirmasligini bilib turib biron kishini uyga kiritish ham erning haqqini poymol qilish, erga zulm boʻladi. Rasululloh sallallohu alayhi vasallam: «Xotinlaringizning zimmasidagi haqqingiz – siz yoqtirmaydigan kishini uyingizga kirgizmasligidir», deganlar.

⏺Ayolning eriga xunuk muomala qilishi, beodoblik qilishi. Gap bilan boʻlsin, biron nomaqbul harakat bilan boʻlsin yoki boshqa yoʻllar bilan aziyat etkazish boʻlsin – farqi yoʻq. Bu bilan ayol erining haqqini poymol qilgan boʻladi, eriga zulm qilgan boʻladi, natijada qattiq iqobga qoladi.

⏺Jiddiy uzri boʻlmay turib, erining yaqinlik qilishiga yoʻl qoʻymaslik. Bu ham erga nisbatan bir necha jihatdan zulm boʻladi. Eri istagan vaqtida yaqinlik qilishdan bosh tortishi – oddiy itoatsizlik emas. Bundan qilgan ayol erining boshqalarga qiziqishiga, koʻzini tiymasligiga yoʻl ochib beradi. Alloh asrasin, oxir-oqibatda bu ish erni zino qilishgacha olib borishi ham mumkin. Agar shunday boʻlib qolsa, koʻzini tiyishda, iffatini saqlashda eriga yordam bermaganligi uchun bu gunohga oʻsha ayol ham sherik boʻladi.

⏺Erining gʻam-gʻussaga tushib qolishiga sabab boʻlish ham erga zulmdir. Hatto erining ruxsatisiz nafl roʻza tutish ham zulmdir. Zero, er ehtiyojini qondirishni xohlaganda ayol bunga imkon bermasa, erning haqqi poymol boʻladi.

⏺ Eridan ranjigan paytida erining yaxshiliklarini inkor qilib, yoʻqqa chiqarish, minnatdor boʻlmaslik ham zulmdir.

⏺ Behayolik, dinda sust boʻlish ham zulmdir. Ayol begona erkaklar bilan koʻz urishtirib, ularning oldida oʻziga oro berib yursa, ular bilan gaplashishdan uyalmasa, bu ayol ham eriga qattiq zulm qilayotgan boʻladi.

⏺ Farzand tarbiyasiga beparvo boʻlish ham zulmdir. Xotin kishi bolalarning sogʻligi, tozaligi va tarbiyasiga katta eʼtibor berishi kerak. Eriga yomon muomala qilib, bolalariga uni yomonlab, uning hurmatini er bilan bir qilib, oxir-oqibat ota bilan farzandlarining orasini buzish ham zulmdir.

⏺ Erni keragidan ortiq sarf-xarajat qilishga majburlash ham zulmdir. Buning natijasida er toʻlay olmaydigan qarzlarga botib qolishi yoki harom yoʻllar bilan mol topishga kirib ketishi mumkin.

⏺ Erini boshqalar oldida gʻiybat qilish.

⏺Eri va farzandlari orasida yoki erining aka-ukalari, opa-singillari orasida chaqimchilik qilish. Bu yaramas ish qarindoshlik aloqalarini uzib yuborishi, qarindoshlar orasida ahillikni yoʻq qilib yuborishi mumkin.

⏺Xotinning barcha haqlari toʻliq ado qilib qoʻyilgan erining mol-mulkiga tajovuz qilishi. Masalan, erining pulidan yashirincha oʻgʻirlashi, aytganini qilib bermaguncha eriga bosim oʻtkazish – bularning hammasi erning mol-mulkiga tajovuz qilib, unga zulm qilishdir.

⏺ Erida yoki erining uyida biron noxush holatni koʻrib turib, beparvo boʻlish. Xotin erini yaxshilikka boshlab, yomonlikdan qaytarmas ekan, unga zulm qilgan boʻladi.

⏺Sharʼiy sababsiz eridan taloq talab qilish.

📖«Oila – saodat maskani» kitobidan

📚 @kitob_nuri

#Tafakkur

«Allohdan mag‘firat so‘ragan holatda shuni aytishim mumkinki, osiy bo‘lgan qizlar haqida Qur'onda oyat topa olmaysiz. Qur'oni karimdagi qissalarga nazar solsangiz, osiy, gunohkor farzandlarning hammasi o‘g‘il farzandlar ekanini ko‘rasiz. Payg‘ambar bo‘lgan eriga osiylik qilib, kofir bo‘lgan ayollar bor. Ammo biror payg‘ambarning osiy qizi yo‘q. Buning hikmatini Alloh biladi».

📖 Murod To'sin: "Olim tarbiyalagan otalar" kitobidan

📚 @kitob_nuri

#Tafakkur

  «Paygʻambarimiz alayhissalom dunyoga kelganida yetim edi. Iffatli va yoshgina ona Ominaning va bobosi Abdulmutallibning yetimi Muhammad (sollallohu alayhi vasallam) edi. Ammo yetim Muhammadning homiysi Alloh edi. Bu haqida Qur'oni karimda ham aytib oʻtilgan.
​Ha, otasi yoʻq edi. Biz u zot sollallohu alayhi vasallamning yetim qolishi bilan yetimlarning homiysi Alloh taolo ekanligini oʻrgandik. Bu ulugʻ Allohning nazorati ostidagi bolalikdir».

📖Murod To'sin: "Olim tarbiyalagan otalar" kitobidan

📚 @kitob_nuri

#Baxtiyor_oila

   Anas roziyallohu anhudan rivoyat qilinadi:
  «Uch kishilik guruh Nabiy sollallohu alayhi vasallamning zavjalarining uylariga Nabiy sollallohu alayhi vasallamning ibodatlari haqida so'rab keldi. Ularga (bu haqda) xabar berilganida xuddi u(ibodat)ni oz sanaganday bo'ldilar. Shunda ular: «Biz qayeda-yu, Nabiy sollallohu alayhi vasallam qayerdalar, u zotning o'tganu qolgan gunohlari mag'firat qilingan», dedilar. Ulardan biri: «Men abadul abad tunlarni namoz o'qish bilan o'tkazaman», dedi. Boshqasi esa: «Men umrbod ro'za tutaman, og'zim ochiq yurmayman», dedi. Yana boshqa biri: «Men ayollardan chetda bo'laman, abadul abad uylanmayman», dedi.
   Rasululloh sollallohu alayhi vasallam ularning oldilariga kelib: «Shunday, shunday, deganlar sizlarmi?! Allohga qasamki, men Allohdan eng qo'rquvchirog'ingizman va Unga eng taqvodoringizman. Lekin ro'za ham tutaman, og'zim ochiq ham bo'ladi. Namoz ham o'qiyman, uxlayman ham, ayollarga uylanaman ham. Kim mening sunnatimdan yuz o'girsa, mendan emas», dedilar».
   Ikki shayx va Nasaiy rivoyat qilganlar.
   Bu hadisi sharifda uylanish, oilali bo'lish «ibodat», «taqvodorlik» va «Allohdan qo'rqish» ma'nolariga zid emasligi bayon etilmoqda. Uylanish Alloh taolodan eng qo'rquvchi banda bo'lgan Muhammad sollallohu alayhi vasallamning sunnatlaridir. 
   ​Rasululloh sollallohu alayhi vasallamning «Kim mening sunnatimdan yuz o'girsa, mendan emas» deganlari imkoni bo'la turib nikohda bo'lmaslik, oila qurmaslik mo'min-musulmon uchun mutlaqo to'g'ri kelmasligini ayon etadi. Uylanmay, oila qurmay yurish musulmonlarga xos ish emas. Chunki Alloh taolo inson zotini yaratgan chog'ida erkakni ham, ayolni ham jinsiy rag'bat bilan yaratgan. Bu rag'bat inson uchun, uning baxt-saodati uchun, insoniyat kelajagi uchun kerakli narsadir. Bo'lmasa, Alloh taolo insonni bunday qilib yaratmas edi. 
   ​Ana shu jinsiy maylni pok yo'l bilan qondirish zarur. Bu esa shar'iy nikoh orqali amalga oshiriladi. Aksincha bo'lsa, turli noqulayliklar, zararlar kelib chiqadi.
   Uylanmay, oila qurmay, jinsiy maylni qondirmay yurish inson tabiatiga zid va zararlidir. O'zini jinsiy aloqadan olib qochgan kishilar o'z sog'liqlariga zarar yetkazibgina qolmay, inson naslining qirqilishiga, dunyoning xarob bo'lishiga sabab bo'ladilar. 
   ​Shuningdek, jinsiy maylini pok yo'l bilan emas, harom yo'l bilan qondirib yurganlar ham o'zlari va o'zgalar boshiga, butun insoniyat boshiga turli balo-ofatlar kelishiga sabab bo'ladilar. Shuning uchun ham Nabiy sollallohu alayhi vasallamning sunnatlariga amal qilib, nikohda bo'lishga, halol-pok yo'l bilan oila qurishga harakat qilish kerak. Aks holda, u zotning yo'llaridan boshqa yo'lda yurilgan hisoblanadi.

✍️ Shayx Muhammad Sodiq Muhammad Yusuf
📖 «Baxtiyor oila» kitobidan

📚 @kitob_nuri

​​Ayollar tarixni o‘zgartirdilar, ammo tarix ayol zotini o‘zgartirolmadi!

©️ Bernard Shou

📚 @kitob_nuri

#Baxtiyor_oila

   Abu Ayyub roziyallohu anhudan rivoyat qilinadi:
   «Nabiy sollallohu alayhi vasallam: «To'rt narsa Rasulllarning sunnatlaridandir: hayo, xushbo'y sepish, misvok va nikoh», dedilar».
   Ahmad va Termiziy hasan sanad ila rivoyat qilganlar.
   Alloh taoloning Rasullari U Zot yaratgan bandalarning eng sarasidirlar. Ular turli zamonlarda turli xalqlar ichidan tanlab olingan yetuk insonlar hisoblanadilar. Payg'ambarlar Allohning inoyati ila ilohiy ko'rsatmalarni bandalarga yetkazib, ularni hayotda turli xato va gunohlardan Alloh taoloning O'zi saqlab turgan va u zotlarning hayotlari ummatlariga o'rnak bo'lgan. 
   ​Shuning uchun ularning sunnatlariga, xususan, barchalariga xos bo'lgan sunnatlarga amal qilish har birimiz uchun o'ta muhimdir. 
   ​Ushbu hadisi sharifda Odam alayhissalomdan tortib, Muhammad sollallohu alayhi vasallamgacha – barcha Payg'ambar alayhissalomlarning sunnatlari bo'lgan to'rt narsa haqida so'z ketmoqda:
   ​1. Hayo.
   Hayo insonni boshqa jonzotlardan ajratib turadigan ulug' sifatlardan biridir. Hayo insonga ziynat hisoblanib, u payg'ambarlarning hammalariga xos mushtarak sifat bo'lgan. 
   ​Shuning uchun har bir mo'min hayoli bo'lishga harakat qilmog'i lozim.
   ​2. Xushbo'y sepish.
   Xushbo'ylik kishiga zavq beradi, ochiq tabiatlilik, quvonch keltiradi. Xushbo'ylik inson tabiatiga ijobiy ta'sir etadigan narsadir. 
   ​Islomda har bir narsaning xushbo'y bo'lishiga katta e'tibor beriladi, qo‘lansa hidni yo'qotishga harakat qilinadi. Chunki bu barcha Payg'ambar alayhissalomlarning, jumladan, Muhammad sollallohu alayhi vasallamning sunnatlaridir. 
   ​3. Sivok.
   Sivok, ya'ni og'izni, tishni tozalab yurish barcha Payg'ambar alayhissalomlarning sunnatlari ekanini bilmog'imiz lozim. Bu ish ham har bir sof tabiatli inson uchun kerakli bo'lgan ishlardan. Shuning uchun ham uni Alloh taoloning O'zi Nabiyga ravo ko'rgan.
   4. Nikoh.
   Alloh taoloning barcha Anbiyo alayhimussalomlarini birlashtirib turuvchi sunnatlardan yana biri nikohdir. Bu ish eng muhim sunnatlardan hisoblanganidan Alloh taolo uni hamma Payg'ambarlariga ravo ko'rmas edi. Bu esa o'z navbatida nikohga alohida ahamiyat berish lozimligini bildiradi. 
   ​Hanafiy mazhabining eng yirik ulamolaridan bo'lgan Ibn Obidin rahimahulloh aytadilar: «Odam alayhissalomdan to qiyomatgacha ibodat qilib belgilangan hamda oxiratda jannatda ham davom etadigan amal ikkitadir: iymon va nikoh». 
   ​Islomda nikohga targ'ib qilish bilan birga, undan bosh tortish qattiq qoralanadi.

✍️ Shayx Muhammad Sodiq Muhammad Yusuf
📖 «Baxtiyor oila» kitobidan

📚 @kitob_nuri

🌸JOY QOLDIRING!

   Imom Buxoriy rohimahullohning "Adabul mufrad" kitobida keladi:
   "Umar ibn Xattob roziyollohu anhu aytadi:
   "Muhabbating haddan ortiq bo‘lmasin. Nafrating narigi tomonni halok qiladigan darajada qattiq bo‘lmasin!".

   Sevsangiz aqlingizdan voz kechar darajada sevmang. Chunki qalb o‘zgaruvchandir.
   Ehtiyot bo‘ling! Ko‘pchilik ko‘pincha ishongan va kafolatlangan joylaridan zarba yeydi.
   O‘nta barmog‘ini o‘zgalar uchun sham o‘laroq kuydirganlar kelajakda afsusdan tishlash uchun bitta ham barmoq topa olmay qolishlari mumkin!
   Birovni yomon ko‘rsangiz sulh uchun joy qoldiring. Chunki holat o‘zgaruvchandir.
   Janjallashganda raqibining yo‘llariga tikan sochganlar kuni kelib o‘sha yo‘ldan yalangoyoq o‘tishlariga to‘g‘ri kelib qoladi.
   Hamma ko‘prikni buzib tashlamang. Kuni kelib o‘tishga yo‘l topa olmay qolishingiz mumkin.
   Devorni baland ko‘tarib yubormang. Kuni kelib uning tepasiga chiqishga majbur bo‘lib qolishingiz mumkin!

📚 @kitob_nuri