‏ثمّ إنّي كلّما نظرتُ إليها فقدتُ اتّزاني.

يا مذهلة مدري يابنت النور
غيبتك ما ملّت مكابرها ؟

طال السفر يا حبي المغرور
وصلتي أشواقي .. لـ آخرها !

ترا الصبر والموعد المهجور
يقتل هوى النفس ومشاعرها

انتي قصيدة بكّت الجمهور
وشلون اجل سوّت بشاعرها ؟

شفّاف ..
صوته لا كِذَب يرجف
حزنه لا ستَره ينشاف !
و وجهه يفضح اسراره
تشوفه تعرف أخباره ،
وحيد ..
وداخله آلاف !
أنا اذكر كان له أحباب
أحدهم خان بالعِشره
واحدهم غاب !
وفا حتّى لذكراهم ،
رفض يتجاوز شعوره
وينساهم !
يا ثقل جروحهم فيه
ويقول خفاف !

‏لم أقع في حبّه ، بل ارتقيت إليه.

‏ظالمة أنتِ كمطرٍ انهمر وأنهى موعد عاشقين تحت شجرة.

لا تستهين ..
ترا اول ايام الفراق ،
اسهل كثير من الحنين !
اللي بيصيبك ..
لا ذكرت وكنت ناسي ..
من سنين !

‏تعال اختار ..
‏نعيش الوصل في جنة
‏او نعيش الفراق بـ نار ؟

صدّق عيوني إذا كذّب كلامي
العيون اصدق كثير من الكلام !

احسب اني حيل اقوى من غرامي
شوف قلبي كيف قدام الغرام !

غيبتك كم طوّلت بالوقت عامي
كل يوم اشتاق لك عن الف عام

يا عسى بقلبك مثل ما هو مقامي
او عسى باقي لي بقلبك مقام

قرّب لقلبي ورجّع لي سلامي
في غيابك ويني و وين السلام !

واحضن عيون الحنين وقول نامي
الحنين اللي يحسّه ما ينام

اكذب ان قلت اشرق فبُعدك ظلامي
والله اني بَعدك اعيش بظلام

كنت ابيّن قوّتي واخفي انهزامي
كلنا نكره ... شعور الإنهزام !

انتي سحاب
وصوتك الطاهر مطر

وش حنينه ؟ لا تسولف بالحنين ،
‏لك زمن غايب ... ولا همّك أحد !

لا تدوّر وين هذيك السنين
انتهت لا احساس باقي ولا وعد

صرت انا وقلبي لبعضنا عاشقين
كلّ منّا يصون ويحفظ العهد

خلّنا ... ما دام حنّا سالمين
ليه جيت؟ اشتقت تجرحنا بعد ؟

ما عرفت اني وانا عندك حزين
الا لما بـ غيبتك شفت السعد

‏أسوأ انواع المشاعر تدري وين ؟
‏لو أحبّ انسان ... ما يشعر أبد !

سعد الردعان

قريباً .. ديواني الشعري "ما يموت الورد"

‏فيك انا طمّاع .. وعيوني بخيلة
‏ودي ما يْشوفك احد غيري انا !

‏كنتي الليلة تحدّين الجميع ،
‏بالحضور الراقي ولفت النظر

‏كانت عيونك مكحّلها الربيع ،
‏وكان صوتك احلى من صوت المطر

‏وكنت انا في حسنك اهيم واضيع
‏خفت عيني تنفضح .. والله ستر

وش حنينه ؟ لا تسولف بالحنين ،
‏لك زمن غايب ... ولا همّك أحد !

لا تدوّر وين هذيك السنين
انتهت لا احساس باقي ولا وعد

صرت انا وقلبي لبعضنا عاشقين
كلّ منّا يصون ويحفظ العهد

خلّنا ... ما دام حنّا سالمين
ليه جيت؟ اشتقت تجرحنا بعد ؟

ما عرفت اني وانا عندك حزين
الا لما بـ غيبتك شفت السعد

‏أسوأ انواع المشاعر تدري وين ؟
‏لو تحبّ انسان ... ما يشعر أبد !

شبّي الحنين وطفّي الأنوار
يا الذاكرة .. لا تنسّيني !
.
انا على جرح الحبيب اغار
ما ودّي بغيره يداويني !

‏لا يشغلك لا قال هذا أو هذاك
‏في حبّنا ما احدٍ حبيبي له دخل
‏.
‏كلّ الكلام اللي يقولونه وراك
‏ما غيّر بحبّك .. ولا قدرك نزل !
‏.
‏ازعّل الدنيا واجي همّي رضاك
‏واقول غيرك ما لي بالدنيا محل
‏.
‏معاك انا ما همّني دامي معاك
‏يرضى من بيرضى ويزعل من زعل !

لي سنين ... وما لطبعي ذا علاج
ما احب اشوف احد ربعي ضعيف

ظنّوا بكفّي ذهب .. وبراسي تاج
وانا بالواقع .. معي تمر و رغيف !

كلّ ما "جمّعت مال" ابغي الزواج
راح للمحتاج .. والا اكرام ضيف !

لك حق تفخر يالكويتي بالكويت
الدار هذي كثّر الله خيرها !

من كثر تلقى لها بالناس صيت
كنها بفعل الخير ما في غيرها !

دنيا بها الاحزان والافراح
يا كمّ ذقنا منّها وذقنا !
ناسٍ نجيها كلّ ما نرتاح ،
وناسٍ نجيها كلّ ما ضقنا