‏ناس تعد عيوب الناس وعيبها فيها
‏تشوف عيب العرب و العيبّ راكبهاا.

لاتــردّى وأنت عنـدي مقدّر ومحشوم
‏لجل ماعدك من أهل المقابر وأنت حيّ .

‏اما نكون اثنين بنفس الغلا
‏ولا نكون اغراب والدنيا نصيب .

الطواري تالي الليل تلعب ف الضمير
‏والله ان بعض الطواري تجي مستلعنه .

صاار السّهر في عيوني طبع وجبله
‏مدري متى الوقت والأيام بتصفالي .

الي يبيله حّزن نادر ومرموق
‏عندي من الأحزان طب وتخير

إبتلاني عوق حظي ولالي به جّهد
‏كون دمع طاول العين واتعب موقها

انا منصدم في معضم اصحابي الغالين
‏ولا عاد باقي شيٍ ابنيه واهدمه

‏من اول بغيت اعطيهم اعيوني الثنتين
‏اقول ابشروبي كل ما احتجتو الـ خدمه

‏وهالحين ابي درب السلامه ولا ادري وين
‏تركت السريع وعارضوني مع الخدمه

‏حلالاه لو إن الرفاقه لها ( تامين )
‏يعوض جميع اللي خسرته من الصدمه

يالله إني في ذراك من الخطأ والهفّه
‏ومن مقامٍ ما يحشم صاحبه ويصونه

زحمة افكار وطواري وضيق وقلّ نوم
‏وحالتي حالة عدوّك ولاحقني صلف .

لكن أعذرونيّ كل ما شانت الأخلاق
‏تراني في الضيقات .. قفلت جوالي .

العام صدري وسيع ولا أعرف الضيقه
‏واليوم لا والله ادنى شي يوجعني .

- عيب نتبع خطوة الي مابغانا .

‏عن حالي الناس ما تعلم ولا تدري
‏ما غير اجمّل تعابيري وأرتبها
‏ً
‏نتايج الوحده الي ضيّقت صدري
‏قصايدٍ من عروق القلب كاتبها .

اقول باكر ولا ادري وش ورى باكر
‏ لكن عسى الله يجيب اللي تمنيته

بَالصدر اسرار مَاتدري من تحاكي
‏و بَالعين الف لمحه مَالقت فاهم .