الكلام الزين يفتح مغاليق الصدور
‏ويتمكن بين أحاسيسها و أعماقها
َ
‏كل شي وله علاجه سوى جرح الشعور
‏ ما تعالجها الاطباء وكشف أوراقها
َ
‏إنتبه تحتال و تصـير مختال فخور
‏واحذر حقوق الخلايق وقطع أرزاقها
َ
‏لا تقول ان قيمة الناس في بعض الامور
‏الصحيح ان قيمة الناس حسن أخلاقها .

وقفنا على باب الأمل وقفت المحتاج
‏ورجينا كريمٍ ماهوب يصكّ بيبانه

‏يناجيه عبده وما يردّه سحا واحراج
‏ويطلبه من فضله ومدّته واحسانه

‏عسى مِقبِلات الأيام يسر ورخا وافراج
‏وعسى ما مضى يمحاه عفوه وغفرانه .

عسانا لا نصانا اللي ما ريّحه الزمن يرتاح
‏وعسانا ما نسوي طيب وأنّا ننتظر رده

‏وعسانا لا تجملنا فأحد ما نذكر اللي راح
‏وعسانا ما نقابل راعي المعروف بالصده

‏وعسانا لا حصل منا قصور بساعة الأفراح
‏ما يلقون العرب منا قصور بساعة الشده .

‏عن المجتمع قمت أتشطر وقمت أغيب
‏بعيدًا عن الضوضاء وأحب أجلس لحالي

‏يوم بان لي عدو على هيئة رفيييييق
‏احترمت اعدائي اللي على وضح النقا .

‏جفاني منام الليل والنوم ليّ ماراق
‏وكثر التمِني زاد في قلبي ارهاقه :(

‏علينا الصبر والوقت لابد له غارات
‏دولايب دهرٍ ما درينا وش اتلاها .

‏ابي افضفض بس مادري اشلون
‏طبيعتي لاضقت كل شي اعافه
‏.
‏.
‏طبنا بناس وقلنا يمكن يطيبون
‏ونعلق الهقوات بس يـاااحسافه

‏جعل سيرتنا ليا ذعذعت منها هبوب
‏من رياحين الثنا و القبول مطيّبـه .

‏ايوالله حزين وخاطري ضايقٍ بالحيل
‏اسولف مع العالم وانا حالتي حاله.

✨💔.

‏تصنعت وجه السالي الرايق المرتاح
‏وانا فالصدر نار من الشوق تصلاني .

✨.

‏نفسيتي يومين من دون لـ دون
‏وأشقيتها بكثر التعب والكلافة

‏متعومس وحالي مثل ماتشوفون
‏مافيه هم يمر صدري وطافه ..

‏ابي افضفض بس مدري وشلون
‏طبيعتي لاضقت كل شي اعافه

‏طبنا في ناس وقلنا يمكن يطيبون
‏ونعلق الهقوات بس يا حسافه :) !

✨💔.

‏والله اني ما اتردى و لا احب القصور
‏و اتجاهل كل من هو ضعيف و مبتلي

‏رافعتني عزة النفس .. لـ حد الغرور
‏و الثقه بـ النفس لـ اعلى مكانٍ معتلي

‏لا دعولي والديني .. بـ تيسير الامور
‏ما علي من باقي الناس لو تدعي علي .