- حتى لو جيت هنا مش ح تعرف حياتي ، لانه حياتي الخاصه ما يعرفها غير انا.

- تفـرق فالضـيق وانت فالضـيق عليهم مافرقتـش .

- مـظلومـة الظروف ياما أحتميتو بيهـا .

- حاتجينا ايام ترضينا والي عند ربي مش بعيد .

- ولَا ننطرَا بيّاع ,,
عندي انبات مَبيوع خَيرلي ..

- مرات تحس وكأنه مكتوبلك التعب ديما ، انك تعيش بين الراحة والقلق ، بين الصمت وكثرة الكلام ، وبين تكون قوي من برا ومن جوا مليان خراب .

- ياربّ عُمرة
ودعوة كُل يوم
والجنّة.

- والله النفسِية يَادوبك...

- حاتعرف إنك نضجت لما تصيرلك حاجة و تحس إنك مش لازم تشاركها مع حد.

- مرات تقابل ناس في حياتك نظاف لدرجة تنذهل أنهم مزالو هك برغم من المجتمع لي قاعد فيه، بس تهيالي مُستحيل تلقى انظف من لشخص لي تلقاه يعرف ضعف الناس ومرات حتى عارف ضعفك بس مايقدرش يلمسه ولا يضرك بيه .

- وقتنا توا ساير الأيام و أنت ساكت .

- مش مجبور نتقبل تقلّبات مزاجك .

- نفسيتي نفسية شكارة عالقة في شجرة وتحق في الشكاير كلهن يطيرن إلا هي .

- ماتتكلمش ع الفقد وهوا قاعد يتنفس فوق الأرض ، والله مافقدنا الا اللي دفناهم تحت التراب

- مهما كانن تصرافات الشخص يلي
قدامك دنيئه رد بالك اتزابيه لان :
اتزابي أقلال العرف ،
تبقى هبيل و اتبات كيفهم .
* فَ خلكم انتقائيين ف ردود افعالكم .

- وجود ربي في نيتك يسهلك ٩٠٪ من القرار.

- علي قسوته وظلمه وقلت خيره ماقدرت ننسا ولا نفضها معاه .

- ليست دارُنا ، سنتعافى فـي الجنة .

- في رأسي محكمة لاتنام أنا المُتهم وأنا القاضي وانا المحامي وأنا الشاهد.

‏ - ياعَوينه الليّ له عَقل ،
‏ لايجِيب لايودِي امريحَه ،
‏يعُوين اليّ مومتكدِي ،
‏عَقله لايجِيب ولايودِي .