أنا سمعت اسمك ..
‏في عزّ نسياني
‏سمعت صوتٍ قال اسمك .. وصحّاني
‏من طول هالترحال ..
‏وعلى واحدٍ ثاني
‏كله ظما وآمال ..
‏ويشكي عليك الحال
‏ما له احد غيرك

الصمت يكفي ويشفي صدر راعيه
لا صار كل الحكي ماله معاني

اللهم صلِّ وسلم على نبينا محمد

‏فرحتي يانهار الاربعاء ردها لي
‏ودي اضحك وقول ان الاربعاء ذا ربوعـي

كم واحد يطرد ورا الدنيا وعيّت لا تزين
ما زانت إلا عقب ما مل الطراد وعافها

يـارب ما نسمع في سمـاك الا المطر
ولا نشوف في أرضك الا الأمـان 🇸🇦

‏﴿رَبِّ اجْعَلْ هَذَا الْبَلَدَ آمِنًا﴾

أنت قد الحب يوم أنك تجاهد في سبيله
والا ظنّك كل من جاهد يبي قلبي وصل له

الا واهني من له ثلاث قصور
وثلاث وجهاته على بيت ساره

عيّت لا تنساك السكك والنواوير
‏لأنك أغلى من مشى في كنفها

اللهم صلِ وسلم على نبينا محمد

‏حزين الليل لو تشرق عليه الشمس بعد شوي
‏ماهو خالي من أوجاع الغياب وعتمة أيامه

أوطى على سود الليالي لا تهاب
وإن كشرت بأنيابها قل ربي معي
خلك على ما قيل داعس للصعاب
ترا الصعاب احيان تزيدك وعي

‏الدار لو ربّعت ما هي ربيعٍ لي
‏ربيع قلبي بعيد وخابرٍ داره

حلفت باللي غيب الشمس منّاك
والصبح بأمره تطلع الشمس منّا
إن أسعد الأيام شوفك ولقياك
و إن أقشر الأيام غيبتك عنّا