« أنا اللي كنت ألمس بروحك وجعْها
‏وأخيْط جرحك .. مثلما أزرّ ثوبك»
‏Vs
‏« ماكنت أخلّي الضيق في وجهك يْبان
‏وخلّيتني لأردى الليالي … صديقة »

مدغم ابو شيبه يقول«ودي إني في المجره وأسولف للنجوم، لا أتكلم مع هل الأرض —— ولا أسمع كلام»

‏اشوف ان الاهتمام اللي يجي بعد معاتب مامنه رجا لأن مابيجي بعده الا اهتمام مجاملة

‏مثل الشاعر اللي قال /
‏استحيت من المشاريه ومعاتب جفاك
‏وأقتنعت ان الغلا مايجي عرض وطلب

‏قلت اصد بكل حبي وتعظيمة غلاك
‏قبل اصد بقلب عايف وحال منقلب

‏لما محمد الشويّب يعيد تشكيل الخوف بصوره جميلة :

‏« متعمّد أستبعد لقاك وعايف
‏ ولي كم ليلة بالقسى متسلّح

‏ أنتي كسرتي قلبي وأنا خايف
‏خايف يكون اللي انكسر يتصلح »

لا تزيد الحسايف يا خلف جدي
‏خالق الخلق ما ينسى مخاليقه
هي مثل ما تقول أيام و تعدي
‏يا كثر ما تعودنا على الضيقه

‏ياما على شانك نويت المطاريش
‏و ياما تبعتك شرق والناس قبلة

ياما وياما

«الناس مشغوُله بتفسيّر الأحلام
‏وأنا — أشغلتني بالحيْاة الحقيقة»
‏————صويّلح السميحي

أحبك حسبي الله ليت مالك في سماي بروج
ولا لك فالبسيطة كود شيءٍ بينك وبيني

من أمثلة المقولات البدويه
‏" لا توجعني بكلامٍ يجرّ كلامٍ يوجعك "

‏بمعنى :
‏كان لسانك تحلوى الكلام المُر ترا
‏سمعِك مهوب متحمل بعض الكلام المُر

‏وبمعنى آخر :
‏لا تشب النار وتزعل من دخانها .

البارحة ضقت و أثر البارحة غبره
مدري بكى حلم و لا ضاعت أخباري
هي اتدبر أو أقفت ما بها دبّره
ليت الليالي تقدر غربة الساري

وأعرف الليال اللي بدونك قساها يفزز دمعتي وتهلّ
لكن عذرها معها ليا طاحت عقب عطفك ولينك

المقطع اللي فيه اكثر من مشهد تعبيري جميل تحس بكل شيء حلو🤍

طول علي الوقت والقلب شره جاه
و ضيعت أنا وقتي و الأيام محسوبه
و أنا حالفٍ لا أدله ولا أتوب من هواه
ماني ب ورعٍ دلهو له بلعبوبه
يا حرق قلبي فوق جمر الغضا حرقاه
لما حل طاريهم دنا القلب لاهوبه
وأنا يا لطيف الروح روحي تراك دواه
مريض الهوا ما ينفعه كود محبوبه

اجلس تربع ب الحشى حط مركاك
و أشرب من عروق الغلا لين تروى
و أمر وتدلل واطلب الروح تفداك
وشلون أفرط بك و أنا حي و أقوى ؟