سلامة رماحك اللي جرحها غالي
طعنتني غاضب لين إنكسر رمحك
لو قلت لي كان أجرِّح حالي ب حالي
لا عاش قلبٍ جزع و ارتاع من جرحك
لأجلك جروحي غدن اليوم عذّالي
ذمّيت ظلمك و أنا من عادتي مدحك
يا ليت لي ذنبٍ و ألقى علقمك حالي
و يا ليت بك عدلٍ و أرضى بالهوى ذبحك

" المحبة ثلث قيمتها … حشيمه "
اجعلوا النهايات دائماً جليله لكي لا تفقد الذكرى عُمق مشاعرها

أعزك لو إنك جرح ومجاهدك قتّال
و روضّت جسمي لأجل سقمك وصبرته
لأجل من ملك قلبي من الجال لين الجال
و فجيت له بابٍ عن الناس سكرته
وحطيت له شمس قيظ الغرام ظلال
وشيّدت له بيتٍ بقلبي وعمرته

أكبر جريمه ترتكبها فالهوى من وسع بال
هذي ضحاياها بقلبي شيدوا تمثالها

وشلون تهجرني وأنا مالي على الهجر احتمال
وشلون تهملني وأنا مانيب أطيق اهمالها

وشلون تقطعني بسيف البعد قطّاع الوصال
وأنا لو أقطع عرق قلبي ماقطعت اوصالها

انعست عين الغلا والهوى هدا
‏هانت الايام والملح والعشره

‏وابتديت تشوف نفسك وتتحدا
‏ وأنت ماكنت تتغلى ولا تشره

‏الهوى جاب الغلا والهوى ودا
‏وأنت وجروح الزمن بالحشا خشره

‏يابعد من ما بعد جا ومن هدا
‏ويا بعد من ساج روض الحشا نشره

‏يوم صار الحب جزيه ولك تدا
‏والقصيد اسهل من كتابته نشره

‏خذ قصيدي ياشذا الورد لاندا
‏وأنتبه لي واستمع موجز النشره

‏والله أنك بالغلا فارق جدا
‏مثل فرق الابتسامه عن الكشره

محتاج لي شي من قلب البليد الغشيم
‏تمره أقسى ليال العمر و ينامها

‏- علي حامد

تلاشى مادام إن التلاشي هو آخر حلّ
‏وجودك ما عاد يفيد وغيابك إلزامي

‏فقدتك بما فيه الكفايه حبيب و خلّ
‏وأخذت أغلب أمالي معك وأغلب أحلامي

‏ويبدو لي إن تبع المقفي هوان وذلّ
‏عساني ما أضحي في مقام أسمي السامي

ما أبغاك تبكيني بعد شلعة الروح
أبيك تضحك لي محبَّة وأنا حي

من جور الإيام محدٍ يقدر إنقاذي
‏إلا أنت يا منقذ يونس من الغبِّة

‏من كان قلبه على الصدمات فولاذي
‏لا يشتكي للبشر يشكي على ربه

شلون كنت انزل بالساعات والحين!
اعوذ بالله من الانطفاء

ما بين الصعب و بين الخوف و التجريب
‏أحاول ما أميل بيوم ولا تتشرد أفكاري

‏أمر بمرحلة صح أو خطأ أو صدق أو تكذيب
‏كأني تايه في شيء و لاني عارف أقداري

‏أنا يا رب ما أدري وش اللي ينكتب بالغيب
‏و لكن رحمتك أكبر من اللي فيه أنا ادري

السلام عليكم ورحمة الله وبركاته

الكلام اللي بقوله خارج عن إطار محتوى القناة، لكن حبيت أذكّركم
لا تنسون موتاكم، لا تنسونهم من الدعاء والصدقة لااااا تنسونهم
راحوا لربهم، وما لهم في الدنيا بعد الله إلا أنتم

الله يرحم موتانا وموتاكم جميعًا
ويكتب اجر الجميع 🤍

يا شين طعم الصبر لا صرت مجبور
تصبر ولا تدري وش الأيام تعطيك