📙 Кніга пра Міхала Кусцінскага

У Віцебску выйшла кніга Людмілы Хмяльніцкай прысвечаная асобе Міхала Кусцінскага - "Міхал Кусцінскі: археолаг і краязнаўца з Лепельшчыны".👍👍👍

У кнізе разглядаецца жыццёвы і творчы наробак аматара даўніны Міхала Кусцінскага (1829-1905). Ён прысвяціў усё жыццё гістарычнаму даследванню лепельскага краю, ладзіў раскопкі, стварыў прыватны музей, займаўся фатаграфіяй, падтрымліваў кантакты з навукоўцамі і акадэмічнымі асяродкамі.🔥🔥🔥

Кніга будзе цікавая як спецыялістам, так і шырокаму колу чытачоў, што цікавяцца краязнаўствам і гісторыяй Віцебшыны.👍👍👍

#палічка

📙 "Вяртанне. 1648" Андрусь Пташэвіч

Сталічнае выдавецтва "Тэхналогія" выдала гістарычна-фантастычны раман Андруся Пташэвіча, які адсылае чытача ў сярэдзіну XVII ст., калі беларускія землі зазналі адзін з самых цёмных перыядаў гісторыі - набегі казакоў Хмяльніцкага і перыяд «Патопу» (1654–1667), калі ВКЛ адначасова вяло вайну з Маскоўскай дзяржавай і Швецыяй.🔥🔥🔥

👉 Шукайце кнігу на сайце выдавецтва tn.by

#палічка

📅 Івану Шамякіну - 105 гадоў

Пісьменнік Іван Шамякін нарадзіўся нарадзіўся 30 студзеня 1921 г. у в. Карма Добрушскага р-на, Гомельскай вобл.
📌 Вучыўся ў гомельскім тэхнікуме будаўнічых матэрыялаў, браў удзел у ІІ Сусветнай. Працаваў у Белдзяржвыдавецтве, апараце СП БССР, узначальваў выдавецтва "Беларуская энцыклапедыя".
📌 Дэбютаваў апавяданнем у 1944 г. Хутка атрымаў прызнанне - Сталінская прэмія трэцяй ступені (1951) — за раман «Глыбокая плынь» (1949), Дзяржаўная прэмія БССР імя Я. Коласа (1968) — за раман «Сэрца на далоні» (1963), званне "Народны пісьменнік" (1972).
📌 Іван Шамякін пакінуў вялікую творчую спадчыну і стаў адным з самых пазнавальных і папулярных празаікаў свайго пакалення.
📌 Памёр у 2004 г.

#угэтыдзень

⭐️ Прэзентацыя кніжкі "Ха-Хэй-Хо!"

Сёння 31 студзеня ў Вільні пройдзе прэзентацыя кнігі для маленькіх чытачоў "Ха-Хэй-Хо!".👍👍👍

Білінгвальную (беларуска-літоўскую) кніжку дзіцячых гульняў і стварылі вучні Stembridge School: малявалі ілюстрацыі, прыдумвалі назвы гульняў, правілы, гулялі ў іх на ўроках і перапынках.🔥🔥🔥

Удзел возьмуць:
✔️ Ілля Ясінскі — акцёр і педагог,
✔️ Наталля Сялецкая — настаўніца пачатковай школы,
✔️вучні 3 класа Stembridge School.
На прэзентацыі можна будзе пагуляць ў гульні разам з аўтарамі і дзецьмі.👍👍👍

❗️Пачатак а 17-ай
👉 Адрас: Віленскі беларускі музей імя Івана Луцкевіча (Vilniaus g. 20) Уваход вольны.

#анонс

⭐️ "Спачатку была цемра"

Працягваем знаёміць вас з цікавымі кнігамі, на якія з'яўляюцца свежыя водгукі на пляцоўцы "Новыя беларускія кнігі".👍👍👍

На гэты раз - уражанні ад чытання твора Барыса Пятровіча "Спачатку была цемра":
"З беларускай літаратуры для мяне зусім мала тых твораў, якія б я перачытваў. Выключэннем застаецца Брыль – іншы раз пацягнешся па нейкі том са збору, адкрыеш на выпадковай старонцы, чытаеш. Перачытваў “Дзікае паляванне” Караткевіча, трэцім разам ужо з алоўкам, вывучаючы, шукаючы адказы на свае пытанні.
І вось перачытваю не ўсю цалкам, бо помніцца ж сюжэт, але хочацца зноў нырнуць ў чорна-белую глыбокую і трывожную плынь тэксту. Трымаю на стале кнігу “Спачатку была цемра”.
Не адпускае кніга..."

👉 Цалкам тут

#лонгрыд

🎧 "Літаратурныя зацемкі"

У чарговым выпуску падкасту “Літаратурныя зацемкі” Сяргей Дубавец разглядае кнігу літаратуразнаўцы і драматурга Сяргея Кавалёва “Беларуская літаратура перыяду трансфармацыі. Абрысы замглёнага краявіду”.👍

👉 Слухаць тут

#аўдыё

⭐️ "Экслібрыс" 2026

Традыцыйны літаратурны конкурс "Экслібрыс" распачынае новы сезон і сёлета абірае патранэсай Алаізу Пашкевіч (Цётку) - пісьменніцу, грамадскую дзяячку, публіцыстку, і адну са стваральніц новай беларускай літаратуры, з дня нараджэння якой сёлета спаўняецца 150 гадоў.👍👍👍

Да ўдзелу ў конкурсе прымаюцца тэксты ў наступных жанрах:
✔️ проза
✔️ паэзія
✔️ дзіцячая літаратура
✔️ эсэістыка

❗️Узрост удзельнікаў не абмежаваны.
Па выніках конкурса “Экслібрыс” плануецца публікацыя твораў пераможцаў!🔥🔥🔥

❗️Дэдлайн падачы: 1 кастрычніка 2026 года.

👉 Падаць заяўку - bellit.info@gmail.com

#навіны

📙 Зборнік беларускіх песень

Цэнтр даследаванняў беларускай культуры, мовы і літаратуры АН Беларусі ў серыі “Фальклорныя скарбы Беларусі” выпусціў зборнік традыцыйных беларускіх песень “Ой, пушчу стралу па ўсяму сялу”.👍👍👍

У кнізе змешчаны каляндарныя песні з пераказам на расейскую і ангельскую мовы. Выданне шыкоўна ілюстраванае выцінанкамі ад Наталлі Бярнадскай і Вольгі Налівайкі, фотаздымкамі Паўла Ганчара, а таксама мае гукавы дадатак - на адмысловым YouTube-канале можна паслухаць аўдыязапісы, тэксты якіх змешчаны ў зборніку.

👉 Кніга з'явілася ў продажы ў "Акадэмкнізе".

#палічка

⭐️ "Сын вялікага паэта"

Музей Якуба Коласа запрашае на адкрыццё часовай экспазіцыі «Сын вялікага паэта», прымеркаванай да дня нараджэння малодшага сына Якуба Коласа Міхася Канстанцінавіча Міцкевіча.👍👍👍

❗️Адкрыццё адбудзецца а 17-й гадзіне 4 лютага.

На імпрэзе будзе прэзентаваная кніга «Сын вялікага паэта», у якой ўпершыню пад адной вокладкай сабраная літаратурная спадчына юбіляра.🔥🔥🔥

На часовай экспазіцыі будуць прадстаўленыя матэрыялы з фондаў музея і асабістага архіва нашчадкаў Якуба Коласа – рукапісы, кнігі з аўтографамі, дакументы, асабістыя рэчы і фотаработы Міхася Міцкевіча. 👍👍👍

#анонс

⭐️ Літшкола "Тэкст"

5 лютага, а 19-й гадзіне ў Літаратурным музеі Максіма Багдановіча адбудзецца сустрэча ў межах літаратурнай школы “ТЭКСТ”. 👍👍👍

Тэма сустрэчы - літаратурныя суполкі і пошук адказаў на пытанні:
❓ці мусіць творца заставацца самотным;
❓ механізм раскрыцця “творчай адзінкі” праз супольнасць сабе падобных;
❓ гістарычны агляд беларускіх літаратурных суполак.

Мадэратар – Міхал Бараноўскі. 🔥🔥🔥

❗️Уваходны квіток – 10 рублёў.

#анонс

⭐️ "Нябесныя бегi Язэпа Драздовiча"

Хор і аркестр музычнай капелы "Санорус" пад кіраўніцтвам галоўнага дырыжора Вячаслава Ларына, сумесна з рэжысёрам Алегам Коцам і акторам Сяргеем Бірульчыкам прадстаўляюць унікальную музычна-драматычную фантазію, прысвечаную жыццю і творчасці мастака і літаратара Язэпа Драздовіча.👍👍👍

❗️Канцэрт пройдзе 18 лютага ў КЗ "Мінск". Пачатак а 19-ай

👉 Квіткі тут

#анонс

📙 "Каляндар на імгненне"

Новы зборнік паэзіі Алеся Дуброўскага-Сарочанкава з такой назвай нядаўна выйшаў у мінскім выдавецтве "Дыяграф".👍👍👍

У кнігу ўвайшлі вершы напісаныя ў апошнія гады.

Адметнасць зборніка — спалучэнне канкрэтнай «каляндарнай» вобразнасці і своеасаблівай пазачасавасці зместу, у якім на першым плане — філасофскае асэнсаванне творчасці як спосабу быцця і быцця як творчасці.🔥🔥🔥

***
Майстэрства цяжкае - да слоў не дакранацца,
не пакідаць адбітак свой і пах.
Хай геній стылістычных імітацый
зазнае крах.

Нячутна праслізнуць між чорнымі радкамі,
як Адысееў хітры карабель...
Мастацтва не хапаць жыццё рукамі,
не пляміць бель.

👉 Набыць тут

#палічка

📙 Кніга паэзіі Змітра Вішнёва

Новы двухмоўны зборнік паэзіі Змітра Вішнёва “Непадпарадкаванае / Ununtergeordnetes”, у які ўвайшлі вершы, напісаныя паэтам у 2022—2023 гадах, выйдзе ўвесну ў нямецкім выдавецтве "Elif Verlag".👍👍👍

Пераклад на нямецкую - Ніна Велер.👍

#анонс

⭐️ Фестываль "Вершы на асфальце"

Міжнародны літаратурны фестываль “Вершы на асфальце”, што ў розныя гады праходзіў у Мінску і Вільні, сёлета адбудзецца ў Варшаве 13—15 лютага.👍👍👍

Вось толькі некаторыя з запланаваных імпрэзаў:
✔️ урачыстае адкрыццё і абвяшчэнне сёлетняга лаўрэата,
✔️ прэзентацыя непадцэнзурнага выдання раману “Каласоў пад сярпом тваім” У. Караткевіча,
✔️ “Дзядзька Васіль”: успаміны калег. Да 90-годдзя з дня нараджэння В. Сёмухі,
✔️ прэзентацыі новых кніг Паўла Капанскага, Ігара Кулікова, Ганны Кандрацюк, Валянціны Аксак, Дзмітрыя Дзмітрыева і іншых аўтараў,
✔️ паэтычныя чытанні Насты Кудасавай, Уладзіміра Някляева, Андрэя Сцепанюка, Крысціны Дамброўскай,
✔️ таксама - традыцыйная "Ноч паэзіі" і сёлетняя навінка - паэтычны батл навучэнцаў і выпускнікоў "Школы маладога літаратара".

Бліжэй да падзеі будзем дзяліцца з вамі больш падрабязным раскладам па кожным дні фестывалю. 🔥🔥

❗️Заплануйце сабе літаратурныя выходныя разам з "Вершамі на асфальце!

#анонс

📘 Апостраф

Выйшаў новы выпуск літаратурнага альманаха "Апостраф".

Сярод публікацый:
✏️ Вершы Дануты Бічэль "Перад Востраю Брамай", Уладзіміра Някляева "Адзінота", паэма Аксаны Спрынчан "Хараство хараства", вершы Леаніда Дранько-Майсюка "Цуд";
✏️ проза Сцяпана Лаўшука "Элегічная Рапсодыя", Сяргея Календы "Клубнічнае сочыва", Івана Клімянкова "Тайка";
✏️ запісы Сяргея Ваганава і Лявона Валасюка, дзённікі Міхася Мушынскага і іншыя цікавыя матэрыялы.

👉 Шукайце на інтэрнэт-пляцоўках.

#анонс

⭐️ "Крыніца натхнення - жыццё народа"

6 лютага Беларускі дзяржаўны архіў-музей літаратуры і мастацтва запрашае на літаратурна-дакументальную выставу “Крыніца натхнення – жыццё народа”, – прысвечаную 105-годдзю народнага пісьменніка Беларусі Івана Паўлавіча Мележа.👍👍👍

У экспазіцыі будуць прадстаўленыя справы з асабістага фонду пісьменніка, рукапісы твораў, дзённікавыя запісы, шматлікія артыкулы і выступленні, успаміны і пераклады, ліставанне, дысертацыю, асабістыя дакументы і выяўленчыя матэрыялы. 🔥🔥🔥

❗️Адкрыццё а 14:30 па адрасе: вул. Кірылы і Мяфодзія, 4

#анонс

⭐️ "Сіні дом. Мая гісторыя Віцебска" - прэзентацыя

Сёння 6 лютага адбудзецца анлайн-прэзентацыя кнігі "Сіні дом. Мая гісторыя Віцебска" літаратаркі Алены Пятровіч.

У эфіры да яе далучыцца і вядомы віцебскі актывіст Уладзь Булаўскі. Яны разам прыгадаюць свой Віцебск 1990-х і 2000-х гг.🔥🔥🔥

👉 Кніга выйдзе неўзабаве ў выдавецтве "Мяне няма", цяпер можна аформіць перадзамову

❗️Пачатак а 21.00 па беларускім часе.
👉 Глядзець тут

#анонс