⭐️ Алесю Макрацову - 70!

Нарадзіўся ў 1956 годзе ў вёсцы Паддуб’е на Быхаўшчыне.
🌺 Друкаваўся ў абласной і рэспубліканскай перыёдыцы, часопісе "Дзеяслоў" і інш.
🌺 Аўтар кніг: "Пружина времени", "Іерогліфы лёсаў", "Парастак духу".
🌺 Жыве ў Мінску.

* * *
На шэрых,
ускопаных градах --
кроплі
белае фарбы
з пэндзляў яблынек...

#угэтыдзень

⭐️ Беларускі стэнд варшаўскага кірмаша

28—31 траўня ў Варшаве на стадыёне PGE Narodowy пройдзе міжнародны кніжны кірмаш. У межах падзеі будзе працаваць беларускі стэнд. 👍👍👍

Сярод іншага ў праграме:
28.05 (чацвер)
📌 14.00 Прэзентацыя з нагоды 70-г. кафедры беларусістыкі Варшаўскага ўніверсітэта (з удзелам Андрэя Масквіна).
📌 15.00 Прэзентацыя: “Лірыка”, Наста Кудасава.
29.05 (пятніца)
📌 11.00 Старт продажаў: “Linea Laretalis”, Яна Гульцяева.
📌 16.00 Прэзентацыя: “Święte źródło”, Уладзімір Някляеў.
30.05 (субота)
📌 12.00 Старт продажаў: “Spiritus flat ubi vult. Вершы 1945–1947”, Ларыса Геніюш.
📌 13.00 Прэзентацыя: “Іншыя Багі”, Гаўард Філіпс Лаўкрафт.
31.05 (нядзеля)
📌 15.00 Прэзентацыя: “Імёны Свабоды. Частка 1”, Уладзімір Арлоў.
📌 16.00 Прэзентацыя: “Вячэра з чужым каханкам”, Валянціна Аксак.

👉 Поўная праграма тут

#анонс

⭐️ Канцэрт памяці Багдановіча

25 мая – сумная дата для прыхільнікаў Максіма Багдановіча, бо ў гэты дзень у 1917 г. у Ялце скончылася яго зямное жыццё. Музей класіка прапануе ўсім ахвотным далучыцца ў гэты дзень да ускладання кветак да помніка паэту на плошчы Парыжскай камуны а 12:00.
І завітаць на канцэрт ансамбля салістаў “Класік-Авангард” пад кіраўніцтвам Людмілы Каліноўскай а 19:00. 👍👍

У праграме:
✔️І. С. Бах. Арыя.
✔️М. Ельскі. Песня без слоў.
✔️Ф. Мендэльсон. Песня без слоў.
✔️В. Казлоўскі. Паланэз.
✔️М. Агінскі. Паланэз “Развітанне з Радзімай”.
✔️Я. Глебаў. “Палеская сюіта”: Галоп, Вячэрні пейзаж, Танец.
✔️М. Глінка. Раманс “Я памятаю цудоўнае імгненне”.
✔️Г. Свірыдаў. Вальс.
✔️Беларуская полька Янка.
✔️І. Палівода. “Па-над белым пухам вішняў”.
✔️С. Рак-Міхайлоўскі. “Зорка Венера”.

❗️Уваходны квіток – 20 рублёў.
👉 Адрас: вул. М.Багдановіча, 7а

#анонс

⭐️ Лабараторыя паэтычнай метафізікі

Працягваецца цыкл сустрэч, прысвечаных беларускай (і сусветнай) традыцыі
інтэлектуальнай літаратуры / метафізічнай паэзіі. 👍👍👍

Тэма: “Паэт з тысячай твараў: магія і метафізіка ў творчасці Алеся Разанава”.👍👍👍

Разанаў вярнуў паэзіі трансцэдэнтнае. Зрабіў паэзію месцам, дзе жывуць сэнсы. Дзе адбываецца надзвычай важная, патаемная работа жыцця і свядомасці. Дадаў у гэтую прастору яшчэ адно вымярэнне: узвышанае памкненне да пераходу ўсіх межаў. За рубеж чалавечага слова.🔥🔥🔥

Мадэратар: Ігар Бабкоў, вядучы навуковы супрацоўнік Інстытута філасофіі НАН Беларусі, кандыдат філасофскіх навук, дацэнт.👍👍👍

❗️Уваходны квіток 5 рублёў.

👉 Літаратурны музей Максіма Багдановіча, Мінск, вул. М.Багдановіча, 7

#анонс

🎧 "Літаратурныя зацемкі"

У чарговым выпуску аўтарскага падкасту "Літаратурныя зацемкі" Сяргей Дубавец дзеліцца ўражаннямі ад кнігі Ханны Арэнт "Пра чалавечнасць у цёмныя часы".👍👍👍

Даведка:
Ханна Арэнт (1906-1975) мыслярка і літаратарка, адна са стваральніц тэорыі таталітарызма. Паходзіла з усходнепрускай габрэйскай сям'і. Скончыла Гейдэльбергскі ўніверсітэт, была вучаніцай Хайдэгера і Ясперса. Пасля прыходу да ўлады нацыстаў, збірала матэрыялы, якія сведчылі пра злачыннасць іх рэжыму. Эмігравала ў ЗША. Аўтарка знакамітай кнігі "Банальнасць зла: Эйхман у Іерусаліме".

👉 Слухаць

#аўдыё

Прыказка на кожны дзень

Кабыла гнядая, жарабя рабое -- паеў воўк абое.🧐

#прыкпўка

⭐️ Мемуарыстка Ганна Герыч -
аўтарская лекцыя Змітра Юркевіча

28 траўня ў межах праекта “Па мячы і па кудзелі. Гісторыя сям’і – гісторыя асобы” Музей гісторыі беларускай літаратуры запрашае на лекцыю даследчыка Змітра Юркевіча, прысвечаную пляменніцы Тадэвуша Рэйтана - Ганне Герыч.👍👍👍

Яна пакінула ўспаміны і апісанне побыту і звычаяў беларускай шляхты канца XVIII – сярэдзіны ХІХ ст., пачаўшы пісаць на французскай мове ў 1830-я гады і завершыла ў 1856 г., пераклаўшы ў выніку свае нататкі на польскую мову.🔥🔥🔥

Сёння мемуары Ганны Герыч захоўваюцца ў фондах Музея Адама Міцкевіча і Польскай бібліятэкі ў Парыжы. Матэрыялы з Польскай бібліятэкі часткова пабачылі свет, а дакументы з Музея Адама Міцкевіча, якія прадстаўляюць сабой чарнавыя запісы, толькі з нядаўняга часу пачалі апрацоўвацца і выдавацца...👍👍👍

👉 Больш дэталяў і цікавостак на лекцыі.
❗️Пачатак 19:00

#анонс

🎧 Анатоль Кудравец "Цітаўкі"

У аўдыёверсіі выйшаў твор Анатоля Кудраўца "Цітаўкі". 👍

У анатацыі гаворыцца:
"Бываюць такія апавяданні (назавем іх «тонкімі»), у якіх няма ані герояў, ані злодзеяў, усе людзі як людзі і жыццё як жыццё, а між тым зусім побач творыцца зло альбо дабро – гэтымі ж самымі людзьмі. І не сярод вайны, ні сярод катастрофы – а проста перад кінасеансам альбо за вячэрай. І хто ўмее чытаць такія апавяданні – той і ёсць сапраўдны чытач."

👉 Слухаць

#аўдыё

⭐️ "Якуб Колас у Парыжы" - прэзентацыя

28 траўня ў чацьвер Дзяржаўны літаратурна-мемарыяльны музей Якуба Коласа запрашае на прэзентацыю кнігі даследчыка беларускай літаратуры Міколы Труса "Якуб Колас у Парыжы. 1935 год". 👍👍👍

У новым выданні аўтар прадставіў архіўную рэканструкцыю абставін удзелу класіка беларускай літаратуры Якуба Коласа ў Міжнародным кангрэсе пісьменнікаў у абарону культуры. Новыя факты пра падрыхтоўку і візіт беларускага песняра ў Парыж у якасці дыпламата, якому выпаў гонар прадставіць краіну на міжнародным узроўні, шэраг выяўленых асоб, з якімі кантактаваў паэт падчас кангрэса, уражанні класіка ад сталіцы Францыі і шмат іншых цікавостак.🔥🔥🔥

❗️Пачатак а 17-ай

#анонс

Памерла Раіса Баравікова

Раіса Баравікова нарадзілася 11 мая 1947, в. Пешкі, Бярозаўскага раёна, Брэсцкай вобл.
📌 Скончыла Маскоўскі Літінстытут імя Горкага.
📌 Працавала рэдактаркай на «Беларусьфільме», у газетах «ЛіМ» і «Чырвоная змена», у часопісе «Алеся», галоўнай рэдактаркай «Маладосці».
📌 Дэбютавала ў 1960 годзе. Аўтарка зборнікаў паэзіі «Рамонкавы бераг» (1974), «Слухаю сэрца» (1978), «Такое кароткае лета» (1981), «Адгукнуся голасам жалейкі» (1984), «Каханне» (1987), «Пад небам першага спаткання» (1990), «Люстэрка для самотнай» (1992) і інш.
📌 У апошнія дзесяцігоддзі шмат пісала для маленькіх чытачоў - дзіцячыя творы, па словах самой Р. Баравіковай, сталі яе другім дыханнем у літаратуры.
📌 Творчыя дасягненні былі не раз адначаныя на высокім узроўні:
яна стала лаўрэаткай літаратурнай прэмія СП БССР імя А. Куляшова (1988) і дзяржаўнай прэміі Рэспублікі Беларусь імя Я. Купалы (1993).

Спачуваем сябрам і блізкім спачылай.

#навіны

⭐️ Лепшая паэтычная кніга года - сёння фінал

Сёння, 27 траўня ў Варшаве адбудзецца цырымонія падвядзення вынікаў прэміі Арсенневай - будзе агучаная лепшая кніга паэзіі 2025-га году.👍👍👍

У кароткі спіс увайшлі тры кнігі, з якіх і будзе абраная найлепшая:
📗 Ігара Кулікова “Нетутэйшая далечыня”.
📘 Іллі Кульбіцкага “Хроніка адмаўлення пустаты”.
📕 Макса Шчура “Чайны збор. Выбраная постпаэзія 2007–2025”

Сёлета ў журы:
Дар’я Бялькевіч, Наста Кудасава, Віталь Рыжкоў, Андрэй Хадановіч. 🔥🔥🔥

❗️Пачатак а 19:00
👉 Адрас: Новы Тэатр (ul. Madalińskiego 10/16)
❗️Уваход: вольны

#анонс