⭐️ Прэзентацыя кнігі Ігара Бабкова

9 ліпеня ў Літаратурным музеі Багдановіча ў Мінску пройдзе прэзентацыі новай кнігі Ігара Бабкова "Сляза і камень".👍👍

Размова пойдзе пра паэзію, метафізіку і беларускую ідэю.🔥🔥

У праграме:
🔹Вершы з новай кнігі «Сляза і камень».
🔹Фрагменты новай аповесці.
🔹Аповед пра «ненапісаныя» эсэ «Палі Фландрыі» і «Акудовіч».
🔹Размовы з сябрамі і літаратурнымі героямі.
🔹Аўтограф-сесія.

❗️Уваход - 10 рублёў

❗️Пачатак а 18:30
👉Адрас: вуліца М. Багдановіча, 7а

#анонс

📙 Зборнік Юрыя Гуменюка выйшаў у "Брукаванцы"

Нядаўна ў кніжнай серыі "Брукаванка" пабачыў свет зборнік выбранай паэзіі Юры Гуменюка - ці не самага яркага прадстаўніка гарадзенскага паэтычнага андэграўнду.👍👍👍

На пляцоўцы "Новыя беларускія кнігі" з'явілася рэцэнзія на яго:

"Сусветнае літаратуразнаўства любіць кантраверсійных паэтаў – са складанымі, драматычнымі лёсамі, з хуліганскімі вершамі, з неадназначнымі поглядамі і няпростымі характарамі. Прычым, складаецца ўражанне, што такіх на Парнасе большасць. І кожная нацыянальная літаратура імкнецца на гэты Парнас дэлегаваць свайго прадстаўніка..."

👉 Чытаць рэцэнзію цалкам


#лонгрыд

⭐️ Доўгі спіс прэміі Гедройця

У сёлетнім лонг-лісце журы назвала:

📗 "Цесля жыцця” – Сяргей Дубаўцэвіч (зашыфраваны ўдзел)
📘 “Пляц” – Зміцер Залозны (зашыфраваны ўдзел)
📕 “Проста з любові. Рэпарцёрскія партрэты памяці” – Ганна Кандрацюк
📙 “Халодныя землі” – Аляксандр Карнаўх
📗 “Лірнік” – Аляксандр Касцюковіч
📘 “Эйфарыя” – Марыя Пархімчык
📕 “Цягнік да Познаня” – Аляксей Правалоцкі
📙 “Радзіна” – Збых Слупоўскі
📗 “Боў і мерць у Хротне” – Дзяніс Трусаў
📘 “Раз два тры чатыры два” – Пётр Уманскі
📕 “Пентаквантар” (кнігі 1 і 2) – Арцём Шуканаў
📙 “Спроба эксперыментальнага канструявання сябе” (кнігі 1 і 2) – Макс Шчур

#навіны

Рагачоўскі дом, дзе пісаў Караткевіч стаіць закінуты

Драўляны дом ў Рагачове, які пабудаваў дзед пісьменніка, і дзе часта бываў і працаваў класік беларускай літаратуры Уладзімір Караткевіч, знаходзіцца ў занядбаным стане і хутка разбураецца.

Будынак сапраўды мае гістарычную і мемарыяльную каштоўнасць - пабудаваны яшчэ ў 1914 годзе, ён многія гады быў творчым прытулкам пісьменніка, які меў там асобны пакой, дзе часта працаваў да позняй ночы. Па словах самога Караткевіча нідзе "яму не пісалася так добра, як у Рагачове, за двума знакамітымі вокнамі ў сад".👍

Шмат гадоў вядзецца гаворка пра тое, што будынак варты захавання і стварэння ў ім дома-музея Уладзіміра Караткевіча, але далей за размовы справа так і не пайшла. А між тым, менавіта тут былі створаны або задуманы многія яго творы, у тым ліку легендарныя «Каласы пад сярпом тваім».

#навіны

⭐️ Вальжына Морт у Кракаве

Сёння 1 ліпеня на літаратурным Фестывалі "Festiwal Miłosza" у польскім Кракаве выступіць паэтка Вальжына Морт.👍👍👍

Разам з мадэратаркай Ганнай Маркеўкай (Anna Marchewka) прадставяць польскі пераклад кнігі "Песні для мёртвых і ўваскрэслых", што выйшла ў выдавецтве "Kolegium Europy Wschodniej". Перакладчык - Богдан Задура. 🔥🔥🔥

❗️Пачатак а 17.15.
👉 Адрас: Pałac Potockich, Rynek Główny, 20.

#анонс

🗞 Чэрвеньская "Літаратурная Беларусь"

Выйшаў новы выпуск літаратурна-мастацкага праекта "Літаратурная Беларусь".

Змест:
📌 ЗГАДКІ: аповед Галіны ЛЮМАРАВАЙ «Падарожжа для закаханых»
📌 АРХІЎ: гарадзенскія лісты Васіля БЫКАВА
📌 ІМЁНЫ: слова пра Паўлюка ВАЗЁРНАГА «Нявольнік праўды»
📌 ПРОЗА: аповед Міколы ІЛЬЮЧЫКА «Адвечны боль»
📌 ПАЭЗІЯ: нізкі вершаў «Танец любові» Людмілы ПАЎЛІКАВАЙ і «Рамонкам прарасці…» Чаславы ПЕТРАШКЕВІЧ
📌 ЧЫТАЛЬНЯ: фантастычнае апавяданне Сяргея БЕЛАЯРА «Уладышы»
📌 ПАЭЗІЯ: нізка вершаў Рычарда БЯЛЯЧЫЦА «Разняволены такт»
📌 ФОРУМ: нобельская лекцыя Ласло КРАСНАХОРКАІ (Стакгольм, снежань 2025 г.)
📌 ЛІТГІСТОРЫІ: артыкул Вікторыі РАДЗІВОНАВАЙ «Чаго хацеў Фаўст?»
📌 СВЕТ: навіны і цікавосткі літаратурнага замежжа.

👉 Спампаваць

#навіны

⭐️ Аўтарская сустрэча з Уладзімерам Някляевым

11 ліпеня ва Уроцлаве пройдзе вялікая аўтарская сустрэча з Уладзімірам Някляевым, прымеркаваная да 80-гадовага юбілею паэта.👍👍👍

Падчас аўтарскай сустрэчы прагучаць вершы, будуць праспяваныя песні на вершы Уладзіміра Някляева, а таксама адбудзецца прэзентацыя новых кніг: “Святая крыніца” (апавяданні на польскай і беларускай мовах, выдавецтва Цэнтру беларускай культуры ў Беластоку, пераклад Марціна Рэмбача) і драматычнай паэмы “Літвіны”.🔥🔥🔥

❗️Пачатак а 18.00,
👉 Адрас: Шэўска 37,
Дзядзінец Ossolineum

#анонс

📙 "Намалюю вясну" - новая кніга Марыі Баравік

У Мінску пабачыла свет чарговая дзіцячая кніга дзіцячай пісьменніцы Марыі Баравік - "Намалюю вясну".👍👍👍

Марыя Баравік - літаратарка, журналістка, драматург, якая сёлета адзначыла сваё 80-годдзе, з'яўляецца адной са старэйшых творцаў Віцебшчыны. 🔥🔥🔥

Шмат гадоў аддала працы з дзецьмі ў дзіцяча-юначым цэнтры турызму і экскурсій Падсвілля на Глыбоччыне.
Друкуецца з 1960-ых гг. Шматлікія публікацыі з'яўляліся ў газетах «Шлях перамогі», «Віцебскі рабочы», «Чырвоная змена», «Голас Радзімы», «Знамя юности», «ЛіМ», «Наша слова», «Народнае слова», у часопісах «Маладосць», «Родная прырода», Аўтарка кніг паэзіі для дзяцей.👍👍👍

#палічка

📙 “Вуліца Шарлатанаў” Ільдэфанса Галчыньскага па-беларуску

На ліпень анансаваны выхад з друку кнігі выбраных вершаў Канстантага Ільдэфанса Галчыньскага “Вуліца Шарлатанаў” у перакладах Андрэя Хадановіча.👍👍👍

Кніга - зборнік-білінгва - побач з перакладамі змешчаныя арыгіналы вершаў.🔥🔥🔥

Перакладчык Андрэй Хадановіч так характарызуе кнігу выбранага:
"Вуліца шарлатанаў” - найпаўнейшае беларускае выданьне паэта. Палова сабраных тут вершаў і паэмаў друкуецца на нашай мове ўпершыню або ў новых перакладах, зробленых для гэтай кнігі”.🔥🔥🔥

#анонс

⭐️ “Шматгранны Броўка” лекцыя

3 ліпеня "Літаратурны музей Петруся Броўкі" запрашае цікава і культурна правесці час у музеі: даведацца пра ўплыў творчасці Петруся Броўкі і яго дасягненні ў такіх галінах беларускай культуры як кіно, тэатр, музыка. 👍👍

Праз прыклады творчасці П.Броўкі будзе паказаны шырокі дыяпазон яго таленту – як перакладчыка, як празаіка, як кінасцэнарыста, як аўтара лібрэта да опер. У якіх умовах працавалі над операй “Алеся”? Хто мог быць правобразам каханай дзяўчыны ў вершы “Пахне чабор”? Як “каралева савецкага шансона” знімалася ў фільме па сцэнару Петруся Броўкі?🔥🔥🔥

❗️Пачатак лекцыі а 14-ай
❗️Працягласць 1 гадзіна
❗️Кошт 10 руб.
 
👉Адрас: вул. К.Маркса, 30

#анонс

⭐️ Сустрэча з Людміла Рублеўскай

8 ліпеня ў межах праграмы "Кіно і кнігі" сталічны кінатэатр "Піянер" запрашае на сустрэчу з пісьменніцай Людмілай Рублеўскай.👍👍👍

На гэтай сустрэчы размова пойдзе пра легенды і таямніцы Мінска. Гледачы прагуляюцца з аўтаркай кнігі "Пісьменніцкія вандроўкі" па знакамітых мясцінах беларускай сталіцы.🔥🔥🔥

Таксама ў праграме сустрэчы прагляд цікавай дакументальнай хронікі і аўтограф-сесія.👍👍👍

❗️Пачатак а 19-ай
❗️Квіток 20 руб.

#анонс

📙 "Камяні мусілі паляцець" - беларускі пераклад

У Беластоку выходзіць па-беларуску кніга Анэты Прымакі-Онішк — “Камяні мусілі паляцець. Зацёртая мінуўшчына Падляшша”. З польскай яе пераклала Наталля Русецкая.

Кніга прысвечаныя няпростым адносінам паміж беларускай меншасццю і палякамі на Падляшшы. У прыватнасці гаворка ў кнізе ідзе пра тое, што давялося перажыць беларуска-праваслаўнай супольнасці: бежанства, пасляваенныя перасяленні і злачынствы. Анэта Прымака-Онішк ездзіць па падляскіх вёсках, размаўляе з жыхарамі Беластока, Бельска Падляскага, Гайнаўкі, Сямятычаў і Саколкі, чытае архіўныя дакументы і супастаўляе здабытыя веды з міфамі афіцыйнай гісторыі.

#анонс

Прыказка на кожны дзень

Адзін за патрэбай, а дзесяцёх - так.😜

#прыказка

⭐️ Сквер у гонар беларускага пісьменніка

На тыдні ў вёсцы Кабылянка, (гміна Міхалова) на Падляшшы ўрачыста адкрылі сквер у гонар пісьменніка, краязнаўцы і педагога Мікалая Гайдука. 👍👍👍

Даведка:
Мікалай Гайдук (1931-1998) — беларускі пісьменнік, журналіст, краязнавец, педагог.
📌 Працаваў у агульнаадукацыйным ліцэі імя Б. Тарашкевіча ў Бельску Падляскім настаўнікам беларускай і лацінскай моваў, пазней - узначальваў установу на пасадзе дырэктара.
📌 Працаваў у тыднёвіку "Ніва".
📌 Аўтар зборніка вершаў "Ціш", кніг апавяданняў, аповесцей і гістарычных эсэ "Трызна", "Паратунак", "Брэсцкая унія".

#навіны

🎧 "Райсн" Кульбака цяпер у аўдыё

Ініцыятыва «Непаслухмяныя Дзеці Кастрычніка» агучыла паэму "Райсн" Мойшэ Кульбака — габрэйскага пісьменьніка з Смаргоняў, расстралянага ў 1937-ым.👍👍

Райсн — назва Беларусі на ідыш. У паэме нашая зямля паўстае містычным святле і поўная ідылічных вобразаў. Твор цікавы і адметны - пазнаёміцца з ім варта кожнаму.

❗️Нядзелька - добры час для аўдыёкніжак!

👉 Слухаць - https://youtu.be/2vY9FotmktE?is=pbR2VW8EDCNhBJKy

#аўдыё

🎧 Літаратурныя зацемкі

У новым выпуску аўтарскага падкаста "Літаратурныя зацемкі" Сяргей Дубавец чытае і разглядае кнігу Паўла Севярынца "Беларусь — гэта святое". 👍👍👍

Вера як персанальная тэрапія, святое vs. жывое, мурашка vs. чалавек, эстафета канфесій у гісторыі наша краю, вяртанне беларушчыны ў часы перабудовы як вяртанне рэлігіі.🔥🔥🔥

Слухаць тут

#аўдыё

⭐️ "Экслібрыс" 2026

Штогадовы літаратурны конкурс "Экслібрыс", што сёлета абраў патронкай - пісьменніцу, грамадскую дзяячку, публіцыстку, і адну са стваральніц новай беларускай літаратуры Алаізу Пашкевіч (Цётку), працягвае збор твораў.👍👍👍

Да ўдзелу ў конкурсе прымаюцца тэксты ў наступных жанрах:
✔️ проза
✔️ паэзія
✔️ дзіцячая літаратура
✔️ эсэістыка
Узрост удзельнікаў не абмежаваны.
Па выніках конкурса “Экслібрыс” плануецца публікацыя твораў пераможцаў.👍👍👍

Цяпер лета - самы час дапрацаваць тэксты і падаць на разгляд - не губляйма часу!
❗️Дэдлайн падачы: 1 кастрычніка 2026 года.

👉 Падаць заяўку - bellit.info@gmail.com

#навіны

Памёр Пётра Садоўскі

Мовазнавец, літаратар і дыплямат Пётра Садоўскі памёр 5 ліпеня ў Мінску на 87-ым годзе жыцця.
📌 Нарадзіўся 2 лютага 1941 г. Скончыў Менскі інстытут замежных моваў. Валодаў нямецкай, ангельскай, гішпанскай ды францускай мовамі.
📌 Быў сябрам Прэзыдыюму ды старшынём камісіі ў замежных справах ВС БССР і РБ 12-га склікання. Быў першым Паслом Рэспублікі Беларусь у Германіі.
📌 Як навуковец даследаваў беларускую мову, асаблівым захапленнем былі паўночнабеларускія гаворкі.
📌 Аўтар кнігі ўспамінаў «Мой шыбалет» (2008).

Смуткуем разам з сябрамі спачылага.

#навіны