❓Апытанка ад выдаўцоў

Беларускія незалежныя кнігавыдаўцы запусцілі анлайн-апытанне - якія кнігі патрэбныя беларускім чытачам?

Мэта: дапамогай апытанкі сабраць інфармацыю пра патэнцыйных чытачоў беларускай кнігі і іх зацікаўленасці.
Усяго 20 нескладаных пытанняў, апытанка ананімная і не патрабуе аніякіх рэгістрацый - не палянуйцеся, дапамажыце выдаўцам! 👍👍👍

👉 Апытанка тут

#навіны

⭐️ Тапаніміка без памылак

З'явіўся інтэрнэт-даведнік, які дапамагае правільна пісаць і вымаўляць (з націскам) усе населеныя пункты Беларусі. 👍

На дадзены момант у даведніку можна знайсці, як пішуцца назвы населеных пунктаў нашай краіны па-беларуску і па-руску, альтэрнатыўныя варыянты назваў (калі яны ёсць), а таксама даведацца, дзе знаходзяцца населеныя пункты, і як скланяюцца іх назвы.🔥🔥🔥

Рэсурс створаны на падставе даведніка Валянціны Лемцюговай, а таксама граматычнай базы Інстытута мовазнаўства НАН Беларусі.

Ініцыятарам стварэння даведніка выступіў музыка Ігар Палынскі.👍👍👍

👉 Пратэставаць цікавостку!

#навіны

Новае выдавецтва і невытлумачальнае кнігавыданне

Надоечы вядомая пляцоўка OZ.by абвясціла пра запуск уласнага выдавецтва, якое ўжо прымае рукапісы. Як паведамлялася, гэтая ініцыятыва нарадзілася ў супрацоўніцтве з творчым аб’яднаннем “Шуфлядка пісьменніка”. Першымі ластаўкамі працы стаў выхад кніг “(Не)зримая Беларусь” і “Крама Цудаў”.

Апошняе дзіўнае выданне ўжо пагарталі цікаўныя чытачы і высветлілі, што пад беларускай назвай сабраныя рускамоўныя тэксты...😩😩😩

Як патлумачаць такі ход свежаспечаныя выдаўцы пакуль не вядома. Але, відавочна, маркетолагі кампаніі працуюць не па банальных клішэ.
Чакаем нямецкамоўныя кнігі падпісаныя па-літоўску і франкамоўныя з тытулам на кітайскай.

#навіны

😢Не злодзеі, дык патоп

У Луўры новая бяда - у выніку прарыву старых камунікацый пацярпела бібліятэка.

Інцыдэнт адбыўся напрыканцы лістапада, аднак вядома пра гэта шырокай грамадскасці стала толькі цяпер.😩

Затапленне закранула адну з трох залаў бібліятэкі дэпартамента егіпецкіх старажытнасцяў. Вядома, што шкода была нанесеная 300-400 работам. Нашчасце пацярпелі не самі папірусныя світкі, а толькі перыядычныя і даведачныя выданні ды археалагічныя часопісы, самыя старыя з якіх датуюцца к. XIX ст.

Цяпер праводзяцца працы па выратаванню і рэстаўрацыі фонда.

#навіны

⭐️ Мовазнаўчая канферэнцыя прымае заяўкі

24–25 верасня 2026 г. у Вільні пройдзе міжнародная навуковая канферэнцыя "Канструкты моўнага будаўніцтва: да стагоддзя Акадэмічнай канферэнцыі 1926 г."👍👍👍

На ёй будуць абмеркаваныя шляхі развіцця акадэмічнай і практычнай беларусазнаўчай гуманітарыстыкі ў 20-21 стст.

❗️На цяперашнім этапе падрыхтоўкі аргкамітэт канферэнцыі прымае заяўкі ад удзельнікаў.
👉 Дэталі тут
❗️❗️Дэдлайн падачы - да 30 красавіка 2026 г.
👉👉 Пісаць на адрас: kanfierencyja@belarus-institute.cz

#анонс

Прыказка на кожны дзень

Добрае чуваць далёка, а благое яшчэ далей.🧐

#прыказка

⭐️ “Апярэдзіць Госпада Бога” - анлайн-прэзентацыя

16 снежня ў межах цыклу сустрэч “Санаторый пад клепсідрай” адбудзецца прэзентацыя беларускага выдання кнігі Ганны Краль “Апярэдзіць Госпада Бога” — знакамітага рэпартажа, што паўстаў на падставе размоў аўтаркі з Марэкам Эдэльманам, лекарам і кіраўніком паўстання ў Варшаўскім гета. 👍👍👍

Удзел возьмуць перакладчык Лявон Баршчэўскі, мадэратар - Андрэй Хадановіч.🔥🔥🔥

❗️Пачатак а 18.00 па Мінску
👉 Глядзець тут

#анонс

⭐️ Прэзентацыя кніг Музея малой Айчыны

Заўтра 12 снежня ў гарадской бібліятэцы Бельска-Падляшскага пройдзе прэзентацыя новых выданняў Музея Малой Айчыны ў Студзіводах. 👍👍👍

📙 Першая кніга "Eugeniusz Jewiec. Czas i ludzie", прысвечаная асобе і спадчыне Яўгена Еўца – вядомага дырыжора, кампазітара і педагога, чые карані звязаныя з Падляшшам. Аўтар даследвання - Дарафей Фіёнік.🔥🔥

📘 Другая кніга — «Князева Гара», зборнік паэзіі і прозы Жэні Мартынюк. Выданне падрыхтавана сумесна з Цэнтрам беларускай культуры ў Беластоку і ўваходзіць у серыю «Літаратура падляшскіх беларусаў».👍👍👍

❗️Пачатак а 17:00

#анонс

⭐️ Вечарына ў Лодзі

Сёння 11 снежня ў Лодзі пройдзе вечарына да 95-годдзя з дня нараджэння Уладзіміра Караткевіча. 👍👍👍

У праграме:
✔️ аповед пра жыццё і творчасць пісьменніка,
✔️ чытанні вершаў на трох мовах, літаратурны квіз,
✔️ выступ Алеся Лютыча, лідара гурта B:N:.

❗️Пачатак а 18.00 па польскім часе.
❗️❗️Уваход вольны.

#анонс

⭐️ "Караткевіч і беларускі sacrum"

Такой тэме будзе прысвечанае чарговае паседжанне "Лабараторыі паэтычнай метафізікі", што пройдзе 17 снежня ў Літаратурным музеі Маскіма Багдановіча.👍👍

"Караткевіч ува ўсіх сваіх праявах радыкальна зямны, амаль ніколі не містычны...
І ўсё ж мы гаворым пра Караткевіча як пра творцу новай беларускай ідэнтычнасці, які ўпершыню сакралізуе Беларусь, паўтараючы бясконца яе імя, называючы яе гарады і мястэчкі, вазёры і аблокі.
Караткевіч шукае для яе ноты, прыдумвае мелодыі, развучвае Беларусь як песню."

Мадэратар - літаратар і філосаф Ігар Бабкоў.🔥🔥🔥

❗️Пачатак а 19:00

#анонс

⭐️ Музычна-паэтычная вечарына ў Варшаве

14 снежня ў Варшаве пройдзе чарговая імпрэза праекту "Кшталт слова". 🔥🔥🔥

Удзел возьмуць
паэты: Дар’я Бялькевіч, Алена Варанец, Яраслаў Кірвель, Юрка Мельнікаў і інш.
Музыкі: Andruś Takindang "Andruś Kapeła", Andrei Luhin “Znaxtop”, Uladz Liankievič, Illa Siŭcoŭ.

👉 Адрас: Prześwit, Freta 39. Стары Горад.
❗️Пачатак: 18:00.

❗️❗️Уваход за данат.
❗️❗️❗️Вітаецца калядны дрэс-код.

#анонс

⭐️ Літаратурны тур Ганны Кандрацюк

Працягваецца літаратурны тур па Падляшшы, журналісткі і літаратаркі, уладальніцы Прэміі Гедройця Ганны Кандрацюк.👍👍👍

Цыкл сустрэч арганізаваны ў падтрымку выхаду новай кнігі аўтаркі - «Проста з любові. Рэпарцёрскія партрэты памяці». У кнізе – сем гісторый пра людзей, якія пакінулі яскравы след у беларускай і польскай культуры: Кастусь Каліноўскі, Ежы Папялушка, св. Марыя (Петручук), Алесь Пушкін, Юрка Гіль, Надзея Артымовіч, Юрый Гумянюк. 🔥🔥🔥

Расклад сустрэч:
✔️ 12 снежня – Нараўка, Галерэя ім. Тамары Саланевіч, 17:00
✔️ 13 снежня – Бельск-Падляшскі, Бельскі дом культуры, 17:00
✔️ 14 снежня – Беласток, хаб «Новая Зямля», 17:00
✔️ 16 снежня – Гайнаўка, Цэнтр прамоцыі рэгіёна «Чарлёнка», 17:00

❗️Завітвайце!

#анонс

📙 Гумарыстычнае фэнтэзі ад Яўгена Папакуля

Яўген Папакуль, вядомы чытачам, найперш як перакладчык, абвесціў аб хуткім выхадзе у выдавецтве "Цымбераў" сваёй новай кнігі ў жанры гумарыстычнага фэнтэзі: "Ордэн шэрай макрыцы". 👍👍👍

Па словах аўтара, кніга не дзіцячая і арыентаваная найперш на дарослага чытача:
"Ад самага пачатку аповесць пісалася не для дзяцей і не для падлеткаў, мэтавая аўдыторыя кнігі — катэгорыя чытачоў “young-adult”, менавіта таму было вырашана паставіць на кнізе пазнаку 16+. Больш юныя чытачы могуць проста не зразумець усе адсылкі, пасхалкі ды іронію”.😜

👉 Замовіць тут

#анонс

⭐️ Да дня нараджэння Багдановіча

На тыдні былі чарговыя ўгодкі з дня нараджэння Максіма Багдановча (1891 - 1917).👍👍👍

Прапануем вам пад настрой - верш класіка і гарадскі раманс на яго словы ў выкананні Алеся Камоцкага. 🔥🔥

***
За дахамі места памеркла нябёс пазалота;
Паветра напоена ціха гусьцеючым мрокам;
Ўжо відна, як іскры зьлятаюць з трамвайнага дрота.
Як зоркі гараць і зрываюцца ў небе далёкім.
Музыкі стагнаньне ліецца па вулках з бульвара;
Гараць і агнём машкару к сабе вабяць ліхтарні;
Ўкруг тоўстага шкла яна ўецца, як лёгкая хмара.
А к сьвятлу прабіцца ня можа і томіцца марна.
І ўспомніў я час: срэдзь васеньняй нахмуранай ночы
Музыка зайграла, агні ў вышыне запалалі,
Ўдыхалі грудзі шырока, сьвяціліся вочы…
Мы к сьветлу ўзьляцелі…
і шкло ўкруг яго напаткалі.

https://youtu.be/xOQkGb2if_8?si=vxBZz5W8Bz8DSew6

#музыка

📙 "Каштан пры Бэрнардынах"

Кніга малой прозы з такой назвай выйшла ў Віктара Шалкевіча ў Таліне.👍👍👍

Аўтар з уласцівым яму досціпам ахарактэрызаваў яе так:
"гарох з капустаю, торбачка сьмеху, альбо старазапаветныя байкі з Цэнтральнае, Сярэдняе, Заходняе Эўропы, Амэрыкі і іншых старонак сьвету. Словам з тых месцаў, дзе аўтар калісьці меў магчымасьць паставіць чаравіка". 🔥🔥🔥

Новае выданне слыннага гарадзенскага барда і паэта, "Каштан пры Бернардынах" стала ўжо чацвертай кнігай пасля "Requiem па непатрэбных рэчах", "Мястэчка G і ваколіцы" і "Блюз вясна".👍👍👍

#палічка