📙 Кніга пра Анатоля Сыса

У выдавецтве "Цымбераў" выйшла новая кніга Адама Глобуса з назвай “Наш паэт Анатоль Сыс”, дзе аўтар дзеліцца сваімі ўспамінамі і назіраннямі пра аднаго з найадметнейшых беларускіх літаратараў пакалення “Тутэйшых”.👍👍👍

👉 Кнігу можна замовіць праз сайт Kniger.by

#палічка

📅 115 гадоў таму нарадзіўся Уладзімір Дудзіцкі

Уладзімір Дудзіцкі (сапр. Гуцька) на нарадзіўся 8 студзеня 1911 г. у в. Дудзічы Пухавіцкі р-на Мінскай вобл.
📌Вучыўся ў Беларускім пэдагагічным тэхнікуме ў Мінску, працаваў стыль-рэдактарам у газэце “Савецкая Беларусь” і перакладчыкам у Навукова-тэхнічным выдавецтве ды вучыўся на літаратурна-лінгвістычным факультэце Вышэйшага пэдагагічнага інстытуту. На пачатку 1930-х падрыхтаваў зборнік паэзіі “Песні і думы” (канфіскаваны).
📌Арыштаваны па палітычным артыкуле, адбываў пакараньне у Новасібірску. Пасля 1937 г. вярнуўся ў Беларусь, жыў у Віцебску, працаваў настаўнікам беларускай мовы. У часе ІІ Сусветнай працаваў у “Беларускай газэце”.
📌 Пасля вайны жыў у Венесуэле, Нямеччыне і ЗША. У 1994 г. у Нью-Ёрку выйшаў першы збор твораў У. Дудзіцкага “Напярэймы жаданьням”. У 2010 г. у “Лімарыусе” кніга выйшла на радзіме.

#угэтыдзень

⭐️ Аўтарскі вечар Міхала Бараноўскага

Літаратурны музей Максіма Багдановіча запрашае 15 студзеня а 19-й гадзіне наведаць аўтарскую музычна-паэтычную праграму Міхала Бараноўскага "Краса і сіла".

Падчас мерапрыемства прагучаць песні на словы Уладзіміра Караткевіча, Максіма Багдановіча, Алеся Наўроцкага, а таксама ўласныя вершы аўтара. Вы даведаецеся шмат цікавых фактаў пра беларускіх паэтаў, іх кнігі і творы.🔥🔥🔥

❗️Квіток - 20 рублёў.
👉Дадатковую інфармацыя: +375 29 101 71 47, +375 17 363 07 61
Адрас: г. вул. М.Багдановіча, 7а.

#анонс

📅 85 гадоў таму нарадзілася Валянціна Ададурава

9 студзеня 1941 г. у в. Хадзявічы Слонімскага раёна нарадзілася паэтка Валянціна Ададурава (у дзяв. Клыбік).
📌 Скончыла філалагічны факультэт Белдзяржуніверсітэта, працавала настаўніцай беларускай мовы ў Ёлкаўскай сярэдняй школе Зэльвенскага раёна, пісала вершы.
📌 Паэзія друкавалася ў раённай і рэспубліканскай перыёдыцы. Творчасць яе была прасякнутая любоўю да зямлі бацькоў, якую яна апавяла ў большасці сваіх твораў:

Гайдае рэчка тут ваду
Знаёмымі ўсплёскамі.
А я сцяжынкамі іду,
А я прыспешваю хаду -
Спаткацца з роднай вёскаю.

📌 Адзіны зборнік вершаў паэткі “Глыбінка” выйшаў з друку за год да смерці паэткі — у 1994 годзе.
📌 Памерла ў 1995 г. пахаваная ў в. Ёлка.

#угэтыдзень

📙 Дапаможнік «Беларуская мова. Практыкаванні і тэксты для чытання»

Грунтоўны 300-старонкавы дапаможнік аўтарства Вольгі Трацяк прызначаны для вывучэння беларускай мовы як замежнай на ўзроўнях A1–B1.👍👍👍

Ён складаецца з 150 практыкаванняў і 50 тэкстаў для чытання. Заданні накіраваныя на паступовае і сістэмнае развіццё моўных кампетэнцый, у тым ліку разумення пісьмовага тэксту, пашырэння лексічнага запасу і ўдасканалення граматыкі.👍👍👍

Матэрыялы могуць выкарыстоўвацца як у самастойнай працы, так і на занятках з выкладчыкам. Да выдання далучаны ключ з адказамі.🔥🔥🔥

👉 Набыць дапаможнік можна праз сакратарыят кафедры беларусістыкі: kb.wls@uw.edu.pl, цана: 39 злотых.

❗️Выдаўцы просяць распаўсюду гэтай інфармацыі. Дзяліцеся з сябрамі.

#палічка

Моўны момант

Яшчэ адзін тэматычны зімовы слоўнічак - цікавыя назвы зімовай сцюжы, што існуюць у беларускіх дыялектах і гаворках.🧐

#мова

📙 Марціновіч па-англійску

У Оксфардскім выдавецтве "Routgledge" па-англійску выйшла кніга Віктара Марціновіча «Belarus in autoethnographic narratives».👍👍👍

❗️Прэзентацыя пройдзе ў Вільні 15 студзеня.

Сам аўтар апісвае яе так:
"Гэта кніга пра майго прадзеда Амяляна, спачатку — дзяншчыка царскага войска, потым млынара, потым — селяніна пад нямецкай акупацыяй. Чалавека, які быў расстраляны нацыстамі ў 1943-м годзе такім чынам, што, калі я першы раз прачытаў «Сотнікава» Быкава, я думаў, што Васіль Уладзіміравіч нешта ведаў пра Амяляна. Трагедыя ўцягнула іншых людзей, і завітала нават у маё дзяцінства. Гісторыя беларускага селяніна Амяляна расказана тут праз творы Рафаэля, Шагала, Сандра Бацічэллі, Каспара Давіда Фрыдрыха, Станіслава Жукоўскага, Хаіма Суціна".🔥🔥🔥

#палічка

⭐️ Рэзідэнцыя "Writer in the Park Ljubljana" прымае заяўкі

Рэзідэнцыя для пісьменнікаў у Любляне (Славенія) шукае ўдзельнікаў. 👍👍👍

❗️Умовы - аўтары, якія маюць сувязь з іншым UNESCO City of Literature з мінімум адной апублікаванай кнігай мастацкай літаратуры (проза, паэзія або драма).
Перыяд: 1-30 красавіка 2026 або 1-30 лістапада 2026.

Забяспечваецца: грант + дарога: 1250 EUR, кватэра, мясцовы транспарт, Знаёмства з літаратурнай сцэнай Любляны, Магчымасць публічных чытанняў.👍👍👍

❗️Дэдлайн падачы - да 19 студзеня.

👉 Заяўка

#навіны

⭐️ Дэкламатарскі конкурс да Дня Роднай Мовы

Фонд «Tutaka» і Цэнтр беларускай культуры ў Беластоку ладзяць V Міжнародны Дэкламатарскі конкурс для дзяцей, моладзі і дарослых. 👍👍👍

Каб прыняць удзел трэба зрабіць 3 крокі:
1. Выберыце свой любімы верш або частку твора.
2. Здыміце відэа
3. Запоўніце анкету і загрузіце відэа праз адмысловую форму да 13 лютага 2026 г.

#навіны

📚 Беларускія кнігі ў перакладах

📙 У люблінскім выдавецтве "Warsztaty Kultury" у серыі "Wschodni Express" выйшла кніга п’ес Сяргея Кавалёва ў перакладзе на польскую мову "Komedia Judyty". 👍👍👍
Перакладчыкі — Малгажата Бухалік, Агнешка Гораль, Беата Сівэк. 🔥🔥🔥

📗 У берлінскім выдавецтва "Edition Fototapeta" выйшаў з друку пераклад на нямецкую мову кнігі Юлі Цімафеевай “Кровазварот” (Blutkreislauf). 👍👍👍
Пераклад - Ціна Вюншман.🔥🔥🔥

#палічка

📙 "Абярнуся я шэрай зязюляй"

Беларускія народныя балады з перакладам на рускую і англійскую мовы (укладальніца А. М. Матвеева) выйшлі ў сталічным выдавецтве "Беларуская навука".👍👍👍

Зборнік мае аўдыядадатак, які спадабаецца аматарам народных спеваў. 🔥🔥🔥

Падаецца пераказ сюжэтаў на рускую і англійскую мовы. Тэксты ілюстраваныя адметным відам беларускага народнага мастацтва - выцінанкамі, створанымі Галінай Жураўлёвай. 👍👍👍

#палічка

📅 110 гадоў таму нарадзіўся Уладзіслаў Чарняўскі

Святар і перакладчык Бібліі і Катэхэзіса на беларускую мову Уладзіслаў Чарняўскі нарадзіўся 14 студзеня 1916 г. у засц. Амружын, Ашмянскага раёну Гарадзенскай вобл., - памёр у 2001, Мінск).
📌 Увайшоў у гісторыю касцелу і беларускай культуры праз паслядоўную і непахісную адданасць беларускаму слову.
📌 З 1953 г. служыў пробашчам касцёла Панны Марыі ў в. Вішнева Валожынскага раёна.
📌 Праводзіў беларускамоўныя імшы нават да ІІ Ватыканскага Сабору (1962—1965), які афіцыйна дазволіў карыстацца нацыянальнымі мовамі: «Я адразу стаў гаварыць па-беларуску. Мяне калі запрашалі, я казаў: калі хочаце ксяндза — буду гаварыць па-беларуску… Некаторыя крывіліся спачатку, казалі, што камуніст, усякая была гаворка. А час прайшоў — і ўсе прывыклі».
📌 Пераклаў на беларускую мову шэраг літургічных тэкстаў і "Новы запавет".
📌 Пахаваны на касцельным цвінтары ў Вішневе.

#угэтыдзень

⭐️ Абноўлены начны квэст-экскурсія ў музеі Якуба Коласа

21 студзеня гасцей музея чакае ўнікальная магчымасць не толькі наведаць начны музей, але і прыняць удзел у начной квэст-экскурсіі.👍👍👍

Чакаем усіх наведвальнікаў, хто яшчэ не бываў у музеі і жадае пазнаёміцца з домам Коласа ў такім незвычайным фармаце!🔥🔥🔥

❗️Пачатак а 19:00 па адрасе г. Мінск, вул. Акадэмічная 5, музей Якуба Коласа.

❗️Кошт уваходнага квітка – 40 р.
👉 Папярэдні запіс абавязковы па спасылцы

#анонс