⭐️ Прэмія Адамовіча - новы сезон

Распачаўся прыём заявак на прэмію імя Алеся Адамовіча за творы, апублікаваныя ў 2025 годзе. 👍👍👍

На прэмію можна намінаваць творы, якія дакументуюць рэчаіснасць, збіраюць праўдзівыя сведчанні пра сацыяльна-палітычнае жыццё і асвятляюць актуальныя для чалавечай супольнасці праблемы.🔥🔥🔥

Акрамя кніг можна намінаваць таксама артыкулы, падкасты, кіна- і відэапраекты.👍👍👍

❗️Дэдлайн падачы - 20 красавіка.

👉 Запоўніць гугл-форму

#навіны

⭐️ Сустрэча з Алесем Емяльянавым-Шыловічам

Заўтра 9 красавіка Музей гісторыі беларускай літаратуры ў межах праекта “Магія слова” запрашае на сустрэчу з паэтам і перакладчыкам Алесем Емяльянавым-Шыловічам. 👍👍👍

На сустрэчы пойдзе гаворка пра адну з нядаўніх перакладных прац аўтара – кнігу “Кар’ера Мікадзіма Дызмы”. Гэты твор – махлярскі раман 1932 года пісьменніка, ураджэнца Беларусі, Тадэвуша Далэнгі-Мастовіча. 🔥🔥🔥

Дзеянне адбываецца ў Польшчы часоў Юзафа Пілсудскага. Пра перастварэнне вобразаў амаль стогадовай адлегласці, філіграннасць сюжэту і тонкае перакладчыцкае майстэрства, якое немагчыма бяз творчай інтуіцыі і ўласнага пачуцця тэксту - пра гэта і іншае на сустрэчы з літаратарам.👍👍👍

❗️пачатак а 19-ай

#анонс

Лекцыя Аляксандра Фядуты

15 красавіка ў Беларускім моладзевым хабе ў Варшаве, адбудзецца лекцыя літаратуразнаўцы і спецыяліста па грамадска-культурніцкім жыцці ХІХ ст. Аляксандра Фядуты на тэму «Імперыя супраць моладзі. Гісторыя віленскіх філаматаў».👍👍👍

Цягам лекцыі будуць разгледжаныя наступныя аспекты:
📌 I. Віленскі ўніверсітэт і яго роля ў культурніцкім жыцці былога Вялікага Княства Літоўскага.
📌 II. Кароткая гісторыя патаемных гурткоў віленскай моладзі.
📌 III. Мэты і метады працы таварыства філаматаў.
📌 IV. Выкрыццё таварыства, ход следства і метады пераследу.
📌 V. Лёсы філаматаў.

❗️Час: 19.00
👉 Адрас: Беларускі моладзевы хаб, Dożynkowa 6A,

❗️Уваход вольны.

#анонс

📚 Новая паэтычная серыя

У Беластоку пачала выходзіць новая беларуская паэтычная серыя - "Брукаванка".👍👍👍

Па задуме ініцыятара - журналіста і літаратара Алеся Аркуша, у серыі будуць выходзіць зборнікі невялікага кішэннага фармату, зручныя і даступныя па кошце для ўсіх чытачоў. Таксама, мяркуецца, што новая серыя будзе выдаваць паэзію акрэсленага перыяду - створаную ў 1990-ых-2010 гг., але пакуль не зразумела - будуць гэта толькі недрукаваныя раней вершы ці наадварот - "выбранае" аўтараў за гэты перыяд.🔥

У серыі ўжо з'явіліся першыя ластаўкі - зборнікі вершаў Алеся Аркуша «Не думаць пра сон і паразы» і Янкі Лайкова «Песні збянтэжаных рэк».👍👍👍

❗️Кнігі «Брукаванкі» будуць прадстаўленыя на Беластоцкім кніжным кірмашы, які пройдзе з 17 па 19 красавіка.

#навіны

⭐️ Чытацкі клуб - новая сустрэча

Музей гісторыі беларускай літаратуры 11 красавіка запрашае на новую сустрэчу "Чытацкага клуба", якая будзе прысвечаная знаёмству з раманам Вячаслава Адамчыка “Чужая Бацькаўшчына”. Месца і час: зaxoднeбeлapycкaя вёcка напярэдадні вaйны. Дзеянне: злoм cтapoгa cвeтy i cтapыx чaлaвeчыx знociн.👍👍👍

Аб розных трагічных і звыклых жыццёвых сюжэтах можна будзе паразважаць разам з мадэратаркай Валянціна Кароткінай.🔥🔥🔥

👉 Удзел у сустрэчах Чытацкага клуба праходзіць па папярэдняй рэгістрацыі праз гугл-форму.

❗️Пачатак а 16-ай

#анонс

⭐️ Прэмія Арсенневай - доўгі спіс

Журы пэтычнай прэміі году абвесціла поўны спіс прэтэндэнтаў, у ім 19 кніг:
✔️ «2/3» — Фелікс Аксёнцаў
✔️ «Кабайн» — Мефедрон Бясєцкі, Налыса Альтанкавіч (Гніль)
✔️ «А на вёсцы пануе ціша» — Марта Дамаўчанка
✔️ «Цемра сыдзе» — Бервета Ірзвіцкая, Конрад Жывойта
✔️ «Анатомія» — Артур Камароўскі
✔️ «Белая рака» — Леў Капыльскі
✔️ «Мы» — Хведар Крапіва
✔️ «Нетутэйшая далечыня» – Ігар Кулікоў
✔️ «Хроніка адмаўлення пустаты» — Ілля Кульбіцкі
✔️ «Ляці ляці сюрыкен» — Лусінэ
✔️ «Той, хто смяецца» — Ілона Мядунка
✔️ «Праспект Нежалезнасці» – Мікіта Найдзёнаў
✔️ «Сойка» — Захар Саковіч
✔️ «Прыпадзь нічыя царыца» — Яфім Сойка
✔️ «Кровазварот» — Юля Цімафеева
✔️ «Ich zerschneide die Geschichte / Рэжу гісторыю сабой» — Юля Цімафеева
✔️ «Чайны збор. Выбраная постпаэзія 2007–2025» Макс Шчур
✔️ «Надзейны сродак ад прывідаў» — Ганна Янкута
✔️ «Śviata žyćcia» — Frydrych Samotny

#навіны

🎧 "Каменнае сэрца"

У аўдыёфармаце з'явілася кніга эсэ Паўла Севярынца "Каменнае сэрца".👍👍👍

Сюды ўвайшлі ўжо вядомыя чытачу «Лісты з лесу», што з'явіліся ў час побыту аўтара ў в. Малое Сітна Полацкага раёна (2005-2008), і «Беларуская глыбіня», якая пісалася ў в. Купліна Пружанскага раёну (2011-2013), а таксама і новыя творы.🔥🔥🔥

👉 Паслухаць можна тут

#аўдыё

⭐️ Складана аб простым

Лонгрыд на выходныя - водгукі з пляцоўкі "Новыя беларускія кнігі" на новую кнігу Змітра Вішнёва
"Я – тое мяса, якое прыгатаваў Зміцер".👍👍👍

"Гэта складаная кніга аб простым. Мо нават, выкшталцоная пра банальнае.
Ёсць з’явы цалкам звычайныя, калі асярэдніць па чалавецтву, і разбуральна новыя, першасныя і зыркія для кожнага паасобку. Напрыклад, першы пацалунак альбо першы допыт па справе кахання да айчыны. Па маім асабістым, надта суб’ектыўным ўражанні, скрозь мяса, якое прыгатаваў Зміцер, ззяе першы досвед уласнай смяротнасці."👍👍👍

👉 Чытаць цалкам

#лонгрыд

⭐️ "НяВершы"

15 красавіка ў Мінску пройдзе прэзентацыя дэбютнай паэтычнай кнігі “НяВершы” Нікі Беляўцовай.👍👍👍

Маладая аўтарка вядомая таксама як акторка і стваральніца тэатру "Дом з Марамі".🔥🔥🔥

Прэзентацыя адбудзецца ў прасторы “ЭХО”.👍👍👍

❗️Пачатак у 19:00
👉 Адрас: прастора “ЭХО”, пр. Незалежнасці, 95 к.5

👉 Каб наведаць імпрэзу, трэба зарэгістравацца тут

#анонс

⭐️ Вясновы фэст

18 красавіка "Фальварак Ракуцёўшчына" запрашае на “Вясновы фэст”.👍👍👍

Ракуцёўшчына – гэта дзівосная мясціна, якая летам 1911 года натхніла на стварэнне некалькіх дзясяткаў вершаў Максіма Багдановіча, што ўвайшлі ў легендарны “Вянок”.

Прапануем і вам натхніцца гэтым чароўным месцам і ўзяць удзел у веснавых традыцыях: гуканні вясны, святкаванні Вялікадня і народных забаваў.👍👍👍

Гасцей фэсту чакаюць:
☀️песні-вяснянкі;
☀️карагоды;
☀️валачобны абрад;
☀️майстар-класы;
☀️традыцыйныя танцы;
☀️рамесніцкі кірмаш;
☀️гульні.

❗️З Мінску арганізаваны трансфер. Кошт: 35 руб. (у абодва бакі). Абавязковы папярэдні запіс і аплата. Квіткі можна набыць ў касе Дзяржаўнага музея гісторыі беларускай літаратуры (г.Мінск, вул.М.Багдановіча, 13).

👉 Самастойна ехаць:
Мінская вобл., Маладзечанскі раён, в.Ракуцёўшчына.
❗️Даведкі і запіс: +375 (17) 363 56 21.

#анонс

⭐️ Юрасю Барысевічу - 60 гадоў

Літаратар Юрась Барысевіч нарадзіўся ў Мінску 13 красавіка 1966 г.
🌺 Скончыў Мінскі дзяржаўны лінгвістычны ўніверсітэт (1990).
🌺 Працаваў перакладчыкам, карэспандэнтам, у газеце «Культура», Мінскім інстытуце кіравання, у часопісе «Мастацтва».
🌺 Удзельнік мастацкіх суполак «Другі фронт мастацтваў», «Schmerzwerk», «pARTisan». Адзін з заснавальнікаў і тэарэтыкаў («камісараў») авангарднай суполкі «Бум-Бам-Літ».
🌺 Займаецца даследчыцкай і перакладчыцкай працай, жывапісам і перформансам.
🌺 Аўтар кніг: "Цела і тэкст", «Аванпост», «Alter Nemo» і іншых.

Віншуем! 💐💐💐

#угэтыдзень

📙 "Крыніцы па гісторыі Полацкага калегіума Таварыства Езуса 1579–1611"

Пабачыла свет грунтоўная археаграфічная праца "Крыніцы па гісторыі Полацкага калегіума Таварыства Езуса 1579–1611".👍

Гэта выданне дазваляе разгледзець раннюю гісторыю Полацкага езуіцкага калегіума праз самі крыніцы. Лацінскія тэксты, каментарыі, імёны, падзеі, канфлікты, штодзённасць, адукацыя, гарадское жыццё канца XVI – пачатку XVII стагоддзя – усё гэта паступова складалася ў жывую і чалавечую гісторыю.

Кніга будзе цікавая не толькі даследчыкам, але і ўсім, каму важныя гісторыя Полацка і культурная спадчына Вялікага Княства Літоўскага.👍👍👍

Выданне суправаджаецца ілюстрацыямі (картамі, фрагментамі арыгінальных рукапісаў і старадрукаў) і фундацыйным прывілеем Стэфана Баторыя. Усе лацінскія крыніцы пададзены з перакладам на беларускую мову.🔥🔥🔥

👉 Шукайце ў незалежных кнігараспаўсюднікаў.

#палічка

⭐️ Кніга пра беларусаў у Літве - прэзентацыя

Заўтра 15 красавіка ў Вільні пройдзе прэзентацыя беларускага перакладу кнігі «Беларусы ў Літоўскай Рэспубліцы (1918-1940)» з удзелам яе аўтара Томаша Блашчака, доктара гісторыі, які спецыялізуецца на даследаванні гісторыі нацыянальных рухаў ва Усходняй і Цэнтральнай Еўропе ў XX стагоддзі. 👍👍👍

Гэтая кніга расказвае:
✔️ пра грамадскую, палітычную, культурную і адукацыйную дзейнасць беларускай супольнасці ў Літве ў міжваенны час.
✔️ пра тое, як змянялася стаўленне беларускіх палітыкаў у пытанні Вільні і Віленшчыны у 1918‑1939 гадах.
✔️ пра лідараў беларускай супольнасці ў Літве, у тым ліку Клаўдзія Дуж-Душэўскага.

❗️Час: 18:30-19:30
👉 Адрас: Vilniaus gatvė 20, Vilnius.

#анонс

⭐️ "Толкін і Беларусь" - лекцыя

19 красавіка ў Рызе перакладчык і ілюстратар Андрэй Строцаў запрашае на лекцыю "Толкін і Беларусь".👍👍👍

Лектар, як археолаг, прапануе раскапаць пяць розных узроўняў сувязі брытанскага пісьменьніка з беларускай культурай. Чым глыбей — тым цікавей!🔥🔥🔥

Лекцыя ў такім фармаце адбудзецца ўжо ў пяты раз — раней былі жывыя і анлайн-сустрэчы з беларускімі супольнасямі Нідэрландаў, Літвы і Польшчы. 👍👍👍

👉 Для ўдзелу трэба зарэгістравацца тут

❗️Час: а 16:00

👉 Адрас: Grēcinieku iela 24-1, Кавярня Музея моды

#анонс

📘 "Роднае слова" - новы нумар

Выйшаў красавіцкі нумар часопіса "Роднае слова" за 2026 год. Адметнасць нумару - матэрыялы да 140-годдзя Змітрака Бядулі, а таксама артыкулы да юбілейных датаў: Лявона Гмырака, Рамана Тармолы, Валянціны Коўтун, Міхася Рудкоўскага, Вольгі Ляшчынскай. 👍👍👍

Чытайце ў нумары:
📌 Трус Мікола. Светапоглядныя ўстаноўкі і літаратурная творчасць Змітрака Бядулі 1916–1922 гг.
📌 Сабуць Аліна. Канцэпты краса, душа як дамінанты мыслення ў ранняй публіцыстыцы Змітрака Бядулі.
📌 Вабішчэвіч Таццяна. Сямейнае кола Лявона Гмырака: новыя факты да біяграфіі.
📌 Баўтрэль Інеса. “Самому Словам стаць!”: Паэзія Рамана Тармолы-Мірскага
📌 Бароўка Ванда. Запрашэнне да роздуму: проза Валянціны Коўтун.
📌 Кісліцына Ганна. Творчасць Таццяны Мушынскай як узор жаночай прозы.

👉 пачытаць можна тут

#анонс

⭐️ Паэтычны тур Насты Кудасавай

Наста Кудасава ў межах прамоцыі новай кнігі "Лірыка" наведае Беласток, Вільню, Рыгу і Талін з паэтычнымі прэзентацыямі.👍👍👍

Падчас сустрэчаў паэтка раскажа пра новы зборнік, адкажа на пытанні публікі і зладзіць аўтографсесію.🔥🔥🔥

Сустрэчы ладзяцца ў межах праграмы "ArtPower Belarus".👍👍👍

❗️Першая сустрэча пройдзе ў Беластоку 23 красавіка а 18:00

👉 Адрас: Хаб "Новая зямля", вул. Sw. Rocha 5, 32

#анонс

⭐️ Надсанаўскія чытанні

15 красавіка спаўняецца 11 гадоў з дня смерці а. Аляксандра Надсана. З гэтай нагоды ў Вільні працягваюцца першыя міжнародныя «Надсанаўскія чытаньні» - канфэрэнцыя, прысвечаная навукоўцу, беларусісту, святару, перакладніку Аляксандру Надсану. Спадчына а. Аляксандра аналізуецца як шматдысцыплінарна (мовазнаўства, гісторыя, літаратуразнаўства, літургіка і інш.), так і трансгенэрацыйна (вучнямі, даследнікамі, якія ведалі асабіста а. Аляксандра, а таксама тымі, на каго айцец паўплываў ідэйна). 👍👍👍

На каферэнцыі прадстаўленая невялікая выстава публікацыяў а. Аляксандра Надсана. Тут можна пагартаць ягоныя кнігі, артыкулы, бюлетэні, календары, у тым ліку тыя, якія ён самастойна набіраў, шыхтаваў, афармляў і друкаваў.🔥🔥🔥

#навіны