⭐️ Літшкола "Тэкст"

5 чэрвеня ў Літаратурным музеі Максіма Багдановіча адбудзецца чарговая сустрэча ў межах літаратурнай школы “ТЭКСТ”. Тэма сустрэчы - "Меладэкламацыя і аўтарскае чытанне тэкстаў”. 👍👍👍

Будуць разгледжаныя наступныя аспекты:
✔️ аўдыёкнігі;
✔️ асаблівасці ўспрыняцця літаратурных твораў на слых;
✔️ аўтарская і акцёрская сугестыя;
✔️ паэтычныя батлы і слэмы.

Форма працы: лекцыя, практычная частка, абмеркаванне чытанні.🔥🔥🔥

❗️Далучыцца можна на любым этапе!
Мадэратар – Міхал Бараноўскі.

❗️Уваходны квіток – 10 рублёў
👉 Адрас: вул. М.Багдановіча, 7а
❗️Пачатак а 19:00

#анонс

⭐️ Фестываль "Цімкавіцкія вытокі"

20 чэрвеня на радзіме Кузьмы Чорнага пройдзе V літаратурна-музычны фестываль "Цімкавіцкія вытокі".👍

Сёлета музычная праграма юбілейных «Цімкавіцкіх вытокаў» абяцае быць насычанай. На галоўнай сцэне выступяць народны сямейны ансамбль "Жывіца", артыстка эстрады Святлана Шыманская, а таксама творчыя калектывы Капыльшчыны. 🔥🔥🔥

Гасцей чакаюць сустрэчы з пісьменнікамі, музейныя квэсты і квізы, майстар-класы, інтэрактыўныя пляцоўкі для дзяцей і дарослых.👍👍👍

У Літаратурным музеі Кузьмы Чорнага пройдуць экскурсіі і традыцыйнае чаяванне "Каля самавара Кузьмы Чорнага", дзе можна будзе даведацца пра старонкі з жыцця класіка і адчуць асаблівую атмасферу гасціннасці Цімкавічаў.👍👍

Таксама будуць працаваць выставы-продажы майстроў народнай творчасці.

❗️Пачатак а 16-ай
❗️Музей арганізуе трансфер Мінск-Цімкавічы-Мінск. Квіткі – 35р. Браніраванне месцаў: +375 (17) 363-94-65. Квіткі можна набыць у касе ДМГБЛ па адрасе г.Мінск, вул.М.Багдановіча, 13 або па спасылцы

#анонс

⭐️ Творчы вечар Алеся Камоцкага

9 чэрвеня у музеі Багдановіча пройдзе вечарына Алеся Камоцкага “Дзень у дзень!” 👍👍👍

Такім чынам, спявак, паэт і кампазітар Алесь Камоцкі запрашае ўсіх аматараў ягонай творчасці адсвяткаваць дзень народзінаў.🔥🔥🔥

У праграме - старыя і новыя песні, чутыя і нячутыя казкі, уласныя гісторыі і пераствораная сусветная класіка. 👍👍

❗️Уваходны квіток – 20 руб.
❗️Пачатак а 19:00
👉 Адрас: вул. М.Багдановіча, 7а

#анонс

⭐️ Прэмія Гедройця - поўны спіс

Вызначаны поўны спіс прэтэндэнтаў на званне лепшай празаічнай кнігі 2025 г.👍👍👍

Сярод іх:
📗 "Ніці” – Макар;
📘 “Я – тое мяса, якое прыгатаваў Зміцер” – Зміцер Вішнёў;
📕 “Цесля жыцця” – Сяргей Дубаўцэвіч;
📙 “Пляц” – Зміцер Залозны;
📗 “Дамашаны” – Антон Зарэмба;
📘 “Проста з любові. Рэпарцёрскія партрэты памяці” – Ганна Кандрацюк;
📕 “Халодныя землі” – Аляксандр Карнаўх;
📙 “Гульня ў Освальда. Quest” – Аляксандар Лукашук;
📗 “Яблык у валізцы” – Уладзіслаў Наважылаў;
📘 “Эйфарыя” – Марыя Пархімчык;
📕 “Пентаквантар” Арцём Шуканаў;
📙“Спроба эксперыментальнага канструявання сябе” – Макс Шчур.
Усяго ў поўным сьпісе 22 творы.👍👍👍

У публічнай частцы журы сёлета - Сяргей Календа, Яана Бэрнатовіч, Андрэй Хадановіч, Сяргей Кавалёў, Сяргей Дубавец, Ганна Янкута.🔥🔥🔥

❗️Цырымонія ўзнагароджання пераможцы адбудзецца 7 лістапада ў Гданьску.

#навіны

⭐️ Паэтычны майстар-клас

7 чэрвеня Варшаўская кнігарня "Букіністка" запрашае ўсіх на паэтычны майстар-клас і чытку вершаў. Майстар-клас правядуць: паэтка Валерыя Ваўкагонава і паэт, перакладчык Артур Камароўскі.👍👍👍

Папярэдні досвед не мае значэнне для ўдзелу: запрашаюцца як паэты і паэткі, так і тыя, хто ніколі не пісаў вершаў.🔥🔥🔥

Пасля майстар-класа пройдзе адкрытая сумесная чытка, дзе можна будзе прачытаць свой верш у бяспечнай і ўтульнай атмасферы аднадумцаў".👍👍👍

❗️Час: 16.00.
👉 Адрас: Кнігарня "Букіністка" (ul. Smulikowskiego 4C, metro Kopernik)

#анонс

⭐️ "Музей - гэта мы"

У нядзелю 7 чэрвеня а 14-й гадзіне музей Багдановіча запрашае на куратарскую экскурсію па выставе “Музей – гэта мы!”, прымеркаваную да 45-годдзя з дня стварэння ўстановы.👍👍👍

На куратарскай экскурсіі Ірыны Мышкавец па экспазіцыі выставы “Музей – гэта мы!” можна будзе даведаецца пра галоўных фондаўтваральнікаў, убачыць каштоўныя прадметы, перададзеныя на захаванне, пачуць колькі цікавых гісторый пра музейныя знаходкі.🔥🔥🔥

❗️Кошт квітка – 10 руб.
👉 Адрас: вул. М.Багдановіча, 7а

#анонс

🎧 Аўдыяказка "Матулін дзень"

Гісторыю Надзеі Ясмінскай пра Яніка, Ясю, Ягорку і іх бацькоў выйшла ў аўдыёверсіі.👍👍👍

Трайняты Янік, Яся і Ягорка ведаюць, што заўтра – матуліна свята. Ім споўнілася пяць, а значыць, яны ўжо дарослыя і могуць самастойна прыдумаць, што падараваць сваёй маме. «Я ўсё маю, і нават зашмат, – сказала яна. – Хіба што мару як след выспацца ды адпачыць… Таму можаце падарыць мне заўтра трохі спакою». Прапанова выдатная, толькі што такое спакой і дзе яго знайсці? 🔥🔥🔥

👉 Слухаць

#аўдыё

🎧 "Літаратурныя зацемкі"

У новым выпуску аўтарскага падкаста "Літаратурныя зацемкі" Сяргей Дубавец дзеліцца ўражаннямі ад кнігі Аляксандра Лукашука "Незавершанасць":
"На прэзэнтацыі кнігі “Незавершанасьць” у Віленскім беларускім музэі імя Івана Луцкевіча я спытаўся ў аўтара пра яе жанр. Крыху бянтэжыла другая назва: “Тонкая кніга”. Тонкая ў сэнсе, ня кожнаму зразумець? Ці тонкая матэрыя, маўляў, сама паэзія — рэч тонкая. Фізычна гэтае квадратнае выданьне тонкім не назавеш..."👍👍👍

👉 Слухаць

#аўдыё

📙 Палеаграфічная спадчына Спаса-Праабражэнскай царквы

Нядаўна выйшла з друку праца даследчыцы Іны Калечыц, прысвечаная старажытным надпісам адной з найстарэйшых цэркваў Беларусі - Еўфрасіннеўскай (Спаса-Праабражэнскай) царквы ў Полацку, помніка архітэктуры XII ст.👍👍👍

У манаграфіі вывучаюцца суправаджальныя надпісы полацкай Спаса-Праабражэнскай царквы, якія знаходзяцца каля постацяў святых, біблейскіх кампазіцый, на скрутках, што трымаюць у руках святыя. Суправаджальныя надпісы даюць матэрыял для складання палеаграфічных табліц ХІІ ст. Паводле падабенства графікі літар аўтар выказвае меркаванне аб выкананні надпісаў адным чалавекам, а менавіта прападобнай Еўфрасінняй Полацкай. Аўтарам вызначаны дукт (парадак руху пры напісанні) тагачасных літар і алфавіт ХІІ ст.🔥🔥🔥

Адрасавана гісторыкам, палеографам, культуразнаўцам, мовазнаўцам і ўсім, хто цікавіцца пытаннямі гісторыі і пісьменства Беларусі.👍👍👍

👉 Шукайце ў сталічнай "Акадэмкнізе"

#палічка

⭐️ "Гісторыя Гародні" - прэзентацыі

Нямецкі даследчык Фелікс Акерман прэзентуе беларускі пераклад сваёй кнігі пра гісторыю Гародні ў Беластоку і Варшаве.👍👍👍

"Гісторыя Гародні (1919–1991). Нацыяналізацыя, вынішчэнне i саветызацыя сярэднеэўрапейскага места" - грунтоўнае гістарычнае даследванне, якое ўтрымлівае дзясяткі дакументаў і фотаздымкаў, многія з якіх публікуюцца ўпершыню.🔥🔥🔥

❗️Беласток: 8 чэрвеня (панядзелак), 19:00 — 20:30.
👉 Адрас: Sienkiewicza 82, Fundacja ‘Okno na Wschód.

❗️Варшава: 9 чэрвеня (аўторак), 20:00 — 21:30.
👉 Адрас: Centrum Białoruskiej Solidarności, Oleandrów 6, Warszawa.

#анонс

⭐️ Куратарская экскурсія па дачы Быкава

19 чэрвеня а 14-ай у дзень нараджэння народнага пісьменніка Беларусі Васіля Быкава ахвотных запрашаюць наведаць Музей-дачу ў Ждановічах. У рамках традыцыйнай акцыі «Быкаўскія дні» куратар музея Ірына Князева правядзе аўтарскую экскурсію па лецішчы пісьменніка. 👍👍👍

Гэта магчымасць не толькі пазнаёміцца з музейнай экспазіцыяй, але і адчуць атмасферу месца, дзе Васіль Быкаў жыў, працаваў, адпачываў і прымаў блізкіх людзей.

👉 Адрас: Мінскі раён, аг. Ждановічы, вул. 6-я Дачная, 62
❗️Кошт 10 рублёў.
❗️Папярэдні запіс: +375 29 811 21 85

#анонс

⭐️ Прэмія Багушэвіча - галоўныя прэтэндэнты

Журы прэміі імя Францішка Багушэвіча абвясцілі шорт-ліст за 2025 год. 👍👍👍

Кнігі:
📗 «І даўней так пелі: Музычны фальклор старавераў паўночна-заходняй Беларусі» — Вольга Барышнікава;
📘 «Кола дня» — Аляксандра Турава;
📕 «Кровазварот» — Юлія Цімафеева;
📙 «Проста з любові. Рэпарцёрскія партрэты памяці» — Ганна Кандрацюк;
📗 «Цені падмуркаў» — Milestone;

Артыкулы, падкасты, відэаблогі і іншае:
📘 Падкаст «Літаратурныя зацемкі» — аўтар і вядоўца Сяргей Дубавец;
📕 праект «Сармацкі вус» — аўтар і вядоўца Цімафей Акудовіч.

#навіны

📙 "Размаітае сумоўе"

Выйшаў з друку зборнік вершаў Пятра Жаўняровіча, які ўвайшлі творы напісаныя аўтарам у апошнія гады. 👍👍

👉 Навінку можна набыць "Акадэмкнізе".

Даведка:
Пятро Жаўняровіч - філолаг, літаратар, перакладчык.
📌 Нарадзіўся ў 1959 годзе.
📌 Скончыў філфак БДУ, абараніў кандыдацкую дысертацыю на тэму «Публіцыстыка Уладзіміра Караткевіча: моўны факт у вызначэнні жанру».
📌 Аўтар зборніка вершаў «Расторганая прастора» (2021).

#палічка

⭐️ Літаратурнае свята ў Мількаўшчыне

14 чэрвеня ў нядзелю да 185-годдзя з дня нараджэння Элізы Ажэшкі ў музеі пісьменніцы ў в. Мількаўшчына Гродзенскага раёна пройдзе літаратурнае свята.👍👍👍

У праграме выступы творцаў і канцэрт "Там, дзе сэрца маё". 🔥🔥🔥

❗️Пачатак а 14-ай гадзіне.

❗️Гэта добрая нагода для нядзельнай вандроўкі ў маляўнічы куток. Завітвайце! ❗️

#анонс

⭐️ Кнігі і спектакль да юбілею Уладзімера Някляева

Праз месяц у ліпені 2026 г. Уладзімеру Някляеву споўніцца 80 гадоў. 👍👍👍

З гэтай нагоды паэт у сацсетках падзяліўся нядаўнім наробкам і творчымі планам. Згодна ім "як бы да юбілею" выдаюцца тры кнігі аўтара: зборнік апавяданняў “Святая крыніца” (па-беларуску і па-польску), раман “Гэй Бэн Гіном” у перакладзе на польскую і драматычная паэма “Літвіны”, якая напісаная адмыслова "каб яшчэ раз засведчыць наша права на спадчыну ВКЛ, адмовіць у якім сённяшнім беларусам спрабуюць не толькі нашы суседзі з усходу, але і з захаду".🔥

Акрамя таго, ва Ўроцлаве, дзе Уладзімір Някляеў жыве і піша тры апошнія гады, на пляцоўцы "Ossolineum" (Нацыянальнай бібліятэкі Польшчы) рыхтуецца юбілейная вечарына, на якой сярод іншага запланаваны паказ сцэны з драмы “Ягайла”. 👍👍👍

Цяпер ідзе падрыхтоўка і пошук актораў на ролі асноўных дзеючых асобаў.

#навіны