🎧 Літаратурныя зацемкі

У новым выпуску аўтарскага падкаста "Літаратурныя зацемкі" Сяргей Дубавец чытае і разглядае кнігу Паўла Севярынца "Беларусь — гэта святое". 👍👍👍

Вера як персанальная тэрапія, святое vs. жывое, мурашка vs. чалавек, эстафета канфесій у гісторыі наша краю, вяртанне беларушчыны ў часы перабудовы як вяртанне рэлігіі.🔥🔥🔥

Слухаць тут

#аўдыё

⭐️ "Экслібрыс" 2026

Штогадовы літаратурны конкурс "Экслібрыс", што сёлета абраў патронкай - пісьменніцу, грамадскую дзяячку, публіцыстку, і адну са стваральніц новай беларускай літаратуры Алаізу Пашкевіч (Цётку), працягвае збор твораў.👍👍👍

Да ўдзелу ў конкурсе прымаюцца тэксты ў наступных жанрах:
✔️ проза
✔️ паэзія
✔️ дзіцячая літаратура
✔️ эсэістыка
Узрост удзельнікаў не абмежаваны.
Па выніках конкурса “Экслібрыс” плануецца публікацыя твораў пераможцаў.👍👍👍

Цяпер лета - самы час дапрацаваць тэксты і падаць на разгляд - не губляйма часу!
❗️Дэдлайн падачы: 1 кастрычніка 2026 года.

👉 Падаць заяўку - bellit.info@gmail.com

#навіны

Памёр Пётра Садоўскі

Мовазнавец, літаратар і дыплямат Пётра Садоўскі памёр 5 ліпеня ў Мінску на 87-ым годзе жыцця.
📌 Нарадзіўся 2 лютага 1941 г. Скончыў Менскі інстытут замежных моваў. Валодаў нямецкай, ангельскай, гішпанскай ды францускай мовамі.
📌 Быў сябрам Прэзыдыюму ды старшынём камісіі ў замежных справах ВС БССР і РБ 12-га склікання. Быў першым Паслом Рэспублікі Беларусь у Германіі.
📌 Як навуковец даследаваў беларускую мову, асаблівым захапленнем былі паўночнабеларускія гаворкі.
📌 Аўтар кнігі ўспамінаў «Мой шыбалет» (2008).

Смуткуем разам з сябрамі спачылага.

#навіны

⭐️ Вінуцку Вячорку - 65

Мовазнаўца, літаратар, перакладчык і грамадскі дзеяч нарадзіўся 7 ліпеня 1961 г. у Берасці.
🌺 Скончыў філфак БДУ і аспірантуру пры Інстытуце мовазнаўства Акадэміі навук.
🌺 Выкладаў у БДПУ, у Беларускім гуманітарным ліцэі, у часопісе "Спадчына".
Вёў курсы беларускае мовы, выступіў сузаснавальнікам Беларускай Майстроўні, “Талакі”, Таварыства беларускай мовы імя Ф. Скарыны і інш.
🌺 Публікуецца з 1977 г. (рэцэнзіі, нарысы пра дзеячоў культуры, пра беларускую мову друкаваліся ў “Чырвонай змене”, “Ровеснику”, “Знамени юности”, “Бярозцы”, “Нёмане” і інш. Выдаваў пазацэнзурныя часопісы “Люстра Дзён”, "Бурачок".
🌺 Аўтар кніг: “Пра герб і сьцяг”, “Правапіс. Спроба сучаснае нармалізацыі”, “Беларускі клясычны правапіс” (з Ю. Бушляковым і З. Саўкам), “Па-беларуску зь Вінцуком Вячоркам”, “Не смяшыце мае прыназоўнікі” і інш.
🌺 Перакладае з літоўскай мовы.

Віншуем! 💐💐💐

#угэтыдзень

⭐️ Абвешчаны лонгліст прэміі Адамовіча

Паводле правіл абноўленага статута на прэмію намінуюцца цяпер не толькі кнігі, але таксама артыкулы, падкасты, рэпартажы, медыяпраекты і відэацыклы.👍👍

Сёлета ў поўным спісе — 23 творы.🔥🔥🔥
Сярод іх:
📗 Зборнік «Беларускія галасы з Познані» — Павел Залескі.
📘 Рэпартаж «Васількі для Віктара Шведа» — Вольга Сямашка.
📕 Зборнік «Голас пакалення свабоды» — Сяргей Сашук.
📙 Рэпартаж «Падляшскі трыпціх паўстання» — Вольга Сямашка.
📗Раман «Пентаквантар» — Арцём Шуканаў.
📘Раман «Эйфарыя» — Марыя Пархімчык.
📕Артыкул «Symbolic functions of the Вelarusian bagpipe («duda») in narratives of modern urban bagpipers» — Алена Ляшкевіч.

#навіны

⭐️ Музейныя квэсты ў ліпені

Лета – выдатны час для падарожжаў па кніжных старонках разам з Музеем гісторыі беларускай літаратуры. 👍👍👍

На ваш выбар два цікавыя маршруты: “Літаратурная экспедыцыя” і “Таямніцы экспазіцый”.🔥🔥🔥

🔹 Квэст “Літаратурная экспедыцыя” запрашае ўдзельнікаў даследаваць музейныя залы, прысвечаныя беларускай літаратуры ХІ–ХІХ стст. Вас чакаюць цікавыя заданні, загадкі, пошукі і магчымасць праверыць сваю кемлівасць, уважлівасць і веды. 👍👍👍
❗️11 і 19 ліпеня, 15:00.

🔹 Квэст “Таямніцы экспазіцый” прапануе раскрыць сакрэты беларускай літаратуры ХХ – пачатку ХХІ ст. Падчас праграмы вы пазнаёміцеся з творчасцю беларускіх пісьменнікаў, выканаеце займальныя заданні і адкрыеце для сябе новыя старонкі літаратурнай гісторыі. 👍👍👍
❗️25 ліпеня, 15:00.

❗️❗️Лепшых чакаюць падарункі ад музея.

❗️Кошт квітка 8 руб./1 чал.

#анонс

⭐️ Рэзідэнцыя для перакладчыкаў у Францыі

Прапануецца пяць стыпендый на трохмесячную рэзідэнцыю ў "Collège international des traducteurs littéraires (CITL) у Арлі"👍

Рэзідэнцыя разлічаная на перакладчыкаў, якія працуюць над маштабным праектам літаратурнага перакладу (з- ці на- французскую) і хочуць прысвяціць яму тры месяцы ў прафесійным асяроддзі.🔥🔥🔥

❗️Час: 11 снежня 2026 — 11 сакавіка 2027.

❗️Дэдлайн падачы да 13 ліпеня.

👉 Больш тут

#навіны

⭐️ Куратарская экскурсія ў Музеі-дачы Васіля Быкава

25 ліпеня "Музей-дача Васіля Быкава" запрашае на экскурсію па лецішчы народнага пісьменніка Беларусі ў Ждановічах.👍

Куратар музея Ірына Князева пазнаёміць вас з мемарыяльнай экспазіцыяй і дапаможа адчуць асаблівую атмасферу дома, дзе Васіль Быкаў жыў і працаваў, адпачываў, сустракаўся з сябрамі, калегамі і блізкімі людзьмі. Экскурсія раскрые малавядомыя старонкі жыцця пісьменніка, яго творчыя звычкі, жыццёвыя прынцыпы і гісторыю стварэння музея.🔥🔥🔥

❗️Удзельнікаў экскурсіі чакаюць памятныя сувеніры.

❗️Кошт 10 руб.
👉 Папярэдні запіс: +375 29 811 21 85.
👉 Адрас: (Мінскі р-н, аг. Ждановічы, вул. 6-я Дачная, 62)

#анонс

⭐️ «Пятрусь Броўка. Маё ХХ стагоддзе» - куратарская экскурсія

Сёння 9 ліпеня "Літаратурны музей Петруся Броўкі" запрашае на куратарскую экскурсію каб распавесці цікавосткі, развеяць міфы і адказаць на пытанні:
❓Як адбываўся творчы працэс паэта?
❓Што натхняла яго на стварэнне пакаянных вершаў?
❓Што хацеў данесці ў сваім лісце да яго Уладзімір Дубоўка?
❓І нарэшце, хто быў першым каханнем паэта?

Шэсць зборнікаў лірыкі. Пяць дзесяцігоддзяў. Ад імпульсіўнай маладосці, веры ў пераўтварэнне свету і літаратурны эксперымент – да сталасці, адказнасці, сумненняў і споведзі - пра ўсё гэта і многае іншае на экскурсіі куратара Карыны Кушчанкі.🔥🔥🔥

❗️Кошт 15 р.
❗️Без папярэдняга запісу.
❗️Пачатак у 19:00

#анонс

⭐️ Вечарына Дзмітрыя Строцава

10 ліпеня ў Варшаве пройдзе прэзентацыя кнігі паэта Дзмітрыя Строцава "Как выглядит смерть" з чыткай ад аўтара і акторскім перформансам ад Лёшы Л. ("Тутэйшы тэатр").👍👍👍

"Как выглядит смерть" — "аўтабіяграфічная паэма ў прозе", эмацыйна насычаны тэкст пра Мінск вачыма савецкага хлопчыка. Той прымроены горад, якога няма (а можа, і не было нідзе і ніколі).🔥🔥🔥

Вядзе імпрэзу – рэжысёр Андрэй Саўчанка. 👍👍👍

👉 Адрас: Staromiejski Dom Kultury (ul. Rynek Starego Miasta, 2)
❗️Пачатак у 19.00

👉 Кнігу можна набыць тут

#анонс

⭐️ Уладзімеру Някляеву 80 гадоў!

Сёння святкуе дзень нараджэння Уладзімір Някляеў - несумненна адзін з лепшых сучасных беларускіх паэтаў.👍

Згодна сямейнай легендзе ён мае два дні народзінаў - "афіцыйны" - 11 ліпеня і "па версіі матулі" - 9 ліпеня, апошняму і даверымся, віншуючы з сённяшнім святам.🔥

У допісе тг-канала не пералічыш і не ўзгадаеш і малой часткі багатай біяграфіі імянінніка, бо адчыніўшы дзверы ў літаратуру ў 1970 годзе, ён і па сёння піша і выдае кожныя некалькі гадоў па новай кнізе, з той толькі розніцай, што да паэзіі, з якой пачынаў аўтар у маладосці, дадаліся проза і эсэістыка.👍👍👍

Таму абмяжуемся тут найшчырэйшымі зычэннямі здароўя, дабрабыту і натхнення - момантаў, якія неперабольшана важныя для любога творцы ў любым веку!🔥🔥🔥

Сто гадоў і новых кніг! 💐💐💐💐💐

#угэтыдзень

⭐️ «Ракуцёўскае лета – 2026»

25 ліпеня "Фальварак Ракуцёўшчына", што знаходзіцца ў в.Ракуцёўшчына Маладзечанскага раёна, традыцыйна запрашае на летняе свята, дзе з 16:00 да 20:00 будуць гучаць вершы і песні, натхнёныя творчасцю Максіма Багдановіча.👍👍👍

❗️Для гасцей арганізаваны аўтобус па маршруце Мінск – Ракуцёўшчына – Мінск.
❗️Кошт квітка: 40 рублёў.
❗️Колькасць месцаў абмежаваная, таму папярэдняе браніраванне абавязковае. Тэл.: + 375 17 355 22 95.

👉 Квіткі таксама можна набыць у касе Літаратурнага музея М. Багдановіча па адрасе: вул. М. Багдановіча, 7а.

#анонс

📙 "Твой Анёл" - кніга казак

Выдавецтва "RozUM Media" паведамляе пра выхад кнігі Марыі Навасельскай “Твой Анёл”. Гэта першая кніга з серыі філасофскіх казак серыі “На парозе”.👍👍👍

Паводле задумы выдавецтва павінна выйсці чатыры гісторыі пра сяброўства і адзіноту, смеласьць і дабрыню, веру і любоў. Пра тое, як нават самы маленькі ўчынак можа змяніць цэлы свет.🔥🔥🔥

👉 Кніга з даступная ў электроннай версіі, а таксама ў мяккай вокладцы (друк па замове).

#палічка

Прыказка на кожны дзень

Ліпень што не спаліць агнямі, то зальле дажджамі.

#прыказка

⭐️ Вечарына Уладзімера Някляева

Сёння 11 ліпеня ва Уроцлаве пройдзе вялікая аўтарская сустрэча з Уладзімірам Някляевым, прымеркаваная да 80-гадовага юбілею паэта.👍👍👍

Падчас аўтарскай сустрэчы прагучаць вершы, будуць праспяваныя песні на вершы Уладзіміра Някляева, а таксама адбудзецца прэзентацыя новых кніг: “Святая крыніца” (апавяданні на польскай і беларускай мовах, выдавецтва Цэнтру беларускай культуры ў Беластоку, пераклад Марціна Рэмбача) і драматычнай паэмы “Літвіны”.🔥🔥🔥

❗️Завітвайце❗️

❗️Пачатак а 18.00,
👉 Адрас: Шэўска 37,
Дзядзінец Ossolineum

#анонс

🎧 "Ян Ялмужна" - аўдыёверсія

У аўдыяфармаце з'явілася кніга Антона Францішка Брыля “Ян Ялмужна”. Гэта казачная аповесць для дарослых запрашае чытача ў падарожжа ў наваколлі Геранёнскага замка, дзе рэальная гісторыя Вялікага Княства Літоўскага пераплятаецца з чарадзействам.👍👍👍

На паперы твор выходзіў ў 2014 годзе. Прапусцілі? Самы час паслухаць ❗️

#аўдыё

📙 "Бежанства 1915" - перавыданне

Пасля выдання кнігі “Камяні мусілі паляцець. Зацёртая мінуўшчына Падляшша” Анэты Прымака-Онішк, у Беластоку перавыдадуць першую грунтоўную працу аўтаркі - “Бежанства 1915. Забытыя ўцекачы”. 👍👍👍

Арыгінал гэтай кнігі па-польску пабачыў свет у 2016 годзе, а беларускі пераклад у 2019-м выходзіў у выдавецтве “Інбелкульт” (Смаленск) у перакладзе А. Моніча.🔥🔥🔥

#анонс

📙 "Васіль Быкаў. [Пра] мастацтва"

Выйшла кніга даследчыка Сяргея Шапрана прысвечаная менш вядомаму аспекту талента Васіля Быкава - выяўленчаму мастацтву, цягу да якога пісьменнік меў з маленства, але не здолеў развіць напоўніцу.👍👍👍

500 старонак і больш за 500 ілюстрацый. Быкаў і мастацтва, Быкаў — пра мастацтва.🔥🔥🔥

Ці захаваліся франтавыя малюнкі пісьменніка, і што ён ілюстраваў у другой палове 1940-х і 1950-х гг. у «Гродзенскай праўдзе», дзе ў той час працаваў? Якія занатоўваў лекцыі па выяўленчым мастацтве? Каго са славутых жывапісцаў капіяваў і пра каго пісаў? Што звязвала Быкава з такімі рознымі майстрамі, як Б. Забораў, А. Кашкурэвіч, Г. Паплаўскі, М. Савіцкі, Л. Шчамялёў і М. Шагал? Як выглядаюць на ягоных шаржах блізкія сябры А. Адамовіч, Р. Барадулін, У. Караткевіч? Як мастакі-графікі жартавалі з Васіля Быкава, і як ён сам кпіў з сябе? Каму прысвяціў апошнія малюнкі? Адказы на многія пытанні чытач знойдзе ў гэтай багата ілюстраванай кнізе.👍👍

👉 Шукайце ў "Акадэмкнізе".

#палічка

⭐️ Аляксею Шэіну - 50!

Сёння адзначае юбілей літаратар і грамадскі дзеяч Аляксей Шэін.

🌺 Нарадзіўся 13 ліпеня 1976 г. у Горадні, скончыў філфак БДУ. Вучыўся ў Haggai Institute (ЗША), удзельнічаў у праграме абмена для прафесіяналаў Community Connections ў Паўночнай Караліне (ЗША). Скончыў «Сцэнарную майстэрню Аляксандра Малчанава».
🌺 Арганізатар курсаў беларускай мовы «Моваведа».
🌺 У 2015 годзе выйшаў яго дэбютны раман «Сем камянёў», які атрымаў станоўчыя водгукі крытыкаў і прэмію Еўрапейскага таварыства навуковай фантастыкі (Дортмунд, 2017).

Віншуем! 💐💐💐

#угэтыдзень