📙 Ладзіслаў Кліма па-беларуску

Анансаваны выхад кнігі выбранага “Чалавечая трагікамэдыя” чэшскага “выклятага філосафа”, ніцшэанца, “эгадэіста” Ладзіслава Клімы (1878—1928) у перакладзе Макса Шчура.👍

У кнізе выбранага - аповесць “Славутая Нэмэзіда”, апавяданне “Што пасля смерці”, п’еса “Чалавечая трагікамедыя”, накід п’есы “Гусіты”, “Аўтабіяграфія” і афарызмы.🔥🔥🔥

👉 Выдавецкая ініцыятыва "SayBeat" прымае перадзамовы

#анонс

⭐️ Чытацкі клуб - новае паседжанне

31 кастрычніка ў Дзяржаўным музеі гісторыі беларускай літаратуры пройдзе чарговая сустрэча Чытацкага клуба, якая будзе прысвечана аднаму з самых атмасферных твораў беларускай літаратуры, які асабліва хораша чытаецца восенню, – «Шляхціцу Завальні, або Беларусі ў фантастычных апавяданнях» Яна Баршчэўскага.👍👍👍

👉 Удзел па папярэдняй рэгістрацыі праз гугл-форму

❗️Пасля рэгістрацыі ўдзельнікі атрымаюць ліст з планам і пытаннямі да абмеркавання.

Мадэратар: Валянціна Кароткіна.👍👍👍
❗️Кошт 10р.

#анонс

⭐️ "Ноч расстраляных паэтаў" у Варшаве

Традыцыйная восеньская мемарыяльная імпрэза прысвечаная памяці знішчанай нацыянальнай інтэлігенцыі пройдзе 29-га кастрычніка і ў Варшаве.👍👍

У праграме размовы, чытанне вершаў, пастаноўка тэатра ценяў "Батлейка" паводле “Жоўтага Пясочка” Васіля Быкава.👍👍👍

👉 Адрас: вул. Пулаўская 114.
❗️Пачатак а 19:00
❗️Уваход вольны.

👉 У Вільні падзея адбудзецца тут

#анонс

⭐️ 70 гадоў варшаўскай кафедры беларусістыкі

Кафэдра беларусістыкі Варшаўскага ўнівэрсытэту адзначае 70-годздзе. Да юбілею прымеркавалі навуковую канфэрэнцыю «Польска-беларускія моўныя, літаратурныя і культурныя сувязі», на якую з'ехаліся беларусазнаўцы з Літвы, ЗША, Чэхіі, Вялікай Брытаніі і іншых краін.👍👍👍

Кафедра беларусістыкі была ўтвораная ў 1956 годзе. Яе арганізатаркай была прафэсарка Антаніна Абрэмбска-Яблоньска. 🔥🔥🔥

Кафедра займаецца не толькі адукацыяй і навукай, але і ажыццяўляе актыўную выдавецкую дзейнасць. Выдае з 1998 г. навуковы штогадовік «Acta Albaruthenica» і рэцэнзаваны навуковы часопіс «Беларуская мова як замежная» (Język białoruski jako obcy).👍👍👍

#навіны

📙 "Нулявы мерыдыян"

«Нулявы мерыдыян» — назва новай кнігі Сяргея Сурыновіча, што неўзабаве выйдзе з друку.👍👍👍

"Гэта зборнік псіхалагічных апавяданняў пра віцебскіх падлеткаў, заціснутых у вакуум сацыяльных сетак і бацькоўскіх чаканняў: кіберспартсменаў, блогераў, мастакоў камп’ютарнай графікі... Сапраўднае жыццё пачынаецца там, дзе знікае 5G. Адзінота, чужы боль, страта ілюзіі прыводзяць кожнага да свайго «нулявога мерыдыяна» — моманту, калі лічбавы код ператвараецца ў жывое сэрца.
Кніга адрасуецца падлеткам, іх бацькам і ўсім, хто шукае шлях да самога сябе." - так характарызуе новы зборнік апавяданняў аўтар - рыма-каталіцкі святар Сяргей Сурыновіч.🔥🔥🔥

Гэта не першы твор аўтара - сёлета ў электронным фармаце выйшла яго аповесць “Крушня”, якая расказвае пра тое, як вера без любові ператвараецца ў каменны склеп, а праведнасць — у татальны дэманізм.👍👍👍

#палічка

⭐️ "Прадмова" ў Празе

Праз тыдзень 30 кастрычніка - 1 лістапада ў Празе пройдзе чарговая частка сёлетняга фестывалю інтэлектуальнай кнігі "Pradmova".👍👍👍

Партнёры: Магістрат Прагі, Беларускае студэнцтва Чэхіі, Асветніцкая суполка «Скарына».🔥🔥🔥

Пачнецца фестываль у пятніцу а 17.00 з прэзентацыі новага выдання «Доўгай дарогі дадому» Васіля Быкава.👍

Таксама ў праграме:
🔹 Дыскусія «Вацлаў Гавэл і Беларусь».
🔹 Гутарка: 150-hodździe Ciotki: feminisckaja i moŭnaja hrafičnaja spadčyna.
🔹 Размова перакладчыкаў пра раманы «Silva Rerum» і «Кнігі Якуба».
🔹 «Як з’явілася “Сваё”? Авантуры першага перакладу Марка Шагала на беларускую мову».

👉 Поўны расклад тут

#анонс

⭐️ Школа маладога пісьменніка - новы сезон

Адкрыты новы набор на нефармальны адукацыйны праект - "Школу маладога пісьменніка", што працуе з 2012 году.

Сёлетнія выкладчыкі - Ульяна Верына, Віктар Жыбуль, Марына Казлоўская і Андрэй Хадановіч. 🔥🔥🔥

Навучанне - з лістапада 2026 да чэрвеня 2027 году. Заняткі - чатыры разы на месяц, па суботах. Навучанне — бясплатнае, дыстанцыйнае (online). 👍👍👍

Для ўдзелу пакіньце заяўку, якая павіннa ўключаць:
1) уласны мастацкі твор любога жанру, альбо фрагмент твора, на беларускай альбо рускай мове аб’ёмам 3—10 ст.;
2) матывацыйны ліст: “Чаму я хачу паступіць у Школу маладога пісьменніка?”;
3) спіс з 5—10 кніг, якія паўплывалі на вас як на творцу.

❗️Дэдлайн прыёму заявак блізка, — 5 лістапада 2026 году, спяшайцеся!

👉 Адрас для заявак bellit.info@gmail.com

#навіны

📙 «Атожылкі радзімы векавечнай» Франца Сіўко

Пабачыла свет грунтоўная краязнаўчая кніга віцебскага пісьменніка Франца Сіўко "Атожылкі радзімы векавечнай"👍👍👍

Яна прысвечаная родным мясцінам аўтара - ваколіцам рачулкі Вяты, левага прытоку Заходняй Дзвіны.🔥🔥🔥

Асноўную частку кнігі складае раздзел «Маёнткі ніжняга Прывяцця», даецца ўрывак з мемуараў М. Задоры-Цішэўскага «Мае ўспаміны з Браслаўшчыны. 1918–1939 гг.», таксама ў кнізе змешчаны нарыс «Фабрыка Міжрэчча. Ад паперні да вадаспада» і раздзел «Святыні: гісторыя і сучаснасць».👍👍👍

Кніга падрыхтаваная з выкарыстаннем вялікай колькасці гістарычных крыніц - архіўных матэрыялаў, старой перыёдыкі, метрычных кніг, генеалагічных баз, успамінаў і г.д.🔥🔥🔥

Выданне без сумніву будзе цікавае не толькі спецыялістам і краязнаўцам, але і шырокаму колу аматараў беларускай старасветчыны.👍👍👍

#палічка

⭐️ "Вобразы філалагічнага пакалення"

28 кастрычніка Нацыянальны мастацкі музей і часопіс "Роднае слова" запрашаюць на на лекцыю “Вобразы філалагічнага пакалення: погляд з Мастацкага”.👍👍👍

На лекцыі загадчык навукова-метадычнага аддзела Настасся Трафімчык распавядзе, як у жывапісных партрэтах, графіцы і сяброўскіх шаржах раскрываюцца характары, асабістыя ўзаемаадносіны і ўнутраны свет знакамітых пісьменнікаў-шасцідзесятнікаў – Уладзіміра Караткевіча, Ніла Гілевіча, Рыгора Барадуліна і іх сучаснікаў.🔥🔥🔥

Традыцыйны фармат лекцыі пашырыцца экспанаваннем жывапісных і графічных твораў, якія на адзін вечар будуць прадстаўлены публіцы (!).👍👍👍

❗️Пачатак 16:00
👉 Адрас: галоўны корпус (зала беларускага мастацтва ХІХ – пачатку ХХ ст.) в. К. Маркса, 24

❗️Уваход па музейным квітку.

#анонс

Дзяржаўныя літаратурныя выданні чакаюць змены

Стала вядома, што з наступнага году "Літаратура і мастацтва» - газета з амаль стогадовай гісторыяй, перастане існаваць як самастойнае выданне і будзе выходзіць як дадатак да газэты «Звязда». (Так пазначана ў падпісным каталогу на 1-е паўгодздзе 2027 г.)

Таксама зазнае змены перыядычнасць выхаду літаратурных часопісаў «Полымя», «Нёман» і «Маладосць». Яны будуць квартальнымі выданнямі замест штомесячных.

#навіны

⭐️ Паэтычны слэм ва Ўроцлаве

Сёння ў межах уроцлаўскага Фэстывалю незалежнай беларускай культуры "Жывіца" адбудзецца міжнародны паэтычны слэм — фінал беларуска-польска-ўкраінскага конкурсу імя Адама Міцкевіча. 👍👍👍

Дванаццаць паэтак і паэтаў будуць чытаць свае творы на трох мовах, а публіка галасаваць за найлепшых і вырашаць, хто пераможа.🔥🔥🔥

Сябры журы: Уладзімер Някляеў, Андрэй Хадановіч, Агнэшка Маткоўска.
Мадэратарка Эмілія Гаўрус.

❗️Пачатак а 17.00.
👉 Адрас: Клуб Proza, Przejście Garncarskie 2

❗️Уваход вольны.

#анонс

⭐️ Сайт Леаніда Маракова

Пасля больш чым трохгадовага перапынку аднавіў працу сайт Леаніда Маракова (1958-2016).👍👍👍

Для агульнага карыстання цяпер даступныя не толькі творы пісьменніка, але і ўкладзеныя ім даведнікі па рэпрэсаваных над якімі ён шмат гадоў працаваў як даследчык бальшавіцкага тэрору 1920-1950-ых гг., а таксама паэзія яго роднага дзядзькі Валерыя Маракова, расстралянага ў ноч 29 кастрычніка 1937 года.

Гэта стала магчымым дзякуючы Клубу беларускіх мецэнатаў і асабіста Івану Бахціну. 🔥🔥🔥

👉 Зазірнуць на сайт

#навіны