جميع الدروب اللي تجيها تنابت ورد
وجميع الوجيه اللي تقابلك محظوظه

‏"مابين الصعب ، وبين الخوف ، والتجريب
‏أحاول ما أميل بيوم ولا تتشرد أفكاري

‏أمرّ بمرحلة صح ، أو خطا ، أو صدق ، أو تكذيب
‏كأني تايه في شيء ولاني عارف أقداري

‏أنا يارب ما أدري وش اللي ينكتب بـ الغيب
‏ولكن رحمتك أكبر من اللي فيه أنا داري"

المبالغة في تقدير الأمور ينتج منك إنسان متحسف

يعيش بداخل خوفٍ مُهيب
خوفٌ من الامالِ الزائفة

"على حد العطش والما هارب واللّيالي جرْد
يجفَّ الصوت يا دلو الكلام وما لقيت رشاه"

"فاقدٍ لي عمر من عمري .. و فاقد وجه نيّر
‏كان قربه من متاهات العمر مخرج طواري"

الشاري يلقى له طريق
والبايع يلقى له عذر

‏جيتك غريب ٍضايع الخطوات في ليلٍ طويل
‏ابصرت بك فجر ٍضحك لي نوره وغيثه همىَ

‏من جرب وصالك ماعاد يطيب له غيرك بديل
‏يشوفك لحالك سحابه — والبشر كلها ظمى

و عرفت انّ الطموح دروع لا صار المدى فتّاك
‏اذا استسلمت للعثرة ترى المقبل عليك أردى

‏سولف وتنبت فالصدور النواوير
‏وأقطف غلاك من العمر ما حَيينا

‏يا كثر ما يفرق حضورك عن الغير
‏مثل المطر مهما هطل ما أكتفينا

‏"ما كنت أخاف مْن إنبهاري ، كنت أخاف إنّه يزول"
‏_سعود مهدي

‏"لا يموت الإنبهار اللي تحسّينه تجاهي
‏والشغف لو تفقدين مشاهدي.. لاتفقدينه"
‏_مزيد الوسمي

‏بسَم الله ربّ البدايات صفحة جديدة
‏ - ومافاتنا إلا الشر -

‏تبقى المبادئ ثابتة كل الاوقات
‏مانشتريّ بايع ولا نبيع شـاريّ

‏"العقل ماهوب دايم صحيح الاتجاه
‏الدروب أحيان ودّك تخالف سيرها"

‏التفاؤل ياخذك من طموح الى طموح
‏والتشاؤم يحذفك انت وأحلامك ورا

‏عليك أستلذ الشّوف وأخايلك وأرعاك
‏وأحب السوالف يوم تطريك وتجيبك

‏"مثل ما ألمحك في الوجيه اللي علي تمر
‏أبي كل دربٍ لا مشيته على بابك يوديني"

يارب ما دامها أحلامي على بابك وقوف / ما ضاق صدري لو أنها طوّل وقوفها"

عزاز نفس وبالمقادير راضين
ونفوسنا من فضل ربي رضيّة
وإن جرّحتنا بالظروف السكاكين
نشكي مواجعنا .. لرب البريّة
ما عندنا بالأرض خصم ومعادين
ولا نقابل .. بالأذيّه أنيّة
حنّا تربينا على . اللطف واللّين
وصدورنا لصدور الأحباب فيّة

‏تركض بنا الدنيا على خف وجناح
‏والعمر ينقص و الليالي مقافي

‏لذاتها تشبه سنا البرق .. لا لاح
‏وصكاتها مثل السيوف الرهافي