عسى عيونك اللي بين الأغضاي والسلهام
مايجذب نظرها إلا سحابي وبراقي

أبي في قلبك أتملك واكون الأول المغرور
أصير انا غني الحب وغيري يعلن إفلاسه !

‏﴿رَبِّ اجْعَلْ هَذَا الْبَلَدَ آمِنًا﴾

أحتاجك طمأنينه تصب الضي في أحداقي

إن كان في صدرك كلام قله لي
لا تخليني أفسر صمتك وأحتار فيك

الوضوح أهون من غيابٍ يطول
ومن حكي ناقص يتعب شجوني

كيف النجوم تقدر تفارق ضياها
وكيف القلوب تنسى ليالي هواها ؟

عيوني والعيون الساهره في حزنها تختال
‏على ظلم السهر لين الفجر شاعت قناديله

شلون يجيك النوم من دوني ؟

تعبت أسهر وأداعب ليلي المظلم .. وأثر نجوم
وتعبت أرجى وأخاف ولا لقيت مهدّي لروعي

عسى دربٍ خذت رجلك عليه قفايه ومعواد
يفيض من النبات ويجي الما العذب بعروقه

مداهيله مراويح السحاب وغاية النشاد
وظلٍ يرسم أشكال الطيور العابره فوقه

شعوري يوم أقصر خطوتي وأطول المقعاد
شعور اللي طرق باب البخيل وضاعت حقوقه

لا زلت أحتاج وجهك للسهر للشعر للميعاد
وصوتك لأجل أحررّ عبرةٍ في الصدر مخنوقه

ياليت اللي مضى لي من عمر معك معك ينعاد
وأشوف اللحظه اللي من شريط العمر مسروقه

وثوبك يوم يطرقه الهوى أنا على استعداد
أعرف الغصن وش خالص ثمره ويانع عذوقه

أقول إني بشوفك في المنام إن غبت كالمعتاد
وأنا حتى المنام اللي بشوفك فيه ما أذوقه

« وأنا حتى المنام اللي بشوفك فيه ما أذوقه »

للسنين الموحشه ملفى وللأيام ساعي
كم لي أدور عن عيون الظما والجوع جرّه

في غياهب صوتك من العام تخويف و دواعي
كيف أجاذب ليلته وأضحك وأسولف وأتشرّه

يوم جا وجهك صباحٍ فيه ما للضيق داعي
جادت الدنيا سلام وسافرت بالعين قرّه

للسما قبلة عيونك لأول دروبك مساعي
لأخرك نجمٍ قديم وفي وهج قلبك مجرّه

كيف أشوفك في فتور من الهوى وأنت اندفاعي
شايفٍ فيك أجمل أيامي صباحات ومسرّه

ما خذا كفي دليل ولا تعمدتك ضياعي
كيف تاخذ في يديك الملح للجرح وتذرّه ؟

معك خطواتي بحور إن دفت عيونك شراعي
كل ما جادت سهوم الموت قلت العين حرّه

يا عقايب ضحكةٍ تقطع قلوب ولا تراعي
في رجاها ما لحق وجهي ملام ولا مضرّه

كنت أقول لك في هداوة ليلتي وأسرق سماعي
ملحقك حتى في ليلي كل ما تطري مبرّه

خابر إن مابقى في بالك سوى ليلة وداعي
مثل وجهك تاركٍ في سرمدي البال جرّه

- محمد السلطان

‏أشوفك حقيقة واقع ونبذة الألهام
‏و خيالك ليا من مرّ ما مرني عادي

‏أحبك على الواقع وأحبك مع الأحلام
‏وأحبك وانا داله وأحبك وانا غادي .

‏تمرجح فالضلوع رماح رمشك و الغلا جبّار
‏ غرابيبه بحورٍ من قبل لا أسريك غارقها .

‏هو الوحيد الي معه أعرف الليّن
‏مـع ان انا طبـعي عنيد وقيادي .

أحبك كل ما بان الصبح وغرّد العصفور

‏زاهدٍ برغبات العمر واحارب الظلمه بنور
‏كريم نفسٍ يجمّل ايامه وهي ما تجمّله

« لك منزلٍ بين الرجى والتمني
‏ولك دعوةٍ مافارقت قلب ولسان »
❣️

أحنك من الشعور اللي يحز بخفاك
ماكنّك إلا ولدي وأنا ماشفت ولدي