«منّك أحبِّك تحسّسني إن عمري طويل
يوم أحبِّك من فم الغير مثل التّعزية»

‏« علموها تلحق الباقي مادام الشمس حيّه
‏و تغانم ما بقى مني و ما تطلب فداها

‏لا تمادى في جفاها و الرياح الموسميه
‏ما تقدّر وقفة الأشجار و تثمن عَطاها

‏و علموها ما بقى لي غير أدن الهاشميه
‏كان ترضاها علي و لا تهون من جفاها »

"ياخذه حب القنص في كل روض وكل حره
‏وأدري إنه يذكر اسمي لا لمح ظبي الحماده"

‏«مرحبا قبل السؤال ومرحبا بعد الإجابة
‏ياهوى القلب العليل وبلسمه من كل علّه»

‏"أستغربك مثل الحزن بين الأعياد
‏وأشوف في عارض محيَّاك عيدي"

فَإِمّا أَن تَكونَ أَخي بِحَقٍّ
فَأَعرِفَ مِنكَ غَثّي مِن سَميني

وإِلّا فَاطَّرِحني واتَّخِذني
عَدُوّاً أَتَّقيكَ وتَتَّقيني

المثقب العبدي

كَأَنَّكَ لا تَرى حَسَناً سِواها
وَلا تَلقى لَها في الناسِ ضَربا

بشار بن برد

«أحبك كثر ما ناظرت وجهك نظرة الإعجاب
‏أجدد كل يوم العهد فيه وما ابغي الفكّة

‏أحبك لين أموت ولين أعود للتراب تراب
لو إن العمر صكات الليالي فيه مشتكَّة»

" واليّا نويتي عقب حبي تحبين
أمانتك حبي الشجاع السنافي
على الأقل يوم أخسرك من حمر عين
أهون علي من أخسرك عند هافي "

“ العتب ماعاد تاسعه الحنايا
كل جرح فات لي منك هدية
وش بلاك تحاف من ردّ الهدايا
اللّٰه أكبر كيف مالك مقدريّه
وكل ما تحمله من همي بقايا
لا تمنّيني سراب المهمهيَّة
القراح اليوم ما يروي ظمايا
وإن غدى للحب في قلبك شظيه
وش يقول اللي غدى قلبه شظايا ؟ “

“ لا تلتفت يمي ولا تحتريني
أنا هنا وقفت ركابي وريحت
للماضي اللي كان بينك وبيني
رفعت يمناي الكريمه ولوحت
ماني على كيفك مثل ما تبيني
حتى ولو اني صفحت وتسامحت
أعلمك وأنت أعلم الناس فيني
أمسيت من ليلة طعونك ولا أصبحت “

“ أنا سيّد هواك وقلت مرّه للهدب مولاي
دريت أني رهينك يا عيون عَز واليها
وطن عمري عيونك ديرتي ربعي ، هلي منفاي
حلال ان غرّبتني ضحكةٍ مانيب ناسيها ”

” قبل أسافر كنت جالس في زمان الإنتظار
أرتشف هم المكان وكل همّي حاجتين
كنت خايف من يباس ، وكنت خايف من خضار
كنت أخاف إنك تجين وكنت خايف ما تجين
لين شفتك من ورا بيبان صالات المطار
مقبله من كثر شوقك كنت أشوفك تركضين
تايهة ما كنك إلا ضحكة وسط إنكسار
ساكته ماكنك إلا دمعة فيها حنين
خايفة .. وجلة .. حزينة .. يعني كنتي بإختصار
تشرحين لكل جاهل معنى كلمة ” عاشقين ”
بعدها جيتك ولدّت عينك ودار الحوار
من كفوفي دمعتين ومن كفوفك دمعتين ”

"عسى ترضي غرورك غيبتي كان الغلا ما أرضاك
و أنا لا طاب قلبي خطوتي ماهي بـ تعصاني

تمنيتك تعذر لين أقول إن الخطا يفداك
أداري دمع عينك و أدري إن ماهو على شاني

لا يضنيك الحنين - ولا تعني فـ السراب خطاك
ترا اللي جابني لك نفسه اللي عنك وداني

ولا أنت آسف على فرقاي ولا آسف على فرقاك
تساهلنا الجفا لين إنجرح كل من الثاني"

« يا اللي معنّيني معك فالمعاناة
لا تحسب إن أقدار ربي فجيبي

سلم عليك و سلّم الأمر لله
نصيبي أنك ما تجي من نصيبي

الوقت دوراته ما فيها مداراة
فيها الحبايب تفترق يا "حبيبي" »

‏ ‏حسبتك لاعطيتك دمّ قلبي تحفظ المعروف
حميتك بالنوايا « ماهقيتك تنوي إتلافي »

‏”أحر من وقع السيوف و أشد من طعن الرماح
‏لا صار فيك الهم باين , و أنت صامل تنكره”

وكَم لا بأس ندَّت عن شِفاهٍ
وفي قلبِ المُعَنَّى أَلفُ بَأسِ

‏"نزيف الجرح ينشدني عزيز القوم ليه يذَّل؟
‏ وأنا ما ذلّني غير الشعور وسطوة أفكاري"

«للغرام أغلال والنّاجين من حبسه قلايل
‏من دخل سجن الهوى حرّيته؟ لا يحتريها»