متى تتشكل الحصيات البولية بنسبة أكبر:
A) Primary Hyperparathyroidism
B) Hypercalcemia of malignancy

مثل هاليوم قبل 4 سنوات فتحنا القناة... بس قبلها بكم سنة كان في محاولات بسيطة ومتواضعة بمدرجات الكلية رح انشرها بفيديو ان شاء الله هاليومين...

الله يقدرنا ليكمل المشروع بأسرع وقت

صديقي سنة سادسة كلمتين عالماشي :

-ماتعبت طول الفترة الماضية حتى لما يجي الفحص تخاف وترتعب.. روح واجه هالقلق وقدم الي تقدر عليه... لأن باقي كم يوم وتخلص خلص فحاول تريح أعصابك وتاخد الأمور ببساطة أكتر..

- #### أهم أهم شي نام ..روح نام... أحل كم دورة كمان ؟ لا روح نام ### خطيتك برقبتي

- بشرفك لا تسمع كلام أي حدا مفزلك يهول القصة .. لك هي كم سؤال بتروح بدقهن وتمشي.

* ان شاء الله بالتوفييييييييييييييييييق ❤️

#الامتحان_الوطني_الموحد
أصدقائي الفحص الوطني معروف منذ الأزل أنه في كتلة صعبة وفي كتلة أسهل.... يعني إذا تفشكلنا بالأولى فممكن بالتانية تقدم منيح... لذلك حطلي التوتر والخوف والحزن والتفكير بالمفاضلات على جنب وركز بالأيام المتبقية أنه تحل أسئلة وتبقى بالجو...

*بعضكن يفكر بالانسحاب برأيي هاد قرار مالازم تاخده هلا ..ادرس واعمل الي عليك وفوت عالفحص وساعتها بتقرر إذا تكمل ولا لا

بالتوفييييييييييييييق ❤️

معلومة عملية: لما يجيك مريض لسبب ما وبالتحاليل تطلع بس الصفيحات ناقصة thrombocytopenia .. أول شي تعمله هو تنفي أنه السبب ليس pseudo thrombocytopenia ...يعني الصفيحات تتجمع مع بعض فالجهاز يعطيك بشكل كاذب أنها ناقصة.... الحل الأفضل هو تشوفها بال blood smear يعني باللطاخة أو تتواصل مع المخبر تعمل تحليل CBC بأنبوب ال التخثر الحاوي على سترات..

CBC tube contains EDTA
INR tube contains Citrate

بالصورة نلاحظ تجمع تجمع الصفيحات .... Agglutination of platelets

سؤال:
مريض يخضع لجلسات الديال (غسيل الكلية) ..شلون نحكم أنه جلسة الغسيل فعالة ولا لا ؟

سؤال عملي: مريض 60 سنة ..ارتفاع توتر شرياني وسكري ..أجريت له قثطرة قلبية بهدف الاستقصاء... بعد شهر لوحظ لديه ارتفاع اليوريا والكرياتينين....ماهو السبب الأرجح؟

* لأخذ العلم خلال إجراء القثطرة يتم حقن المادة الظليلة

الجواب هو صمة كوليستيرولية.... أما الأذية بالمادة الظليلة فتظهر بشكل باكر خلال أول يوم يومين وهي عكوسة... رح نشرح الموضوع ان شاء الله بفيديو قريباً.. شكرا لكم جميعاً ❤️

سؤال: كيف ندبر ارتفاع الفوسفور عند مرضى القصور الكلوي المزمن؟

مثلا مريض قصور كلية مزمن CKD..
Corrected calcium : 9
Phosphorus : 7
شو ممكن نعطيه ؟

الجواب: حسب جداء كالسيوم*فوسفور إذا كان أقل من 55 نعطي كالسيوم أسيتات ولا تعطى إذا كان اكبر لأن تزيد خطر الترسب ضمن الأوعية.... إذا كان الجداء أكثر من 55 نعطي الخالبات متل اللانتانيوم.. وطبعا السيفيلامير (على علمي مو موجود بسوريا بس طبعا يعطى لما تكون قيمة الباراثرمون تحت 100 او فوق 300).... طبعا الأهم هو تحديد الوارد الغذائي.... شكراااا لكم جميعاً ❤️

بما أنه نحن متفقين نطور حالنا مع بعض ونشتغل على حالنا... فمن الطبيعي نوجه ملاحظات لبعض بكل مرونة وروح رياضية (بانتظار ملاحظاتكن بكل رحابة صدر )
لما تنسأل سؤال وبالمقابلات خاصة حاول تجاوب بشكل احترافي لأن بعض الفاحصين يمسكوك هون مثلا:
- مريض إقياء دم شو نعمل... أنت تجاوب " تنظير" وتسكت... لازم تكمل وتقول تنظير هضمي علوي لأن بكل بساطة يقلك يا ابني تنظير شو ...تنظير قصبات؟

- لما سألت مثلا ارتفعت اليوريا والكرياتينين بعد المادة الظليلة ...جاوب البعض قصور كلية.. (أنا لو باللجنة كنت بقلك: آه منيح مو قصور درق ..جد ماعم أتمقلس هههه بس هيك يصير بالمقابلات ... أنا بعرف أنه قصدك اذية كلوية بالمادة الظليلة بس الفاحص يفكرك مابتعرف لهيك عبر بجمل كاملة

- ارتفاع البوتاسيوم شو نعطي؟ أنت: خالبات بوتاسيوم.... يعني أكيد مو خالبات حديد.... الفاحص متوقع منك تقول شو هنن وأيمتى ينعطو...

بالتوفييييييييييييييق ❤️❤️

#جونيور
مريضة 47 سنة راجعت بشكاية ألم أسفل البطن منذ شهرين...الألم يخف بعد التبول.. وتشكو أيضاً من زيادة عدد مرات التبول وألم أثناء الجماع... لا حرارة أو عرواءات..

بالفحص: لا مضض أو مضض راجع... ألم بالمس المهبلي لكن دون وجود ألم عند تحريك عنق الرحم

تحليل البول: طبيعي
- التشخيص الأرجح:
A) interstitial cystitis
B) pelvic inflammatory disease
C) Urinary tract infection

إذا ذكرت قدامك Pulmonary artery aneurysm .. فشنو أول شي يخطر لذهنك؟

الجواب هو داء بهجت Behçet disease ...والجدير بالذكر أنه داء بهجت ممكن يعمل DVT كمان وفي طبعا خطر صمة رئوية .... شكرا لكم جميعاً ❤️

فرزي الدم والأورام... احفظ الصورة 🔥
* المعلومة الهامة أنه عند مرضى اللمفوما وبالذات الكتلة الكبيرة مثل Diffuse Large B cell Lymphoma or Burkitt Lymphoma ..هالمتلازمة ممكن تصير بشكل عفوي قبل ما ياخد المريض العلاج الكيميائي

سنة تالتة سؤال الك... شو معنى حاصرات بيتا مع تأثير مقلد ودي داخلي؟ Beta blockers with intrinsic sympathomimetic activity