اترك لي هُنا رسالة من القلب. "نصيحة، دعم، أمنية"

انتهى الاحصاء.🧘‍♂️

مَعنْ ممتن لكل حدا شارك ورح يشارك🙏❤

شُكراً من القلب يا أصدقاء.❤

يا ترا في أدفى من أغاني وردة.!🧣❤

الله يكون بعونكن يا طلاب الجامعة كيف بتتحملوا كل هالضغط.🌬

- القائل متخرج من شهرين بس😂🤺

القائل بعد ٧ سنين طب😂

لما تحكي احكي بوضوح وثقة، لا تلف وتدور.

خلّي كلماتك ترن رنّ.

أنا بدي هيك وبس.
واذا الك نصيب من رب العالمين بتاخدو.

اذا سعيت بقوة ورب العالمين شاء، مافي قوة بالكون توقف بوشّك.🌟

-من نصائح جدّي اللي مقضّى هالشتوية عنا.

جدّي الله يطوّل بعمرو تعبان أكتر من ستي، حركتو تقيلة وذاكرتو ضعيفة.

لكن كل هاد ما بخلّيه يتوانى لحظة يساعد ستي بقومتا وحركتا.
لحد هلق بتعتمد عليه😂❤

وأنا حالياً بالسوق عم جيب غراض مشروع ليلاس مشان ماتتعتر بالسوق وحمل الغراض🌬

تلتين الحفيد لجدّو😂

روايح عطور، زيوت وأعشاب من كل الجهات.

حرفياً بهاد السوق بتحس حالك سارح بالطبيعة.🌬

لا وفوق هاد كل شغلة علاج لقصة.
الزعتر للسعلة، وزيت الاكليل للشعر، وزيت الشاي للاظافر.

يعني بتصفن.
اووف قديش هالحياة واسعة وقديش فيها تفاصيل وأسرار.🧘‍♂️

بكرا بدي لعّبكن لعبة كيّسة "يعني جيدة😂❤"

جهزولي حالكن ومخاخكن🤕❤

هاد بلى طول سيرة باحدى التدريبات من سنتين "لاعداد ميسري جلسات حوار"

كان في جزء من التدريب حول مهارات التفكير المختلفة.
بين التفكير النقدي، والتفكير الاستراتيجي.
وكمان النوع اللي حبيتو أكتر شي هوي التفكير الابداعي.

الكوتش احسان الله يذكرو بالخير؛ مع كل لعبة كان يلعّبنا ياها كان يحسسنا بالعجز.

المشهد كالتالي:
٢٠ متدرب مبهّم.
وما ع لسانن غير كلمة "وه"

وباخر الجلسة ختمناها ب "وااع"😂

واااع قديش الحياة واسعة، و واع قديش أفقنا ضيق ببعض الأمور.

رغم انو عنا مخ جبّار.🤺

الانسان بيخلق بالفطرة بقدرات ابداعية عالية.

وهاد منشوفو أكتر شي عند الاطفال، وكيف بيعملو من المخدات بيت وقصر ومملكة.

ولكن مع أول قتلة وقوم ضب المخدات يا ..... "كفّوها لحالكن"

هالابداع بينكبت.

ومرة ورا مرة ورا مرة.
بيتحوّل الانسان من المبدع الخلّاق، إلى المحكوم والمأطّر والمقولب.

كلو بسبب قتلة أبوك يوماً ما😂

اللي بطمّن، انو الابداع مهارة.
وقادرين نطوّرا.

وفي كتير تمارين وألعاب بتساعدنا نخلق الابداع.

وهالمرة مافي قتلة من أبوك.😂

ولعبة اليوم وحدة من الألعاب اللي بتنمّي الابداع والتفكير خارج الصندوق🤺❤

اللعبة بعنوان "٢٠ استخدام غير مألوف"


رح اعطيكن أدوات منستخدما بشكل متكرر خلال اليوم "كاسة، قلم، موبايل وقس على ذلك"

ورح نتساعد سوا بالتعليقات لنوصّل ل ٢٠ استخدام غير مألوف لكل شغلة.


عم تقولو سهلة مااا
بانتظار أصوات ال وااااع بالقناة😂🤺


جهّزولي قرعاتكن "يعني جماجمكن اللي فيها أفكاركن😂"

عالتمانة موعدنا يا أصدقاء🧘‍♂️

نص ساعة ومنبدأ لعبتنا😌

وكالعادة عنا فائز محظوظ🧘‍♂️

الفائز صاحب أكتر عدد تعليقات صحيحة خلال اللعبة.

الجائزة 🥇
استشارة مجانية لمدة ساعة حول موضوع من اختيار الفائز "ضمن مجال المهارات والصحة النفسية".

بالاضافة ل خطة نمو وتغيير مناسبة🥇

مثال توضيحي للاستئناس وتعرفو شو المطلوب🤺

٨ استخدامات للقلم (غير الكتابة)

مشبك شعر
أداة ثقب في علبة حليب
أداة رسم على الرمل
مسطرة تقريبية
أداة مساج (تدليك)
أداة للدربكة عالطاولة
سهم توجيه في العرض التقديمي
سيف صغير للعب الأطفال

ربع ساعة ومنبدأ مع أول أداة🤕
اتفاعلو لنتحمّس❤🤺✍🧘‍♂️🥇