പ്രളയവും പിണറായി സർക്കാരിന്റെ ധൂർത്തും

കേരള മുഖ്യമന്ത്രി പിണറായി വിജയന്റെ ഔദ്യോഗിക ഫേസ്ബുക്ക് പേജിലും പിണറായി വിജയൻ എന്ന വ്യക്തിയുടെ ഫേസ്ബുക്ക് പേജിലും കാലവർഷക്കെടുതിയിൽ ഉഴലുന്ന സഹജീവികളോട് കരുണകാണിച്ച രണ്ട് വ്യക്തികളെ അഭിനന്ദിച്ചുകൊണ്ടുള്ള പോസ്റ്റ് ഉണ്ട്. ഒരാൾ എറണാകുളം ജില്ലയിൽ വൈപ്പിൻകരയിൽ മാലിപ്പുറം സ്വദേശിയും എറണാകുളത്ത് തെരുവോരത്ത് തുണിക്കച്ചവടം ചെയ്ത് ജീവിക്കുന്ന നൗഷാദാണ്. പ്രളയദുരിതാശ്വാസത്തിനായി വസ്ത്രങ്ങൾ ശേഖരിക്കാൻ എറണാകുളം ബ്രോഡ്-വേയിൽ എത്തിയ സന്നദ്ധപ്രവർത്തകർക്ക് തന്റെ കച്ചവടത്തിനായി സൂക്ഷിച്ചിരുന്ന പുത്തൻ വസ്ത്രങ്ങളിൽ വലിയൊരു ഭാഗം തികച്ചും സൗജന്യമായി നൽകി നന്മയുടെ പ്രതീകമായി മാറിയ നൗഷാദിനെ കുറിച്ചാണ്. മറ്റൊന്ന് എല്ലാ വിദ്യാലയങ്ങളിൽ നിന്നും മുഖ്യമന്ത്രിയുടെ ദുരിതാശ്വാസനിധിയിലേയ്ക്ക് പണം സമാഹരിക്കുന്നതിനുള്ള ഒരു പദ്ധതിയുമായി തന്നെ ഓഫീസിൽ വന്നുകണ്ട തിരുവനന്തപുരം വ്ലാത്താങ്കര ഹയർ സെക്കന്ററി സ്ക്കൂൾ ഒൻപതാം ക്ലാസ് വിദ്യാർത്ഥിയായ ആദർശ് ആർ എ എന്ന മിടുക്കനെ കുറിച്ചാണ്. പുറ്റിങ്ങൽ വെടിക്കെട്ടപകടം നടന്ന സമയം മുതൽ തന്റെ പോക്കറ്റ് മണിയുടെ ഒരു ഭാഗം മുഖ്യമന്ത്രിയുടെ ദുരിതാശ്വാസനിധിയിലേയ്ക്ക് സംഭാവനചെയ്തുവരുന്ന വ്യക്തിയാണ് ആദർശ്. ഈ രണ്ടു പേരും തീർച്ചയായും അഭിനന്ദത്തിനു അർഹരും മാതൃക ആകേണ്ടവരും തന്നെ ആണ്. സംശയമില്ല. ഇവർ രണ്ടു പേർ മാത്രമല്ല അറിയപ്പെടാത്ത അനവധി നിരവധി ആളുകൾ ഈ കേരളത്തിൽ ഉണ്ട്. സഹജീവികളുടെ കണ്ണീരൊപ്പാൻ തങ്ങൾക്കാവും വിധം മുണ്ടുമുറുക്കി ഉടുത്ത് സ്വന്തം വരുമാനത്തിന്റെ ഒരു ഭാഗം നീക്കിവെയ്ക്കുന്നവർ. സ്വന്തം ജീവിതത്തിലെ ആർഭാടങ്ങൾ ഒഴിവാക്കി മറ്റുള്ളവർക്ക് സഹായം നൽകുന്നവർ.

പ്രളയത്തിൽ തകർന്ന ഈ നാട്ടിലെ നിരാലംബരായ മനുഷ്യരെ സഹായിക്കാൻ സാധാരണക്കാർ ഈ ത്യാഗങ്ങൾ ഒക്കെ അനുഭവിക്കുമ്പോൾ കേരള സർക്കാർ എന്താണ് ചെയ്യുന്നതെന്നതും ഈ സന്ദർഭത്തിൽ പരിശോധിക്കണമല്ലൊ. എത്രമാത്രം ദുർവ്യയം ആണ് എത്രമാത്രം അധികഭാരമാണ് പൊതുഖനാവിനു ഈ സർക്കാർ വരുത്തിവെയ്ക്കുന്നത്. കഴിഞ്ഞ പ്രളയത്തെ തുടർന്ന് ചെലവു ചുരുക്കലിന്റെ ഭാഗമായി സ്ക്കൂൾ കലോത്സവം വരെ പരിമിതപ്പെടുത്തും എന്ന് പ്രഖ്യാപിച്ചവരാണ് ഈ സർക്കാർ. എന്നാൽ സർക്കാരിന്റെ ദുർവ്യയങ്ങൾ എന്തെങ്കിലും കുറവു വരുത്തിയോ? ഏറ്റവും കൂടുതൽ ഉപദേശകരെ നിയമിച്ചിട്ടുള്ളത് ഈ മുഖ്യമന്ത്രി ആണ്. പ്രളയത്തെ തുടർന്ന് ചിലവു കുറയ്ക്കുന്നതിന്റെ ഭാഗമായി ഇവരിൽ ആരെയെങ്കിലും ഒഴിവാക്കിയോ? ഇല്ല എന്നു മാത്രമല്ല വിരമിച്ച ഉദ്യോഗസ്ഥർക്ക് വീണ്ടും പുതിയ ലാവണങ്ങൾ ഒരുക്കി പൊതുഖജനാവിനു ബാധ്യത കൂട്ടുകയാണ് സർക്കർ ചെയ്യുന്നത്. 2011-ൽ അഡീഷണൽ ചീഫ് സെക്രട്ടറി പദവിയിൽ ഇരുന്നു സർവ്വീസിൽ നിന്നും വിരമിച്ച ശേഷവും ഇക്കാലമത്രയും വിവിധ പദവികളിൽ വിരാജിച്ചു വന്നിരുന്ന ടി ബാലകൃഷ്ണൻ ഐ എ എസിനു തലസ്ഥാന നഗരവികസന പദ്ധതിയിൽ സ്പെഷ്യൽ ഓഫീസറുടെ അധിക തസ്തിക സൃഷ്ടിച്ച് വീണ്ടും നിയമനം നടത്തിയത് ഇക്കഴിഞ്ഞ ആഗസ്ത് രണ്ടിനു ആണ്. രണ്ടരക്ഷത്തോളും രൂപ മാസശംബളവും കൂടാതെ അലവൻസുകളും നൽകിയാണ് ഈ നിയമനം. ടി ബാലകൃഷ്ണനു നിലവിൽ ലഭിക്കുന്ന പെൻഷൻ തുക കഴിച്ചു ബാക്കി ശംബളമായി നൽകിയാൽ മതി എങ്കിലും അലവൻസുകളും ഡ്രൈവർ വാഹനം ഉൾപ്പടെയുള്ള ചെലവുകളും പൊതുഖജനാവിൽ നിന്നും തന്നെ ആണ്.

ക്യാബിനറ്റ് മന്ത്രിമാരെ കൂടാതെ ക്യാബിനറ്റ് റാങ്കിൽ ഭരണപരിഷ്കാരകമ്മീഷനും, മുന്നോക്കവികസനകമ്മീഷനും ഉള്ളപ്പോൾ ആണ് ചീഫ് വിപ്പ് എന്നൊരു ക്യാബിനറ്റ് പദവിയിൽ കഴിഞ്ഞ മാസം സി പി ഐ എം എൽ എ ആയ കെ രാജനെ നിയമിച്ചത്. ഇതും പൊതുഖജനാവിനു അമിതഭാരം ഉണ്ടാക്കുന്നതുതന്നെ. മുന്നോക്ക വികസന കമ്മീഷൻ, ചീഫ് വിപ്പ് എന്നീ ക്യാബിനറ്റ് പദവികൾ കഴിഞ്ഞ ഉമ്മൻ ചാണ്ടി സർക്കാരിന്റെ കാലത്ത് രൂപീകരിച്ചപ്പോൾ അതിനെ നഖശിഖാന്തം എതിർത്തവരാണ് ഇപ്പോൾ അതേ ദുഷ്ചെലവുകൾ പ്രളയത്തിൽ തകർന്ന കേരളത്തിനു മേൽ അടിച്ചേല്പിക്കുന്നതും സാധാരണക്കാരോട് മുണ്ടുമുറുക്കാൻ നിർദ്ദേശിക്കുന്നതും. ക്യാബിനറ്റ് റാങ്കിൽ ഉള്ള ദുഷ്ചെലവുകൾ അവിടെയും തീരുന്നില്ല. കേന്ദ്രവും കേരളവും തമ്മിലുള്ള ബന്ധം മെച്ചപ്പെടുത്തുന്നതിനായിൽ കഴിഞ്ഞ തിരഞ്ഞെടുപ്പിൽ മത്സരിച്ച് തോറ്റ എ സമ്പത്ത് എന്ന മുൻ എം പിയെ ക്യാബിനറ്റ് റാങ്കോടെ കേരളഹൗസിൽ ലെയ്സൺ ഓഫീസർ അവരോധിച്ചതും ഈ അടുത്ത ദിവസങ്ങളിൽ തന്നെ ആണ്.

ഇനിയും ഉണ്ട ദുഷ്ചെലവുകളുടെ പട്ടിക. കമ്മ്യൂണിസ്റ്റ് ഗുണ്ടകളാൽ കൊല്ലപ്പെട്ട യൂത്ത് കോൺഗ്രസ്സ് പ്രവർത്തകൻ ശുഹൈബിന്റെ കൊലപാതകം സി ബി ഐ അന്വേഷിക്കരുതെന്ന് കേരള ഹൈക്കോടതിയിൽ വാദിക്കാൻ ഏർപ്പാടാക്കിയ സുപ്രീംകോടതി വക്കീലന്മാർക്ക് പിണറായി സർക്കാർ കൊടുത്ത ഫീസ് മാത്രം അരക്കോടിയ്ക്ക് മുകളിൽ വരും. നൂറുകണക്കിനു സർക്കാർ വക്കീലന്മാരും സ്റ്റേറ്റ് അറ്റോർണിയും, ഡയറക്ടർ ജനറൽ ഓഫ് പ്രൊസിക്യൂഷനും ഒക്കെ ലക്ഷങ്ങൾ ശംബളം വാങ്ങി കേരള ഹൈക്കോടതിയിൽ സർക്കാരിനെ പ്രതിനിധാനം ചെയ്യാൻ ഉള്ളപ്പോൾ ആണ് ഈ കേസ് സി ബി ഐയ്ക്ക് വിട്ടുകൊടുക്കരുതെന്ന പിണറായി വിജയന്റെ ഈഗോ ശമിപ്പിക്കാൻ മാത്രം അരക്കോടിയിൽ അധികം ചിവാക്കി സുപ്രീംകോടതി വക്കീലന്മാരെ ഹൈക്കോടതിയിൽ എത്തിച്ചത്.

റിബിൽഡ് കേരളയുടെ പ

േരിൽ വിവിധ മാധ്യമങ്ങളിൽ വന്ന വാർത്തകൾ അനുസരിച്ചാണെങ്കിൽ തിരുവനന്തപുരത്ത് സ്വകര്യവ്യക്തിയുടെ ഉടമസ്ഥതയിലുള്ള കെട്ടിടം പൊതുഖജനാവിൽ നിന്നും ലക്ഷങ്ങൾ മുടക്കി സജ്ജീകരിക്കുന്നു എന്ന റിപ്പോർട്ടുകളും ഉണ്ടായിരുന്നു. കേരള പുനർനിർമ്മാണത്തിനായി മുഖ്യമന്ത്രി നടത്തിയ വിദേശയാത്രയും അതിന്റെ ഫലമായി കാര്യമായ ധനസഹായം ഒന്നും ലഭിച്ചില്ല എന്നവാർത്തയും മലയാളികൾ മറന്നുകാണില്ല. മറ്റ് മന്ത്രിമാർക്ക് വിദേശയാത്ര നടത്താൻ കേന്ദ്രാനുമതി ലഭിക്കാതിരുന്നത് ഒരു വിധത്തിൽ നന്നായി എന്നുകരുതാം. അത്രയും പണം പൊതുഖജനാവിനു ലാഭിക്കാൻ സാധിച്ചല്ലോ.

പിണറായി സർക്കാരിന്റെ ധൂർത്തിനു മറ്റൊരു ഉദാഹരണം കൂടി. 17/07/2019-ലെ മന്ത്രിസഭായോഗതീരുമാനങ്ങൾ വായിച്ചു വരുമ്പോൾ അതിന്റെ അവസാനം ഇങ്ങനെ ഒരു വാചകം കാണാം
"കേരള ഹൈക്കോടതിയില്‍ അഭിഭാഷകനായി പ്രാക്ടീസ് ചെയ്യുന്ന അഡ്വ. എ. വേലപ്പന്‍ നായരെ മുഖ്യമന്ത്രിയുടെ സ്പെഷ്യല്‍ ലെയ്സണ്‍ ഓഫീസറായി നിയമിക്കാന്‍ തീരുമാനിച്ചു. ഇദ്ദേഹത്തിന്‍റെ പ്രവര്‍ത്തനം എറണാകുളം അഡ്വക്കേറ്റ് ജനറലിന്‍റെ ഓഫീസുമായി ബന്ധപ്പെട്ടായിരിക്കും. പ്രധാനപ്പെട്ട കേസുകളുടെ നടത്തിപ്പിന്‍റെ മേല്‍നോട്ടം വഹിക്കുകയാണ് ചുമതല."
ഇത് ഒരു പുതിയ തസ്തിക ആണ്. നിലവിൽ അഡ്വക്ക്കേറ്റ് ജനറൽ, സ്റ്റേറ്റ് അറ്റോർണി, ഡയറക്ടർ ജനറൽ ഓഫ് പ്രോസിക്യൂഷൻ, ഗവണ്മെന്റ് പ്ലീഡർമാർ, എന്നിങ്ങനെ സർക്കാരിന്റെ കേസു നടത്താൻ ഹൈക്കോടതിയിൽ നൂറിലധികം അഭിഭാഷകരുടെ ഒരു പടതന്നെ ഉണ്ട്. പ്രധാനപ്പെട്ട കേസുകളുടെ മേൽനോട്ടച്ചുമതല ഇവർക്കാണ്. അതുകൂടാതെ ഓരോ വകുപ്പിനും പ്രത്യേകം അഭിഭാഷകരും ഉണ്ട്. ഇതിനെല്ലാം പുറമേ മുഖ്യമന്ത്രിയ്ക്ക് നിയമോപദേശം നൽകാൻ പ്രത്യേകം ഉപദേശിയും ഉണ്ട്. ശ്രീ എൻ കെ ജയകുമാർ.
ഇനി മുഖ്യമത്രിയുടെ ലെയ്സൺ ഓഫീസർ ആയി നിയമിക്കപ്പെട്ട വേലപ്പൻ നായരുടെ വേതന വ്യവസ്ഥകൂടി നോക്കാം G.O.(Rt)No.4653/2019/GAD, 06/08/2019 അനുസരിച്ച് വേലപ്പൻ നായരുടെ വതനം സീനിയർ ഗവണ്മെന്റ് പ്ലീഡറുടേതിനു തുല്ല്യമായിട്ടാണ് നിശ്ചയിച്ചിരിക്കുന്നത്. അതായത് ഗവണ്മെന്റ് പ്ലീഡർമാരുടെ പുതുക്കിയ വേതനം അനുസരിച്ച് രൂപ 1,10,000/- (ഒരു ലക്ഷത്തി പതിനായിരം രൂപ മാത്രം) !!! (അതിന്റെ വിശദാംശം ഇപ്രകാരം വേതനം 76000/- , ടെലിഫോൺ/ ഇന്റെർനെറ്റ് 1,000/-, യാത്രബത്ത 19,000/- ആനുകാലിക പ്രസിദ്ധീകരണങ്ങൾ പുസ്തകങ്ങൾ എന്നിവയ്ക്ക് 14,000/-)

ജീവിതത്തിന്റെ രണ്ടറ്റവും കൂട്ടിമുട്ടിയ്ക്കാൻ കഷ്ടപ്പെടുന്ന സാധാരണക്കാരായ ജനങ്ങൾ മുണ്ടുമുറുക്കി ഉടുത്തം ആഘോഷങ്ങൾ ഒഴിവാക്കിയും സ്വന്തം അദ്ധ്വാനത്തിന്റെ ഒരു ഭാഗം സഹജീവികളെ സഹായിക്കാനും ആയി മാറ്റിവെയ്ക്കുമ്പോൾ സർക്കാർ ഒരു ഭാഗത്ത് പുതിയ തസ്തികകൾ സൃഷ്ടിച്ച് തങ്ങൾക്ക് വേണ്ടപ്പെട്ടവരെ നിയമിച്ച് ലക്ഷങ്ങൾ ശംബളമായി നൽകി ധൂർത്ത് തുടരുന്നു.

സാധാരണക്കാരനോട് മുണ്ടുമുറുക്കാൻ നിർദ്ദേശിച്ച് ധൂർത്ത് നടത്തുന്ന സർക്കാരിനെ കുറിച്ച് പറയാൻ ഇനിയും ഉണ്ട്. തൽക്കാലം നിറുത്തുന്നു. ഒരുകാര്യം കൂടി പറഞ്ഞുകൊള്ളട്ടെ, സഹജീവികളെ രക്ഷിക്കാൻ ഇറങ്ങി സ്വന്തം ജീവൻ ബലികഴിച്ച ഒരു സന്നദ്ധപ്രവർത്തകൻ ഉണ്ട് കോഴിക്കോട് ചെറുവണ്ണൂർ സ്വദേശി ലിനു. കോഴിക്കോട് പ്രളയ ദുരിതാശ്വാസക്യാമ്പിൽ അച്ഛനേയും അമ്മയേയും ആക്കിയ ശേഷം ചാലിയാർ കരകവിഞ്ഞ് ദുരിതം വിതച്ച കുണ്ടായിത്തോട് ഭാഗത്ത് ഒറ്റപ്പെട്ടവരെ രക്ഷിക്കാൻ രണ്ട് തോണികളിലായി പോയ സന്നദ്ധപ്രവർത്തകർക്കൊപ്പം പോയതായിരുന്നു ലിനു. പക്ഷെ ആ രക്ഷാപ്രവർത്തനത്തിനിടയിൽ ലിനു മുങ്ങിമരിച്ചു. നൗഷാദിനേയും ആദർശിനേയും അഭിനന്ദിക്കുന്ന മുഖ്യമന്ത്രി ലിനുവിന്റെ ജീവത്യാഗത്തെക്കുറിച്ച് ഈ സമയം വരെ ഔദ്യോഗിക ഫേസ്ബുക്ക് പേജിൽ ഒന്നും പറഞ്ഞതായി കാണുന്നില്ല.എന്നാൽ ധനമന്ത്രി തോമസ് ഐസക് ലിനുവിന്റെ ജീവത്യാഗം അനേകം ചെറുപ്പക്കാർക്ക് ഊർജ്ജം പകരുന്ന ഒന്നണെന്ന് എഴുതിയിട്ടുണ്ട്. രക്ഷാപ്രവർത്തനത്തിനിടെ ജീവൻ പൊലിഞ്ഞ ഒരു വ്യക്തിയെ സ്മരിക്കാൻ പോലും മുഖ്യമന്ത്രിയുടെ ഇടുങ്ങിയ രാഷ്ട്രീയ ചിന്താഗതി അനുവദിക്കുന്നില്ല എന്നതല്ലെ ഇത് വ്യക്തമാക്കുന്നത്?

കരുണ സംഗീത നിശ, നുണകളുടെ ഒരു ഘോഷയാത്രയാണ് ന്യായീകരണമായി സംഘാടകർക്ക് പറയാനുള്ളത്. ഓരോ നുണയും പൊളിഞ്ഞു വീഴുന്നതും കാണാം.
മുഖ്യമന്ത്രിയുടെ ദുരിതാശ്വാസ നിധിയിലേയ്ക്ക് പണം സമാഹരിക്കാനാണ് സംഗീത നിശ 'കരുണ' നടത്തുന്നതെന്ന് ആ പരിപാടിയുടെ പ്രൊമോഷനിൽ എല്ലാം പറഞ്ഞിട്ട് കണക്ക് ചോദിക്കുമ്പോൾ അങ്ങനെ മുഖ്യമന്ത്രിയുടെ ദുരിതാശ്വാസ നിധിയിലേയ്ക്കാണെന്ന് പറഞ്ഞിട്ടില്ലെന്നായിരുന്നു മറുപടി. പരുപാടിയുടെ പൊസ്റ്ററുകൾ, പത്രസമ്മേളനത്തിന്റെ വീഡിയോ, റീജ്യണൽ സ്പോർട്ട്സ് കൗൺസിലിനു നൽകിയ കത്ത് ഇവയൊക്കെ പുറത്തു വന്നപ്പോൾ ആ വാദം പൊളിഞ്ഞു.

ഗംഭീരവിജയം ആയിരുന്നു പരിപാടി എന്ന് പരിപാടിയ്ക്ക് ശേഷം (നവംബർ 4നു) ഫേസ്ബുക്ക് പോസ്റ്റ് ഇട്ടവർ കണക്ക് ചോദിച്ചപ്പോൾ പറയുന്നു ആകെ കിട്ടിയത് 6,22,000 രൂപമാത്രമാണെന്ന്. എന്നാൽ സ്റ്റേഡിയത്തിൽ നിറയെ ആളുണ്ടായിരുന്നു എന്ന് പരിപാടിയിൽ പോയവർ ഉൾപ്പടെ സാക്ഷ്യപ്പെടുത്തിയപ്പോൾ അതും പൊളിഞ്ഞു.

ജില്ലാ കളക്ടർ ആയിരുന്നു രക്ഷാധികാരി എന്നതാണ് അടുത്ത വാദം. അത് കളക്ടർ നിഷേധിക്കുക മാത്രമല്ല ഇനി അങ്ങനെ ഒരു അവകാശവാദം ഉന്നയിച്ചാൽ നിയമ നടപടി സ്വീകരിക്കും എന്നും പറഞ്ഞു.
അങ്ങനെ ആ വാദവും തകർന്നു.

പരിപാടിയിൽ നിന്നുള്ള വരുമാനം മുഖ്യമന്ത്രിയുടെ ദുരിതാശ്വാസനിധിയിൽ നിക്ഷേപിച്ചതിനു തെളിവു ചോദിച്ച സഹസംഘാടകരായ റീജ്യണൽ സ്പോർട്ട്സ് കൗൺസിലിനു കൃത്യമായ മറുപടി കൊച്ചി മ്യൂസിക് ഫൗണ്ടേഷൻ നൽകിയില്ലെന്ന് സ്പോർട്ട്സ് കൗൺസിൽ അധികാരികൾ പറയുന്നു.


ആകെ 23 ലക്ഷം ചിലവായി എന്ന് അവകാശപ്പെടുന്ന കൊച്ചി മ്യൂസിക് ഫൗണ്ടേഷൻ അധികാരികൾ അതിന്റെ കണക്കുകൾ ഇതുവരെ അവതരിപ്പിക്കുന്നില്ല.

പരിപാടിക്ക് പ്രമോട്ടർമാർ / സ്പോൺസർമാർ ഉണ്ടായിരുന്നില്ല എന്ന് പറയുന്ന കെ എം എഫ് പക്ഷെ പരിപാടിയിൽ പോസ്റ്ററുകളിൽ അച്ചടിച്ചിരിക്കുന്ന സ്പോൺസർമാരെ കുറിച്ച് ഒന്നും പറയുന്നില്ല.
ഇനിയും എന്തൊക്കെ ന്യായീകരണങ്ങൾ ആണോ ആവോ വരാനിരിക്കുന്നത്.

ലോകമെങ്ങും കൊറോണ എന്ന മഹാമാരി പടർന്നു പിടിക്കുന്ന സാഹചര്യത്തിൽ പ്രധാനമന്ത്രി ശ്രീ നരേന്ദ്ര മോദി രാഷ്ട്രത്തെ അഭിസംബോധന ചെയ്തുകൊണ്ട് 2020 മാർച്ച് 19നു നടത്തിയ പ്രസംഗം മലയാളത്തിലേയ്ക്ക് പരിഭാഷപ്പെടുത്തുന്നതിനുള്ള ശ്രമം.
https://wallwrittings.blogspot.com/2020/03/19032020.html

കൊറോണ വൈറസ് പടർന്നു പിടിക്കുന്ന സാഹചര്യത്തിൽ രാജ്യം മുഴുവൻ ലോക്ക്ഡൗൺ നടപ്പിലാക്കാനുള്ള തീരുമാനം പ്രഖ്യാപിച്ചുകൊണ്ട് ഭാരതത്തിന്റെ പ്രധാനമന്ത്രി ശ്രീ നരേന്ദ്ര മോദി 24/03/2020നു രാജ്യത്തെ അഭിസംബോധന ചെയ്തുകൊണ്ട് നടത്തിയ പ്രസംഗം മലയാളത്തിലേയ്ക്ക് പരിഭാഷപ്പെടുത്താനുള്ള ശ്രമം.
https://wallwrittings.blogspot.com/2020/03/24-03-2020.html

ഇത്തവണ നീറ്റ് പരീക്ഷയ്ക്ക് യുഎഇയിലും സെന്റർ ഉണ്ടായിരുന്നു. അറുന്നൂറ്റി അൻപതോളം മത്സരാർത്ഥികൾ ആണ് യുഎഇയിലെ മൂന്ന് സെന്ററുകളിൽ ആയി നീറ്റ് പരീക്ഷ എഴുതിയത്. പക്ഷെ ഇവരിൽ പലരും പങ്കുവെയ്ക്കുന്ന ആശങ്ക ഇന്ത്യയിലെ മത്സരാർത്ഥികൾക്ക് നൽകിയ ചോദ്യപേപ്പറിലെ അതേ ചോദ്യങ്ങൾ ആയിരുന്നില്ല അവർക്കെന്നതാണ്. എന്തുകൊണ്ടാണ് യുഎഇയിൽ ഒരു ചോദ്യപേപ്പറും ഇന്ത്യയിൽ മറ്റൊരു ചോദ്യപേപ്പറും? 2017 ഡിസംബർ മാസത്തിൽ സുപ്രീംകോടതി നൽകിയ ഉത്തരവ് അനുസരിച്ച് എല്ലാ മത്സരാർത്ഥികൾക്കും ഒരേ സെറ്റ് ചോദ്യാവലി തന്നെ ആയിരിക്കണം എന്ന് അന്ന് ഈ പരീക്ഷ നടത്തിയിരുന്ന CBSE-യോട് നിർദ്ദേശിച്ചിരുന്നു. 2018 മുതൽ ഉള്ള പരീക്ഷകൾക്ക് അപ്രകാരം ഒരേ സെറ്റ് ചോദ്യാവലി മാത്രമേ ഉപയോഗിക്കൂ എന്ന് CBSE സുപ്രീംകോടതിയ്ക്ക് ഉറപ്പു നൽകുകയും ചെയ്തിരുന്നു, ആ ഉറപ്പ് പാലിക്കാൻ ഇപ്പോൾ പരീക്ഷ നടത്തുന്ന നാഷണൽ ടെസ്റ്റിങ് ഏജൻസിയ്ക്കും ഉത്തരവാദിത്വം ഉണ്ട്. മത്സരാർത്ഥികൾക്ക് ഈ വിഷയത്തിൽ ഉള്ള ആശങ്ക അകറ്റേണ്ട ഉത്തരവാദിത്വവും നാഷണൽ ടെസ്റ്റിങ് ഏജൻസിയ്ക്കാണ്. അതുകൊണ്ട് അവർ ഇപ്പോൾ തുടരുന്ന മൗനം അവസാനിപ്പിക്കണം.

ഭാരതത്തിന്റെ പതിനഞ്ചാമത് രാഷ്ട്രപതിയായി തിരഞ്ഞെടുക്കപ്പെട്ട ശ്രീമതി ദ്രൗപതി മുർമ്മുവിനു അഭിനന്ദനങ്ങൾ.

രാഹുൽ ഗാന്ധി അയോഗ്യൻ ആണെന്നതിൽ നിയമപണ്ഡിതർക്ക് തർക്കമല്ല എന്നിരിക്കെ എന്തിനാണ് ഈ കോലാഹലങ്ങൾ
https://ovmthampi.wordpress.com/2023/03/24/blog0002/

സപ്ലൈകോ ഏറ്റെടുത്ത നെല്ലിന്റെ വില കിട്ടിയില്ല. കർഷകൻ വിഷം കഴിച്ച് ആത്മഹത്യ ചെയ്തു. ജയസൂര്യയെ വളഞ്ഞിട്ട് ആക്രമിച്ച സഖാക്കൾ ഇവിടെയും കർഷകനു പണം കൊടുത്തുകഴിഞ്ഞു എന്ന വാദവുമായി വരുമോ?

ക്യാനഡയുടെ ഭാരതത്തിലെ മുതിർന്ന നയതന്ത്ര ഉദ്യോഗസ്ഥൻ അഞ്ചു ദിവസത്തിനുള്ളിൽ രാജ്യം വിടണമെന്ന് ഭാരതസർക്കാർ. ഖാലിസ്ഥാൻ തീവ്രവാദി നേതാവിന്റെ കൊലപാതകത്തിൽ ഭാരത സർക്കാർ ഏജൻസികൾക്ക് പങ്കുണ്ടെന്നാരോപിച്ച് കാനഡയിലെ ഭാരതത്തീൻ്റെ റോയുടെ ഉദ്യോഗസ്ഥനെ കാനഡ പുറത്താക്കിയതിൻ്റെ മറുപടി ആയാണ് ഭാരതസർക്കാർ നടപടി.

സാമൂഹ്യമാദ്ധ്യമങ്ങൾ വഴി കൃത്രിമ ചിത്രങ്ങൾ പ്രചരിപ്പിക്കുന്നത് കേരള പോലീസ് ആക്റ്റ് 120(o) പ്രകാരമുള്ള കുറ്റകൃത്യം അല്ലെന്ന് കേരള ഹൈക്കോടതി. ഇത്തരത്തിൽ ഈ നിയമം അനുസരിച്ച് കേസെടുക്കാൻ തുടങ്ങിയാൽ ഫേസ്ബുക്കിലെ മിക്കവാറും പോസ്റ്റുകൾക്കെതിരെ കേസെടുക്കേണ്ടിവരുമെന്നും കോടതി അഭിപ്രായപ്പെട്ടു. ഇത്തരത്തിൽ അപകീർത്തികരമായ ചിത്രങ്ങളും മറ്റും പ്രചരിപ്പിക്കുന്നതിനു ശിക്ഷിക്കാൻ മതിയായ നിയമങ്ങൾ ഇല്ലെന്നും കോടതി പറഞ്ഞു.

The Court further relying on an earlier judgment held, "Offence under Section 120(o) is not attracted in the facts and circumstances of the case. Section 120(o) lays down the penalty for causing nuisance and violation of public order, where any person causing through any means of communication, a nuisance of himself to any person by repeated or undesirable or anonymous call, letter, writing, message, e-mail or through a messenger. If this Court started to hold that all these Facebook posts amount to an offence under Section 120(o) of the Kerala Police Act, 2011, almost all posts made on Facebook is to be declared as an offence under Section 120(o) of the Kerala Police Act."

"There is no proper punishment for such defamatory statements and posters on Facebook. The legislature must look into this aspect seriously, especially in the backdrop of this new era of technology and Social Media mania in existence in our society".
https://www.verdictum.in/court-updates/high-courts/sharing-manipulated-photos-on-social-media-not-an-offence-under-kerala-police-act-1495545

സഖാവ് പി എം ആർഷോയെ അപകീർത്തിപ്പെടുത്താൻ ഗൂഢാലോചന നടത്തി എന്ന് ഏഷ്യാനെറ്റിന്റെ അഖില നന്ദകുമാറിനെതിരെ എടുത്ത കള്ളക്കേസ് മുൻപോട്ട് കൊണ്ടുപോകാൻ ഒരു മാർഗ്ഗവും ഇല്ലാത്തതുകൊണ്ട് പി ശശിയുടെ അടിമപ്പോലീസ് അവസാനിപ്പിക്കുന്നു. അഖില നന്ദകുമാറിനെതിരെ ഡിജിപിയ്ക്ക് ആർഷോ നൽകിയ പരാതിയിൽ പ്രത്യേകിച്ച് നടപടികൾ ഒന്നും ഇല്ലാതായതിനെ തുടർന്നാണ് കേരള മുഖ്യമന്ത്രിയുടെ പൊളിറ്റിക്കൽ സെക്രട്ടറിയും നിലവിൽ കേരള പോലീസിനെ "കൈകാര്യം" ചെയ്യുകയും ചെയ്യുന്ന പി ശശി എന്നയാളുടെ അടിമയായ ഒരു ഉന്നത പോലീസുദ്യോഗസ്ഥനു പരാതികൊടുക്കുകയും ആ പരാതിയിൽ എന്തുനടപടി ആണ് എടുക്കേണ്ടതെന്ന് വ്യക്തമായ നിർദ്ദേശത്തോടെ അത് കൊച്ചി പോലീസിനു കൈമാറുകയും ചെയ്യുകയാണ് ഉണ്ടായത്. അത് കൃത്യമായി അനുസരിക്കുക എന്നതാണ് ബന്ധപ്പെട്ട അന്വേഷണ ഉദ്യോഗസ്ഥൻ സ്വീകരിച്ചത്. അങ്ങനെ ആണ് ആ കേസ് അഖില നന്ദകുമാറിനെതിരെ ഉണ്ടായത്. ഒടുവിൽ ആ കേസ് കേരള പോലീസ് അവസാനിപ്പിക്കുന്നു.
https://www.asianetnews.com/kerala-news/police-closed-case-against-asianet-news-chief-reporter-akhila-nandakumar-nbu-s18g6c

രാധാകൃഷ്ണനു അമ്പലത്തിൽ പോയി ശീലമില്ലാത്തതു കൊണ്ടോ അപകർഷതാ ബോധം ഉള്ളതു കൊണ്ടോ ആണ് ഇങ്ങനെ ഒക്കെ പറയുന്നത്. ക്ഷേത്രത്തിൽ പോയി ശീലമുള്ളവർ അയാൾ പറയുന്ന ഭോഷ്ക് പുച്ഛിച്ചു തള്ളുകയാണ് വേണ്ടത്. ക്ഷേത്രത്തിൽ പോയി കൈ പ്രാർത്ഥിക്കുകയോ ക്ഷേത്രാചാരങ്ങൾ പാലിക്കാതിരിക്കുകയോ ചെയ്യാത്ത ഈ ജന്മങ്ങളെ ക്ഷേത്രവുമായി ബന്ധപ്പെട്ട ചടങ്ങുകൾക്ക് ക്ഷണിക്കാതിരിക്കാനുള്ള സാമാന്യബോധം ഇനിയെങ്കിലും സ്വകാര്യ ക്ഷേത്രവുമായി ബന്ധപ്പെട്ടവർ കാണിക്കണം. ദേവസ്വം വകുപ്പ് മന്ത്രി എന്ന നിലയിൽ അയാൾക്കുള്ള അധികാരം വച്ചിട്ട് അയാൾ കടന്നുവരുന്ന സ്ഥലങ്ങളിൽ വന്നിട്ട് പോട്ടന്നുവയ്ക്കണം. ഇയാളെയൊക്കെ ക്ഷണിച്ചുവരുത്തുന്നത് വേലിയിൽ കിടക്കുന്ന വയ്യാവേലി വേണ്ടാതെയെടുത്ത് ചുമക്കുന്നത് പോലെ ആവും.

മിസോഫോണിയ എന്നത് "പ്രത്യേക മനോനില" ഉള്ളവരിൽ കണ്ടുവരുന്ന സ്വഭാവവൈചിത്ര്യം ആണ്. കൂടുതൽ അറിയാൻ ജനം ടിവി വാർത്ത സഹായിക്കും.
https://janamtv.com/80751072/

ഫേസ്ബുക്ക് പ്രൊഫൈൽ വീണ്ടും പ്രൊഫഷണൽ ആക്കിയിട്ടുണ്ട്
https://www.facebook.com/share/1Begq2i4e8/