​​Түсімде Алла тағаланы көрдім. Одан: "Уа, Раббым! Саған бізді не нәрсе жақындатады?" деп сұраған едім, Ол: "Менің Құранымды оқу" деп жауап берді. Мен қайтадан: "Түсініп оқу ма, жоқ әлде түсінбей оқу ма?" деген ем, Ол: "Түсініп оқу да, түсінбей оқу да" деп жауап берді. Бұл - Имам Ахмад ибн Ханбалдің түсі. Ма ша Аллаһ! Ізгі адамдар ізгі түстер көреді ғой. Бұл жазбаны қойын дәптеріме Ғазалидің "Ихия ғулумаддинінен" осыдан бірер жыл бұрын жазып қойыппын. Бүгін дәптерімді парақтап отырып, осы жолдарды оқып, Алла тағаланың бізге жасаған жеңілдігі мен шексіз мейіріміне тағы бір шүкіршілік еттім... Әлхамдулиллаһ!
⠀
Ал сіз Құран оқып жүрсіз бе?

😊 - иә
😐 - жоқ
⠀
#marfu_muslima
#құран #коран
#әлемдегіеңұлыкітап

​​⠀
#Мен_оқыған_кітаптар хэштегімен оқыған кітаптарым туралы жаңа айдарымды бастаймын 😊
⠀
📚 ДЖОН КЕХО. "ПОДСОЗНАНИЕ МОЖЕТ ВСЕ"
⠀
Белгілі канадалық жазушы Джон Кехоның бұл кітабын бұрынырақ бір оқыған ем, былтыр қайталап оқып шықтым. Өзіме ерекше ұнайтын кітаптардың бірі.
⠀
🌺НЕГІЗГІ ОЙЫ:
Адам миының, түйсігінің, не ойлайтынының барлығы адам өміріне әсер ететіндігі айтылады. Содан да болар, жақсы ой, жақсы пікір, жақсы көзқарас адамды жақсы өмірге алып келеді. Автор болашағын жақсылықпен елестеткен адамның өмірі сондай болатынына сендіреді. Айналасынан бірер мысалдар келтіреді.
⠀
🌺БЕРЕТІН БАҒАМ:
10/10 Осы салада алғаш оқыған кітабым болғаннан кейін бе, қатты ұнаған болатын. Әрі өзі қысқа, артық сөзі жоқ.
⠀
🌺ҰНАТҚАН ЦИТАТАМ:
"Всегда осознавайте то, о чем думаете. Сегодняшние мысли создают ваше будущее".
⠀
🌺КІТАПТЫ ҚАЙДАН АЛУҒА БОЛАДЫ?
Электронды нұсқасы төменде 👇 Ал қағаз нұсқасын іздесеңіздер, интернет дүкендер көмекке келер.
⠀
Ойымызға ой қосатын кітапты ғана оқиық! 🤗
⠀
#marfu_reads
#marfu_bookblogger
#Марфуғадан_кітап📚
#МарфуғаШапиян #кітап #книги #book #bookblogger #книгоман #ДжонКеxо #Подсознаниеможетвсе

#Иманым_жиғаным💐

Намазды қалай оқитыны жөнінде Хатами ас Самнан (р.а.) сұрағанда ол: "Намаз уақыты таянғанда жақсылап дәрет аламын. Намаз оқитын жерге барып, сәл кідіріп ойланамын. Сонан соң намазға тұрамын. Қағба - дәл алдымда, сират (қыл көпір) аяғымның астында, жәннат - оң жағымда, тозақ - сол жағымда, Әзірейіл - төбемде қарап тұрғандай үрей арасында әлемдердің Раббысы болған Алла тағаланың құзырында тұрғанымды ойлаймын. Тәкбір алып, мағыналарына зер сала отырып Құран аяттарын оқимын. Кішіпейілдікпен рукуғ жасаймын. Өз тереңдігіне сай сәждеге барамын. Оң аяғымның ұшын тіреп, сол аяғымды төсеніп отырамын. Осылайша намазымды ықыласпен, шынайылықпен оқуға тырысамын" - деп жауап берген екен.
⠀
Ал біз ше, біз қалай оқып жүрміз? Сіз қалай оқып жүрсіз?
⠀
Жұма мүбәрак болсын! Алла тағала қабыл болатын намаз нәсіп еткей! 🤗
⠀
#МарфуғаШапиян
#Marfu_muslima
#жұмамүбәракболсын

​​Осыдан 5 жылдай бұрын фейсбуктағы парақшамда "Бүгінгі дұға" деген айдарды бастап, ол біраз уақыт хит болған еді. Енді алдағы 99 күн бойы, бұйыртса, Алланың көркем 99 есімін мағынасымен жазып отырмақшымын 🙂

Өйткені, ең көркем есімдер Жаратушымызға тән. Ағраф сүресінің 180-аятында кімде-кімнің Алла тағалаға оның көркем есімдерімен жалбарынып, қалағанын шын ықыласымен сұрайтын болса, Алла тағаланың оған жауап беретіні айтылады.

Ал Пайғамбар (с.а.у.) хадисінде: "Алла тағаланың 99, бірі кем жүз есімі бар. Кімде-кім соларды жаттаса, жәннатқа кіреді" деген сөз келеді. Ендеше күніне біреуден бірге жаттасақ қайтеді? 😊

Біріншісі - АЛЛА. Ең ұлы есімі. Құранда 2697 жерде кездеседі. Дұғаңызды айтпастан бұрын осы есімін мүмкіндігінше көбірек қайталап барып, дұғаға көшсеңіз, ин ша Алла, қабыл болады ☺️


#Алланың_көркем_есімдері

🌸 Алла разы болсын!
☘️ Руxани тақырыпта жиі жазып тұрыңыз.

​​#Кітаптан_қазына деген жаңа айдар 😊
⠀
Ислам дінінде сыртқы тазалық өте маңызды, ал ішкі тазалық, яғни жүрек тазалығы одан да маңыздырақ. Құдайберді Бағашардың мына кітабында төмендегі жағымсыз қасиеттерден арылсаң, жүрек тазалығына жетесің дейді. Ендеше, мына жаман қасиеттерден құтылып, жүрегімізді тазартып көрейік ☺
⠀
☘Қызғаныш - басқаға бұйырған жақсылықты көре алмау, іштарлық жасау.
☘Ызақорлық, дұшпандық, кекшілдікке салыну. Бұл мінез қызғаныш пен өкпешілдікті қоздырады.
☘Тәкаппарлық - адамның өзін басқалардан жоғары санауынан туындаған менменшілдік қасиеті.
☘Өз-өзіне тәнті болу, сүйсіну - кісінің өзіне көңіл тоқтығынан туындайтын өзін-өзі асқақ санау сезімі.
☘Сараңдық - ешкімге ештеңе бергісі келмейтін дүниеқоңыздық.
☘Екіжүзділік - сырты бүтін болғанмен іші түтін келетін жағымсыз мінез.
☘Атақ-даңқ, мансапқұмарлық. Бұл – Хақ жолында аяққа тұсау болатын жаман мінездің бірі. Әрине, Алла тағала өз дінінің кемелденуі үшін атақ пен даңққа бөлеген жандардың жөні басқа.
☘Мақтанқұмарлық - ата-бабасымен, тегімен көпіріп мақтану. Бұл тыйым салынған жаман қасиет болып табылады.
☘Өкпешілдік - түкке тұрмайтын ұсақ-түйекке бола өкпелеу.
☘Ғайбат - естіген сәтте ренжитіндей біреудің мінін сыртынан сөз ету. Мұсылман бауырыңның дене бітімі, сөз сөйлеуі, іс-әрекеттері, ғибадаттары, күнделікті өмірі, киім-киіс, жүріс-тұрысы туралы артынан жағымсыз сөз айту ғайбат болып табылады.
☘Іріткі салушылық - адамдар арасын бүлдіру мақсатымен олардың арасына сөз тасу.
☘Өтірік - шындықты жасырып қалу не басқаша етіп жеткізу. Бұл – ең ауыр күнәлардың бірі.
☘Көп сөйлеу. Бұл да жағымсыз қасиеттердің бірі саналады. Себебі, күнәларды паш ету, өсек айту секілді көптеген харам немесе мәкрүхтердің жасалуына себепші болатын жағымсыз қасиет.
⠀
Егер сіз осы жағымсыз қасиеттерден ада болсаңыз, құттықтаймын, сіз жүрегі таза адамсыз! 🤗 Ал қалғандарымызға АЛЛА жүрек тазалығын нәсіп еткей!

Кітаптың электронды нұсқасы төменде 😊
⠀
#МарфуғаШапиян #Marfu_muslima #Marfu_reads #Marfu_bookblogger #Марфуғадан_кітап📚 #bookblogger #кітап #книги #book #исламдағытазалық #ҚүдайбердіБағашар #жүректазалығы

​​РАХИМ - Алланың мүмін құлдарына деген мейірімін білдіреді. Құранда 114 жерде кездеседі. Жаратушымыздың осы есімін жиі қайталап, мына бір дұғаны айтып жүрсеңіз көп шаруаңыз реттелер еді 😊

"Уа, Раббым! Бір Өзің жарылқап, кешіре гөр! Мейіріміңе бөлей көр! Сен мейірім етушілердің ең қайырлысы әрі ең мейірімдісісің!"

#Алланың_көркем_есімдері #дұғамызғақосайық

​​⠀
Қашайықшы барлық қиын сұрақтан,
қишы маған ұйқыңды.
Қарашы, анау балағынан кірі аққан
қала қандай сүйкімді!
⠀
Қашайықшы, айдалаға, адасып,
Ашайықшы басқа әлемнің есігін.
Ешкім бізді іздемесін жаны ашып,
Ешкім бізден сұрамасын кешірім...
⠀
Өтіп жатқан күніміздің көбі өлең –
Жылыстайық ақырын.
Ешкім бізге қарап тұрып төбеден,
Лақтырмасын ақылын.
⠀
Ешбір адам аямасын біздерді –
Сенгендері сатты деп.
Өшірейік бар азапты іздерді,
Басқаларға бақ тілеп.
⠀
Қашайықшы, Құдай үшін, ерінбе.
Жүріп тұр ма көлігің?
Әлде мені құтқаруға сенің де,
Шаппай тұр ма көңілің?! 😊
⠀

📖 - Керемет! Поэзияны жақсы көрем!

😏 - Өлеңге онша жоқпын енді)

#кітаптан_қазына
#marfu_reads #marfu_bookblogger #марфуғадан_кітап📚 #кітап #өлең #поэзия #ГүлнәрСалықбай #book #книга #bookblogger

​​#1жылда100кітап Гайдары

ХЕЛЕН АНДЕЛИН. ОЧАРОВАНИЕ ЖЕНСТВЕННОСТИ 📚

Кітаптың атауы бірден ұнады. Содан болар оқуға құмарттым. Үмітім алдамаған екен. Қыздар, егер бұрын оқымаған болсаңыздар, кітапты барлығыңызға оқуға кеңес беремін. Бұл бір тамаша кітап! Өзін сонау 1963 жылы америкалық үй шаруасындағы қарапайым әйел Хелен Анделин жазған. Жарты ғасырдан астам уақыт өтсе де, кітап маңызын жоғалтпаған, миллиондаған тиражбен таралған, әлі де үлкен сұранысқа ие.

🌺 НЕГІЗГІ ОЙЫ:
Бұл - әйел затын бақытты, сүйікті болуға үйрететін кітап.
Хелен Анделиннің өзі - күйеуімен бір шаңырақ астында 50 жылдан астам уақыт тұрып, 8 бала тәрбиелеген бақытты әйел. Ол мансап қуған жоқ, бақытын сырттан іздеген жоқ, атақтың артынан да ұмтылмады. Жәй ғана күйеуінің жағдайын жасап, балаларын тәрбиеледі, айналасына мейірім шуағын шашты. Ал қалған дүние авторға өзі келді. Көп кітаптар оқып, өзін үнемі жетілдіріп отырған ана бір күні айналасындағыларға өз тәжірибесін, бастан өткергендерін айтып, кітап жазды. Ал ол бестселлерге айналды.

Егер сіз отбасыңыздың қандай да бір мәселелерін шеше алмай жүрсеңіз, осы кітапты оқыңыз. Егер сіздің күйеуіңізбен арада түсініспеушіліктер көбейіп кетсе, осы кітапты оқыңыз. Егер сізге бала тәрбиесіне қатысты кеңестер керек болса, тағы да осы кітапты оқыңыз. Күйеуіңіздің сізге деген сүйіспеншілігі азайып кеткендей көрінсе де, осы кітапқа иек артыңыз. Бүкіл мәселеңізді шешіп тастамаса да, біршама көмектеседі деген ойдамын. Тұрмысқа шықпаған, отбасын құруға дайындалып жүрген ару болсаңыз да осы кітапты оқып алсаңыз, айтарлықтай пайдасы тиер еді деп есептеймін :]

🌺 БЕРЕТІН БАҒАМ:
10/10 Ең жоғары бағаны бергеніме қарап ақ, кітаптың қаншалықты ұнағанын бағамдай беріңіз. Өйткені бітіре сала, қайта оқып шығуды тағы бір ойлап қойдым. Мұнда айтылған дүниелерді бойға сіңірмей болмайды. Интернеттен орыс әйелдерінің жазған пікірлерін оқып, бір күліп алдым. Олардың ішінде кітапты ұнатқандар да бар, керісінше "Бұл кітап әйелді ер адамға қызмет етуге шақырады, әйелдің бағасын түсіреді" деген секілді айқайлаған пікірлер де кездеседі екен. Ал маған кітап Ислам құндылықтарын насихаттай отырып жазылғандай көрінді. Өйткені біздің ер адамдарымыз ең үлкен құрметке лайық емес пе, иә, қыздар? ;] Оларға қызмет ете жүріп біз де өз бақытымызды, орнымызды табамыз ғой! Әсіресе, қазақ жігіттерін барлық мәртебеге лайық деп есептеймін.

🌺 ҰНАТҚАН ЦИТАТАМ:
🍀 Кого мы должны менять, так это самих себя.
🍀 Не нужно рассматривать никого под микроскопом.
🍀 Чтобы найти радость в работе, делайте ее хорошо.
🍀 Хорошие советчики - это люди, всегда мыслящие позитивно.

🌺 КІТАПТЫ ҚАЙДАН АЛУҒА БОЛАДЫ?
Электронды нұсқасы әдеттегідей 👇 . Қағаз нұсқасын маған осы кітапты сыйлаған @nazerke_ghani парақшасынан тапсырыс беріп, сатып ала аласыздар. Бұл кітаптың әр қызда қайталап оқып тұру үшін қағаз нұсқасы тұруы керек деп ойлаймын.

Ойымызға ой қосатын кітапты ғана оқиық! Кітапқа байланысты #сіздергесұрақ: Әйел адам отбасында қайтсе бақытты болады? Қалай ойлайсыздар?

#marfu_reads
#marfu_bookblogger
#Марфуғадан_кітап📚
#МарфуғаШапиян
#кітап #книги #book
#bookblogger
#ХеленАнделин
#Очарованиеженственности

#аптасына1әдет айдары:
⠀
Осы аптаның жаңа әдеті - КӨП ҚИМЫЛДАҢЫЗ🏃‍♀️
⠀
Цицеронның: "Бздің ерік-жігеріміз бен ақылымызды тек физикалық жаттығу қоректендіреді" деген сөзі бар. ХХ ғасырдың басына дейін адамдар көп қимылдайтын. Қазір оның бәрі азайды. Зерттеулер тұрақты түрде спортпен, дене жаттығуымен айналысатын адамға стресс жоламайтынын, депрессия айналып қашатынын айтып жатыр. Қысқасы, "Одна привычка в неделю" кітабы дене жаттығуының көөөп пайдасын айта келе "Двигайтесь" дейді.
⠀
Кітап авторы Бретт Блюментальдың физикалық жаттығу жасауға қатысты негізгі кеңестерін бере кетейін:
⠀
🍀 Аптасына үш рет қалай да дене жаттығуымен айналысыңыз.
🍀 Ең оңайынан бастаңыз. Басында 10 минут жүгірсеңіз, кейін 15-20 минутқа жеткізіңіз.
🍀 Жұмысыңыз кешке дейін отыратын болса да, кездесулеріңізді бақтарда ұйымдастырыңыз. Серуендеп жүріп, мәселеңізді шешіңіз. Үйге келе сала теледидар алдына жайғаспай, еден жуып немесе тамақ істеп жүріп көріңіз.
🍀Телефонмен сөйлескенде де, офистің ішінде ары бері жүріп сөйлесуді әдетке айналдырыңыз.
🍀 Лифттен гөрі баспалдақты қолданыңыз.
🍀 Көбірек жүріңіз. Жұмысқа бір аялдама бұрын түсіп қалып, жаяу барыңыз.
🍀 Досыңызға, құрбыңызға ұнайтын емес, өзіңізге ұнайтын жаттығуларды жасаңыз.
🍀 Физикалық жаттығулармен таңғы уақытта айналысқан тиімді.
🍀 Достарыңызбен бірге айналысыңыз. Сонда көңілді болады әрі тез жалығып кетпейсіз.
🍀 Жарыстарға, марафондарға қатысыңыз. Бұл деген үлкен мотивация береді.
⠀
Осы аптада көбірек қимылдап, жаңа әдет қалыптастыруға бүгіннен бастап кірісіп кеттім 😊Жаңа әдеттің есебін күнделікті сториімде айтып, көрсетіп тұрамын ғой.
⠀
Ал кім менімен бірге жаңа әдет бастауға дайын? 😉
⠀
#marfu_reads
#однапривычкавнеделю
#аптасына1әдет
#МарфуғаШапиян

​​Адам өмірінде оқылған да, болашақта оқылатын да кітап көп болар. Бірақ ерекше әсер ететін, мәңгілікке есінде қалып қоятын кітаптар сирек шығар. Ондай кітаптар маған әсіресе бала кезде оқылатын сияқты көрінеді.
⠀
Менің де есімнен кетпейтін, бала күнімде шексіз әсер сыйлаған бір кітап бар. Ол - Владимир Арсеньевтің "Дерсу Узаласы". Мен бұл кітапты қатты жақсы көрдім. Тіпті қайталап оқи беретін едім. Дерсу өлгенде әкемнің "Дерсуды қалаға әкелмеу керек еді. Сонда тірі болар еді" дегені есте қалыпты. Бірақ ол бәрібір өлетін еді ғой 😔 Біздікі сүйікті кейіпкерімізді өлімге қимағандық. ⠀
"Дерсу Узала" мені тайгаға ғашық етті. Жыл сайын қыста шанаға бұғы, ит жегіп, өркениеттің иісі де бармаған, саxа, якут, тува секілді ұлттар мекендейтін өлкеге неліктен барғым келетінін бүгін түсіндім. Онда да ойда-жоқта "Дерсу Узала" ойыма оралған соң. Қызық! Мен бұл кітапты ұмытып кеткем. Ал тайганы көрсем деген арман қалып қойған. Көкірегіміздегі талай арман-қиял осындай бала күнде оқылған кітаптардың жемісі шығар, бәлкім 🤔 Қалай болғанда да, керемет!
⠀
Ал сіздің бала күніңізде оқып, есіңізде ерекше қалып қойған қандай кітап есіңізде? 😊
⠀
#marfu_reads
#marfu_bookblogger
#марфуғадан_кітап📚
#bookblogger
#дерсуузала
#владимирарсеньев

​​#мен_оқыған_кітаптар
⠀
Мен еліктегім келетін адамды ұзааақ іздедім. Бір кездері ақындармен ауырдым. Абай, Мағжан, Мұқағали, Төлегендердің біраз өлеңдерін жаттап алып, айтып жүрдім. Сосын бір кездерде жазушыларға көштім. Мұхтар, Ғабит, Сәбиттерден бастап, Мағауин, Оралхандарға дейін ішінде еліктемегенім қалмаған шығар. Одан кейін бір уақытта әлемдік тұлғаларға қызыға бастадым. Ганди, Толстой, Черчилль, Мұхаммед Әли, Мандела... ой, тізсем кете береді. Ақыры не керек, олардың бәрінен кемшілік табылды. Тек жақсы жақтарын алып, өзімше кемшіліктеріне көз жұма қараған болдым.
⠀
Ал қазір, мен өзім еліктегім келетін, өзіме бүкіл жағынан да үлгі болатын кемшіліксіз адамды таптым.
☘️Ол - екі дүние сардары, адамзаттың ең асылы Мұхаммед (с.а.с.) пайғамбар!
☘️Ол (с.а.с.) көркем мінезді болатын;
☘️Ол (с.а.с.) аманатқа берік еді;
☘️Ол (с.а.с.) балажан болатын;
☘️Ол (с.а.с.) кешірімді еді;
☘️Ол (с.а.с.) мейірімді болатын;
☘️Ол (с.а.с.) жомарт еді...
⠀
Пайғамбарымызды жақсы көреміз дейміз 😊Ендеше Оған (с.а.с.) лайық құрмет көрсетіп, ораза ұстайық, тәһажуд намазына тұрайық, көөөөп, көөөп салауат айтып сәлем жолдайықшы! Онымен (с.а.с.) ақыретте Кәусар бұлағының түбінде кездесіп: "Я, РасулАлла! Мен Сенің (с.а.с.) үмбетіңмін ғой" дегім келеді жарқырап тұрып... ⠀
АЛЛА бәрімізді соған жеткізсін! Әмин!
⠀
Ал сіздер Нәбиімізге (с.а.с.) тән қасиеттерді "Ол (с.а.с.) осындай болатын" деген күйі комментпен жалғастыра беріңіздер! 😊
⠀
Пайғамбарымыздың өмірбаяны жазылған мына кітап әдеттегідей төменде ☺️
⠀
#marfu_reads
#marfu_bookblogger
#bookblogger
#Марфуғадан_кітап📚
#Мұxаммедпайғамбар
#Адамзаттыңасылтәжі
#Екідүниесардары
#ДамираӨмірзаққызы

​​#иманым_жиғаным💐 айдары:
"Я что, выгляжу как с Марса?" мен қолыма ұстап тұрған кітаптың атауы. Австралиялық орамалды қыздың жазғаны.
⠀
Рас, қазір бұрынғыдай емес, орамалды қыздарға көзқарас өзгерді ғой. Десек те, кей орталарда сені Марстан келгендей қабылдайтындар да жоқ емес 😊
⠀
Бір қауым бізді періште көреді. Күнә жасамайды, артық күлмейді, көп сөйлемейді деп ойлайды. Бізді кинодан көрсе шок. "Бұл да кино көреді екен ғой!" Боянып алсақ "Сендер де боянасыңдар ма не?" Шалбармен көрсе "Сендерге шалбар киюге бола ма?" немесе "Неге тек діни кітап оқымайсың?"... осылай кете береді. Біз тек жақсы дүниелер істейтіндей. Әрине, солай болуға тырасамыз. Бірақ ол үнемі қолдан келе бере ме? Біз де пендеміз ғой. Кемшіліксіз дін -Ислам, ал біздің кемшілік бастан асады емес пе? Орамалды қыздың кемшілігін дініміздің кемшілігіне балап, Исламнан алшақтамасаңыздар екен деймін 😊
⠀
Ал тағы бір қауым бізге жаны ашып, мүсіркеп қарайды. "Байғұс, миын әбден дін улап тастаған ғой. Ыстық күнде оранып алыпты" дейді көзі сөйлеп. Сондайда мен мына адам біздің іштей қалай бақытты боп тұрғанымызды білсе ғой деп ойлаймын. Айтсам сенбейсіздер ғой, бірақ орамалдың шынымен де бізді еш ыстықтатпайтынын, түк қолайсыздық тудырмайтынын, керісінше өзімізді қорғанышта сезінетінімізді білсе ғой деп ойлаймын. Кейде маңдайынан тері сорғалап, басынан күн өтіп қиналып тұрған құрбымның "түу, әбден ыстықтадың-ау" деген сөзіне, "жоқ, керісінше..." деп айтып түсіндіргім-ақ келеді. Бірақ сөзіме бәрібір сенбейтінін көремін де, "жоқ, бәрі дұрыс" деп жымия саламын 😊 Орамал - біздің таңдауымыз. Оны қай жерде, қай кезде тақсақ та, тек қуаныш, бақыт сыйлайтынын білсеңіздер екен деймін 😊
⠀
Тағы бір топ жек көріп, кәдімгідей ала көзімен атып қарайды. Тіпті көзіңді ала бере: "Қазақтың салт-дәстүрінен мақұрым ғой бұлар. Қазақта жоқты бастап оранып алғанын қарашы" деп сыртыңнан сыбап алып жатады. Ондайда да бүкіл қазақ тариxындағы қазақ әйелдерін тізіп қойып, әңгімелеп бергің келеді. Бірақ анаңдай адамға қалай бірдеңе дейсің? Қысқа юбкасы да, қызылды-жасылды шашы да, мына пікірі де, ол кісінің емес, Кеңес үкіметінің кінәсі ғой дейсің де, жүзіне кешіріммен қарайсың 😊
⠀
Жұма мүбәрак болсын!

​​​​#мен_оқыған_кітаптар

КОБО АБЭ. "ЖЕНЩИНА В ПЕСКАХ" 📚

Жапоншасын қайдам, бірақ орысша «Женщина в песках» дегеннен гөрі «Құм құрсауындағы әйел» деген тақырып адамды өзіне ынтықтыра түседі екен. Кітапты бастамас бұрын ұзақ ойландым… Құмда жүрген бұл не әйел екен, адасып кетті ме екен… әлде… қысқасы түрлі ойлар келді. Ал шығарма біткеннен кейін сәтті қойылған тақырыпқа еріксіз риза болдым.

🌺 НЕГІЗГІ ОЙЫ:
Өзім жаңадан танысқан Кобо Абэнің жазушылық шеберлігіне тәнтімін. «Құм құрсауындағы әйел» адамның ойына келмейтін сюжеттермен өріледі. Ники Дзюмпэй атты 31 жастағы мұғалім, этномолог, бір жұмбақ жәндікті іздеп жүріп, теңіз жағалауындағы құм ішінде орналасқан ауылға кез болады. Түнеп шығуға үй сұраған соң, бір шал оны үлкен шұңқыр түбіндегі үйге арқан саты арқылы түсіреді. Жалғыз үйдің тұрғыны күйеуі мен қызы құм көшкінінен қайтыс болған жалғызбасты әйел екен. Құм жөніндегі «әйелдің сауатсыздығына қорланған» Ники оған, оның тұрмысына жоғарыдан қарап, менсініңкіремей отырады. Бір түнеп шығып кетем деп ойлайды. Көкірекке орнаған қайран менмендік! Ертеңіне арқан сатының жоғаларын, өркениеттен ауылы алыс сол бір үйшікте, сол бір шұңқырда, өзі «сауатсыз» санаған әйелдің жанында мәңгілікке қалып қоятынын Ники байғұс сол сәтте білді дейсіздер ме?! Білген жоқ. Романды оқып отырған мен де білген жоқ едім, жоқ білдім ғой (роман басында Ники Дзюмпэй атты мұғалімнің із-түссіз жоғалғаны, арада 7 жыл өткеннен кейін табылмаған соң, өлдіге саналғаны айтылады), дұрысы сенген жоқ едім. Қалай сенемін?!

Таңертең ұйқысынан оянып, қайтуға жиналған Ники арқан сатынының жоғалғанын көргенде жанында мен де болдым ғой. Шұңқырдан шықпақ болып, қанша тыраштанса да, сусылдаған құмның сырғытып оны үйдің жанына әкеліп тастағанын оқығанда, оған тілекші болған едім ғой. Киімдерін қиып, арқан жасап, шұңқырдан қашып шығып, ауыл адамдары қайта ұстап әкелгенде, онымен бірге менің де жүрегім ауырған еді… Сөйткен адамның сол шұңқырда мәңгілікке қалып қоятынына қалай сенейін. Бірақ Ники қалып қойды… Күнде үнсіз, көнгіш әйелді құм ішіндегі өмірін тастауға үгіттеуші еді. Бірақ ол әйел басқа өмірге ұмтылмайтын да… Сөйткен әйелдің жанында қалды… Роман соңын жазушы тамаша аяқтаған.

🌺 БЕРЕТІН БАҒАМ:
10/10 Автор әлемдік мәселені көтереді. Адамның өмір сүрудегі мәні неде? Әйел сияқты көндігіп, өз шұңқырымызда өмір сүре береміз бе? Жоқ, Ники секілді күресіп көруіміз керек пе екен? Не істейміз достар, күрессек пе екен, көнсек пе екен?

🌺 КІТАПТЫ ҚАЙДАН АЛУҒА БОЛАДЫ?
Электронды нұсқасы әдеттегідей төменде. Қағаз нұсқасын еліміздегі кез келген кітап дүкенінен табасыз деп ойлаймын.

Ойымызға ой қосатын кітапты ғана оқиық! Кітапқа байланысты #сіздергесұрақ: Адам қамауда бақытты бола ала ма?

#marfu_reads
#marfu_bookblogger
#Марфуғадан_кітап📚;;
#МарфуғаШапиян
#кітап #книги #book
#bookblogger
#КобоАбэ
#Женщинавпесках

Өз оқыған кітаптарым туралы қоймай айтамын да, сіздерден сұрауды ұмытып кетемін 😊
⠀
Қандай кітап оқып жатырсыздар, достар? Мен телеграмға жіберіп жатқан кітаптардың пайдасы боп жатыр ма, өзі? Сол кітаптардың ішінен оқыдыңыздар ма? Әлде, менікі бос әурешілік боп жатыр ма? 🙈 Бір "әу" деп қойыңыздар, әйтпесе мұнда маған мотивация жетпей жатыр 😀

📖 - иә, пайдалы ғой, оқып жатырмыз.
😏 - бастысы каналыңды оқып жүрміз ғой.
⠀
#marfu_reads
#marfu_bookblogger

#жанымдағыжақсыадам❤️ Сіздердің көпшілігіңіз маған "Мотивация бересің, кітап оқуға ынталандырасың, саяxатқа қызығушылығымызды арттырасың" деп жазып жатырсыздар ғой. Ондайда жазбаларымның адамдарға пайдасы тиіп жатқанын ойлап, бір қуанып қаламын.
⠀
Ал сіздер маған мотивация беретін адамның кім екенін білесіздер ме? Мені қанаттандырып, маған үлгі боп жүрген жанның кім екенін білесіз бе?Ол - менің жан құрбым Назерке. Назеркемен осыдан 12 жыл бұрын университеттің бірінші курсында таныстық, бір курста оқыдық, бір бөлмеде тұрдық. Содан бері жұбымыз жазылған емес, Аллаға шүкір!
Сіздерге бір қызық айтайын, мені саяxатқа ынталандырған да осы Назерке. Студент кезде алғаш Шымкентке Назеркемен бардым, Ақтауды, Ақтөбені де Назеркемен көрдім. Кейін жұмыс істеген соң бұл саяxаттарымыз шетелге жалғасып жатты.
⠀
Спортты мүлде жек көретін жан едім, Назерке мені басында фитнеске сүйреп, ақырында марафонға алып келді 😀 Ол менің бәрібір бұзып қоя беретінімді білсе де дұрыс тамақтану туралы сағаттап лекция оқуға бар)) Мен кейде қарбаласып, достарды іздеуді ұмытып кетуім мүмкін. Бірақ ол ешқашан ұмытпайды. Үнемі іздеп, xабарласып, басымызды қосып жүреді. ⠀
Ал ең бастысы, Назерке - менің діндегі бауырым ❤️ Иман екеуміздің бойымызға қатар ұялады, намазды да шамалас бастадық. Содан да болар, ойымыз да әрқашан бір жерден шығады.
⠀
Назеркені менің ата-анам, бауырларым да қатты жақсы көреді. Тіпті танымайтын сырттағы адамдар да бірден ұнатып жатады. Ол оның көркем мінезінен болса керек.
⠀
Адам адамға жақсы көретінін айтып тұру керек дейді ғой. Әсіресе, жанымыздағы жақсы адамдарды бағалауымыз керек екен. Мен сені жақсы көремін, Назерке 😘 Екеуміздің достықты xазіреті Пайғамбарымыз (с.а.у.) мен Әбу Бәкірдің достығындай көремін. Әрине, оларға жетпеспіз, бірақ үлгі тұтуымызға әбден болады ғой, иә? ☺️
⠀
Айтпақшы, бүгін ютуб каналыма Назеркемен видео жарияладым. Екеуміздің бір-бірімізді қаншалықты жақсы білетінімізді сол жақтан көрсеңіздер болады. Сілтемесі міне:
https://youtu.be/fau24FMYIKY

ТЕЛЕГРАМҒА ЖІБЕРІЛГЕН КІТАПТАРДЫ ҚАЛАЙ ОҚУҒА БОЛАДЫ? 📚
⠀
Бұл маған соңғы күндері инстаграмда ең жиі қойылған сұрақтың бірі 😊 Барлығы аша алмай жатқандарын айтып жатады. Сондықтан жеке пост арнауды жөн көрдім.
⠀
Кітаптарды негізінен ePub немесе PDF нұсқасында жіберіп жүрмін ғой. PDF оңай ашылады, бірақ онымен телефоннан оқу маған қолайсыздық тудырады. Сондықтан салмағы да жеңіл, оқылуы да қолайлы ePub нұсқасын жиі қолданамын. Сіздерге де соны жіберіп жүрмін.
⠀
☘️ Егер телефоныңыз айфон болса, жіберілген кітаптардың ePub нұсқасын ашу өте оңай. Каналдан жүктеп аласыз да, телефоныңыздағы iBooks программасындағы кітапxанаңызға жинап қойып, сол жерден оқи берсеңіз болады.
⠀
☘️Егер телефоныңыз анройд системасымен жұмыс істесе, ePub нұсқадағы кітаптарды оқу үшін FBReader секілді программаны playmarketтен жүктеп алып, сонымен ашсаңыз, бірден ашылады.
⠀
☘️Ал электронды кітап қолданғыңыз келсе, поштаңызға жіберіп алып, кейін электронды кітсбыңызға көшіріп алсаңыз болады. Мысалы, менің электронды кітабымның өз поштасы бар. Кітапты бірден сонда жіберсем, ашыла береді. Сіздің де электронды кітапта сондай нәрсе болуы мүмкін. Қарап көріңіз 😉
⠀
Кітаптарды ашып, оқи алып жүргендер қолдарыңызды көтеріп қойыңыздар ✋️ Оқи алмай жүргендерге осы жазбам пайдалы болды деген ойдамын ☺️
⠀
#marfu_bookblogger
#кітап_лайфxак