#nazm

Odatiy hol – ko`z yoshim, Yuvib ketar quvonchim,
Qo`ying menga ishonmang, Oqlolmayman ishonchni.
Odatiy hol – omadim, Kulmas mening sira ham,
Qo`ying, menga do`st bo`lmang, Mening sodiq do`stim g`am.

Odatiy hol – uchrashib, Kulib quchoq ocharlar,
Do`stga dardim aytmayman, Aytmasimdan qocharlar.
Odatiy hol – ortimdan, G`iybat quvib yuradi,
Ichu bag`rim qon mening, Ko`zim kulib turadi.

Odatiy hol – parishon, Tunda shahar kezaman,
Demasangiz ham daydi, Nigohlardan sezaman.
Odatiy hol – onamning , Qo`li tolmas duodan,
Ko`nglimdagi yo Rabbim, Nima bo`lsa Xudodan.

#nazm

O‘zing uchun o‘l yetim dunyo, Sabr kuydi, holva pishmadi.
Hayot boshga solmas ne savdo, Eh! Kimlarga ishim tushmadi!

Hech tengi yo‘q aslariga ham, Obodu xor xaslarimga ham,
Har kas-u, nokaslarimga ham! eh,kimlarga ishim tushmadi,

To‘zib ketar boshlagan ishim, o'zib ketar bundan mish-mishim,
Qiyin bo‘ldi do‘stga yolchishim, eh, kimlarga ham ishim tushmadi,

Mehr kerak, dil ohim shudur, qadrdonlik dil mohim shudur,
Ishim shudur, gunohim shudur, eh, kimlarga ishim tushmadi.

Ingrab borsang ho‘ngrab qarshilar, quchoq ochsang yenglab qarshilar,
Topgunimcha sizni yaxshilar, Eh, kimlarga ishim tushmadi!

Kimlarga ham kimlardur kerak, o'yiningdan aylanay falak,
Meni kimlar kutmoqda demak, eh kimlarga ishim tushmadi....

❗️ Ehh....... Kimlarga ishim tushmadi, kimlarni kim desanggiz, ensam qotadi. Menam o'sha kimlarni kimligini bilmay hayronman, Ular, ular ko'ngli olis yaqinlarim, o'zimniki deb yurgan o'zgalar. Bilmadim, bilmadim xullas, bilolmadim ularni kimligini yoki men ularga kimligimni...... Dil aybdormi, dil ozormi bu ham noma'lum. Ehtimol, dunyoda odamning begonasi yo'q deyish mumkindur, begonasiraydiganlarni butkul unutib turib....
Ammo o'sha qo'shtirnoq ichidagi yaqinlaringdan ko'rgan dil jabrini butlash uchun yana kimlargadur ishing tushar ekanda..........
Bu bari emas, bu bori....
Darvoqe, bu kimgadur emas, negadur....... Nimadur degim keldi xolos, uzr omon bo'ling !


🔘 Tohir Mahkamov

#nazm

1982-yili Sh.Rashidov qabuliga kirish uchun navbat kutib o’tirgan A.Oripovning ushbu she’riga Erkin Vohidovning javobi shunday bo’lgandi:

(Abdulla Oripovga)
Bilaman, azizim, menga ham ayon,
Qumursqa zotining nadir tashvishi.
Arslonning boshida lek o'zga xayol
Qumursqalar bilan qanchalik ishi?!
Ular yeb bitirsa bizni beomon, Bilmam, kim g'am chekar, kim bo'lar mamnun.

Lekin qarsak chalib, kular u zamon, Arslonning yonida o'tirgan maymun.


Ha aytgancha, bu she’rni qo’shiq qilgan hofizni taniysiza ?

#nazm

Hayot aldovidan holi go'dak zot
So'rg'ichning onaning ko'ksi deb emur
Inqilob tufayli tug'ilgan avlod
Sal bo'lsa nomingni unutdi, Temur

Kimlarning qalbiga soldimu hadik
Besh yuz ilgari sen qozongan shon
Yetmish yil biz seni begona dedik
Yetmish yil qiynalib yashadi vijdon

"Qoloq Turkiston"- yozdilar, yozdik,
Birov eslamadi Ko'hna Turonni.
Yozuvni unutdik, unutayozdik,
Sendek buyuk san'at Sohibqironni

Ichki bir xo'rsinish bilan o'rgandik
Iskandar dovrug'ini, Faranglar harbin
Lol qoldik eshitib, huddi ko'rgandek
Pyotr birinchining, qlichin zarbin

Ey, Barlos elidan chiqqan mard o'g'lon
Yog'iy yo'lolmagan, o'tkir damingga
Sen tufayli qaytmish, tiriklik, iymon
Chingiz xarob qilgan Turonzaminga

Ey sen qonxo'r deya, daf olgan damon
Harbingla titratding yarim dunyoni
Qalbingni zabt etgan shuhratmidi yo?
Tobtalgan yurtingni, nomusi shoni.

Eshikdimki, kech-da qay bir yonida
Yaxshilab yodgorlik lavhangni osmish
Yo'qotgan farzandin topgandek onadek
Xalqing seni suyub bag'riga bosmish

Ulug' siymong, aqlin ayladi asir
Senga joy bo'shatdim qalbim to'ridan
Derlar ko'r hassasin yo'qtadi bir
Bobo, tinch yotaver endi qabringda

#nazm

Osmonlarga uzatdik qolni,
Yuraklarga to’ldi bir surur,
Tanlagandik bir mushkul yo’lni,
Oxir bizni o’ldirdi g'urur.

Bizga garshi jang qildi samo,
Boshimizdan yog'ildi qorlar,
Qishdan omon chiqqandik ammo,
Bizni qatil etti bahorlar……

#nazm

#nazm

KUNLARIM.......

To’qqiz oy yotmisham onam qorninda,
Ko’z ochib dunyoga kelgan kunlarim.
Tetapoya bo’ldim onam qo’linda,
Ilk bor kulsam, onam quchgan kunlarim.

Birimda bilmadim yaxshi-yomonni,
Ikkimda tanidim ota-onamni,
Uch yoshimda Tangrim berdi zabonni,
To’rt yoshimda tosh otishgan kunlarim.

Beshimni o’tkazdim bahor-yoz bilan,
Olti yoshda quvalashdim g’oz bilan.
Yetti yoshda ishim bo’lmay siz bilan,
Sakkizimda tishim tushgan kunlarim.

To’qqizimda berdim Tangrim salomin,
O’nimda bo’ynimda Haqning kalomi,
O’n birimda tutdim dovot-qalamni,
O’qib-o’qib ma’ni ochgan kunlarim.

O’n ikkimda o’tdim o’n uch yoshimga,
O’n to’rtimda asar urdi boshimga,
O’n beshimda qizlar kirdi tushimga,
O’n oltimda qaynab-jo’shgan kunlarim.

Yigirmada maston-maston kezardim,
Yigirma beshda yovga o’qlar uzardim,
O’ttizimda otlar chopib, o’zardim,
O’ttiz beshda ters uchgan kunlarim.

Qirqimda quyilib, kosam to’lmisham,
Elligimda qo’lga tasbeh olmisham,
Oltmishimda pirga murid bo’lmisham,
Payg’ambar yoshi yashagan kunlarim.

Yetmishimda og’riq kirdi tizzamga,
Saksonimda g’ubor tushdi ko’zimga,
To’qsonimda xush qolmadi o’zimga,
Aql-xushdan judo bo’lgan kunlarim.

Yuz yoshga yetarsan, olarlar joning,
Kuzatib qo’yarlar, bicharlar to’ning,
Mahtumquli, hamroh bo’lsin iymoning,
Jon jasaddan ayro chiqqan kunlarim.

Izlaganlar, bizni sahroi balodan izlangiz,
Vodiyi hijron ila dashti balodan izlangiz.

Vomiqu, Farhod, Majnundeklar ul vodiy aro
Bo’lsalar paydo, meni ham ul arodan izlangiz.

Nuqta yanglig’kim, vafo uzra qilur kotib raqam,
Ishq o’tining dog’ini ahli vafodan izlangiz.

Og’zi shavqidin Navoiy etti, oni izlar el,
Yo Adam dashtida yo mulki fanodan izlangiz.….

#nazm

Dunyo senu mendan qolmog’i ayon,
Bizdan so’ng boshqalar bo’lmog’i ayon.
Tanamiz tuproqqa qo’yilgach shu on,
Yana dunyo nomini olmog’i ayon.

Bozorga o’xshaydi asli bu dunyo,
Bozorga o’xshaydi so’z ham ma’ni.
Ikkisi ichra ham ko’rmadim aslo,
Molim yomon degan kimsani ammo.

Umr ham o'tadi gulduros solib,
Uning qaytganini kim ham ko'ribdi?
Vo ajab, qay bir zot, o'z umri qolib,
Mening qadamimni o'lchab yuribdi...

Nasabi past nomardga o’rgatsang agar,
O’rgatganingdan so’ng ko’zingni o’yar.
Sidqidildan xizmatni qilsang mabodo,
Seni nodon deb ustingdan kular.
Bunchalar razillik qilmasa ham u,
Yaxshilab ostingga sovuq suv quyar.

Beburd birov qilgan yaxshilikni “men qildim” deydi,
Nokas nuqul mardni risqini yeydi.
San’atkor bo’lsachi agar u beburd,
Birov qilgan qo’shiqni “meniki” deydi.

San'atkorlarda bor bir ajib naql,
Ne bo'lsa ham o'z qo'shig'ing aytganing ma'qul.
Birovlar qo'shig'in aytibolqish olguncha
Botqoqda qurbaqa bo'lib sayraganing ma'qul

Qirq yilda bir yigit kelar dunyoga,
Yigit yuzin yerga qaratma falak
Yer chizib qolmasin xalqin qoshida,
Bo'lar bo'lmas ishga qilmagin halak

#nazm

Oqar daryoga ham kimdir band bergan
Hayot kimga asal, kimga qand bergan,
Sarkash deb ey do'stim koyima meni
G'anim senga emas menga pand bergan.

Tinglang Tinglang bu abadiy Sado bo'ladi
Gadoni dushmani gado bo'ladi
Ikkisin bir-birin tugatguncha to
O'rtada bu Dunyo Ado bo'ladi

G'iybatchining Mish-mishidan ranjimang aslo
Nima bo'lsa asli naslida bo'lgan
Onasin qornidan o'zi ham hatto
Turli mish-mish bilan dunyoga kelgan

Deydilar it hurar, o'tadi karvon,
Ranju malomatda yonmasin joning,
Lekin alam qilar bir umr giryon,
Itlar orasidan o'tsa karvoning.

Eshitib qoldim kimdir o'lganligim aytib shod yurganmish
Men o'lgan so'ng unga go'yo shuhrat kelganmish
Hey o'g'lon avvalo otingni chu de
Ajal seni meni tanlab turmasmish ne

Shuhrat degani bu ko'rinmas bir ot
Minsang yulduzlar ham qo'lingda turar,
Chavandoz mingan so'ng hushyorroq o'tir
Ostingda minglab chuqur ko'rinmay turar

Yo'limni to'sma ey ko'ngli qora zot
Nahot bo'ronni ham yo'lin to'ssalar
So'ngra alam bilan ko'tarma faryod
Qurgan kapachangni buzib ketsalar.

Biz ham yuksaklarga tikkandik ko'zni
Bizda ham bor edi matonat, bardosh
Arslon chorlagandi qoshiga bizni,
Lekin qumursqalar bo'ldi safardosh.

Jami tiriklikka ayon bu xatar
Qumursqa yaralgan yoppa talarga,
Do'stim alam qilar arslon bexabar
Yem bo'lib ketsak shu qumursqalarga.

Burgut yashash kerak bo'lgan cho'qqida
Chittak ucib yurar - bunga ne sabab?
Bulbulning makoni gulzor ichinda,
Qarg'a sayrab yurar - bunga ne sabab?

Tulporlar ichinda birinchi bo'lib
Hangrab o'tib ketdi bir nars ajab.
Barchadan so'radim bu ish sababin
Barcha jim soqovday qotgan vo ajab

Hey o'g'il, Hey o'g'il haddingda tur,
Otang sani sotganda ham
Inchinun mushfiq onangni so'zlari botganda ham

Otaga tik boqma imoning saqla
Farzandsan sen doim burchingni oqla
Otaga cho'p otsang kun o'tib bir kun
Farzanding senga tosh otmog'i mumkin

Kimki ota ham onani ursa,
Uxlasinu ko'zi yumuq uyg'onsin
Kim urf-odatin, sanatin sevmasa
El ichida tulki shaqol nomini olsin

Allomalar so'zin aytdim sizlarga
Manolarin ulab bir bir sozlarga
Agar og'ir botsa uzr ey dostim
Songra malomatlar otmang bizlarga

Malomat otsang ham o'sha o'shaman
Tursangda yotsang ham o'sha o'shaman
Ortimdan sudralib yetolmay hurib
Botqoqqa botsang ham o'sha o'shaman

#nazm

FARZAND

Bir kuni ranjitdi otani farzand,
Ota o‘z uyidan bosh olib ketdi.
Lekin Alloh mehri bo‘lib sarbaland,
Ota Makkatulloh vasliga yetdi.

Ota fig‘on chekdi Ka’ba qoshida,
Go‘yo unut bo‘lgay alamlar bari.
Najot charx ursa ham garchand boshida,
Sira ketolmadi bir gapdan nari.

Ka’baga sig‘inar ekan keksa chol
Armonin oshkora aytdi olamga.
Dedi:-Ibodatim bo‘lsa ham uvol,
Faqat saodat ber o‘sha bolamga.

#nazm

#nazm

Mehmonxona Terassasidan Kalta Minor va Buxoro arkiga qarab bir forscha nimalardur yozgim keldi :

Agar on turki sherozi ba dast orad dili moro,
Ba xoli xinduyash baxsham Samarkandu Buxororo.

————————————————
Agar ko‘nglimni shod etsa o‘shal Sheroz jononi,
Qaro xoliga baxsh etgum Samarqandu Buxoroni.

#nazm

Bu dunyodan sarosat, yurib yelib o'tayapmiz
Ko'rinib tur birodar, uzoqlashib ketayapmiz

Goh qochgani burilib, goh borgani erinib
Yaqin kabi ko'rinib, uzoqlashib ketayapmiz

Jigarlarim opichib, birga o'sdik chopishib
Endi eshik yopishib, uzoqlashib ketayapmiz

Yaxshi kunda bilgina, kelmaganam kimgina
Og'ir kunda jimgina, uzoqlashib ketayapmiz

#nazm

Xar ishki bir kuni ayon buladi
Olloh dargohida bayon buladi
Bu dunyo shundayin ajab dunyodir
Ilonning bolasi ilon buladi,
Chayonning bolasi chayon buladi...........

Nogoh bag'ri diling tilding birodar
O'z holingga uzing kulding birodar
Achchiq xaqiqatni bilding birodar
Ilonning bolasi ilon buladi,
Chayonning bolasi chayon buladi

Hamisha ayla yod yetti pushtingni,
Yerdan chiqdingmiyo ko'kdan tushdingmi?
Yuragingni siqma, siqma mushtingni,
Ilonning bolasi ilon buladi
Chayonning bolasi chayon buladi.............

Har quchoq ochganni oshnoga olma
Har qoshi kamonni layloga olma
Har yaxshi yomonni parvoga olma
Ilonning bolasi ilon buladi
Chayonning bolasi chayon buladi.............

#nazm

Ja yaxshisan o’zing ham, Yomonni yomonlama.
Menga qara ey odam, Zamonni yomonlama.
Porlab turar ilmi g’ayb, Chorlab turar ilmi g’ayb,
Ucholmasang kimda ayb? Osmonni yomonlama.

Muzdirsan yo cho’g’dirsan, Balki bilgan yo’qdirsan.
Otang otgan o’qdirsan, Kamonni yomonlama.
O’z-o’zingdan bitdingmi, Birdan ko’kka yetdingmi,
Boshoq bo’lib ketdingmi? Somonni yomonlama.

Ilik qoqib yeb bugun, Iligim to’q deb bugun,
Cho’ntagi yo’q deb bugun, Choponni yomonlama.

Ey odamzod zuryodi, Tasodifning bunyodi.
Zamon – xudoning oti, Zamonni yomonlama!

#nazm

Bu majlisda o'tirganlar muhabbatga yaqinlardur,
Aqil boshin yetirganlar muhabbatga yaqinlardur.

Bir oshiq hastadan so'ylab, pokdanda hastadan so'ylab
Anga ko'z yoshin to'kanlar, muhabbatga yaqinlardur

Nay kabi nola qilganlar, qurbonliqqa bosh qo'yganlar,
Ka'bani birga qurganlar, muhabbatga yaqinlardur.

Bu majlisda o'tirganlar, muhabbatga yaqinlardur...

Masih men deb tug'ulganlar,
Buroq otini minganlar, muhabbatga yaqinlardur

Tili ko'zgusiz-da har dam, Visol bazmin qurib bekam,
Falakka ohi yetkanlar, muhabbatga yaqinlardur.

Visolga yetmagandan ayt, ahdidan qaytmagandan ayt,
Anga voh deb yiqilganlar, muhabbatga yaqinlardur.

Bu majlisda o'tirganlar, muhabbatga yaqinlardur........

Haq deya kuyla ey oshiq, Vale tingla desin ma'shuq
Ki bundoq nola qilganlar, muhabbatga yaqinlardur.

Bu majlisda o'tirganlar, muhabbatga yaqinlardur........

Yana bir bor MUSTAQILLIK muborak azizlar!

Yurt Qadri.

Darbadar kezmasa kim yurt qadrin bilmas emish,
Musofir bo‘lmaguncha musulmon bo‘lmas emish.

Toma-toma ko‘l bo‘lur deganlari rost ekan,
To umrbod uqmasa kim aqli ham to‘lmas emish.

Vatan tuprog‘iga bosh qo‘ymaguncha xasta ham,
Hayotdan umid uzmay – jon taslim qilmas emish.

Sidqi dil zahmat birla baxt tomon ochmasang yo‘l,
O‘zgalar soyasinda toleying kulmas emish.

Mushkulni chetlab, cho‘chib, osonni ko‘zlama hech,
El ishidan qochsa kim obro‘yi qolmas emish.

Manmanlar ko‘kka sapchib, shunchalik ketar tuban,
To dakki yemaguncha o‘ziga kelmas emish.

Imon-e’tiqod ila Vataningni sev, Barot.
Inson zar, dunyo bilan baxtiyor o‘lmas emish

Barot Isroil
#nazm