መባዕ ማይክሮ ፋይናንስ እና ኤስድሮስ ኮንስትራክሽን፣ ንግድ እና ኢንዱስትሪ አ.ማ በጋራ ለመሥራት ተፈራረሙ፡፡

መባዕ ማይክሮ ፋይናንስ ተቋም ውጤታማ ለመሆን ከተለያዩ ተቋማት ጋር በትብብር መሥራት አስፈላጊ መሆኑን እንደሚያምን የተቋሙ ዋና ሥራ አስፈጻሚ ወ/ሮ አዜብ ማሞ በፊርማ ሥነ ሥረዓቱ ላይ ተናግረዋል፡፡ መባዕ ማይክሮ ፋይናንስ ማኅበረሰቡን የፋይናንስ ተጠቃሚ ለማድረግ የተቋቋመ ድርጅት መሆኑንም አያይዘው ገልጸዋል፡፡

የኤስድሮስ ኮንስትራክሽን ንግድ እና ኢንዱስትሪ አ.ማ ዋና ሥራ አስፈጻሚ አቶ አንተነህ ፈለቀ በበኩላቸው ተቋሙ ከ29 በላይ የትምህርት ቤት ቅርንጫፎችን በመክፈት ተደራሽነቱን እያሰፋ እንደሆነ ገልጸዋል። በተጨማሪም ከተጠቀሰው ሴክተር ጎን ለጎን እንደ ሪል እስቴት ልማት ባሉ ሌሎች የንግድ ሥራዎች ላይም እየተሳተፈ መሆኑን በማብራራት ከመባዕ ማይክሮ ፋይናንስ ጋር በጋራ ለመሥራት ያላቸውን ፍላጎት ገልጸዋል። የፊርማ ስምምነቱ በመባዕ ፋይናንስ ፋይናንስ ተቋም አ.ማ ዋና ሥራ አስፈጻሚ ወ/ሮ አዜብ ማሞ እና በኤስድሮስ ኮንስትራክሽን ንግድ እና ኢንዱስትሪ አ.ማ ዋና ሥራ አስፈጻሚ አቶ አንተንህ ፈለቀ በኩል ተከናውኗል፡፡

Follow Us

LinkedIn: http://www.linkedin.com/in/meba-microfinance-mfi
Twitter(X): https://x.com/MebaMfi1221
TikTok: https://www.tiktok.com/@mebamfi?is_from_webapp=1&sender_device=pc
Facebook: https://www.facebook.com/profile.php?id=61563911902938
Telegram Group: https://t.me/mebamf
Telegram Channel: https://t.me/mebamfisc

መባዕ ማይክሮ ፋይናነንስ እና ቅኔ ኮንሰልቲንግ ኃ/የተ/የግ/ማኅበር በትብብር ለመሥራት ተፈራረሙ

መባዕ ማይክሮ ፋይናንስ እና ቅኔ ኮንሰልቲንግ ኃ/የተ/የግ/ማኅበር በተለያዩ ጉዳዮች ላይ በጋራ ለመሥራት የሚያስችል የስምምነት ሰነድ ተፈራርመዋል፡፡

የመባዕ ማይክሮ ፋይናንስ ዋና ሥራ አስፈጻሚ ወ/ሮ አዜብ ማሞ በፊርማ ሥነ ሥርዓቱ ላይ እንደተናገሩት የመባዕ ዋና ዓላማ ሁሉንም የማኅበረሰብ ክፍል አካታች የሆነ የፋይናንስ አገልግሎት በማቅረብ ተጠቃሚ ማድረግ መሆኑን አንስተው እንደ ቅኔ ኮንሰልቲንግ ያሉ ጠንካራ ድርጅቶች ጋር በጋራ መሥራት ተጨባጭ ውጤት የሚያመጣ ወሳኝ እርምጃ ነው ብለዋል፡፡ አያይዘውም መባዕ ማይክሮ ፋይናንስ በቀጣይ ከተለያዩ ድርጅቶች ጋር አብሮ በመሥራት የሕብረተሰቡን የፋይናንስ አገልግሎት ተጠቃሚነት የሚያሳድጉ በርካታ ሥራዎችን ማቀዱን ጠቁመዋል፡፡

የቅኔ ኮንሰልቲንግ ኃ/የተ/የግ/ማኅበር ማኔጂንግ ዳይሬክተር አቶ ተስፋ ጥሩነህ በበኩላቸው ድርጅቱ የንግድ ማማከር፣ ተቋማት የማቋቋም እና የሥልጠና አገልግሎቶች የሚሰጥ ድርጅት መሆኑን ጠቅሰዋል፡፡ ስለሆነም ከመባዕ ጋር በተደረሰው የጋራ ስምምነት መሠረት አብሮ ለመሥራትና ተግባራዊነቱ እና ውጤታማነቱ ላይ ቁርጠኝነት እንደሚያስፈልግ አንስተው ቅኔ ኮንሰልቲንግ ኃ/የተ/የግ/ማኅበር ለስምምነቱ ተግባራዊነት ቁርጠኛ መሆኑን ገልጸዋል፡፡

የፊርማ ስምምነቱ በመባዕ ማይክሮ ፋይናንስ ተቋም አ.ማ ዋና ሥራ አስፈጻሚ ወ/ሮ አዜብ ማሞ እና በቅኔ ኮንሰልቲንግ ኃ/የተ/የግ/ማኅበር ዳይሬክተር አቶ ተስፋ ጥሩነህ በኩል ተከናውኗል፡፡ የፊርማ ሥነ ሥራዓቱ የሁለቱ ተቋማት የቦርድ እና የማኔጅመንት አባላት በተገኙበት በመባዕ ማይከሮ ፋይናንስ ተቋም አ.ማ ዋና መሥሪያ ቤት ተከናውኗል፡፡